Palasyo masaligon pagkab-ot sa target sa tourism target

By Gideon C. Corgue

PAGADIAN CITY, May 7 (PIA) –- Ang Malakanyang nagpdayag sa iyang pagsalig ning Domingo nga ang kagamhanan makakab-ot sa iyang tourist arrival target sa 5.5-milyones pagkatapos sa 2013.

Sa press briefing nga gisibya gipanag-iyahan sa kagamhanan nga radio station ang dzRB Radyo ng Bayan, si Deputy Presidential Spokesperson Abigail Valte nagkanayon nga ang tourist arrivals sa unang quarter sa tuig ang milapas na sa usa ka milyon nga marka ug duol na sa target tourist arrivals sa Department of Tourism.

“Kini ang mitala sa ikaduha nga higayon nga ang paghidangat sa langyaw nga bisita ang milapas sa usa ka milyon nga pagtala bisan ug una nga quarter pa lang,” pahayag ni Valte.

“Ug tungod niini, ang  Department of Tourism moabot sa 5.5-milyones nga arrival target sa 2013,” dugtong pa niya.

Sa pamahayag, ang DOT nagkanayon nga ang 1.27-milyones nga tourist arrivals mitala gikan sa Enero ngadto sa Marso sa 10.76 porsiento nga pagtubo gikan sa nakalabay nga tuig nga  1.15 milyones sa susama nga panahon mao ang resulta sa gipanghingusgan nga paningkamot pagpalambo sa imprastraktura, kaluwasan ug mga kahimanan aron pagtugot sa masayon nga pagbiyahe sa mga nagkadaiyang tourist spots sa nasud.

“Bulan matag bulan, kita ang nagsaksi sa lig-on nga performance sa bag-ong pagtaas sa record. Kini  nagpasabot nga ang mga paningkamot sa Departmento ug ang iyang mga kaabag ang nagbunga. Ug pagkab-ot sa atong 2013 target nga 5.5 milyones ug 2016 target sa 10 milyones, ang Departmento ug ang iyang kaabag sa industriya ang aktibong nagtrabaho aron pagkusog sa pangihanglan sa overseas, samtang ang mga ahensya sa imprastraturka komitado pagpalig-on sa atong hiniusa nga programa aron pagpahisayon sa pagsulod ug access sa mga nagkalain-aling destinasyon sa nasud,” si Tourism Secretary Ramon Jimenez Jr. Nagkanayon. (GCC/PCOO /PIA9-Pagadian City) 

PNP alerto ug nagpalihok sa Media Center alang sa SAFE 2013

By Gideon C. Corgue

PAGADIAN CITY, May 6 (PIA) –- Ang Philippine National Police ning Lunes nangandam alang sa full alert sa tibuok nasud nga nagsugod alas  6 sa buntag, matud pa ni PNP Spokesperson Chief Supt. Genereso Cerbo Jr.
Si Cerbo nagkanayon nga ang pinakataas nga alert condition magpabilin nga gipatuman human nga matapos ang election security operations.

Ilawom sa Full Alert status, ang leave of absence ang ikansela ug ang tanang kawani gimandoan nga motaho sa ilang duty stations.

Mipuno pa si Cerbo nga ang Police Regional Directors gihatagan ug kagahum nga isibog ang pagpatuman sa Full Alert status nga nagdepende sa kasamtangang kahimtang sa ilang mga dapit.

Aron pagpatuman sa epektibo nga kalig-on sa police personnel sa election duty, si PNP Chief Director General Alan Purisima mimando pagpalapnag sa 30,000 nga personahe aron pagpalig-on sa PNP local units ilabi na sa mga dapit nga gibansagan nga election areas of concern.

Ang 30,000 nga tropa nga augmentation force gikan sa 18,000 nga tropa nga gikuha gikan sa administrative duty sa national, regional, ug provincial offices ug ang 12,000 nga dugang personahe nagpailawom sa training ug schooling.
Sa laing kalamboan, ang PNP ang mipalihok usab ning Lunes sa Media Operations Center of National Task Force SAFE 2013 (Secure and Fair Elections).

Matud pa ni Cerbo, ang National Task Force SAFE Media Center ang maglihok sulod sa  24/7 sa 2nd floor , Multi-Purpose Hall sa Camp Crame dakbayan sa Quezon.

Ang Media Center maghatag ug live updates sa kahimtang sa Police Regional ug Provincial Offices.

Ang NTF SAFE Media Center magpahigayon ug regular press briefing matag-alas 11:00 sa buntag kada-adlaw ug periodic press briefings alang sa mahinungdanon nga live updates gikan sa field. (GCC/PCOO /PIA9-Pagadian City) 

Malakanyang mikutlo sa S&P credit upgrade sa nagkalig-ong peso

Ni Claro A. Lanipa

PAGADIAN CITY, 6 May (PIA) – Gikutlo sa Malakanyang ang international credit rating firm Standard & Poor’s (S&P) ang bag-ong credit upgrade sa Pilipinas tungod sa nagkalig-on nga peso.

Giasoy ni Deputy Presidential Spokesperson Abigail Valte sa usa ka press briefing nga tungod sa credit upgrade, ang peso sa Pilipinas anaa na karon sa ikatulong puwesto sa listahan sa mga best performing currencies sa kalibutan.

Dugtong pa ni Valte nga kining kalamboan, inubanan sa 28^th record close alang sa Philippine Stock Exchange index ug ang pag-apil sa PSEi isip ika lima sa listahan sa pinaka maiinit kon “hottest” stock markets sa kalibutan nakahatag ug dakong kauswagan sa klima sa pamuhunan sa nasud.

Sa usa ka pamahayag, ang S&P miingon nga naguswag nga rating sa nasud gikan sa BB+ ngadto sa BBB-, ang labing diyutay nga grado sa pamuhunan, dala sa nagka-uswag macroeconomic fundamentals sa nasud.

Matod pa ang kalamboan kon upgrade sa Pilipinas hinugdan sa nagkalig-on nga external profile, moderating inflation, ug ang nagkakunhod nga pagsalig sa kagamhanan sa langyawng utang. (PND/PIA9/CAL)