Aquino mitudlo ni Padaca isip COMELEC Commissioner

Ni Alfonso T. Ruda

DIPOLOG CITY, OCT. 2PIA)---Gitudlo ni Presidente Benigno Aquino III ang kanhing Gobernador sa Isabela nga si Grace Padaca isip bag-ong Commissioner sa Commission on Election (COMELEC) kang kansang termino matapos sa Pebrero 2018.

Sa sulat nga pinitsahan ug Septyembre 28, 2012, gipangayo ni Presidente Aquino sa Commission  on Appointment ang daling kompirmasyon kang Padaca isip bag-ong COMELEC Commisisoner.

Si Padaca natawo niadtong Oktubre 25, 2013 ug nahimong Certified Public Accountant human nga migradwar nga Magna Cum Laude sa Lyceum of the Philippines sa Manila.

Bisan ug gitakbuyan siya sa sakit nga polio sa sayong pangidaron ug nakaparalisa sa duha niya ka tiil, nahimo si Padaca nga ma-impluwensiyadong magsisibya o brodkaster sa Isabela ug naghatag ug kadasig sa katawhan nga masabtan ang sibil ug politikanhong isyo ug makig-away sa ngalan sa katarong ug kaangayan.

Si Padaca nahimong sikat kon inila dihang iyang gipildi niadtong piniliay sa 2004 ang kanhing Gobernador nga si Faustino Dy, Jr., usa ka membro sa Politikanhong Dinastiya nga migunit sa Isabela sulod sa 40 ka tuig. Niadtong 2007, subli siyang napiling Gobernador sa Isabela dihang iyang giparot ang kanhing gobernador nga si Benjamin Dy.

Lakip sa mga pasidungog nga nadawat ni Padaca mao ang Ramon Magsaysay award para sa Government Service (2008), ang United States Department of State Woman of Courage award (2007), ang Benigno S. Aquino, Jr. Fellowships for Professional Development award (2006), ug ang First CEO Excel Awards (2005).

Usa usab siya sa co-founder sa Movement for Good Governance and Ethical Leadership nga gitawag ug  KAYA NATIN kauban nila ni kanhi Pampanga Governor Eddie Panlilio ug anhing DILG Secretary Jesse Robredo. PND (ATR/PCOO/PIA9- Zambo Norte)

Aquino mideklarar sa Nobyembre 2012 isip ‘Civil Engineering Month’

Ni Gideon C. Corgue

PAGADIAN CITY, October 2 (PIA) – Si Presidente Benigno S. Aquino III mideklarar sa Nobyembre 2012 isip "Civil Engineering Month" aron paghatag kamahinungdanon pagpunting sa nasudnon nga pagtutok sa civil engineering profession ug ang kinadayagan sa iyang papel sa nasudnong kalamboan.

Ang hepe ehekutibo mipakanog sa deklarasyon tubay sa gahum sa Proclamation No. 439 nga gipirmahan ni Executive Secretary Paquito N. Ochoa Jr. niadtong Hulyo 24.

" Ang Philippine Institute of Civil Engineers, Inc. (PICE) usa ka kapunungan nga naglangkub sobra sa 71,900 nga reshistradong miyembro nga civil engineers sa 97 nga mga chapters ug adunay 25,390 mga miyembro nga civil engineering students sa174 student chapters  sa tibuok nasud," matud pa ni Presidente Aquino.

Ang selebrasyon sa PICE sa  "Civil Engineering Month" may kalabutan sa iyang ika-75 ka tuig nga annibersaryo ug ika-38 nga National Convention karong Nobyembre 22-24, 2012 sa Cebu International Convention Center , dakbayan sa Mandaue, Cebu.

Ang Presidente nanawagan sa tanang civil engineers ug mga tinun-an nga magsaulog sa “Civil Engineering Month” uban sa ilang hiniusang suporta.
Ang kasaysayan sa civil engineering isip propesyon nagsugod niadtong 1920 dihang ang Philippine Society of Civil Engineers (PSCE) gimugna sa kahugpungan sa civil engineers nga kasagaran gikan sa kagamhanan. Sa tuig 1937, usa ka kapunungan sa civil engineers gikan sa pribadong sektor ang gimugna sa Philippine Association of Civil Engineers (PACE).

Ang duha ka mga kahugpungan nagpaambit sa sama nga katuyuan sa pagpalambo sa standards sa propesyon, nagdasig sa kaalam sa research ug engineering ug tekonolihiya, pagpalambo sa panaghiusa tali sa mga miyembro, ug pagpalambo sa relasyon sa uban nga technological ug scientific societies, ang PSCE ug PACE gihiusa sa 1972 aron pagmugna sa  giila karon nga  isip Philippine Institute of Civil Engineers or PICE. (GCC/PCOO/PIA9-ZamboSur)