PAGADIAN CITY, December 4 (PIA) –- Taliwala sa nagkauswag nga gidaghanon sa mga
Pilipino nga nataptan sa makamatay nga human immunodeficiency virus (HIV), ang Malakanyang
ning Lunes nag-ingon nga ang Department of Health (DOH) nagpahigayon sa iyang
paningkamot paghimutad sa sitwasyon.
"Ang DOH nagpadayon sa iyang pagmonitor sa sitwasyon pag-uswag sa gidaghanon sa mga kaso sa HIV," matud pa ni Deputy Presidential Spokesperson Abigail Valte sa press briefing.
Adunay kinatibuk-an nga 295 nga bag-o nga kasong HIV nga na-diagnosed sa
Oktubre, mokabat sa 48 porsiento kon ikumpara ngadto sa 200 nga nataho sa samang higayon sa nakalabay nga tuig.
Nagtumbok sa National Epidemiology Center statistics, si LPG-MA party-list Rep. Arnel Ty nagkanayon nga ang bag-o nga mga infections modala ngadto sa 2,761 ang kinatibuk-ang gidaghanon sa bag-o nga kasong HIV ang nadiskubrehan gikan sa Enero ngadto sa Oktubre, batok sa 1,869 sa samang napulo ka bulan sa 2011.
Matud pa ni Ty nga ang Philippine HIV and AIDS Registry nga nagsugod sa iyang passive surveillance sa maong sakit sa 1984, karon ang nakatala na sa gidaghanon nga 11,125 nga mga kaso diin 60 porsiento kon 6,701 nga impeksyon ang nahibaloan gikan sa 2010 pataas.
Ang HIV mao ang hinungdan sa Acquired Immune Deficiency Syndrome (AIDS) nga maoy mogusbat sa immune system sa lawas sa tawo. Ang maong sakit walay nakaplagan pa nga tambal sa kasamtangan, apan ang anti-retroviral treatments makapahinay sa nasangpit nga sakit.
Matud pa ni Ty ang mga kaso sa Oktubre naglakip sa 31 ka mga overseas Filipino workers (29 ka mga lalaki, duha ka mga babaye), kinsa tanan ang nakakuha sa virus pinaagi sa sexual contact, ug siyam ka mga tiggamit sa druga ang nataptan human sila nag-ambitay sa usa ka dagom.
Ang Philippine National AIDS Council nagpahimangno nga moabot sa 46,000 nga mga Pilipino ang ma-diagnose sa HIV sa 2015, hangtud nga ang paspas nga paglapnag sa makatakod nga sakit ang mapahunong. (GCC/PCOO/PIA,
