Kagamhanan adunay epektibo nga contingency plan alang sa Korean Peninsula crisis, matud pa ni Aquino

By Gideon C. Corgue

PAGADIAN CITY, Abril 5 (PIA) –-Si Presidente Benigno S. Aquino III mihatag sa kaseguruhan ning Biyernes nga ang kagamhanan adunay bug-os nga emergency response plan kung ugaling ang gubat mahitabo sa Korean Peninsula sanglit ang kabalaka nagpadayon nga nagkataas sa rehiyon.

Sa interview uban sa mga tigbalita atol sa kalihokan sa Sta. Cruz, Laguna,  ang Presidente nagkanayon nga siya ang naglaum nga ang Pilipino community organizations sa South Korea nagtinambayayongay uban ang Philippine Embassy sa nasud nga hiusahon ang mga Pilipino kung adunay panginahanglan sa pagbakwit.

“Maayo ang atong pakigkutay sa atong embahada ug sa Filipino community didto. Nagkalain-laing grupo ang nag-andam ug planong pagbakwit kung ugaling gikinahanglan,” matud pa sa Presidente.

Sa samang higayon, ang Presidente nagkanayon nga ang kagamhanan sa Pilipinas ang nakighinabi usab sa laing nasud alang sa kasabutan sa temporaryo nga pinuy-anan kung ugaling adunay dinalian nga pagbakwit.

Ang Presidente nagkanayon nga si Foreign Affairs Secretary Albert del Rosario molupad ngadto sa South Korea karon aron nga mosusi sa mga pagpangandam sa kagamhanan alang sa posible nga dinalian nga sitwasyon.

Ang Department of Foreign Affairs ingon man ang intelligence services gimandoan usab nga motantiya kung ang hulga tinuod ba ug kung unsa ang kadaut nga mahatag niini, matud pa sa Presidente.

Apan ang Presidente mipuno sa pag-ingon nga wala siya nakadawat ug kasayuran mahitungod sa dako nga hulga Sa South Korea nga nagkinahanglan ug pagbakwit sa mga Pilipino.

Ang Presidente nakahinumdum nga sa South Korean island duha ka tuig ang nakalabay, adunay 50,000 nga mga Pilipino ang nagpuyo ug nagtrabaho sa South Korea. 15,000  ang nagpuyo duol sa demilitarized zone kay sa Seoul, nga nakahimo kanila nga nanag-una nga prayoridad sa kagamhanan panahon sa emerhensya. (GCC/PCOO /PIA9-Pagadian City)