Palasyo mipahayag nga ang kagamhanan magpalig-on sa kampanya batok sa drug cartels

By Gideon C. Corgue

PAGADIAN CITY, Dec. 28 (PIA) –Ang kagamhanan magpalig-on sa iyang paningkamot pagpahunong sa gikatuhuan nga drug cartels human ang malampuson nga drug bust sa Batangas ning nakalabay nga Miyerkoles, ang opisyal sa Palasyo nagkanayon ning Biyernes.

Sa press briefing sa Malakanyang, si Deputy Presidential spokesperson Abigail Valte mipahayag  nga ang kagamhanan mo-imbistigar kung giunsa sa Mexican drug syndicates nga nakasulod sa nasud ug nagsugod sa ilang operations.

Matud pa ni Valte nga ilang susihon ang mga partikular nga mga impormasyon uban sa  Bureau of Immigration (BI) tungod kay gitaho nga pipila sa drug gang members naggamit ug US passports.

Ang Palasyo mipahayag usab nga ang pag-ila sa mga miyembro sa drug cartel usa ka maayong butang pagpakigbatok sa illegal narcotics sa nasud. Niining panahona, masayon alang sa drug operatives pag-ila ug pagpunting sa mga miyembro sa sindikato, matud pa niya.

Ang nag-uswag nga koordinasyon sa  Philippine Drug Enforcement Agency (PDEA), Philippine National Police (PNP), National Bureau of Investigation (NBI) ug uban pang anti-drug groups o foreign drug enforcement agencies miresulta sa malampuson nga drug busts sa nasud, matud pa niya.

Nining semanaha, ang mga otoridad nakasakop sa sobra sa P420 milyones nga bili sa illegal drugs sa pagraid sa Batangas. Ang pulis midakop sa tulo ka mga tawo lakip na ang Chinese-Filipino. (GCC/PIA-Zamboanga del Sur) 

Palasyo mipahayag nga ang administasyon nakapunting pagtukod ug balik sa mga dapit nga naigo sa bagyong Yolanda

By Gideon C. Corgue

PAGADIAN CITY, Dec. 27 (PIA) –Samtang miabiba sa "good" net satisfaction ratings ni Presidente Benigno S. Aquino III alang sa fourth quarter sa 2013, ang administrasyong Aquino magpabilin nga nakapunting sa iyang trabaho ilabi na ang rehilbitasyon sa mga apektadong dapit sa makusog nga bagyong Yolanda (Haiyan).

Si Presidential Communications Operations Office Secretary Herminio “Sonny Coloma Jr. nagkanayon nga ang kagamhanan nakahibalo sa dako nga trabaho sa umaabot pagtabang sa mga tawo nga naapektuhan sa Yolanda nga maka-recover sa ilang mga kadaut.

"Kung mao kana ang panahum,atong gidawat ang ilang paghukum. Apan atong hatagan ug dakong pagtagad ang dako nga himoon nga programa," iyang pahahag atol sa media briefing.

Ang Pollster Social Weather Stations' survey gikan sa Desyembre 11 ngadto sa 16 nagpakita nga 69 porsiento sa mga Pilipino ang natagbaw sa performance ni Presidente Aquino, samtang 21 porsiento wala.

Kini ang mi-translate sa "good" +49 net rating alang sa Presidente.

Apan si Coloma mipahayag nga ang kagamhanan nakahibalo sa dagko nga hagit pagpatuman sa reconstruction programs sa mga dapit nga apektado sa Yolanda, kinsa mikalas sobra sa 6,100 nga namatay.

"Kita ang moatubang sa mga dagko nga hagit dinha pagpatuman sa reconstruction ug rehabilitation programs. Busa mas maayo pa nga nakapunting sa mga trabaho nga angay trabahoon," matud pa ni Coloma.

Gidgutong pa niya nga ang mga resulta sa survey mao ang timalihan nga si Presidente Aquino wala maaapektuhan sa mga pagsaway batok sa kagamhanan mahitungod sa post-Yolanda rehabilitation efforts.(GCC/PIA-Zamboanga del Sur) 

Presidente Aquino mopadayon pagtrabaho panahon sa holiday - Palasyo

Ni Claro A. Lanipa

PAGADIAN CITY, 23 Dec (PIA) – Si Presidente Benigno S. Aquino III mopadayon sa pagtrabaho bisan pa ug holiday, galing mopahulay siya ug usa ka adlaw sa kataposan sa semana, matod pa sa Malakanyang.

Sa usa ka media briefing, si presidential spokesperson Edwin Lacierda miingon si Presidente Aquino magpabiling nagtutok sa mga isyu sama sa rehabilitasyon sa mga dapit nga naapektohan sa bagyong Yolanda.

“Ang Presidente mopadayon sa pagtrabaho. Sa akong gitan-aw ang Presidente daghan kaayo gi-asikaso nga mga buluhaton… ang iyang gitutukan karon mao ang rehabilitasyon dala sa bagyong Yolanda. Aduna kita’y ubay-ubay ka mga panagtakbo mahitungod niini,” miingon siya.

Sa nakalabay’ng Domingo, si Presidente Aquino mibisita sa mga dapit nga naapektohan  sa kalamidad, lakip niini ang mga dapit sa Eastern Visayas nga naapektohan pag-ayo sa Yolanda.

Ang Presidente mibisita usab sa mga residente sa Campostela Valley nga naapektohan sa bagyong Pablo ning milabay’ng tuig, ug mga residente sa Zamboanga City nga apektado sa gubat tali sa mga tropa sa kagamhanan ug  ang mga sumusunod ni Moro National Liberation Front (MNLF) founding chairman Nur Misuari ning milabay’ng bulan sa Septyembre.

Ang Presidente mopahulay tingali sa December 27 apan mopadayon siya sa pag-serbisyo human niini, dugang pa ni Lacierda. (PND/CAL/PIA9)

DSWD midawat ug mga solar lanters, sakyanan gikan sa mga taghatag

Ni Claro A. Lanipa

PAGADIAN CITY, 23 Dec (PIA) – Ang Department of Social Welfare and Development (DSWD) bag-o lang nakadawat ug 1,002 ka mga solar lanterns gikan sa Panasonic alang sa mga biktima sa  bagyong Yolanda.

Ang maong donasyon gidawat ni DSWD-Disaster Risk Reduction and Response Operations Office (DRRROO) Director Restituto Macuto gikan ni Panasonic President Nobou Yasuhira didto sa National Resource Operations Center (NROC) sa dakbayan sa Pasay.

Uban sa built-in rechargeable battery, ang maong mga lanterns dili lang mohatag ug kahayag, apan mahimong gamiton isip tinubdan sa kuryente sa pag-charge sa mga gagmay’ng kagamitan sa electronics sama sa mga mobile phones.

Ang matag lantern adunay lima (5) ka mga LEDs ug gidesenyo aron mohatag ug kahayag sa 360 degrees. Molahutay kini hangtod unom ka oras sa pagpasiga gamit ang kinakusgan siga niini, o hangtod 90 ka mga oras kon hinayon lang ang pagpasiga.

Sa pikas nga bahin, ang Republika sa Botswana mihatag usab ug lima (5) ka mga units sa  Izusu flatbed trucks aron gamiton sa DSWD sa ilang nagpadayon nga relief operations.

Si Pule Mphothwe, deputy chief of mission sa Embahada sa Botswana, personal mitunol ang yawe ngadto kang Dir. Macuto. (PCOO/CAL/PIA9)

  

Presidente Aquino nagtuo nga ang mga lalawigan nga naapektuhan sa bag-o nga kalamidad ang makabangon human pagtimaan sa 2014 budget

By Gideon C. Corgue

PAGADIAN CITY, December 23(PIA) –- Si Presidente Benigno S. Aquino III nagtuo nga ang mga lalawigan nga bag-ong naapektuhan sa kadaut sa kalamidad ang sa makausa pa makabangon human ang kagamhanan adunay mahinungdanong pundo pag-aprobar sa  2014 national budget, si Presidential Communication Operations Office Secretary Herminio “Sonny” Coloma, Jr, mipahayag ning Domingo.

Sa briefing nga gipalanog sa dzRB Radyo ng Bayan, si Coloma nagkanayon nga sa pagsuporta sa P2.265 bilyones nga budget, ang kagamhanan aduna nay mga kahinguhaan alang sa mga serbisyong sosyal ingon man ang mga trabaho ug uban pang mga ekonomikanhon nga serbisyo.

“Malig-on ang pagtuo ug baruganan sa presidente nga mapadali ang ang pagbangon ug pagpasumbalik sa kadasig sa lokal nga ekonomiya sa mga nasangpit nga lungsod ug lalawigan human nga iyang mapirmahan ug mahimong balaod ning nakalabay nga Biyernes ang nasudnong budget alang sa 2014,” matud pa ni Coloma.

“Ilawom sa 2.265-trilyones pesos nga kinatubuk-ang bili sa budget, dul-an sa 37.2 nga posiyento kon 841.8-bilyones pesos ang gitagana alang sa social services, samtang gahinan usab sa 593.1-bilyones pesos ang mga trabaho ug serbisyo nga pang-ekonomiya,” dugtong pa niya.

Matud pa niya nga gawas niini, P100-bilyones ang gitagana alang sa rehabilitasyon ug pagtukod sa mga edepesyo ug mga dalan nga giguba sa natural nga mga kalamidad.

“Naggahin usab ang kagamhanan sa kinatibuk-ang 100-bilyones pesos alang sa mga bag-ong pagtukod sa mga edpesyo , dalan ug pampublikong pasilidad sa mga dapit nga giagiaan sa mga nagkalain-laing kalamidad, gawas pa sa pinakadako nga P13-bilyones pesos nga calamity fund nga kanhi P7.5-bilyones nga mao karon ang gitawag nga National Disaster Risk Reduction Management Fund,” matud pa ni Coloma. (GCC/PCOO/PIA,Pagadian City) 

Utang sa Japan para sa mga bag-ong barko sa PCG aprobado na

Ni Alfonso T. Ruda

DIPOLOG CITY,DEC. 16(PIA)--- Si Presidente Benigno Aquino III nagkanayon nga ang 184-milyones dolyares nga loan para ipalit ug 10-ka multi-role vessels gikan sa Japan isip dugang “sea assets” sa Philippine Coast Guard usa na ka “done deal”.

“Sa di pa kita molupad ug balik pauli, padayon pa gihapon ang pag-abot sa maayong balita. Napirmahan na ang 184-milyones dolyares nga pautang gikan sa Japan International Cooperation Agency(JICA) para ipalit ug 10 ka mga barko sa Coast Guard nga magbantay  sa atong kabaybayonan,” matod pa sa Presidente sa iyang paghidangat sa Ninoy Aquino International Airport Terminal 2 niadtong Dominggo.

Ang Presidente miabot gikan sa Japan human nga mitambong sa gipahigayong ASEAN-Japan Commemorative Summit.

Matod pa sa Presidente nga naglaum siya nga human sa proseso sa bidding, ang unang pagpadala sa bag-ong maangkon nga 40-metros nga multi-purpose nga barko mahidangat dinhi sa nasod sa 2015.

Uban sa pagpalit sa bag-ong mga barko, mapalig-on sa Coast Guard ang ilang kasamtangang puwersa sa tinguhang mapanalipdan ang exlusive economic zone sa nasod.  

Sa higayong maturn-over na ang bag-ong mga barko sa PCG, kini ang gamiton sa pagpatrolya sa giilogang territory sa West Philippine Sea.(PND/ATR-PIA9/Zambo Norte)

Australia mihatag ug dugang 10-milyones dolyares nga humanitarian assistance sa Pilipinas

By Gideon C. Corgue

PAGADIAN CITY, December 10 (PIA) –- Ang kagamhanan sa Australia mihatag ug dugang nga 10-miyones nga bili sa Australian dollars nga humanitarian assistance sa Pilipinas isip tabang sa Yolanda relief and rehabilitation efforts, si Foreign Minister Julie Bishop mibalita kagahapon (Domingo).

Si Bishop ang anaa sa dakbayan sa Tacloban aron pagtantiya sa kadaut nga gidulot sa kusog nga bagyo nga "Yolanda" (Haiyan) sa maong dapit. Siya ang nakigtagbo sa Australian medical team ingon man ang Australian defense forces kinsa nagpahigayon sa clearing operations sa dakbayan sa Ormoc.

“Akong gipasalamatan ang Australian health, defense, aid, consular, ug uban pang mga opsiyal nga mitubag sa hangyo sa kagamhanan sa Pilipinas, ug ang katawhan sa Australia kinsa ang puno sa kalooy nga mihatag sa sobra sa $13-milyones dolyares sa mga aid agencies,” si Bishop nagkanayon sa press statement.

Ang dugang nga 10-milyones dolyares nga humanitarian relief nga gisibya ni Bishop nagdala sa gitampo sa Australia sa kinatibuk-an nga  40-milyones nga Australian dollars kon gibanabana nga P1,599,200,000. Ang hinabang gipaagi nagkalain-laing international aid agencies nga gibahin ning mosunod:

• AUD 3,000,000 aron pagtabang sa United Nations Children’s Fund pagtanyag sa limpyo nga tubig ug sanitasyon, ug paghimo sa dinalian nga rehabiltasyon sa tulunghaan;
• AUD 1,000,000 ngadto sa United Nations Population Fund alang sa health and hygiene support, ug  supplementary feeding alang sa mga buros ug nagpasuso nga kababayen-an;
• AUD 2,000,000 ngadto sa World Health Organization aron pagpadayon pagtanyag sa emergency health care, ug pagpabalik sa public health system ilabi na sa Tacloban;
• AUD 3,000,000 ngadto sa Philippine non-government organizations aron pagtabang kanila pagtanyag sa panimalay ug livelihood support sa mga naapektuah sa kalamidad; ug

• AUD 1,000,000 alang sa mga sakyanan , medical stores, nga giabagan sa Australian field hospital sa Tacloban.

Human sa iyang mga kalihokan sa Leyte, si Bishop mitaho nga siya ang makigtagbo sa iyang Filipino counterpart nga si  Foreign Affairs Secretary Albert del Rosario ug uban pang Cabinet secretaries sa kauluhan.  (GCC/PCOO/PIA,Pagadian City) 

UNICEF nagpalambo sa pagpasuso sa mga puya sa evacuation centers

By Gideon C. Corgue

PAGADIAN CITY, December 4 (PIA) –- Ang United Nations Children's Fund (UNICEF) nag-awhag sa mga inahan nga mohimo sa exklusibo nga pagpasuso sa mga puya sa kasamtangan nga evacuation centers sa dakbayan sa Tacloban human ang pagkagusbat nga gidulot sa makusog nga bagyo nga "Yolanda" sa Eastern Visayas region. 

Si UNICEF spokesperson Kate Donovan mipahayag nga ang mga inahan sa evacuation centers adunay kalisod pagpahimulos sa limpyo nga mainom nga tubig ug busa mas luwas kung sila ang magsalig lamang pagpasuso kaysa sa magtimpla ug formula milk kon gatas.

"Ang mga puya gikinahanglan nga ipasuso hangtud sa unom ka bulan," matud pa ni Donovan.

Iyang gihatagan ug gibug-aton nga ang pagpasuso nakahatag ug gatas sa mga puya ug kompleto nga nutrisyon , nagpalambo sa maayong panglawas ug makakunhod pagbaton sa sakit sama sa diarrhea kinsa mao ang kasagaran nga mahitabo human sa kalamidad.

Matud pa niya nga ang UNICEF nakig-alayon na sa kagamhanan mahitungod sa plano paglusad sa kampanya pag-awhag sa mga nagpasuso nga inahan sa Metro Manila pag-donate ug breastmilk alang sa mga kabataan sa mga dapit nga naigo sa Eastern Visayas.

Gidugtong pa niya nga ang UNICEF mitrabaho usab pagtukod sa cold chain nga naguba atol sa maong bagyo. 

Gawas sa pagpasuso, ang UNICEF usab mi-awhag sa mga namakwit nga relihiyoso nga mohimo paghugas sa kamot aron malikayan ang outbreak sa  mga sakit. 

"Mas labing maayo nga ang pagbakuna himoon batok sa mga sakit. Niining kritikal nga panahon,  sa dili pa mokaon, maghugas sa kamot gamit ang sabon ug kita ang nagpadala ning maong mensahe sa mga katawhan," matud pa ni Donovan.

Ang UNICEF nakabakuna na sa 9,000 nga mga kabataan batok sa measles ug polio. Ang mga survivors sa bagyo gihatagan usab ug vitamin A ug uban pang health supplement.  (GCC/PCOO/PIA,Pagadian City) 

Mulupyo sa dakbayan sa Tacloban nakapahimulos sa Diskwento Caravan

By Gideon C. Corgue

PAGADIAN CITY, November 27 (PIA) –- Nag-antos sa naglagiting nga kainit sa adlaw, liboan ka mga biktima sa bagyo ang naglinya sa Department of Trade and Industry (DTI) sa gipaisugdahan nga Diskwento Caravan ning Miyerkoles.

Walo ka mga truck gikan sa dakbayan sa Sugbu nahidangat nga puno sa mga nanag-unang pagkaon sama pan, delatang pagkaon, tubig, hygiene products, mga sabon, ug uban pa.

Ang caravan, sa unang higayon nagtanyag usab ug hardware materials sama sa bombilya, lansang, ug GI sheets aron pagtabang sa mga biktima sa Yolanda nga makahimo pag-usab sa ilang mga balay.

Ang presyo sa GI sheets nagdepende sa mga kadak-on. Kini ang gibaligya sa P170 (8 ka tiil.); P210 (10 ka tiil) ug P250 (12 ka tiil).

Si Ronald Napales , DTI representative gikan sa Biliran nagkanayon nga ang mga presyo sa GI sheets mas barato pa ikumpara sa gibalgiya gawas sa dakbayan sa Tacloban.

"Sa Dulag akong nadunggan nga ang GI sheets gibaligya sa 500 pesos," matud pa niya.

Ang mga produkto nga gibaligya sa caravan singko porsiyento nga barato kay sa presyo sa merkado.

Ang caravan nga adunay ubay-ubay ka mga pribadong kumpanya nga nagsalmot gipahigayon sa  RTR Plaza gikan alas 8 sa buntag ngadto sa alas 5 sa hapon.

Kini ang gipasiugdahan sa DTI aron pagtabang sa mga biktima sa bagyo pinaagi pagbaligya sa mga nanag-unang palaleton sa kubos nga presyo.

Si DTI OIC Regional Director Stanley Tabiando mipahayag nga ang sila ang nangita ug uban pang mga dapit nga kapahigayonan sa hataas ug dugay nga mga caravans nga makatabang sa mga tawo sa dakbayan sa Tacloban hangtud nga mabalik ang ilang mga tindahan. (GCC/PCOO/PIA,Pagadian City) 

Pagpaaso gisugdan sa evacuation centers sa Tacloban

By Gideon C. Corgue

PAGADIAN CITY, November 26 (PIA) –- Ang kagamhanan sa Pilipinas ning Martes mitabang sa Japan Disaster Relief-Self Defense Forces (JDR-SDF) Units pagpahigayon pagpaaso sa Tacloban City Convention Center diin temporaryo nga gipahiluna ang mga gatosan nga mga namakwit sa bagyong “Yolanda” (international nga pangalan Haiyan).

Mokabat sa 15 nga mga lalaki sa Japan Self-Defense Forces ang mipaaso sa kinatibuk-an nga evacuation centers, mibisita sa matag kwarto nga gidesenyo aron nga mapugngan ang pagkuyanap sa mga sakit pagkahuman sa makamatay nga bagyo.

Si Department of Health Assistant Secretary Paulyn Rosell-Ubial, kinsa usab ang miayuda sa defense teams, mipahayag nga mao kini ang una nga pagpaaso sa mga nagkalainlain nga evacuation centers ug mga balay tambalalan sa dakbayan sa Tacloban.

"Sila ang molibot sa dakbayan, sa tanan nga evacuation centers, balay-tambalanan ug uban pang mga dapit nga daghang mga tawo," matud pa ni Ubial.

Dugtong pa niya nga samtang wala pay giktaho nga mga kaso sa dengue, iyang gipahinumduman ang mga namakwit nga magpabilin nga magmabinantayon ug magmentenar sa kalimpyo sa ilang mga hingtungdan nga temporaryo nga silonganan.

"Kanunay nga panalipdan ang inyong kaugalingon. Paggamit ug moskitiro ug kanunay nga manglimpyo sa palibot aron mapanalipdan gikan sa mga sakit," dugtong pa niya.

Iyang naalinggatan nga ang lima ka mga kasagaran nga nanag-una nga sakit ug kaso nga natala sa dakbayan mao ang upper respiratory tract infection, mga samad, acute water diarrhea, hypertension ug hilanat. (GCC/PCOO/PIA,Pagadian City) 

Presidente Aquino mihagit sa mga bag-ong opisyal ug miyembro sa AFP nga mohimo sa aktibo nga kaakuhan sa humanitarian response panahon sa kalamidad

By Gideon C. Corgue

PAGADIAN CITY, November 26 (PIA) –- Si Presidente Benigno S. Aquino III mihagit sa mga bag-ong opisyal ug miyembro sa armadong kusog sa Pilipinas nga mohimo sa mas organisado ug aktibo nga kaakuhan sa territorial defense ug humanitarian response panahon sa kalamidad.

Sa iyang pakigpulong atol sa Joint Graduation sa Major Services Pre-Entry Officer Courses nga gipahigayon sa AFP Theater, Camp General Emilio Aguinaldo, dakbayan sa Quezon ning Lunes,  ang hepe ehekutibo mipahimangno sa mga opisyal ug miymebro sa AFP sa ilang kaakuhan sa non-military activities sama pananglit sa pagtanyag ug disaster relief, pagtukod ug balay sa mga civilians, ug uban pa.

Ang AFP naglangkub sa Philippine Army (PA), Philippine Navy (PN) ug Philippine Air Force (PAF). 

"Isip commander-in-Chief, nakabalo ko ang kabug-at ug kadako sa kaakuhan sa atong propesyon. Isip mga sundalo sa nasud, dili kamo pwede nga mawala sa eksena sa panahon sa panginahanglan ug sa mga wala damhang panghitabo," si Presidente Aquino nagkanayon.

"Kung adunay pinusilay, anaa kamo nga andam nga mosagang sa mga bala, mapalayo sa peligro sa isip ka Pilipino. Sa panahon sa katalagman, kamo ang gilauman nga mag-una. Sa panahon sa linog o sa makusog nga bagyo, ang moresponde gilayon mao ang mga sundalo sa nasud: walay gikadlokan ug magarbuhon nga mohimo sa ilang trabaho," matud pa niya.

Ang mga opisyal ug miyembro sa AFP naghimo sa ilang aktibo nga trabaho isip mao ang first responders sa panahon sa kalamidad, ang hepe ehekuitibo nagkanayon.

Ang Presidente nagkanayon nga ang super typhoon "Yolanda" (nga naila sa iyang international nga pangalan nga Haiyan ) maoy hinungdan sa dako nga kadaut sa Pilipinas sayo pa ning bulan. Si Yolanda mao ang pinakakusog nga bagyo nga mihampak sa nasud.(GCC/PCOO/PIA,Pagadian City) 

Palasyo nagpahalipay ni Manny Pacquiao sa iyang kadaugan batok kang Brandon Rios

By Gideon C. Corgue

PAGADIAN CITY, Nov. 25 (PIA) –- Ang world boxing icon ug ang kampeyon sa katawhang Pilipino nga si Emmanuel ‘Manny’ Pacquiao nakabangon na gikan sa iyang duha ka managsunod nga kapildihan human nga iyang napildi si Brandon Rios pinaagi sa usa ka hiniusang deisisyon nga ang Malakanyang ug ang kinatibuk-ang Pilipinas nagsaulog.

Si Presidential Spokesperson Edwin Lacierda miabiba sa maayong balita nga nagrepresentar sa Palasyo, nga nagtawag sa pinakaulahi nga kadaugan ni Pacquiao nga usa ka maayong kusog ug inspirasyon sa entiro nasud ilabi na samtang kita ang nag-alim pagkagusbat niini nga gihimo sa makusog nga bagyo nga "Yolanda" sa Visayas region ning bag-o pa lang.

“Nagsadya ang katawhang Pilipino sa pinakabag-o nga kadaugan ni Kongresista Manny Pacquiao sa iyang unang pagkadaug sa WBO (World Boxing Organization) International Welterweight Belt kontra kang Brandon Rios,” matud pa ni Lacierda. 

Ang 34-anyos nga Pacquiao, kinsa mao usab ang kongresista sa lalawigan sa Sarangani nakatala sa kadaugan sa 12 nga rounds sa boksing sa Macau nga ang tulo ka mga hurado mihatag sa score halos sa tanan nga round pabor kaniya.

“Sa sulod sa 12 ka rounds, nagpakita sa dili mapugngan ang paspas ug kusog sa atong pambansang kamao aron nga mabuntog ang iyang kaaway ug subli nga iyang maangkon ug kalampusan sulod sa ring,” dugtong pa ni Lacierda sa iyang pamahayag.

“Ang pagdaug ni Manny sa maong panagsangka nagsilbi nga kusog ug inspirasyon sa katawhang Pilipino human nga gihapak sa makusog nga bagyong Yolanda usa ka dako nga butang alang sa Kabisayaan. Nanghinaut kita nga dili mausab ang prinsipyo nga naggiya panahon sa iyang pagbinayloay sa kumo nga sa matag suntok nga iyang gibuhian mao ang suntok alang sa dungog sa atong kaliwatan,” panapos  niyang pamahayag. (GCC/PCOO/PIA,Pagadian City) 

Malakanyang mipahayag nga ang kagamhanan naglihok pagtabang sa rehabilitasyon sa dakbayan sa Zamboanga

By Gideon C. Corgue

PAGADIAN CITY, October 1 (PIA) –- Ang Malakanyang mipahayag ning Lunes nga ang kagamhanan ang nag-awhag sa tanang mga hingtungdang ahensya sa kagamhanan pagtanyag ug tabang sa katawhan sa dakbayan sa Zamboanga nga makabalik sa ilang kanhi kahimtang.

Ang dakbayan nakasinati sa kagubot human nga ang mga ginsakpan sa Moro National Liberation Front-Misuari faction misulong sa mga baybayong barangay sa nakalabay nga Septyembre 9 ug nakiggubat sa tropa sa kagamhanan sa tulo ka semana nga gitas-on nga panagiyera.

Sa press briefing sa Malakanyang, si Presidential Spokesperson Edwin Lacierda nagkanayon nga ang mga ahensya sa kagamhanan  sama sa Department of Social Welfare and Development, Health, Labor and Employment and Education migamit sa ilang mga kasangkapan aron pagtanyag sa mahinungdanon nga tabang sa katawhan sama sa pagkaon, tubig, tambal ug katuluganan.

“Sa kabahin sa Department of Social Welfare and Development, kini ang migahin sa 99.5-milyones nga hinanabang nga pagkaon, non-food items, financial assistance, cash-for-work sa pagtrabaho sa community kitchen, hygiene ug sanitation, ug pag-apod-apod sa pagkaon,” matud pa ni Lacierda.

“Ang mga kawani ang gipadala aron pagtbang pagdumala sa evacuation centers ug warehouses, media coordination, ug data information management operations. Kita usab ang nagtukod sa computerized profiling sa mga nawad-an sa ilang mga pamilya,” dugtong pa niya.

“Sa kabahin sa Department of Health, kita ang nagtukod ug stress debriefing posts ug medical clinics sa evacuation centers. Kita usab ang nagpadala ug mga kawani alang sa mga gikinahanglang tambal ug mga operating rooms  sa mga naapektuhang pamilya sa Western Mindanao State University,” matud pa ni Lacierda.

“Sa Department of Labor and Employment, kita ang nagtanyag sa dental supplies, assorted supplies, mga tambal sa evacuation centers. Sa Department of Education, kita ang nagpahigayon ug psychosocial intervention sa mga magtutudlo ug mga tinun-an,” matud pa niya.

Si Lacierda nagkanayon nga ang Department of Trade and Industry nakig-alayon sa mga pribadong institusyon aron pagseguro sa abiyo sa mga nanag-unang panginahnalgan ug sila ang padayon nga naghimutad sa mga presyo sa mga palaleton, nagpatuman sa suggested retail prices sa nagkalain-laing establisimiyento.” (GCC/PCOO/PIA,Pagadian City) 

Malakanyang malaumon nga ang reporma sa kagamhanan magpadayon hangtud sa katapusan sa tuig

By Gideon C. Corgue

PAGADIAN CITY, September 30 (PIA) –- Ang Malakanyang nagpadayag sa iyang paglaum ning Domingo nga ang adbokasya sa reporma ni Presidente Benigno S. Aquino III pinaagi pagpatuman sa matinud-anon nga mga lakang pagwagtang sa corruption sa kagamhanan ang magpadayaon hangtud sa katapusan sa tuig.

Sa press briefing nga gisibiya sa dzRB Radyo ng Bayan, si Presidential Communications Development and Strategic Planning Office Secretary Ramon Carandang nagkanayon nga bisan pa man nga ang kinatibuk-an nga bulan sa Septyembre ang  nakasinati sa daghan nga mga pagsulay ug isyu, ang administrasyon ni Presidente Benigno S. Aquino III nagpabilin nga matinud-anon sa iyang mga paningkamot pagwagtang sa corruption sa kagamhanan.

Tipik sa mga pagsulay nga nasinati sa administrasyon ni Aquino naglakip pagtapos sa krisis sa dakbayan sa Zamboanga, pagpasaka ug sumbong sa wala pagbayad ug buhis batok sa gikatuhuan nga pork barrel scam queen nga si Janet Lim Napoles, mga reporma sa Bureau of Customs ug pagduso sa ubos balay balaoranan sa balaod nga pagwagtang sa priority development assistance fund (PDAF) gikan sa nadudnong budget.

“Mahuman na ang bulan sa Septyembre ug kung atong hunahunaon daghang nahitabo sa nakalabay nga bulan. Didto sa dakbayan sa Zamboanga sumala sa gipahibalo ni Secretary Voltaire Gazmin niadtong usa ka adlaw nga naluwas na Zamboanga sa mga pwersa ni Misuari  ug nagsugod na ang mga clearing operations,” matud pa ni Carandang.

Iyang naalinggatan nga ang katawhan makalaum nga ang pagpasaka ug mga kaso batok kang Nur Misuari, ang chairman sa Moro National Liberation Front ug sa iyang mga kaabin sa krisis sa dakbayan sa Zamboanga.

“Sa isyu mahitungod sa isyu sa PDAF, nakapasaka na kita ug kasong plunder batok kang  Janet Lim-Napoles ug sa uban pang mga magbabalaod. Napasakaan ug kaso nga tax evation si Napoles niadtong usa ka adlaw pa lang, naduso na sa ubos balay balaoranan ang budget nga nagtangtang sa alokasyon sa PDAF,” matud pa ni Carandang tungod kay ang imbistigasyon sa mga tawo nga direkta nga nahilambigit sa scam ang magapadayon uban ang tukma nga mga kaso nga ipasaka sa labing madali nga panahon,” matud pa ni Carandang. (GCC/PCOO/PIA,Pagadian City) 

Malakanyang mipasidaan sa miluthang sa COA building,” Mapakyas mo”

Ni Alfonso T. Ruda

DIPOLOG CITY, SEPT. 25(PIA)---Nagpahayag ug kabalaka ang Malakanyang may kalabutan sa wa-mailhing mga tawo nga miluthang sa Commission on Audit  building sa Quezon City niadtong Miyerkules, uban ang pag-ingon nga mapakyas ang mga mibuhat niini nga mosulay ug gamit sa panghitabo aron hulgaon ang mga tawong mduso sa reporma.

“Alang niadtong mga elemento nga nagtinguhang gamiton ang insidente aron hulgaon ang mga tawong mipadas-og sa reporma, inyo nang nadungog ang Chairman ug mapakyas mo,” matod pa ni Presidential spokesperson Edwin Lacierda sa gipahigayong press conference sa Malakanyang.

Iyang gidayeg ang COA pinaagi sa ilang Chairman nga si Grace Pulido-Tan nga nagkanayon nga ang panghitabo dili makatandog sa ahensiya ug magpadayon kini sa iyang auditing function.

“Among gidayeg ang pahayag ni Chairman Grace Pulido nga dili sila matandog sa labing ulahing nahitabo sa COA building ug among gidayeg ang ilang determinasyon nga ipadayon ang ilang mandatus nga silbihan ang katawhang Filipinhon ug magpadayon sila sa ilang auditing function,” nagkanayon si Lacierda.

Midugang pa siya nga hatagan ug tukmang seguridad ang mga COA Commissioners human nga ilang matun-an ang sitwasyon.

“ Among tun-an ang sitwasyon ilabi na ang nahitabo… kon ang imbestigasyon magbutyag nga dili kini talagsaong panghitabo, amo gyud kining tun-an ug maayo,” matod pa ni Lacierda.

Si Quezon City Police Department Chief Superintendent Richard Albano, sa naunang pakighinabi sa mga tigbalita nagkanayon nga gipabuthan ang COA building nga nahimutang sa Commonwealth Avenue niadtong Miyerkules sa buntag samtang nagpahigayon ug imbestigasyon ang kapulisan sa insidente.(ATR/PCOO/PIA9-Zambo Norte)   

Malakanyang mipasidaan sa miluthang sa COA building,” Mapakyas mo”

Ni Alfonso T. Ruda

DIPOLOG CITY, SEPT. 25(PIA)---Nagpahayag ug kabalaka ang Malakanyang may kalabutan sa wa-mailhing mga tawo nga miluthang sa Commission on Audit  building sa Quezon City niadtong Miyerkules, uban ang pag-ingon nga mapakyas ang mga mibuhat niini nga mosulay ug gamit sa panghitabo aron hulgaon ang mga tawong mduso sa reporma.

“Alang niadtong mga elemento nga nagtinguhang gamiton ang insidente aron hulgaon ang mga tawong mipadas-og sa reporma, inyo nang nadungog ang Chairman ug mapakyas mo,” matod pa ni Presidential spokesperson Edwin Lacierda sa gipahigayong press conference sa Malakanyang.

Iyang gidayeg ang COA pinaagi sa ilang Chairman nga si Grace Pulido-Tan nga nagkanayon nga ang panghitabo dili makatandog sa ahensiya ug magpadayon kini sa iyang auditing function.

“Among gidayeg ang pahayag ni Chairman Grace Pulido nga dili sila matandog sa labing ulahing nahitabo sa COA building ug among gidayeg ang ilang determinasyon nga ipadayon ang ilang mandatus nga silbihan ang katawhang Filipinhon ug magpadayon sila sa ilang auditing fuction,” nagkanayon si Lacierda.

Midugang pa siya nga hatagan ug tukmang seguridad ang mga COA Commissioners human nga ilang matun-an ang sitwasyon.

“ Among tun-an ang sitwasyon ilabi na ang nahitabo… kon ang imbestigasyon magbutyag nga dili kini talagsaong panghitabo, amo gyud kining tun-an ug maayo,” matod pa ni Lacierda.

Si Quezon City Police Department Chief Superintendent Richard Albano, sa naunang pakighinabi sa mga tigbalita nagkanayon nga gipabuthan ang COA building nga nahimutang sa Commonwealth  Avenue niadtong Miyerkules sa buntag samtang nagpahigayon ug imbestigasyon ang kapulisan sa insidente.(ATR/PCOO/PIA9-Zambo Norte)