Palasyo ngadto sa mga ginikanan: Bantayi ang inyong mga anak aron malikayan ang pagkasamad samtang ang bag-ong tuig nagsingabot

By Gideon C. Corgue

PAGADIAN CITY, December 28 (PIA) –-Ang Malakanyang nag-awhag sa mga ginikanan ning Biyernes nga bantayan ang ilang mga nank aron nga malikayan ang pagkasamad ug pagkamata bunga pagpabuto sa mga rebentador samtang ang nasud nagsaulog sa bag-ong tuig.

Sa media briefing sa Malaknayang ning Biyernes, si Deputy Presidential Spokesperson Abigail Valte nag-awhag sa mga ginsakapan sa media pagtabang sa kagamhanan pagpalapnag sa kasayuran mahitungod sa dautang epeketo sa rebentador.

“Sa atong mga ginsakpan sa media, palihug tabang sa pagpalapanag sa mga pamilya ilabi na ang mga ginikanan. Ang DOH (Department of Health) ang aktibo nga nagpalapnag sa kampanya sa 'Iwas Paputok’” matud pa ni Valte.

Si Valte nanawagan sa mga ginikanan pagbantayg sa ilang mga anak aron nga makunhuran ang gidaghanon sa mga nasamad o namatay atol sa Paso. "Ang pagkawagtang sa mga kamot o tiil usa ka dili maayong pmaagi pagsugat sa bag-ong tuig," matud pa niya.

“Malaumon kita nga kana ang mahitabo; Atong himoon ang pagkunhod sa gidaghanon sa mga nasamdan. Palihug bantayi ang inyong mga anak, dili nato pasagdan nga magpabuto ug mga piccolo… daghang mga lista sa gidili nga mga rebentador,” matud pa ni Valte.

“Atong hugtan ang pagbantay sa atong mga anak tungod kay makalolooy kaayo sila. Hinoon, ang DOH u gang mga pampubliko nga balay-tambalanan ang nangandam na pag-ayo tungod kay kita ang naglaum nga gamay lamang ang mga kaso sa mga fireworks-related injuries,”

Gikan sa Desyembre 21-26 ning tuiga, adunay kinatibuk-an nga  71 fireworks-related injuries ug usa ka stray bullet case. Hinoon, ang DOH mihatag gibug-aton nga ang gidaghanon sa mga kaso 33 porsiento na lamang kun ikumpara sa samang panahon sa nakalabay nga tuig. 

Matud pa sa DOH, walay mga gikataho nga namatay ug sa samang panahon sa nakalabay nga tuig adunay 108 fireworks-related injuries: 99 gikan sa fireworks, 8 sa stray bullets, ug usa sa firecracker ingestion. (GCC/PCOO /PIA,Pagadian City) 

Hepe sa PNP nag-awhag sa pagsabot sa pamilya sa mga pulis nga nagtrabaho sa holiday

By Gideon C. Corgue

PAGADIAN CITY, December 25 (PIA) –-  Si National Police chief Director General Alan Purisima ning Martes nangayo sa pagsabot sa mga pamilya sa mga miyembro sa kapulisan nga dili makauban niola tungod sa ilang pagduty sa holiday.

Si Purisima nagkanayon nga ang mga ginsakpan sa kapulisan sa Pasko ug bag-ong tuig ang mihimo sa ilang mando nga panalipdan ang mga Pilipino gikan sa mga criminal ug mga tigsupak sa balaod atoll sa pasko.

Matud pa niya nga ang mga pamilya sa kapulisan gikinahanglan nga mosabot nganong ang ilang mga gipangga ang nagtrabaho.

“Nangayo ako ug pagsabot sa mga pamilya sa atong mga ginsakpan sa kapuisan nga nagkawang sa ilang presensya sa pasko ilabi na sa noche buena ug media noche. Naglaum ako nga kamo ang makasabot nga mihimo sila ning maong sakrapisyo sa makausa pa alang sa kaayuhan sa serbisyo publiko,” matud pa ni Purisima.

Gawas sa mga kriminal, si Purisima nagkanayon nga iyang gimandoan ang iyang mga ginsakpan sa pagpunting sa ilang mga paningkamot sa pagpahunong sa pagbaligya sa illegal firecrackers.

Sayo pa niini, ang National Disaster Risk Reduction and Management Council miingon usab nga sila ang walay pahulay sa panahon sa Pasko sa pagpangita sa lawas sa mga biktima sabagyong Pablo.

Ang pangulo sa NDRRMC  nga si Benito Ramos nagkanyon nga walay tino nga petsa ang search, rescue ug retrieval operations nga matapos.

Si Ramos miawahag usan sa  Dept. of Social Welfare and Development pagpahigayon sa daghan nga stress debriefing teams alang sa mga biktima tungod kay ang mga biktima ang nangaguol ilabi na gayud dihang ilang gihunahuna ang mapait nga kahimtang sa panahon sa pasko.

Samtang, si Ramos miingon usab nga ang NDRRMC magpabilin nga on red alert atol sa pasko.

Matud pa ni Ramos nga ang red alert status nagkinahanglan sa tanang disaster management personnel nga naka-standby ug ang tanang vacation leaves ang ipahunong samtang ang blue alert nagkinahanglan nga ang katunga sa mga kawani sa ahensya ang andam sa mga contingencies.(GCC/PNA /PIA,Pagadian City) 

Anti-Enforced or Involuntary Disappearance Act of 2012 gipirmahan ni Presidente Aquino

Ni Alfonso T. Ruda

DIPOLOG CITY, DEC. 24(PIA)---Gipirmahan na ni Presidente Benigno Aquino III na niadtong Biyernes (Disyembre 21,2012) ang Anti-Enforced or Involuntary Disappearance Act of 2012.

Matod ni Presidential spokesperson Edwin Lacierda, ang bag-ong balaod naghimo sa pagdakop, detensiyon, pagdagit ug uban pang matang sa paghikaw sa kagawasan sa tawo nga usa ka kasong kriminal.

Lakip sa mga notadong kaso sa Anti-Enforced or Involuntary Disappearance mao ang mga kaso nila Jonas Burgos, Sherlyn Cadapan ug Karen Empeño  ug mga desaparecidos. Ilalom sa Anti-Enforced or Involuntary Disappearance Act of 2012, mahimo nang dakpon ug pasakaan ug kaso ang mga puwersang pangseguridad.

Usa sa mga maanindot nga probisyon sa maong balaod naglakip sa non-exemption sa mga malapason gikan sa amnestiya, kombiktado man o nag-atubang ug kaso nga manubag sa nahimo nilang kasal-anan.

Ilalom sa maong balaod, walay gahum ang gubat o unsa pang pampublikong emerhensiya pagsuspende ang implementasyon sa anti-disappearance law. Obserbahan usab ang Command Responsibility, diin ang mas taas nga opisyal manubag usab sa kasal-anan nga nahimo sa iyang mga sakop.

Sa samang higayon, mahimo usab nga supakon sa usa ka sumusunod ang kamanduan sa iyang labaw  nga ipatuman ang enforced disappearance. Nanawagan usab kini sa periodic update of registry sa tanang mga tawong nakaditini sa mga detention centers ug ang balaod nagdili usab sa pagpabarog ug mga sekretong pasilidad sa detensiyon.

Ang mga biktima ug pamilya sa enforced ug disappearance act mahimo usab nga mangayo ug bayad, restitusyon ug rehabilitasyon. Ang pinakabug-at nga silot ilalom sa Anti-Enforced or Disappearance Act of 2012 mao ang reclusion perpetua.

Gimanduan usab sa bag-ong balaod ang mga Human Rights Organizations nga mosalmot sa pagpanday sa Implementing Rules And Regulations sa nasangpit nga balaod.(ATR/PCOO/PIA9-Zambo Norte)

Malakanyang nalipay sa lakang sa Human Rights Watch pagdayeg kang Presidente Aquino ug Kongreso pagduso sa Anti-Enforced kon Involuntary Disappearance Act

By Gideon C. Corgue

PAGADIAN CITY, December 23 (PIA) –- Ang administrasyong Aquino nagpadyag sa iyang kalipay sa lakang sa Human Rights Watch (HRW) nga nagdayeg kang Presidente Benigno S. Aquino III ug ang Kongreso pagduso sa bag-o nga balaod  criminalize sa enforced disappearances sa Pilipinas, ang opisyal sa palasyo nagkanayon.

Si Presidential Spokesperson Edwin Lacierda mipagula sa iyang pamahayag sa  interview sa Radyo ng Bayan ning Domingo human nga ang pag-angkon sa HRW nga ang bag-o nga gipirmahan nga balaod mao ang una sa Asya ug dako nga kasaysayan pagtapos sa kalapasan sa tawhanong katungod sa Pilipinas.

Ang Human Rights Watch usa sa nanag-una sa kalibutan nga independent organizations nga nagdepensa ug nagpanalipod sa tawhanong katungod.

"Kita ang nalipay nga ang miila ning maong balaod," matud pa ni Lacierda.

Si Presidente Aquino mitimaan sa balaod ning Biyernes sa  Republic Act No. 10350 nga gitawag ug Anti-Enforced or Involuntary Disappearance Act of 2012.

Ang bag-ong balaod nag-criminalize sa pagdakop, pagbalhog sa bilangguan ug pagdagit o bisan unsa nga matang sa pagpugong sa kagawasan sa tawo sa estado.”

Ang kagamahan misaad sa epektibo nga pagpatuman sa balaod sa tinguha paghunong sa enforced disappearances ug pagsulbad sa suliran sa tawhanong katungod, matud pa ni Lacierda.

"Mao kini ang lakang nga nagpakita nga ang determinasyon ug  commitment sa administrasyong Aquino sa tawhanong katungod," matud pa niya.

Sa pamahayag, ang HRW nagkanayon nga ang Anti-Enforced or Involuntary Disappearance Act of 2012 nagpadayag sa international legal standards sa enforced disappearance.

“Si Presidente Aquino u gang Kongreso angayan sa maong pasidungog sa pagtrabaho aron paghunong sa enforced disappearances sa Pilipinas,”si  Brad Adams, ang HRW Asia director nagkanayon. (GCC/PCOO/PIA,Pagadian City) 

Presidente Aquino mipadangat sa iyang paskuhanong mensahe, nag-ila sa mga natampo sa katawhan pagtukod sa nasud

By Gideon C. Corgue

PAGADIAN CITY, December 22 (PIA) –- Si Presidente Benigno S. Aquino III mipdangat sa iyang paskuhanong mensahe nasud ning Sabado nagpasalamat sa matag-usa ka mulupyo sa ilang natampo sa matinud-anong pagtukod sa kultura ug sa iyang pagkamangihatagon sa uban sangpit ang nasud ang nag-uswag.

“Haum nga ang Pasko aron magpasalamat sa tanang mga panalangin nga atong naangkon. Sa ngalan sa kagamhanan, ako nagpasalamat sa tanan nga mga Pilipino nga mitabang pagtukod sa matinud-anon nga kultura ug sa pagpakabana sa isig-kaingon,” ang Presidente nagkanayon sa iyang mensahe nga gisibya sa radyo sa government website ning Sabado.

“Tungod sa talagsaon nga paningkamot gihimo sa tul-id nga dalan, mas makahuluganon kaayo ang Pasko sa Pilipino.”

Ang Presidente miila sa mga natampo sa matag-Pilipino pagkab-ot sa mga dagko nga programa nga gipanguluhan sa kasamtangan nga administrasyon.

Tipik ning maong mga proyekto mao ang Sitio Electrification Program nga nagpasiga sa mga komunidad nga naghatag ug kalipay sa katawhan sanglit sila ang nagsaulog sa panahon sa pasko, matud pa sa Presidente.

Tungod sa suporta sa katawhang Pilipino , Conditional Cash transfer program sa kagamhanan ang nagmalampuson, matud pa sa Presidente. Ang programa nagtanyag ug tabang sa mga kabus nga pamilya aron nga sila ang mahtagan ug maayong kapanginabuhian ug maayong panglawas.

“Tataw kaayo nga ang matag-tulo sa kalampusan nga atong naangkon gikan sa gitanom nga paningkamot sa katawhan; kamo ang among mga Boss ang naghimo niini.”

“Subli natong gipamatud-an sa kalibutan nga talagsaon ang Paskong Pilipino tungod sa pagpangandam sa matag-usa alang sa kaayuhan sa iyang kaigsoonan, dili lamang sa panahon sa Pasko kung dili sa matag-adlaw nga pagsubay sa tul-id nga dalan. Malipayong Pasko sa inyong tanan,” dugtong pa niya.  (GCC/PCOO/PIA,Pagadian City) 

Pres. Aquino midumala sa turn-over of Command sa Phil. Navy

Ni Alfonso T. Ruda

DIPOLOG CITY, DEC. 20(PIA)---Gidumala ni Presidente Benigno Aquino III kagahapon (Miyerkules) ang pagbalhin sa kamanduan sa Philippine Navy ug ang retirement ceremony sa nagretirong Hepe sa Phil. Navy.

Gitudlo sa Presidente si Vice Admiral Jose Luis Alano isip bag-ong Flag Officer-in-Command sa Phil. Navy puli ni Vice Admiral Alexander Pama.

Sa iyang pagpakigpulong sa turn-over of command, nagpahayag ug paglaum si  Presidente Aquino  nga ipadayon ni Vice Admiral Alano ang mga repormang nasugdan ni Pama sa Phil. Navy, partikularmente ang pagpalig-on sa kapabilidad sa Phil. Navy batok sa mga hulga gikan sa sulod ug gawas sa nasod.

“Naglaum ang publiko nga mabuntog ni Alano ang terorismo, matabangan ang nasod nga makabangon gikan sa katalagman nga nahiaguman sa Mindanao ug mabatukan ang korupsyon sa serbisyo,” matod pa ni Presidente Aquino.

Gumikan sa dedikasyon sa Phil. Navy nga mapalambo ang iyang kaugalingon ug maandam ang Pilipinas sa umaabot pang mga hagit, ang matag membro sa Navy, ingon man ang tibuok  nasod nga Filipinhon mahimo nang magpasigarbo na usab sa ilang kaugalingon.

Gidayeg sa Presidente ang pagpakita sa Navy sa ilang soberenyang katungod sa giilogang teritoryo sa West Philipine Sea, ang dental ug medical mission, ingon man ang feeding program ug disaster response initiatives sa Phil. Navy.

Ug aron madasig nga mas maningkamot pa ang mga membro sa Armadong Kusog sa Pilipinas, ang Presidente nagkanayon nga miggahin ang gobyerno ug 28 bilyones ka pesos sulod sa usa ka tuig ug pito ka bulan sa iyang administrasyon para sa AFP Modernization Program.

Gumikan sa nagakadakong pondo sa AFP, nakapalit ang nasod ug Hamilton class-cutters-ang BRP Gregorio del Pilar ug BRP Ramon Alcaraz ug BRP Tagbanua nga hinimo dinhi sa Pilipinas.

Sumala pa sa Presidente, nga gumikan sa pagpirma sa AFP Modernization Act niadtong miaging semana, padayong mapalig-on sa Navy ang iyang  puwersa uban ang pag-ingon nga ilalom sa bag-ong spending plan sa gobyerno, naggahin kini ug 75 bilyones ka pesos sa mosunod nga lima ka tuig alang sa paghimong moderno sa AFP.

Matod pa sa Presidente, ang gobyerno padayong maghatag ug desenteng puluy-anan para sa mga membro sa kapulisan ug military uban ang pag-ingon nga sunod tuig, naglaum siyang makompleto na sa National Housing Authority ang dugang 31,200 ka mga balay alang sa mga pulis ug mga sundalo.

Sa pagkakaron, miabot na sa 21,800 ka mga balay ang napahimo sa gobyerno alang sa mga pulis ug mga sundalo.

Lakip sa kauban sa Presidente sa maong kalihokan mao sila si Defense Sec. Voltaire Gazmin, Manila Mayor Alfredo Lim, Rep. Rodolfo Biazon, ug Philippine Coast guard Commander Rear Admiral Rodolfo Isoreno.

Si Alano nga natawo niadtong Mayo 1, 1958, usa ka gradwado sa Philippine Military Academy Class Matapat niadtong 1979 ug nakasilbi na sa military sulod sa 37 ka tuig.

Lakip sa mga pasidungog nga nadawat ni Alano mao ang 3 ka Distinguished Service Stars, Outstanding Achievement Medal, Gawad sa kaunlaran, ug Military Merit Medal nga dunay Spearhead Device.

Si Alano naminyo kang Maria Hildelita nga usa ka corporate lawyer ug nakaangkon sila ug duha ka anak  babaye nga sila si Maria Gabriela, 13 anyos ug Sofia Lourdes, 12 anyos. (ATR/PCOO/PIA9-Zambo Norte),  

Pres. Aquino nanguna sa ceremonial signing sa 2013 GAA

Ni Alfonso T. Ruda

DIPOLOG CITY, DEC. 19(PIA)--- Gipangunahan karon ni Presidente Benigno Aquino III ang ceremonial signing sa P2.006 trilyones nga 2013 General Appropriations Act  didto sa Malakanyang.

Ang 2013 GAA nga gitawag ug Empowerment Budget gipirmahan ni Presidente Aquino aron mahimong hingpit nga balaod didto sa Rizal Hall sa Malakanyang kaganihang buntag.

Ang 2013 nga Nasudnong Budget nagtumong nga mahatagan ug dakong kahigayonan ang mga Filipino sa gisaad nga panggobyerno pinaagi sa pagbubo ug puhonan sa mga estratihikong mga programa ug proyekto nga magdan-ag sa papel sa katawhan isip tiglihok sa ekonomiya.

Ang 2.006 trilyones ka pesos nga nasudnong pahat sunod tuig, mas taas ug 10.5 porsiento nga nasudnong pahat karong tuiga nga 1.816 trilyones.

Ang dakong bahin sa nasudnong pahat sa 2013 mapunta sa katilingbanong serbisyo, partikularmente sa Department of Education(P232.6-bilyones); Department of Social Welfare and Development(P56.3-bilyones); ug Department of Health(P51.1-bilyones).

Samtang sa laing bahin, ang mga ekonomikanhong kalambuan suportahan usab sa capital outlay sa pahat sunod tuig nga misaka ngadto sa 325.5 bilyones ka pesos ug pinaagi sa pagpatuman sa mga programang inprastaktura ilalom sa Department of Public Works and Highways nga nakadawat ug 156.6 bilyones ka pesos.

Ang 2013 GAA gipanday uban ang katuyoan sa pag-invest kapabilidad sa katawhan pinaagi sa paghatag ug prayoridad sa pondo alang sa serbisyo-publiko nga naghatag ug trabaho, edukasyon sa kabataan, ug masiguro ang mas himsog nga katawhan ug paghatag ug gahum sa matag Filipino nga makasalmot sa ekono mikanhong kalihokan.

Sa iyang bahin, si Budget Secretary Florencio Abad nagkanayon nga ang gastos sunod tuig gilaumang molahutay o dili ba kaha motupong sa natala karong tuiga. Iya usab nga gihatagan ug punto ang milambong paggamit sa pondo ug implementasyon sa mga proyekto nga posibling dugang pang moduso dugang kalambuan sunod tuig.

“Ang 2013 budget gipanday sa mga civil society groups ug komunidad sa ubos, kinsa mihatag ug mga sugyot may kalabutan sa nagkalain-laing paagi aron magkatugma ang panginahanglan sa katawhan ug ang plano sa gobyerno paggasto,” matod pa ni Abad.

Mitambong sa pagpirma ni Presidente Aquino sa 20133 GAA mao sila si Senador Franklin Drilon, Senator Edgardo Angara, House Speaker Feliciano Belmonte Jr., Executive Secretary Paquito N. Ochoa, Jr. Budget Secretary Florencio Abad, Deputy Speaker Pablo Garcia, Deputy Speaker Lorenzo Tañada, Majority Leader Neptali Gonzales II, ug 1st district, Negros Oriental Representative Jocelyn Limkaichong.

Ang uban pang mitambong sa pagpirma sa 2013 GAA ang mga membro sa gabinete, Ubos Balay-Balaoranan ug mga lider sa patigayon, ug civil society partners sa Budget Process.(ATR/PCOO/PIA9-Zambo Norte) 

Presidente Aquino pormal nga mipahimutang ni Purisima isip hepe sa Philippine National Police

By Gideon C. Corgue

PAGADIAN CITY, December 18 (PIA) –- Si Presidente Benigno S. Aquino III pormal nga mipahimutang kang Police Deputy Director General Alan Purisima isip acting chief sa Philippine National Police atol sa Change of Command ceremonies nga gipahigayon sa multi-purpose hall sa Camp Crame, dakbayan sa Quezon ning Martes.

Si Purisima kinsa nagsilbi nga miyembro sa Presidential Security Group nga nagpanalipod ni kanhi Presidente Corazon Aquino, naghulip kang Police Director General Nicanor Bartolome kinsa human nga nagsilbi isip hepe sa PNP sobra sa usa ka tuig, ang mipili nga moluwat sa iyang katungdanan karong adlawa.

Sa iyang mensahe, si   Aquino nagdayeg ni Bartolome sa iyang matinud-anon ug masaligan nga serbisyo kinsa nagpalig-on sa kadungganan sa pwersa sa kapulisan ingon man ang kaluwasan ug kalinaw sa panghunahuna sa katawhang Pilipino.

“Atong gisaluduhan si Director General Nicanor Bartolome kinsa dul-an sa usa ka tuig nga maayo nga pagdumala sa Philippine National Police, ang nag-una sa matarong ug masaligan nga serbisyo,” matud pa sa Presidente.

“Gidawat niya ang hagit nga sa pagpabalik ug tindog sa dungog sa atong kapulisan nga kasingkasing ang gipatigbbaw; ang isigkatawo ug dili ang kaugalingon ang gisilbihan; ang katarungan ug dili transaksyonalismo ang gidapigan,” dugtong pa niya.

Ang Presidente nagpasalamat kang Bartolome sa iyang dili hinakog nga trabaho sa pagretiro ug sayo aron paghatag kang  Purisima sa usa ka libre nga kamot pagpangandam sa sunod nga tuig nga piniliay.

“Nakabalo si Nic (Bartolome) ang kamahinungdanon sa lig-on nga pagplano ug pagkab-ot sa atong maayo nga pangandoy alang sa kadaghanan. Mas sayo pa ang iyang pagkanaog sa katungdanan aron paghatag aginanan sa bag-o nga liderato nga gikalatid nga magbantay sa nagsingabot nga piniliay. Kauban nato niini ang ang tukma nga panahon aron andamon ang kapulisan alang sa limpyo ug malinawon nga piniliay. Alang kang Nic: daghang salamat sa pagsakripisyo ug matinud-anong pagserbsiyo ang atong nasud.” matud pa sa Presidente.

Ang Presidente nagpadayag sa iyang dakong pagsalig kang Purisima, tungod kay ang bag-o nga hepe sa kapulisan ang modapig kung unsa ang maayo ug ensakto ug magdala ug dungog sa pwersa sa kapulisan. (GCC/PCOO/PIA,Pagadian City) 

Pres. Aquino mipirma ug EO nga nagmugna sa Transition Commission

Ni Alfonso T. Ruda

DIPOLOG CITY, DEC. 18(PIA)--- Si Presidente Benigno Aquino III mi-isyo karon ug Orden Ehikutibo numero 120 nga nagpabarog sa Transition Commission nga magpanday sa Bangsamoro Basic Law pinasikad sa Framework Agreement nga gipirmahan sa gobyerno ug Moro Islamic Liberation Front(MILF) niadtong Oktubre 15.

Si Presidential Adviser on the Peace Process Teresita Deles nagkanayon nga ang EO maoy “mipalig-on sa tinguha sa Presidente nga modas-og ang proseso sa kalinaw para sa Bangsamoro isip estratehikong inisyatibo para sa politikanhong estabilidad ug ekonomikanhong kalambuan.”

Midugang pa ang Peace Adviser nga ang EO mohatag usab ug mekanismo para sa matuod nga demokratikanhong kolaborasyon sa pagpanday sa gisugyot nga balaod diin mismong ang mga tawong apektado gilambigit sa pagpanday niini.

Ang EO mgmugna ug 15-ka tawong Transition Commission nga itudlo ni Presidente Aquino. Kasunod niini, ang gobyerno ug MILF magpagawas ug listahan sa mga kandidato gikan sa Bangsamoro ug mga residente sa lugar nga posibling masakop sa bag-ong political entity nga maglangkob sa mugnaong Transition Commission.

Gitakda usab niini nga ang TC magbutang ug buhatan ug makig-coordinate sa ubang ahensiya sa gobyerno ug kongreso aron mahuman agn ilang trabaho. Ang TC dunay pasiunang pahat nga 100 ka milyon ka pesos.

Sumala pa sa Orden Ehikutibo, ang TC mahimong morekomendar sa kongreso ug sa katawhan kon gikinahanglan ug mga kausaban sa Konstitusyon.

“Tumong niini nga ma-instalar ang Bangsamoro pinaagi sa usa ka Organic Act sa labing daling panahon aron duna nay piniling mga opisyal ang Bangsamoro pag-abot sa tuig 2016,” matod pa ni Meriam Coronel-Ferrer, ang Hepe sa mga Negosyador sa gobyerno. Dili usab kini magpugong sa TC o sa iyang mga membro nga eksaminon ang Konstitusyon ug irekomendar ang gikinahanglang reporma.

“Hinuon, una nang giklaro sa Presidente nga dili prayoridad ang pag-amendar sa Konstitusyon sulod sa iyang administrasyon,” dason pa ni Ferrer.

Motabang usab ang Transition Commission pag-ila sa mga proyektong pangkalambuan uban sa Bangsamoro Development Authority ug Bangsamoro Leadership Institute- duha ka institusyong dunay koneksyon sa MILF.

“Determinado ang gobyerno nga mapabarog ug balik ang mga lugar nga apektado sa kagubot ug mapadali ang socio-economic development sa rehiyon,” matod pa ni Ferrer. Makab-ot kini pinaagi sa paghatag ug gahum sa mga Bangsamoro mismo pinaagi sa ilang partisipasyon pag-umol sa ilang kaugalingong komunidad.”

Ang Transition Commission mahimo nang magsugod sa ilang trabaho samtang gipinalisar pa sa mga negosyador sa gobyerno ug MILF ang upat (4) ka mga annexes nga maoy magkompleto sa Framework Agreement sa Bangsamoro, “midugang pa si Ferrer.(ATR/OPAPP/PIA9-Zambo Norte)

  

Kagamhanang Aquino nagpadyag sa iyang pagtuo nga iyang mapadayon ang maayo nga relasyon sa Japan human nga si Prime Minister Noda midawat sa iyang kapildihan sa parliamentary elections

By Gideon C. Corgue

PAGADIAN CITY, December 17 (PIA) –- Ang kagamhanang Aquino nagpadayag sa iyang dako nga pagtuo nga kini ang mapadayon ang iyang  maayong relasyon sa Japan human nga si Japanese Prime Minister Yoshihiko Noda midawat sa iyang kapildihan sa parliamentary elections ning Sabado nga naghatag timailhan pagbalik sa gahum sa Liberal Democratic Party (LDP).

"Isip strategic ally ug partner, kita ang makatrabaho uban ang kagamhanan sa Japan. Kita ang makatrabaho uban ang bag-o nga liderato, ang liderato sa  LDP. Atong gilauman nga makapadayon sa atong mainit nga relasyon sa Japan," si Presidential Spokesperson Edwin Lacierda nagkanayon atol sa regular press briefing sa Malakanyang ning Lunes.

Si Prime Minister Noda misaad nga manaog isip party president human sa piniliay nagpadayag nga ang opposition LDP midaug sa dakong kadaugan sa parliamentary elections.

Ang lakang ni Noda naghatag agianan pagbalik sa gahum sa kanhi Prime Minister Shinzo Abe, ang kasamtangan nga pangulo sa conservative-leaning LDP.

Sa nakalabay nga tuig, si Presidente Aquino miduaw sa Japan sa tinguha nga dugang mapalig-on ang espesyal nga panaghigalaay nga namugna sa duha ka mga nasud sa nakalabay nga 55 ka tuig. (GCC/PCOO/PIA,Pagadian City) 

Gobyerno, padayong naghatag ug tambag sa mga biktima sa bagyo

Ni Alfonso T. Ruda

DIPOLOG CITY, DEC. 17(PIA)--- Ang gobyerno misaad nga siguraduhon ang “emotional well-being” sa mga biktima sa bagyo sa Mindanao human gikataho nga kadaghanan kanila nag-antus sa sakit sa utok gumikan sa nasinatiang katalagman, matod pa sa usa ka Opisyal sa Palasyo.

Sa usa ka pakighinabi sa sibyaananang DZRB-Radyo ng Bayan, gipahayag ni Deputy Presidential spokesperson Abigail Valte, nga miadto ma sa mahitaboan sa bagyo ang pipila ka membro sa gabinete ni Presidente Benigno Aquino III ug nakipagdiyalogo sa mga naluwas sa katalagman isip tipik sa nagpadayong pagpaningkamot sa gobyerno nga mahibalik sa normal ang ilang kinabuhi.

Ilang gipasabot sa mga biktima sa kalamidad nga gipatuman na sa gobyerno ang pagpanghatag sa hinabang ngadto sa mga biktima, ingon man ang pagpabarog ug balik sa nangaguba nilang pinuy-anan aron mahibalik sa normal ang ilang mga kinabuhi.

“Gawas sa pagpabakwet ug paghatag ug hinabang sa mga biktima sa bagyo, naghatag usab ang Department of Social Welfare and Development ug stress debriefing sa mga biktima, ug uban sa gidaghanon sa ilang mga social worker, usa gyud kini ka malisod nga tahas, “matod pa ni Valte.  

Samtang padayong nanghatag ang gobyerno ug pagkaon, sinina ug puluy-anan ngadto sa mga biktima, gisiguro usab sa gobyerno nga anaa sa maayong panglawas ang mga biktima.

Samtang ang kabahin sa ispirituhanong aspeto, gitugyan na kini sa gobyerno ngadto sa mga kaparian ug mga pastor nga sa lokalidad ang paghatag ug ispirituhanong tambag ngadto sa mga biktima.

Isip reaksyon sa taho nga nanghatag ang Department of Environment and Natural Resources ug  logging permit sa mga lugar nga naapektuhan sa bagyo, si Valte miingon nga ila pang gipaabot ang resulta sa imbestigasyon nga gimando sa Presidente.

“Dihang nagpadayon pa ang bagyo ug ato pa lang nakita ang epekto sa bagyo, duna nay nag-ingon niana. Ato nala kining gitugyan sa mga membro sa grupong gitahasang mag-imbestigar niini, sanglit usa usab kini sa posibling mga hinungdan- ang illegal logging ug pagmina,” dugang pa ni Valte.

“Tipik kana sa imbestigasyon.  Ang DOJ, DENR, DILG, sila ang gimanduan sa Presidente  nga molantaw kon ngano ug unsa ang hinungdan sa nahitabo sa Davao Oriental ug Compostela Valley,” panapos pa ni Valte.(ATR/PCOO/PIA9-Zambo Norte)

Malakanyang mipahalipay ni Donaire sa knockout victory batok sa Mexican nga kaaway

By Gideon C. Corgue

PAGADIAN CITY, December 16 (PIA) –- Ang Malakanyang mipahalipay ni Nonito “Filipino Flash” Donaire sa iyang pagpalukapa sa Mexican nga Jorge Arce sa katapusang segundo sa ikatulo nga hugna sa ilang World Boxing Organization Super Bantamweight title bout nga gipahigayon sa Toyota Center sa Houston, Texas ning Sabado (Domingo sa Manila).

Si Deputy Presidential Spokesperson Abigail Valte nagkanayon sa interview nga gipalanog sa dzRB Radyo ng Bayan ning Domingo nga ang kadaugan ni Donaire mao ang pagtapak sa kapildihan nga naangkon sa iyang kauban nga Filipino boxing superstar nga si Emmanuel Pacquiao kinsa napildi kang Mexican Juan Manuel Marquez niadtong Desyembre 9.

“Buot natong ipaabot ang kinasing-kasing nga pagpahalipay kang Nonito Donaire tungod kay midaug siya. Atong nakita nga sa ikatulo nga KO (knockout) ang atong nakita kaganina batok sa Mexicano nga si Jorge Arce. busa si Mr. Donaire ang malampuson nga midepensa sa iyang WBO Super Bantamweight nga korona,” matud pa ni Valte.

“Malipayon kita ning maong kadaugan niya ilabi na gayud nga daghan sa atong mga kababayan nga sports fans ang halos dili makatuo sa kapildihan ni Manny Pacquiao kay Juan Manuel Marquez ,” dugtong pa niya.

“Busa usa kini ka welcome victory dili lamang sa mga Filipino sports fans apan sa tanang katawhang Pilipino,” matud pa ni Valte. (GCC/PCOO/PIA,Pagadian City) 

Aquino misaad pagpalig-on sa pagpangandam sa kalamidad

By Gideon C. Corgue

PAGADIAN CITY, December 14 (PIA) –- Ang kagamhanan magpalig-on sa iyang mga paningkamot  paglikay sa popolasyon sa kadaut kung panahon nga adunay mga bagyo ang moabot aron paglikay sa subli nga panghitabo sa kadaut nga gidulot sa bagyong Pablo sa Mindanao, si Presidente Benigno S. Aquino nagkanayon ning Biyernes.

Atol sa change of command ceremonies nga gipahigayon sa Philippine Coast Guard (PCG) ning bag-o pa lang, ang Presidente nangayo ug suporta sa mga kawani sa Coast Guard pagpatuman sa mga pagpangandam sa kagamhanan aron pagkunhod sa epekto sa bagyo ngadto sa katawhan.

Ang preemptive measures gikihanglang ipahiluna kung aduna may mga nagsingabot nga bagyo aron paglikay pagkakalas sa kinabuhi ug pagkadaut ug dako sa mga kabtangan, matud pa niya sa iyang pakigpulong. Kini mao ang katungdanan sa PCG ug sa matag-kawani sa kagamhanan, ug sila ang magmalampuson pagtabang sa ilang isig ka Pilipino samtang sila ang anaa kadasig pagtabang, matud pa sa Presidente.

“Kung dili man nato kini mapugngan, nakaandam na kita aron tambalan ang samad niya, ug ipabati niya nga dili lang siya nag-inusara ug ato siyang gipas-an gikan sa atong pagbangon, hangtud nga maayo ang samad niya hangtud nga makamao siya nga molakaw nga paspas ug matuboy sa kauswagan ang iyang kinabuhi,” matud pa sa Presidente.

“Kung gikinahanglan nato nga atong doblehon ang atong mga pasidaan; kung giinahanglan nato nga katuloon ang atong mga pagpangandam; kung gikinahanglan nato nga sila ang atong ibakwit sa usa ka semana sa dili pa mogusbat ang makusog nga pag-ulan ug pagbaha, ato kining himoon tanan tungod kay katungdanan nato nga siguruhon nga mapalayo nato sila sa kakuyaw sigun sa atong mahimo,” dugtong pa niya.

Ang Presidente nagkanayon siya ang  nahikurat sa dakong damyos nga nahitabo sa New Bataan, Compostela Valley, ug Boston, Davao Oriental atoll sa iyang pagduaw sa nakalabay nga semana.

Ang Presidente nangulo sa change of command sa PCG ug naghagit sa bag-ong kumandante pagpadayon sa mga maayong buhat sa iyang gisundan.

Si Rear Admiral Rodolfo Isorena midawat sa iyang katungdanan ning Biyernes isip bag-o nga commandant sa PCG nga nagpuli kang Vice Admiral Edmund Tan. (GCC/PCOO/PIA,Pagadian City) 

Presidente Aquino nangulo sa ceremonial signing sa revised Armed Forces of the Philippines Modernization Act sa Malakanyang

By Gideon C. Corgue

PAGADIAN CITY, December 12 (PIA) –- Si Presidente Benigno S. Aquino III nangulo sa ceremonial signing sa Revised Armed Forces of the Philippines (AFP) Modernization Act nga gitawag ug Republic Act No. 10349 sa tinguha nga dugang mapalambo ang kapabilidad sa depensa sa Armadong Kusog sa Pilipinas alang sa pagpanalipod ug seguridad sa nasud.

Ang ceremonial signing gipahigayon sa Rizal Hall sa Palasyo sa Malakanyang ning Martes.

Ang Akta Republika 10349 nag-usab sa ubay-ubay ka mga probisyon sa RA No. 7898 nga gitawag ug AFP Modernization Act. 

Ang balaod nagtanyag ug mga pundo sa Revised AFP Modernization Program nga gipahat sa Kongreso sa kantidad nga P75 bilyones alang sa nag-una nga lima ka tuig aron pagpalambo sa kapabilidad sa AFP sa iyang programa sanglit kini ang mibalhin na gikan sa internal ngadto sa external defense capability.

Ang RA 10349 nagtukod sa Defense System of Management (DSOM) kinsa naghiusa sa collegial ug collaborative process pagplano ug decision-making pinaagi sa senior leaders sa defense ug military establishments diha pag-ila sa dagko nga kahimanan sa depensa nga gikinahanglan sa dagko nga serbisyo sa AFP aron paghimo kanila nga mohimo sa ilang mando.

Ang DSOM wala nagtugot sa posibilidad pagpabor decision-making process diha sa pagpalit sa dagko nga mga kasangkapan sa depensa.

Ilawom sa balaod, ang DSOM usa ka strategy-driven, capability-based multi-year planning and execution process, kinsa nagtanyag sa scientific, logical ug holistic approach pagtantiya sa panginhanglan sa seguridad sa nasud. Kini ang nagtanyag sa dugang pagpanalipod aron pagseguro pagpalit sa dako nga kahimanan sa depensa sa AFP.

Ang nasangpit nga balaod nagtanyag ug dugang nga funding sources gikan sa public-private partnership nga gihimo sa Department of National Defense kon sa AFP ubos sa pagtugot sa Presidente ug ang abot sa abang kon hiniusa nga kalamboan sa military reservations ug ubos pagtugot sa Presidente nga nagkinahanglan ug pagtugot usab sa Kongreso."

Ang RA 10349 nagtugot sa multi-year contracts, samtang ang bayad sa outstanding multi-year contract obligations ang moabot sa 15 ka tuig nga pagpatuman. (GCC/PCOO/PIA,Pagadian City)