PNP gikinahanglan nga ipalig-on ang anti-illegal drug campaign human sa pagpatay nga nahitabo sa Cavite, matud pa sa Palasyo

By Gideon C. Corgue

PAGADIAN CITY, January 5 (PIA) –- Ang Malakanyang nagkanayon ning Biyernes nga ang pagpamusil nga nahitabo sa Cavite ang mopadali sa kapulisan pagpatuman sa ilang lig-on nga kampanya batol sa loose firearms ug illegal drugs.

Si Ronald Bae, usa ka drug addict ang namusil sa Kawit, Cavite ning Biyernes sa buntag ug mi-atake sa iyang mga silingan gamit ang kalibre 45 nga pistola. Walo ka tawo ang namatay ug siyam ang nasamdam sa maong pagpangatake.

Ang imbistigasyon sa kapulisan nagpamatuod nga si Bae ang anaa sa diwanhong gahum sa druga  dihang siya ang naghimo sa maong pagpamusil.

“Kini ang motanyag sa dugang pag-awahag sa atong mga opisiyal sa PNP (Philippine National Police) ilabi sa Region IV-A sa dugang pagpalig-on sa ilang kampanya batok sa illegal nga druga,” si Deputy Presidential spokesperson Abigail Valte miahayag sa interview sa radyo ning Sabado.

Ang opisyal sa palasyo misugyot nga ang PNP mosusi sa mga taho nga ang mga ginsakpan sa kapulisan sa Cavite ulahi nga mi-aksyon sa maong pagpamusil. 

Ang PNP sa national capital region nagpatuman sa duha ka minuto nga pagresponde sa iyang mga ginsakpan.

Si Valte milikay sa maong akusasyon nga ang pulitika maoy hinungdan sa pagkabalda sa epektibo nga trabaho sa pulis sa Cavite. Gikataho nga si Cavite Governor Jonvic Remulla mireklamo sa kakulangon sa kapulisan sa lalawigan tungod kay siya ang dili kaabig sa Presidente.

“Sa kahusay ug kalinaw walay pulitika. Kung si Governor Jonvic Remulla ang adunay mga suliran, seugro ako nga ang liderato sa PNP ang malipayon kaayo nga makig-alayon ug maminaw kaniya,” matud pa ni Valte.

Ang pagpamusil ning Biyernes nga nahitabo sa Barangay Tabon 1 sa Kawit, Cavite sa may alas 9:30 ang takna sa buntag. Ang suspetsado kinsa ang nagpaulan ug bala sa ang gipusil sa mga otoridad ug namatay alas 11:00 ang takna sa buntag. (GCC/PCOO/PIA,Pagadian City)