Kagamhanan nagtrabaho aron pagpauswag sa serbisyo sa MRT ug LRT services

Gideon C. Corgue

PAGADIAN CITY, Aug. 28 (PIA) – Ang kagamhanan nakatutok sa mga suliran sa Metro Rail Transit (MRT) ug Light Rail Transit (LRT) aron pagseguro sa mga maayong serbisyo ngadto sa mga commuters, ang opisyal sa Palasyo nagkanayon ning Miyerkoles.

"Mao kana ang hinungdan nganong giasikaso nato kini. Ang maintenance ang gitun-an pa. Nahuman na ang maintenance sa bag-o nga maintenance provider," si Presidential Spokesperson Edwin Lacierda nagkanayon sa press briefing sa Malakanyang.

"Nahuman na ang kontrata sa maintenance provider. Busa mao kini ang mga suliran sa DOTC (Department of Transportation and Communications) ug LRT."

Mipahayag usab si Lacierda nga ang LRT administrator ug MRT3 officer-in-charge nga si Honorito Chaneco has ang mipasabot sa kasamtangan nga sitwasyon sa MRT ug LRT atol sa hearing sa House of Representatives.

Usa ka LRT train ang nadaut sa Pedro Gil Station sa  Manila ning Miyerkoles Agusto 27 sa buntag samtang ang  MRT-3 ang misuspende sa operations sa hapon ning Sabado human nga ang communications system naguba.

Duha ka semana ang nakabalay, us aka depektoso nga MRT train ang nabangga sa barrier sa Taft Station nga nakasamad sa sobra sa 30 ka mga pasahero.  (GCC/PIA9-Zamboanga del Sur) 

Malakanyang naglaum nga ang kagamhanan ug MILF sa dili madugay mag-uyon sa Bangsamoro draft Law

By Gideon C. Corgue

PAGADIAN CITY, August 7 (PIA) – Ang Palasyo nagkanayon nga kini ang naglaum nga ang kagamhanan ug Moro Islamic Liberation Front (MILF) sa dili madugay mag-uyon sa gihimo nga Baaron nga ang tanan magpadayon nga giplano.

Si Presidential Spokesperson Edwin Lacierda nagkanayon sa press briefing ning Miyerkoles nga ang Palasyo gusto mahibalo kung ang gihimo nga balaod madawat sa matag sides.

Si Secretary Lacierda mikomento sa pamahayag nga gihimo ni House of Representatives Speaker Feliciano Belmonte nga ang Kongreso dili magkatagbo sa tagal sa Desyembre alang pagduso sa Bangsamoro Basic Law tungod sa pagkalangan sa iyang pagsumiti.

"Kita ang naglaum alang sa maayo. Ang atong pagsabot gikan usab kang Senador Frank Drilon mao nga siya ang nagtrabaho sa timetable niini sa dili pa ang Desyembre ngadto sa unang quarter sa sunod tuig," matud pa ni Lacierda.

"Atong gilauman nga mapadali ang proseso apan kini ang wala pa maduso ngadto sa Kongreso. Sila ang realistic ilabi na sa timetable," matud pa niya.

Iya usab naalinggatan nga ang matag-usa ang nakahibalo sa kamatuoran nga ang gihimo nga balaod mahinungdanon kung kini ang maduso sa Kongreso sa madali nga panahon alang sa paghisgot.

Dugtong pa niya nga bisan ug ang basic law maduso sa unang quarter sa sunod tuig, ang kagamhanan mohimo ug plebisito sa susama nga quarter ug ang Bangsamoro Transitional Authority mapahimutang na.

Ang sunod nga hagit mao ang paghatag kapasidad sa governance institutions ug governance resources sa Bangsamoro Juridical Entity ug kini ang hatagan ug dugang kamahinungdanon sanglit ang 2016 duol na.

Ang Presidente komitado sa pagpahigayon ug fair ug democratic elections sa Bangsamoro sa 2016. (GCC/PIA9-Zamboanga del Sur)

Presidente Aquino nangulo pagbukas sa photo exhibit sa 'Cory Story'

By Gideon C. Corgue

PAGADIAN CITY, August 6 (PIA) – Si Presidente Benigno Aquino III nangulo sa paglusad sa special commemorative photo exhibit nga nagpasundayag sa kinabuhi sa iyang mitaliwan nga inahan nga si Presidente Corazon “Cory” Aquino sa Glorietta Activity Center dakkayan sa Makati City ning Lunes.

Ang photo exhibit giuluhan “History and Her Story” nga gipasiugdahan sa Ayala Malls, PeopleAsia Magazine ug Tiger 22 nga nagpadayag sa kinabuhi sa mitaliwan nga democracy icon gikan sa iyang pag-eswkela ngadto sa iyang pagkaminyo sa mitaliwan nga si Senador Benigno “Ninoy” Aquino Jr. ngadto sa People Power Revolution ug giunsa niya paghulma ang kasaysayan sa Pilipinas.

Sa iyang pakigpulong, si Presidente Aquino nagpasalamat sa mga Ayala paglusad sa exhibit alang sa iyang inahan tungod kay ang maong kalihokan nagtabang pag-edukar sa batan-on nga henerasyon mahitungod sa kinabuhi sa iyang mga ginikanan.

“Pinaagi ning maong exhibit ug sa inyong mga estorya, ang mga wala makahimamat sa akong mga ginikanan ang makahatag ug kasayuran kung giunsa nila pagpuyo ang ilang kinabuhi ug nganong dako sila ug bili sa atong nasud,” maud pa niya.

Matud pa niya nga ang nasangpit nga okasyon nagpahinumdum sa mga sakripisyo sa iyang mga ginakanan isip maoy mga tinubdan sa kusog sa iyang pamilya ug sa katawhang Pilipino.

“Sila ang nagtabang pagpainit sa atong mga kasingkasing ug kalag nga natugot kanato nga atong ibalik-lantaw ang mga hagit ug pagsulay nga nasinati na  sa akong mga ginikanan. PInaagi niini, kita ang nakabaton sa makausa pa sa pagtuo nga samtang kita nagsunod sa ilang mga buhat, nga kita ang naghimo ug maayo sa kaayuhan sa atong nasud ug isigkatawo, makakita ta ug dalan aron malagpasan ang bisan unsa nga pagsulay,” dugtong pa niya. (GCC/PIA9-Zamboanga del Sur)

Palasyo mipahayag nga ang giplano nga 2015 national budget nagtumong paghatag benepessyo sa mga kabus

PAGADIAN CITY, August 4 (PIA) – Ang Palasyo ning Domingo mipahayag nga ang giplano nga 2015 national budget nagtumong alang pagpalambo sa milyones nga Pilipino gikan sa kawad-on.

“Ang nasudnong budget alang sa 2015 adunay tema nga “kaunlaran para sa lahat” tungody kay kini alang pagpa-uswag sa milyones nga Pilipino. Ato kining makab-ot pinaagi sa tukma nga paggamit sa pundo sa nasud,” matud pa ni Presidential Communication Operations Office Secretary Herminio Coloma, Jr., sa press briefing sa dzRB Radyo ng Bayan.

Si Presidente Benigno Aquino III mitaho atol sa iyang State of the Nation Address nga tubay sa annual poverty indicator sa National Economic and Development Authority aduna karon 2.5 milyones ang nakalingkawas sa kawad-on.

Dugang niini, ang 37.2 porsiyento 0 ang gidak-on sa P2.6 trillion nga giplano nga national budget ang alang sa social services sa kagamhanan kinsa alang sa education ug health sa katawhan.   

Matud pa ni Coloma nga ang administrasyong Aquino nagpatuman sa mga reporma gikan sa 2010 sama sa sayo nga pagduso sa giplano nga National Expenditure Program aron pagseguro nga ang General Appropriation Act (GAA) iduso sa dili pa matapos ang tuig.

“Layo kini sa  nakalabay diin wala maduso ang budget ug reenacted tanan ang budget nga ang ginamit nga basehanan pagasto sa nasud,” pagpasabot ni Coloma.

Ang Communications Secretary nakaalingat sa komento sa civil society advocacy group—ang Movement for Good Governance nga naglangkub sa mga pangulo sa tulunghaan dihang sila ang mipahayag nga: “Ang mga programa sa administrasyon pagpauswag sa pagdumala matinud-anon nga ilang gidawat. 

Ang kagamhanan nagpaakita sa iyang tinguha pagpadayon sa ‘tul-id nga dalan” pinaagi pagpapatuman sa mga reporma sa budgeting sama sa zero-based management, results-based performance management system, ug pagtanyag sa publiko sa halapad nga access sa impormasyon ilabi na kung giunsa ang budget paggasto.” (GCC/PIA9-Zamboanga del Sur)