By Gideon C. Corgue
Si Presidential Spokesman Edwin Lacierda nagkanayon nga ang pagpirma sa Expanded Anti-Trafficking in Persons Act mohimo sa kagamhanan nga makigbatok batok sa human trafficking sa epektibo nga pamaagi.
Sa nakalabay nga tuig, ang US State Department mitangtang sa Pilipinas sa Tier 2 category sa iyang Annual Trafficking in Person report apan ang nasud nga nagpabilin nga anaa sa watchlist.
“Kita ang anaa sa watchlist. Buot nato nga ipauswag ang atong gibarogan sa watchlist ug kita ang naglaum nga ning maong expanded coverage sa anti-trafficking kita ang makahio pagtangtang sa atong kaugalingon gikan sa maong watchlist,” matud pa ni Lacierda.
“Mao kini ang atong pagpakabana ug prayoridad kini sa Presidente ug kini nga balaod ang ipatuman sa mga nagkalain-laing ahensya ilabi na ang Department of Justice ingon man ang atong ahensya sa kapulisan.”
Ang mga magbabalaod nanawagan sa Presidente nga madaliong motimaan sa Expanded Anti-Trafficking in Persons Act aron pagsulbad sa human trafficking sa nasud ilabi na ang mga disaster areas diin ang mga kababayen-an ug kabataan ang gibiktima.
Ang expanded law gipalig-on ang version sa Anti-Trafficking Law nga nag-cover sa attempted trafficking. Ang iyang accessory kon kauban nga naglangkub sa mga susama nga mga buhat ug indibidwal.
Ang recruitment nga gipatuo nga domestic o bakaha overseas employment for sexual exploitation, forced labor or involuntary debt bondage ang karon gipakisama nga human trafficking.
Lakip na sa Expanded Anti-Trafficking in Persons Act mao ang pag-recruit sa bisan kinsa nga babaye nga Filipino nga makigminyo sa langyaw, mohimo sa sex tourism, pag-recruit sa mga kabataan aron nga mohimo sa mga armado nga mga kalihokan sa gawas sa nasud mao ang human trafficking ug pagasilotan ilawom sa balaod. (GCC/PCOO/PIA9-Pagadian City)
