Palasyo mipasalig sa luwas, hapsay nga piniliay

Ni Claro A. Lanipa

PAGADIAN CITY, 05 Feb (PIA) – Mipasalig ang Malakanyang nga ang kagamhanan mogukod gayud sa mga politiko kinsa adunay pribadong armadong grupo samtang ang nasud nag-andam alang sa piniliay karon bulan sa Mayo.

Nagpadayon ang kampanya sa Philippine National Police (PNP) aron wagtangon ang mga private armed groups ug sa pagsikop sa mga loosfirearms aron ang umaabot nga piniliay mahimong luwas ug hapsay, matod pa ni Presidential spokesperson

Gitaho nga pipila sa mga miyembro sa Kongreso, ilabi na sa Zamboanga Peninsula, naghupot ug private armies ug ang  pagdagsang sa mga armas nga walay lisensya nagpabilin usa sa mga problema.

“Tinuod. Mga armas nga walay lisensya nagdagsang karon. Atong lig-onon ang seguridad nianang dapita,” miingon si Lacierda. “Atong gukoron nianang mga tawhana kinsa naghupot sa mga armas nga walay lisensya. Ang pagbungkag sa mga private armed groups mao usa sa mga mando ni Presidente Aquino. 

Ang PNP kinahanglan mogukod gayud sa mga private armed groups bisan si kinsa sila,” dugtong pa ni Lacierda.

Gimandoan sa Presidente ang PNP aron maseguro nga ang mga armas mabantayan ug ang gun ban kinahanglan  hingpit ipatuman ilabi na sa Zamboanga Peninsula.

“Walang gipaboran sa Presidente. Kon moingon private armed groups, dili ba ginadili man? Mao na ang sugo ni Presidente Aquino. Sa among tigum  pipila ka bulan ang milabay gipatin-aw sa Presidente nga ang private armed groups kinahanglan wagtangon gayud, miingon si Lacierda. (PND/CAL/PIA9)

'Hatol ng Bayan' magpadayag sa halapad nga coverage sa mga isyu sa eleksyon

By Gideon C. Corgue

PAGADIAN CITY, February 4 (PIA) –- Ang media outlets sa kagamhanan modala ngadto sa katawhan sa halapad nga coverage sa pinakabag-o nga isyu sa eleksyon sa nagsingabot nga Mayo 2013 nga piniliay.

“Ang pagpangandam sa Hatol ng Bayan,” nga pagadumalahon ni Mr. Alex Colet ug Ms. Pinky Aseron adunay maiden telecast sa Lunes, Pebrero 4 sa may  alas 3:00 ang takna sa hapon uban kang Ms. Aida Santos-Maranan sa WeDPro—usa ka kahugpungan sa kababayen-an isip dinapit nga mamumulong.

Ang Hatol ng Bayan usa ka oras ug tunga nga talk show nga magpaila sa mga dinapit gikan sa non-government organizations ug and government officials kinsa mohisgot sa ilang mga panahum sa pinakabag-o nga election issues gikan sa sistema sa pulitika sa Pilipinas, proseso sa piniliay ug voters' education.

Ang pasundayag nagtumong aron pagpahibalo, pag-educate ug paghatag gahum sa pumipili nga katawhan sa proseso pagpili ug pagdasig kanila pagbotar sa maalamong paagi.

Ang Hatol ng Bayan ipalanog sa kahanginan gikan sa Lunes ngadto sa Biyernes alas  3:00 ngadto sa alas 4:30 sa hapon.

Nakig-alayon sa Hatol ng Bayan mao ang Manila Bulletin, Air21, ug Informatics-Diliman campus.

Ang Hatol ng Bayan gidalit kanato sa 'Media ng Bayan'--Philippines News Agency(PNA), Philippine Information Agency (PIA), Radyo ng Bayan ug People’s Television Network. (GCC/PCOO/PIA9-Pagadian City)