Presidente Aquino mitudlo bag-ong Associate Justice of the Court of Tax Appeals

Ni Claro A. Lanipa

PAGADIAN CITY, 23, May (PIA) – Gitudlo ni Presidente Benigno S. Aquino III si Maria Belen Ringpis-Liban isip bag-ong Associate Justice of the Court of Tax Appeals  hulip ni Olga R. Palanca-Enriquez.

Gipirmahan sa Presidente ang appointment ni Ringpis-Liban ning Mayo 17.

Si Ringpis-Liban nigraduwar sa UP College of Law, nagsilbing isip regional trial court judge sa Malolos ug Quezon City. Nahimo usab siya usa ka solicitor sa Office of the Solicitor General gikan sa tuig 1988 hangtod 1996.

Gikan sa 1986 – 1988, nagtrabaho siya isip usa ka confidential attorney sa Court of Appeals. Usa usab siya ka legal associate sa PNCC ug sa Puruganan Ongkiko and Chato Law office.

Niadtong Mayo 17 gitudlo usab sa Presidente si Teresita O. Hatta isip executive director sa Central Bank Board of Liquidators. Si Hatta nipuli kang Leopoldo A. Abad, Jr.

Nigraduwar sa Business Administration sa University of the Philippines, nagtrabaho isip assistant governor sa Bangko Sentral ng Pilipinas’s (BSP) Systems and Methods Office gikan sa 2001 hangtod 2009.

Nahimo usab siya BSP’s managing director for Accounting and Information Technology ug sa susamang higayon chief accountant ug chief information officer sa BSP gikan sa 1997 hangtod 2001.

Nagsilbi usab siya sa kanhing Central Bank of the Philippines ug nagtrabaho usab sa SGV and Co, sulod sa unom ka tuig.

Ang ubang presidential appointments naglangkob ni Aurora Javate-de Dios isip Philippine Representative ngadto sa Association of Southeast Asian Nations Commission on the Promotion and Protection of the Rights of Women and Children. Nagsilbi siya sulod sa tulo ka tuig isip representante sa nasud. (PND/CAL/PIA9)

Pres. Aquino nakighiusa sa tibuok kalibutan pagtunol ug pahasubo sa mga biktima tornado sa Oklahoma City

Ni Alfonso T. Ruda

DIPOLOG CITY, MAY 22(PIA)--- Ang Pilipinas miduyog sa ubang mga nasod sa tibuok kalibutan pagtunol ug pahasubo sa mga lumulupyo sa Oklahoma City sa Estados Unidos nga naigo sa higanteng tornado niadtong Lunes.

Sa usa ka press briefing sa Malakanyang, si Deputy Presidential  Spokesperson Abigail Valte mipabati sa iyang kasubo sa pagkakalas sa daghanang mga kinabuhi gumikan sa maong katalagman ug mihalad ug pag-ampo alang sa mga biktima, kahigalaan ug pamilya.

Sumala pa sa taho, usa ka higanteng tornado nga dunay gilapdon nga  duha ka milya ang mihapak sa Oklahoma City ug kanait nga lugar nga mikalas sa kinabuhi sa 24 ka tawo, lakip na niini ang siyam ka mga bata. Dala ang hangin nga dunay gikusgon nga 200 ka milya matag takna, ang bagyo nagakakusog ug miabot sa punto nga  nahimo na kining usa ka “powerful twister.”

“Ang katawhang Filipinhon miduyogtsa tibuok kalibutan sa pagbangutan taliwala sa sa kadaot nga gidulot sa tornadong mihapak sa Oklahoma City ug palibot niini. Atong gitunol ang pahasubo sa liboan nga naapektuhan sa maong kalamidad, diin pipila kanila nag-atubang ug dakong tahas pagpabangon sa ilang kinabuhi ug pagpabarog ug balik sa nangaguba nilang mga pinuy-anan,” matod pa ni Valte. 

“Gikasubo namo ug dako ang pagkakalas sa mga linghod nga kinabuhi gumikan sa maong katalagman, diin sa pagkahitabo, kadaghanan kanila didto sa mga tunghaan. Ang among hunahuna ug pag-ampo nakig-uban sa ilang mga ginikanan ug pamilya niining malisod nga yugto sa ilang kinabuhi. Hinaut pa unta nga ang mga biktima sa  maong katalagman makaangkon ug kalipay ug kusog sa umaboit nga mga adlaw,” dason pa ni Valte. (PCOO/ATR/PIA-Zambo Norte)