Matarong nga dalan nagbunga ug kalamboan , reporma sa Mindanao matud pa ni Aquino

By Gideon C. Corgue

PAGADIAN CITY, Abril 13 (PIA) –- Nagsubay sa matarong nga dalan nakahimo nga posible sa Mindanao nga makapatuman sa kausaban ug motukod sa dagko nga mga proyekto nga karon nagsugod nga nakabenepesyo sa katawhan, si Presidente Benigno S. Aquino III nagkanayon ning Biyernes.

“Sa matarong nga dalan, atong napamatud-an nga posible nga kita ang adunay gobyerno nga tinuod nga nag-antos; nga posibleng adunay patas nga maayong higayon, ikaw man ang naa sa Luzon, sa Visayas, o sa Mindanao,” ang Presidente nagkanayon sa iyang pakigpulong atol sa panagtigum uban ang mga local leaders ug mga mulupyo dinhi.

Ang Presidente nagpahinumdum sa katawhan nga ang ilang mga boto sa nagsingabot nga sa Mayo ang mahinungdanon kaayo alang pagseguro nga ang reporma sa Mindanao nagpadayon o ba kaha ang rehiyon mobalik sa iyang kanhi kahimtang.

Ang kagamhanan ug ang Moro Islamic Liberation Front (MILF) nagkauyon nga ang Framework Agreement for Mindanao peace sa nakalabay nga tuig, ang Presidente nagkanayon nga nag-alinggat nga ang kanhi rebelde nga organisasyon karon mao na ang kaabag sa kagamhanan sa reporma ug kalamboan.

Ang Presidente miingon usab nga ang tungod sa matarong nga dalan nga gipatuman sa iyang administrasyon, ang Autonomous Region in Muslim Mindanao (ARMM) nakapadayon sa daghan nga mga proyekto nga karon gisugdan aron pagtabang sa katawhan.

Tipik ning maong mga proyekto naglakip sa 13 kilometro nga Simuay-Landasan-Parang road,  Cotabato East Diversion Road ug ang 36 irrigation projects sa Mindanao nga nagbili sa P471-milyones.

Sobra sa 381,560 nga mga panimalay sa ARMM ang nakabenepesyo gikan sa Pantawid Pamilyang Pilipino Program sa kagamhanan ug ang mga reporma ug dugang mga proyekto magpdayon sa Mindanao kung ang mga tawo ang mopili sa mga matarong nga lider ilabi na sa mga kaabag sa administrasyon, matud pa sa Presidente. (GCC/PCOO /PIA9-Pagadian City)