Kagamhanang-Aquino nagpatuman na ug reporma sa abyasyon

Ni Alfonso T.Ruda

DIPOLOG CITY, SEPT. 14(PIA)---Ang Kagamhanang-Aquino nagpatuman na karon ug reporma sa abyasyon sa tinguhang mapa-anindot ang industriya sa abyasyon sa nasod aron ibalik sa United States Federal Aviation Administration ang Category One Status sa Pilipinas, sumala pa sa usa ka opisyal sa Malakanyang.

“Si Secretary Mar Roxas (kanhi Kalihim sa Department of Transportation and Communication) mitudlo kang General Hotchkiss(retired Lieutenant General William Hotchkiss III) ug iyang team aron masiguro nga mahaw-as kita sa Category 2 sa labing daling panahon,” matod pa ni Presidential spokesperson Edwin Lacierda sa gipahigayong regular press conference sa Malakanyang niadtong Huwebes.

Niadtong Hulyo, ang Board of Directors sa Civil Aviation Authority of the Philippines (CAAP) mipili kang Lt. Gen. William Hotchkiss III (ret) isip Director-General sa CAAP.

“Naghimo na sila sa gikinahanglang reporma ug sulod sa tukmang panahon mahaw-as na kita gikan sa Category 2 status. Dili lang kini maka-apektar sa budget sa mga kompaniya sa ayroplano, maka-apektar usab kini sa atong mga kompaniya sa ayroplano nga mibiyahe padulong sa Europa ug Estados Unidos. Busa kini ang hinungdan nga gusto namong mahaw-as kita sa Category 2 status sa labing daling panahon,” matod pa ni Lacierda.

Gipasalig ni Lacierda nga dobleng naningkamot ang gobyerno aron masiguro nga mahibalik ang aviation status sa nasod sa Category I level aron agresibong ma-promote ang sektor sa turismo ug mas mapalapad ang merkado niini.

Niadtong Enero 17, 2008, ang US FAA mipaubos sa grado sa Pilipinas ngadto sa Category 2 gikan sa Category I human ang gihimong safety audit. Ang safety audit positibong mitudlo sa seryosong problemang-teknikal  sa mga tugpahanan sa nasod sama sa kakulangan sa pagbansay-bansay sa mga safety inspectors, huyang nga electronic record-keeping; ug ang kapakyas sa regulatory agency- ang Civil Aviation Authority of the Phils.,- paghatag ug safety oversight sa ilang mga operator, pagsubay sa labing ubos nga rekisitos sa International Civil Aviation Organization.(ATR/PCOO/PIA9-Zambo Norte)   

Palasyo mikondenar sa pagpatay sa Ambasador sa Estados Unidos ngadto sa Libya

Ni Alfonso T. Ruda

DIPOLOG CITY, SEPT. 14(PIA)---Ang Malakanyang mikondenar niadtong Huwebes sa gihimong pag-atake sa Konsulada sa Estados Unidos didto sa Dakbayan sa Benghazi, Libya nga nagresulta sa kamatayon sa  Ambasador sa Estados Unidos ngadto sa Libya nga si Christopher Stevens ug tulo ka mga kauban.

Sa pagpangutana sa mga tigbalita mahitungod sa reaksyon sa Malakanyang sa maong pag-atake, si Presidential Spokesperson Edwin Lacierda nagkanayon nga nasakop sila sa kalibutanong balaod. “Among gikondenar ang unsa mang kasamok batok sa bisan kinsang tawo, ilabi na ngadto sa usa ka Ambasador, busa usa kini ka butang nga atong gikabalak-an.”

Si Lacierda mitaho nga base sa inpormasyong nadawat sa Palasyo gikan sa Departamento sa Kalihokang Langyaw, walay Filipinong namatay o nasamdan sa kagubot sa Benghazi. Ang DFA gilaumang magpagawas ug kalambuan sa sitwasyon sa Libya, matag karon ug unya.

Si Stevens ug kaubang mga Amerikano napatay human ang grupo sa mga Islamist mi-atake sa Konsulada sa Estados Unidos  ug Safe House Refuge sa Benghazi niadtong Martes sa gabii. Gipasanginlan sa mga mi-atake ang Amerika sa paghimo ug pelikula  nga nag-insulto ug nanamastamas ni Propetang Mohammad.

Samtang miulbo ang kagubot sa Libya, laing pag-atake usab ang nahitabo didto sa Embahada sa Estados Unidos didto sa Cairo, Eygpt diin gigisi ug gisunog sa mga nagprotesta ang nasudnong bandila sa Amerika.

Gitawag ni Presidente Barack Obama ang pagpatay kang Stevens ug tulo pa ka mga Amerikano nga usa ka outrageous attack. Misaad si Obama paggukod sa mga nagpasiugda sa insidente ug mimando sa paghatag ug higpit nga seguridad sa tanang diplomatikanhong misyon sa Estados Unidos sa nagkalain-0laing bahin sa kalibutan.(ATR/PCOO/PIA9-Zambo Norte)

Aquino mitumbok sa mapadayonong suporta sa civic organizations sa paningkamot sa kagamhanan alang sa malahutayong kausaban

Ni Gideon C. Corgue

PAGADIAN CITY, PIA, Sept. 14 -- Si Presidente Benigno S. Aquino III mitumbok sa mapadayonong suporta sa civic organizations sa mga paningkamot sa kagamhanan ngadto sa malahutayon nga kausaban sa tinguha nga mapalagsik ang nasud.

"Ang dalan ngadto sa malahutayon nga reporma mao ang pagpailob ug paglahutay. Kini ang gimugna sa atong katawhan sa malahutayon ug hiniusang paningkamot sa pagpalagsik sa atong nausd," ang hepe ehekutibo nagkanayon sa iyang mensahe sa Kiwanis International - Philippines South District sa iyang okasyon sa ika- 37 ka tuig nga District Convention ning Huwebes.

Ang Kiwanis International – Philippines South District nagpahigayon sa ilang ika -37 ka tuig nga District Convention sa dakbayan sa Roxas sa lalawigan sa Capiz. Ang convention nagsugod Septyembre 13 ug matapos karong Sabado.

"Magpabilin kita nga determinado  pagseguro sa mga kaayuhan nga atong nakab-ot alang sa atong umaabot nga henerasyon," matud pa niya.

Ang kagamhanan nalipay sa mga sibikong kalihokan nga gihimo sa Kiwanis International Philippines South District sa Visayas ug Mindanao, matud pa sa Presidente.

"Atong gipasalamatn ang inyong mapadayonong suporta sa pagpasingadto sa atong mga kabatan-onan. Isip nagdala sa kaugmaon sa atong nasud, kini nga hut-ong mao ang potensyal sa atong mga katawhan; Sila mao ang atong kabilin.Atong ipatuop kanila ang mga mithi sa kadungganan ,pagkamatinud-anon , ug  accountability, samtang kita ang mabilin kanila sa mga kahigayonan nga motubo ug molambo isip mga lideres," matud pa niya.   (GCC/PCOO/PIA9-Zambosur)