“Nagpabilin kita nga komitado pagpadayon sa kalinaw sa tanang pamaago. Kini ang atong nakita. Atong napamatud-an ang atong pagkamatinudanon uban sa MILF. Kita ang andam pagpangita sa kalinaw uban ang CPP-NPA-NDF (Communist Party of the Philippines-New People’s Army-National Democratic Front),” si Presidential Spokesman Edwin Lacierda nagkanyon sa sa press briefing sa Malakanyang ning Miyerkoles.
Ang grupo sa mga rebelde mipamubo sa panahon sa iyang gideklarar nga ceasefire uban sa kagamhanan. Imbis sa Enero 15, ang ceasefire mitapos sa Miyerkoles. Ang mga komunistang rebelde mideklarar sa nandan nga kasabutan sa pasko gikan sa Desyembre 20, 2012 ngadto sa Enero 15, 2013.
Ang CPP-NPA-NDF nagkanayon nga ilang gipamubo ang gitas-on sa ceasefire tungod kay si Presidente Benigno S. Aquino III pakyas nga pagpakanog sa reciprocal declaration nga naglatid nga ang ceasefire matapos sa Enero 15.
Apan si Lacierda nagkanayon nga iyang naalingatan sa hinusa nga pamahayag diin si Secretary Ronald Llamas nga nagrepresentar sa Norway tataw nga nagpakita nga ang kagamhanan nagtahud sa ceasefire.
Ang armadong kusog sa Pilipinas napahibalo nga walay rason sa CPP-NPA-NDF mopahayag nga ang kagamhanan dili matinud-anon pag-obserbar sa ceasefire, matud pa ni Lacierda.
Ang wala pagpakanaog sa presidential directive wala nagpasabot nga ang kagamhanan dili motahud sa ceasefire si Lacierda nagkanayon tungod ka y ang kagamhanan matinud-anon sa ceasefire ug mao kana ang hinungdan nga si Secretary Teresita Deles, ang peace adviser sa Presidente malaumon sa iyang pamahayag mahitungod sa kalinaw uban ang mga rebelde. (GCC/PCOO/PIA,
