Balaod nga nagdeklarar sa Disyembre sa matag tuig nga”Anti-Corruption Month” gipirmahan ni Presidente Aquino

Ni Alfonso T. Ruda

DIPOLOG CITY, JUNE 1(PIA)---Gipirmahan ni Presidente Benigno Aquino III di pa lang dugay ang bag-ong balaod nga nagdeklarar sa Disyembre sa matag tuig nga “Anti-Corruption Month” sa tibuok nasod sa tumong nga makamugna ug kasayuran sa katawhang Filipinhon sa di-maayong epekto sa korupsyon.

Sa naandang press briefing sa Malakanyang niadtong Biyernes, si Deputy Presidential spokesperson Abigail Valte nagkanayon nga gipirmahan sa Hepe Ehikutibo niadtong Mayo 27, 2013 ang Akta Republika 10589 nga nagdeklarar sa Disyembre sa matag tuig isip ”Anti-Corruption Month” sa tibuok nasod.

Ang bag-ong balaod pagatawgon nga “Anti Corruption Month Act.”

Ang Akta nga mao ang hiniusang Senate Bill no.3376 ug House Bill no. 3005 pinal nga napasar sa senado ug sa kongreso niadtong Pebrero 4, 2013 ug Pebrero 5, 2013, sumala sa pagkakasunod.

Alayon niini, gimanduan ni Presidente Aquino ang tanang Pangulo sa mga ahensiya sa gobyerno, mga korporasyong gipanag-iya sa gobyerno  ug mga  Kagamhanang-lokal ug mga nagptrabaho sa pribadong sektor nga magpahigayon ug mga kalihokan nga maghatag ug kasayuran  sa katawhang-Filipinhon sa di-maayong epekto sa korupsyon.

“Ang ‘awareness campaign’ kabahin sa korupsyon dili lamang maghatod ug impormasyon kung unsang mga buhata ang naglangkob sa korupsyon kundili kung unsa usab ang buhaton sa katawhan nga mag-atubang ug korupsyon,” matod pa sa Presidente.

Ang Office of the Ombudsman mao ang ahensiyang gitudlo ni Presidente nga manguna sa koordinasyon.

Ang bag-ong balaod mo-epekto 15 ka adlaw human mapamantala sa dili moubos sa duha ka pamantalaan nga dunay kinatibuk-ang sirkulasyon.(ATR/PCOO/PIA9-Zambo Norte)

Aquino mipirma mga balaod pagmugna dugang mga korte

Ni Claro A. Lanipa

PAGADIAN CITY, 31 May (PIA) – Si Presidente Benigno S. Aquino III mipirma sa lima ka mga balaod ning Mayo 24 nga nagmugna ug dugang mga korte sa Pampanga, Rizal, Biohol, Cebu, Zamboanga Sibugay ug North Cotabato.

Giprimahan sa Presidente ang Republic Act 10582, usa ka balaod nga nagmugna ug unom (6) ka mga dugang sanga sa regional trial court sa third judicial region sa Angeles City sa Pampanga, nga nag-amendar sa Batas Pambansa 129 kon ang Judiciary Reorganization Act of 1980.

Gi-aprobahan usab sa Presidente ang Republic Act 10580 nga nagmugna sa lima (5) ka mga dugang sanga sa regional trial court sa fourth judicial region sa Morong, Rizal. Ang bag-ong balaod nag-amendar usab sa Batas Pambansa 129.

Gipirmahan usab sa Presidente ang Republic Act 10579 nga nagmugna sa dugang sanga sa regional trial court sa seventh judicial region nga nagbase sa Talibon, Bohol.

Ang Republic Act 10578 nga gipirmahan usab sa Presidente niadtong Mayo 24 nga nagmugna dugang duha ka mga sanga sa municipal trial court sa mga dakbayan ug pito ka dugang mga sanga sa regional trial court sa seventh judicial region nga nahimutang sa Lalu-Lapu-City sa Cebu.

Giaprobahan usab sa Presidente and Republic Act 10577 ang balaod nga nagmugna sa duha ka mga dugang sanga sa regional trial court sa ninth judicial region sa Ipil, Zamboanga Sibugay.

Republic Act 10576 ang gipirmahan usab sa Presidente aron sa pagbutang ug dugang sanga sa regional trial court sa 12^th judicial region sa Kidapawan City, North Cotabato.

Uban sa pag-aprobar sa mga bag-ong balaod, gilaoman ang Korte Suprema magbutang ug branch number sa mga bag-ong namugna nga mga sanga sa municipal ug regional trial courts.

Ang balaod nagmando sa chief justice sa Korte Suprema, uban sa koordinasyon sa secretary of Department of Justice (DOJ) aron sa diha-diha i-apil sa program sa korte ang implementasyon sa mga bag-ong balaod.

Ang gikinahanglan pondo alang sa pagtukod sa maong mga bag-ong sanga sa trial courts paga-apilan usab sa tinuig General Appropriations Act.

Ang mga balaod mo-epekto 15 ka mga adlaw human kini ma-imantala sa Official Gazette o kaha sa duha ka mga mantalaan nga adunay general circulation. (PND/CAL/PIA9)

Presidente Aquino mipirma pagkahimo ug balaod sa hiniusang balaodnon nga nagpalig-on sa Bureau of Corrections ug pagpanalipod sa nanag-unang katungod sa mga piniriso

By Gideon C. Corgue 

PAGADIAN CITY, May 31 (PIA) –-  Si Presidente Benigno S. Aquino III mipirma pagkabalaod sa hiniusa nga balaodnon nga nagtumong pagpalig-on sa Bureau of Corrections (BuCor) sa tinguha nga mapalambo ang hiniusang kaayuhan ug pagpanalipod sa nanag-unang katungod sa mga piniriso.

Ang hepe ehekutibo mitimaan ning Mayo 24 sa Republic Act No. 10575 (An Act Strengthening the Bureau of Corrections (BuCor) and Providing Funds Thereof nga gitwag ug “The Bureau of Corrections Act of 2013″.

Ang balaod mao ang paghiusa sa House Bill 6887 ug Senate Bill 3335 nga giduso ngadto sa ubos balay-balaoranan ug sa senado niadtong Pebrero 5, 2013 ug Pebrero 6, 2013.

Si Presidente Aquino nagkanayon nga kini ang polisiya sa nasud pagpalambo sa hiniusang kaayuhan sa tanan ug pagpanalipod sa nanag-unang katungod sa sa matag-piniriso nga gibilanggo national penitentiary sa nasud. 

Ang nasud usab ang-ila sa iyang responsibiliad pagpalig-on sa kapabilidad sa kagamhanan nga nagtumong sa pagpatuman sa epesyente ug batid nga correctional services, matud pa sa Presidente.

Ang maong balaod nagtinguha sa pag modernize, professionalize ug pag-restructure sa BuCor pinaagi sa pagpauswag sa iyang mga kasangkapan, pagpauswag sa gidaghanon sa iyang mga kawani, pagpataas sa level sa qualifications sa ilang mga kawani ug pag-standardize sa ilang sweldo, retirement ug uban pang mga benepesyo nga makapuswag sa Bureau of Jail Management and Penology (BJMP).

Ilawom sa maong balaod, ang BuCor mao ang in charge sa safekeeping ug pagpatuman sa reformation programs ngadto sa mga national inmates nga gihukman nga mabilanggo sobra sa tulo ka tuig.

Ang pagtipig sa mga binilnaggo naglakip sa pagtanyag ug desente nga tuluganan, pagkaon, tubig ug mga bisti pinasikad sa gipatuman nga United Nations standards. Ang seguridad sa mga binilanggo ang paahimoon sa Custodial Force nga naglangkub sa Corrections Officers nga adunay ranking system ug salary grades susama sa ilang counterpart sa BJMP. (GCC/PCOO/PIA,Pagadian City) 

DOH, Zuellig foundation mipirma MOU alang sa health leadership ug governance program

Ni Claro A. Lanipa

PAGADIAN CITY, 30 May (PIA) – Ang Department of Health (DOH) ug Zuellig Family Foundation (ZFF) mipirma’g usa ka Memorandum of Understanding (MOU) ning bag-o lang  aron sa pag-implemntar sa tulo ka tuig nga programa gitumong sa pagtubag sa mga hagit ug kakulangon sa lokal nga sistema sa panglawas sa nasud.

Ang “Health Leadership and Governance Program (HLGP)” pagalangkoban sa 15 ka mga rehiyon, 54 ka mga probinsya, 549 ka mga lungsod ug 60 ka mga siyudad sa tibuok nasud.

“Ang DOH miila sa importansya sa maong programa aron makab-ot ang maayong resulta sa panglawas sa mga kagamhanang lokal; busa gimugna kining hiniusang programa sa DOH ug ZFF,” miingon si Health Secretary Enrique Ona.

Kining public-private partnership gitumong sa pagpalig-on sa health leadership ug governance sa 609 ka mga napiling lungsod ug siyudad nga giila sa National Anti-Poverty Commission.

Ang istratehiya pangkalamboan niini nagbase sa ZFF’s Health Chance Model”, usa ka sistematikong traspormasyon sa lokal nga sistema sa panglawas nga magsugod pinaagi sa pagpauswag sa lokal health leadership padulong ngadto sa mas maayong sangputanan.

Ang programa molungtad gikan sa 2013 hangtod 2016 ug gilaoman ang implementasyon sa probinsyal ug munisipal magsugod human sa 2013 nga eleksyon.

Uban sa tuyo ug tumong sa pagpabuyo sa mga bag-ong napiling mga opisyal ug, subay sa panan-aw sa Foundation aron sa pagduso sa health leadership ug governance, gipalig-on usab sa Foundation ang pagkaabag tali sa Department of Interior and Local Government – Local Government Academy.

Ang pagkasagabay gitumong sa pag-apil sa health leadership ug governance module ngadto sa NEOs Orientation Program aron sa pagdasig sa mga bag-ong napiling opisyales nga hatagan ug unang pagtagad sa maternal and child health & nutrition sa ilang Executive & Legislative Agenda nga maoy mosilbing abut sa NEO program.

“Pinaagi niining HLGP, malaumon kita nga ang paghatag ug gahum sa mga hepe ehekutibong lokal ug municipal health workers makapalambo sa hingpit ang sangputanan sa panglawas sa atong katawhan,” gitapos sa hepe sa panglawas. (PCOO/PIA/PIA9)

Balaod nga magmugna ug dugang hukmanan, mag-amendar sa Family code, gipirmahan ni Presidente Aquino

Ni Alfonso T. Ruda

DIPOLOG CITY, MAYO 30(PIA)--- Gipirmahan di pa lang dugay ni Presidente Benigno Aquino III ang Akta Republika nga magmugna ug dugang hukmanan sa Pilipinas ug mag-amendar sa “Family Code Establishing the Liability of Absolute Community or Conjugal Partnership for an Obligation of the Spouse who Practices a Profession  and the Capability of Either Spouse to Dispose of an Exclusive Property,” matod pa ni Deputy Presidential Spokesperson Abigail Valte.

Sa press briefing sa Malakanyang, gipahayag ni Valte nga gipirmahan na ni Presidente Aquino ang Akta Republika 10562 ug 10571 nga nagmugna ug hukmanan sa pipila ka lugar sa nasod.

“Una, gumikan sa 10571 ug 10562, duna na kitay hukmanan sa Paniqui, Capas, Concepcion, Tarlac, (sa lalawigan sa Tarlac); sa Digos sa Davao del Sur; ingon man sa Pasig(Metro Manila); Urdaneta, Pangasinan; Antipolo, Rizal; Biñan, Laguna; Cebu City ug Bais, Negros Oriental,” matod pa ni Valte.

Midugang pa si Valte nga gipirmahan usab ni Presidedente Aquino ang Akta Republika 10572 nga nag-establisar sa Liability of the Absolute Community or  Conjugal Partnership for an Obligation of the Spouse who Practices a Profession and the Capability of Either Spouse to Dispose of an Exclusive Property.

Sumala pa ni Valte, ang bag-ong balaod mag-amendar sa Article 73 ug 111 sa Orden Ehikutibo no. 209 nga naila isip Family Code of the Philippines nga nagtudlo sa hukmanan nga mosuta kon duna bay basehan ang pagsupak sa kinsa man sa magtiayon nga supakan ang pagpraktis sa usa ka lehitimong o lain pang mga propiyedad ug paghatag ug pagtugot sa kinsa man sa magtiayon nga moprenda, o mobaligya sa nasangpit nga  propiyedad.

“Busa, si kinsa man sa magtiayon dili na kinahanglang mananghid pa sa iyang bana o asawa aron magpraktis sa iyang propisyon. Apan kon dunay panagsumpaki kabahin niini, mahimong mosulod ang korte aron modeterminar kon duna bay basehan ang pagsupak sa bana o asawa,” matod pa ni Valte.

“:Karon, kung nakabenepisyo ang pamilya sa kita sa maong pangita o propisyon nga gisupakan sa asa man sa bana ug asawa, mahimo na dayong ihapak ang benepisyo ngadto sa propiyedad sa komunidad. Kung walay misupak, ug mipahimulos una, dayon misupak, dan, ang benepisyo adto na ihapak sa laing propiedad sa magtiayon diha sa nasangpit nga komunidad,” matod pa niya.

Matod pa ni Valte, ang kausaban sa Article 111 sa Family Code gihimo aron ipakita ang kausaban sa nasangpit nga balaod.(ATR/PCOO/PIA9-Zambo norte) 

Balaodnong maghatag ug 75 porsiento nga diskwento sa mga centenarians, gi-veto ni Pres. Aquino

Ni Alfonso T. Ruda

DIPOLOG  CITY, MAYO 29(PIA)--- Si Presidente Benigno Aquino III mi-veto sa hiniusang balaodnon sa kongreso ug senado nga maghatag ug 75 porsiento nga diskwento sa mga centenarians, uban ang pag-ingon nga makakuha kini ug dako sa ginansiya sa mga negosyante ug magresulta sa pagkalugi sa ilang puhonan, matod pa sa usa ka Opisyal sa Palasyo.

Sa regular nga press briefing sa Malakanyang niadtong Martes, si Deputy Presidential Spokesperson Abigail Valte mipahibalo sa mga sakop sa media nga gi-veto sa Hepe Ehikutibo niadtong Mayo 15 ang balaodnong“An Act Honoring and Granting Additional Benefits and Privileges to Filipino Centenarians.”

Sa iyang veto message, giila ni Presidente Aquino ang maayong katuyoan sa maong balaodnon, apan matod pa niya, ang 75 porsiento nga diskwento sobra ra kaayo sa kasagarang mark-up rate sa mga patigayon ug magtibhang ug dako sa ilang ginansiya nga magresulta sa pagkalugi sa puhonan sa mga negosyante, tungod kay wala man giingon sa maong balaodnon nga mahimo kining kuhaon gikan sa bayrang buhis  sa mga patigayon aron mabawi usab nila ang maong diskuwento.

“Dalaygon ang katuyoan sa maong balaodnon ug gipasabot usab kini  sa veto message sa Presidente nga gipadala sa duha ka Balay-Balaoranan. Ang sentro sa pagveto sa Presidente mao lang ang 75 porsiento nga diskwento sa mga pamalitong produkto ug serbisyo nga ihatag ngadto sa mga centenarians,” matod pa ni Valte.

“Kinahanglang balansehon ug maayo sa mga nangamahan sa maong balaodnon sa ilang pagduso niini ug balik tungod kay maayo man ang katuyoan niini.  Si Bureau of Internal Revenue Commissioner Kim Hinarez, kinsa mitambong sa gipahigayong pagdungog sa Committee level, nagpabiling mibarog nga ang 75 porsiento nga diskwento bug-at ra kaayo para sa mga negosyante ko dili kini makuha gikan sa buhis,” dugang pa ni Valte.

Ang Centenarian Bill mao ang usa sa mga balaodnon nga gi-veto ni Presidente Aquino.  Sayo niini, giveto usab sa Presidente ang Magna Carta for the Poor ug ang balaodnong magwagtang sa height requirement para sa mga pulis.(ATR/PCOO/PIA9-Zambo Norte)  

Presidente Aquino mibisita sa haya sa mga sundalong marines nga namatay sa enkuwentro sa Sulu tali sa grupong Abu Sayyaf

Ni Claro A. Lanipa

PAGADIAN CITY, 29 May (PIA) – Mibisita si Presidente Benigno S. Aquino III ang haya sa pito ka mga Marines kinsa namatay sa Sulu ning  Sabado human sa nahitabong panag-enkuwentro tali  sa mga miyembro sa Abu Sayyaf Group (ASG).

Sa iyang pagbisita sa Philippine Marines Headquarters sa Fort Bonifacio, ang Presidente mitunol sa hinabang pinansyal  ngadto sa pamilya sa mga sundalo nga mikantidad sa P250,000 matag usa.

Matod pa sa Armadong Kusog sa Pilipinas (AFP) ang mga sundalo gikan sa 2^nd Marine Brigade, samtang ilang gigukod ang grupo sa Abu Sayyaf nga gitoohan naghupot sa asawa sa usa ka sundalong marine, naka-enkuwentro sila sa dakong grupo sa mga miyembro niini sa may alas 6:30 sa buntag, Sabado sa Tupay, Patikul, Sulu.

Ang pagbayloay sa bala milungtad sa kapin sa usa ka oras diin pito sa mga sundalong Marines, lakip ang usa ka tenyente ug siyam ka mga teroristang Abu Sayyaf ang namatay. Siyam ka mga marines ug napulo ka mga miyembro sa Abu Sayyaf ang nasamdan usab.

Dugtong pa sa AFP ang mga terorista mibiya human sa enkuwentro ug ang militar naglusad sa pursuit operations batok sa maong grupo.

Ang militar nagtaho nga mga helicopters ang gipadala aron sa pagbakwit sa mga sundalong samaran ug gihatod sa balay tambalanan sa Jolo, Sulu.

Ang mga sundalo nga naglambigit sa maong insidente nagpahigayon sa gitawag “route security” sa diha nahitabo ang panag-enkuwentro sukwahi kini sa unang taho sa kapulisan nga matod pa ang mga sundalo gi-ambush.

Ang  Abu Sayyaf, gitukod sa 1990s, ug nagpahigayon sa mga dakong pag-atake lakip ang pagdagit sa mga langyaw tawo. Ang grupo responsable usab sa mga nahitabong pagpamomba.

Gibanana sa militar ang ginsakupan niini mikabat sa 300, kasagaran nagbase sa habagatang bahin sa mga probinsya sa Pilipinas kon sa Sulu ug Basilan. (PND/CAL/PIA9)

Kagamhanan mosulbad sa kakulangon sa lawak-klasehanan, matud pa sa Malakanyang

By Gideon C. Corgue 

PAGADIAN CITY, May 29 (PIA) –-  Isip pagsunod sa mando ni Presidente Benigno S. Aquino III pagsulbad sa 66,800 nga kakulangon sa lawak-klasehanan ning tuiga, ang Department of Education (DepEd) ug Public Works and Highways (DPWH) ang nanguna pagsulbad sa maong kahimtang, ang opisyal sa  Malakanyang mipahayag ning Martes.

Sa press briefing, si Deputy Presidential Spokesperson Abigail Valte nagkanayon nga ang kagamhanan nakahibalo sa panginahanglan pagtapos sa kakulangon sa lawak-klasehanan aron pagpaabante sa kinaadman sa mga estudyanteng Pilipino pinaagi pagtanyag sa makatabang pagtuon nga palibot alang sa tanan.

“Atong gihatagan ug kasulbaran ang kakulangon sa lawak-klasehanan. Kita tanan ang nakahibalo sa kakulangon sa lawak-klasehanan gikan sa matag-tuig nga panginahanglanon nga gikinahanglan nga sulbaron. Busa kita ang adunay nagpadayon nga proyekto sa DepEd ug DPWH nga mosulbad sa kakulangon sa lawak-klasehanan,” matud pa ni Valte.

Gihatagan niya ug gibug-aton nga ang ang DepEd ug DPWH ang mi-aksyon pinaagi pagtukod sa dugang nga two-storey classrooms sa lalawigan ug sa Metro Manila.

“OO, kini ang gisulbad na ug kita ang naninguha nga maputol ang kakulangon sa mga lawak-klasehanan,” maud pa ni Valte.

Iyang naalinggatan ang pagkaabante sa kaayuhan nga gihimo sa kagamhanan ilawom pagmando sa Presidente nga pagsulbad sa kakulangon sa mga textbook ug school furniture.

“Sumala sa inyong nakita, gihisgutan sa Presidente ang kakulangon sa mga textbooks ang nasulbad na. ‘Ang kakulangon sa mga lingkuranan ug sa mga furniture ang nasulbad na usab,” matud pa ni Valte.

“Ug bisan sa mga dapit nga naigo sa bagyo sa Davao ug Compostela Valley, gisulbad na nato ang ilang panginahanglanon tungod kay adunay structures nga dili magamit tungod sa pagkagusbat niini sa bagyo,” dugtong pa niya. (GCC/PCOO/PIA,Pagadian City) 

Kagamhanan miuyon sa desisyon sa MILF pagporma ug political party – Malakanyang

Ni Claro A. Lanipa

PAGADIAN CITY, 28 May (PIA) – Miuyon ang administrasyong Aquino sa desisyon sa Moro Islamic Liberation Front (MILF) aron sa pagporma ug usa ka political party nga modagan sa umaabot nga eleksyon, matod pa sa usa ka opisyal sa Palasyo.

Si Deputy Presidential Spokesperson Abigail Valte mipagawas sa pamahayag atol sa gipahigayong regular nga briefing sa Malakanyang ning Lunes human nakadawat kini mga taho nga ang MILF nga gipangulohan ni chairman Al Hadj Murad Ebrahim, magporma ug usa ka partidong politikal aron magbutang ug kandidato para sa umaabot nga piniliay.

“Ang kagamhanan midawat sa planong politikal sa MILF alang sa 2016. Nasayod ang tanan nga ang road map padulong sa pagtukod sa Bangsamoro matapos sa 2016 ug, sabtan nato, ang MILF nagkinahanglan mag-andam alang niini ug maghimo sa mga gikinahanglan pagpangandam,” miingon si Valte.

Dugang ni Valte ang Kagamhanan sa Pilipinas (GPH) ug ang MILF determinado nga taposon ang implementasyon sa Framework Agreement on the Bangsamoro  panahon sa termino ni Presidente Aquino, ang bag-ong autonomous political entity nga maoy mohulip sa 23 ka tuig nga Autonomous Region in Muslim Mindanao, (ARMM).

“Nagtrabaho kita karon sa tulo ka mga annexes ug ang panel mohatag ug updates sa media kon naa na kini. Sa karon, ang duha ka partido determinado aron kompletohon ang implementasyon sa Framework Agreement on the Bangsamoro ug mga annexes niini sulod sa termino ni Presidente Aquino aron walay mabiyaan nga wala matapos nga mga buluhaton alang sa sunod nga administrasyon,” miingon si Valte.

Ang GPH ug MILF nagtrabaho karon aron kompletohon ang mga annexes sa Wealth sharing, Power sharing ug Normalisasyon, aron kompletohon ang komprehensibong  kasabotan sa kalinaw  pagtukod sa Bangsamoro. (PND/CAL/PIA9)