Presidente Aquino dili uyon i-oktaba ang eleksyon sa barangay

Ni Claro A. Lanipa

PAGADIAN CITY, 22 May (PIA) – Gibutyag ni Presidente Benigno S. Aquino III kagahapon nga usa kini ka gipanumpa nga katungdanan sa kagamhanan aron maseguro ang mando sa katawhan sa matag karon ug unya ug tungod niini dili niya suportahan ang rekomendasyon ni Commission on Elections chairman Sixto Brillantes aron i-oktaba ang pagpahigayon sa 2013 eleksyon sa barangay karong umaabot nga  Oktubre.

Sayo pa niini si Brillantes mipadayag nga iyang iduso sa Kongreso ang usa ka balaodnon aron i-uswag ang eleksyon sa barangay sa sunod nga tuig tungod kay siya ug ang Comelec  “adunay pay daghan mga buluhaton sa bag-o lang gipahigayong mid-term elections.”

Sa usa ka press briefing sa Cavite City, and Presidente miingon nga kon adunay maayong rason sa pag-oktaba,” magpabilin siya lig-on sa iyang baroganan nga ang eleksyon sa barangay iphigayon sa orihinal gitakdang panahon.

“Kining pag-oktaba, nabalaka ako niini baka daghan pang mahitabong pag-oktaba,  sama  sa kanhing kasinatian nato sa una, ug ang mando sa katawhan kinahanglan maseguro matag karon ug unya,” miingon ang Presidente.

“Busa, gawas kon makita nako  nga adunay maayong kapasikaran sa pag-uswag, tingali magpabilin ako sa akong kanhing baroganan nga kaya nila o kaha kayahon nila nga ipahigayon ang eleksyon sa barangay sa gitalamdan panahon, dugtong pa sa Presidente. (PND/CAL/PIA9)

Taiwan muhatag ug dugang seguridad muprotekta sa mga Pilipino sulti sa Malakanyang

By Mary May A. Abellon

DIPOLOG CITY, May 21 (PIA) – Ang gobyerno sa Taiwan intensyong muhatag ug dugang seguridad muhatag ug proteksyon sa mga Pilipino naa sa Taiwan taliwala  sa mga taho nga pag-asulto ug diskriminasyon batok sa mga Pinoy nga naa didto, hisgot sa usa ka opisyal sa palasyo sa Lunes.

Istorya ni Deputy Presidential Spokesperson Abigail Valte sa usa ka press briefing sa Malakanyang nga ang gobyerno sa Pilipinas nagpabilin nga positibo nga ang nagapanghitabo nga harassment ug asulto batok sa mga Pinoy sa Taiwan kay mahunong human ang presidente sa Taiwan nga si Ma Ying-jeou misiguro sa miaging semana ang proteksyon sa mga Pinoy nga naa didto.

Sa milabay nga Biernes, ang lider sa Taiwan mitawag sa kalma ug mi saad sa pag protekta sa mga Pinoy nga nagpuyo ug nagtrabaho sa ilang lugar.

“Akong nasabtan, nga ilang pamunoan kay mipabati na sa intensyong muhatag ug dugang seguridad ug kita naghinaot nga ang naasoy nga panghitabo dili na mausab,” sulti ni Valte.

Ang Manila Economic and Cultural Office (MECO) kay naka organisa na ug grupo nga mu dokumento sa mga pang hasol ug asulto batok sa mga Pilipino nga naa sa Taiwan ug itaho kini sa foreign ministry sa Taiwan.

“Ang atong kasaligan didto kay nakigtrabaho kauban sa mga tukmang ahensya sa Taiwan para masusi ang mga pang atake.

Hisgot pa ni Valte nga ang gobyerno sa Pililpinas miawhag sa mga katawhang Taiwanese nga dili hasulon ang mga Pinoy tua didto kay wala sila kalambigitan sa nahitabong pagpusil patay sa usa ka mangingisda nga Taiwanese miaging Mayo 9 sa Batanes.

Ang gobyerno sa Pilipinas mi siguro nga adunay contingencies gi andam kung adunay pagpanguli sa mga Pinoy gikan Taiwan. Ang Department of Labor misulti nga sila nangita ug lain nga merkado sama sa South Korea, Middle East ug Malaysia nga mudawat sa mga trabahanteng Pilipino nga naapektuhan sa kasamtangang dili pagkasinabtanay kauban ang Taiwan.

(MAA/PCOO/PIA9-Zamboanga del Norte)