Kagamhanang Aquino nanawagan sa katawhang Pilipino maghiusa pagpanalipod sa demokrasya samtang ang nasud nasaulog sa anibersaryo kamatayon ni Presidente Cory Aquino

By Gideon C. Corgue

PAGADIAN CITY, August 2 (PIA) –- Ang kagamhanang Aquino sa makausa pa nanawagan sa katawhang Pilipino nga maghiusa sa pagpanalipod sa atong demokrasya isip usa ka nasud nga nagsaulog kagahapon sa ikaupat nga kaasaulugan sa kamatayon ni Presidente Corazon C. Aquino, ang simbolo sa demokrasya sa Pilipinas, ang opisyal sa  Palasyo nagkanayon. 

"Atong mahinumduman sa kinabuhi ni Ginang Aquino, human nga ang iyang bana, si kanhi Senador Ninoy Aquino ang gipatay sa Agusto 21, 1983, pagpakigbatok alang demokrasya nagsalig sa iyang mga abaga ug siya ang mitubag niini. Sa mga nagsingabot nga tuig, siya ang nahimong nawong sa katawhang Pilipino pagpakigbatok alang sa kagawasan—usa ka pagpakigbisog nga mitapos sa 1986 EDSA Revolution," si  Presidential Spokesperson Edwin Lacierda nagkanayon atol sa regular press briefing sa Malakanyang. Si Mrs. Aquino namatay sa colon cancer sa edad nga 76 niadtong Agusto 1, 2009.

"Isip presidente, si Corazon C. Aquino nangulo nga may kadungganan ug kamatinud-anon. Iyang gigugol ang panahon sa pag-angkon ug balik sa atong nasudnong kadungganan, pag-ayo sa imahe sa atong nasud sa international community ug pagtukod ug balik sa mga gambalay aron mapanalipdan pag-ayo ang atong demokrasya," matud pa ni Lacierda.

Bisan pa nga nahuman ang iyang pagpangatungdanan, naobserbahan ni Lacierda nga si  Ginang Aquino nagpadayon sa iyang serbisyo sa publiko pinaagi sa iyang aktibo sa pulitika ug iyang pagpaluyo sa non-profit organizations.

"Usa sa pinakamaayo nga mga butang nga among nakat-onan gikan kang Corazon C. Aquino mao ang trabaho nga nagmentenar ug nagpalambo sa naglihok nga demokrasya. Busa kita ang magsaulog sa kinabuhi nga atong gipuy-an, magpabilin kita nga mahibalo sa mga nagpadayon nga mga hagit," matud pa ni Lacierda.  (GCC/PCOO/PIA,Pagadian City)