Presidente Aquino nanumpa sa bag-ong opisyales sa kagamhanan

Ni Claro A. Lanipa

PAGADIAN CITY, 10 Jan (PIA) – Gipanumpa ni Presidente Benigno Aquino III ang mga bag-ong gitudlo Philippine ambassadors ug ubang mga opisyales sa kagamhanan sa usa ka seremonyas sa Malacanang Palace  ning Miyerkoles.

Philippine Ambassador to the Republic of Kenya Lamberto Monsanto ug Philippine Permanent Representative to the Association of Southeast Asian Nations Ambassador Elizabeth Buensuceso nanumpa didto sa Hereo’s Hall sa Malacanang.

Lakip si Ambassador Celia Anna M. Feria isip hepe sa Presidential Protocol ubos sa buhatan sa Presidente.

Ang ubang mga opisyales kinsa nanumpa usab mao silang Ramon Allan V. Oca isip Undersecretary sa Department of Energy, Jose I. Lorena isip Undersecretary sa Office of the Presidential Adviser on the Peace Process, Maria Edita Z. Tan isip Assistant Secretary sa Department of Finance, Luis A. Mamitag Jr. isip Assistant Secretary sa Department of Public Works and Highways, Javier R. Jimenez isip Assistant Secretary sa Department of Social Welfare and Development, Rommel R. Abesamis isip Assistant Secretary sa Department of Environment and Natural Resources, Rolando T. Canizal isip Assistant Secretary sa Department of Tourism ug Amador S. Pabustan isip Assistant Secretary sa Dangerous Drugs Board.

Gipanumpa usab sa Presidente silang Antonieta F. Ibe isip Commissioner sa Securities and Exchange Commission, Erlina T. Agus isip Commissioner sa 2^nd Division, National Labor Relations Commission sa Department of Labor and Employment (DOLE), Jose G. Gutierrez isip Commissioner sa 7^th Division sa National Labor Relations Commission sa DOLE, Jose Ramon G. Albert isip Executive Director V sa National Statistical Coordination Board, Robert D. Villanueva isip Deputy Administrator sa Office for  Transportation Security, Department of Transportation and Communications, Henry R. T. Abella ug Katrina Manahan isip Directors IV; Atty. Nancy D. Quimpo, Immanuel Cedrik L. Forbes ug Rafael Victor L. Ignacio isip Directors III sa Presidential Management Staff. (PCOO/CAL/PIA9)

IRA sa mga LGUs mosaka ug 37.5% sa 2013, matod pa ni Abad

-->

Ni Alfonso T. Ruda

DIPOLOG CITY, JAN. 10(PIA)--- Bunga sa mas taas nga  revenue collection, ang Department of Budget and Management (DBM) mitaho nga mosaka ang Internal Revenue allotment (IRA) sa mga Kagamhanang-Lokal  karong tuiga ug 37.5 % ngadto sa 302.3 bilyones ka pesos gikan sa 219.9 bilyones ka pesos niadtong 2012.   

Ang Internal Tax Revenue nga nakolekta niadtong 2010 misaka ngadto sa 822.6 bilyones ka pesos gikan sa 750.3 bilyones ka pesos nga nakolekta niadtong 2009.

Ilalom sa Section 284 sa Local Government Code, ang bahin sa mga LGUs gikan sa national internal tax revenues  magdepende sa koleksyon nga matala sulod sa 3 ka tuig sa dili pa ang kasamtangang tuig.

“Ang madasigong pagpaningkamot sa pagkolekta ug buhis nga nagtimaas sa sinugdanan sa administrasyong Aquino nakatabang ug dako nga mosaka ang makolektang buhis sa 2010, nga nagkahulugan ug mas dakong budhetary support para sa mga LGUs karong tuiga.

“Uban ang dakong bahin sa IRA nga ilang malauman, duna na karoy dakong panahon ang mga LGUs nga  epektibong makalihok ug ma-improve ang paghatod sa nanag-unang serbisyo ug panginahanglanon sa publiko,” matod pa ni Budget Secretary Florencio Abad.

Ang IRA karong tuiga bahin-bahinon sa 81 ka mga probinsiya, 143 ka mga siyudad, 1,479 ka mga munisipyo ug 4,889 ka mga barangay sa tibuok nasod. Dugang pa nini, ang listahan sa mga Kagamhanang-Lokal nga makadawat sa ilang IRA maglakip na sa bag-ong nahimong siyudad sama sa Ilagan, Isabela; Mabalacat, Pampanga; ug Cabuyao, Laguna.

Samtang sa laing bahin, gipahayag usab ni Aabd nga ang Dinagat Island Province makadawat na sa iyang IRA karong tuiga human legal nga naresulba ang isyo sa pagka-probinsiya niini. Niadtong Oktubre 24, 2012, ang Korte Suprema mi-isyo ug Entry of Judgment  sa ilang disisyon nga mipalig-on sa “Constitutionality” sa Akta Republika 9355- ang Akta nga nagmugna sa lalawigan ug naghimo niining pinal ug executory.

“Uban ang pagkapinal sa disisyon sa Korte Suprema, ang Kagamhanang-Lokal sa Dinagat Island makahimo na pagsugod sa mga kalambuan alang sa pribinsiya ug iduso ang paghatod sa gikinahanglang serbisyo-publiko sa katawhan. Ang tumong sa Kagamhanang-Aquino nga mapatuman ang paspas ug malungtarong kalambuan sa tanang mga Filipino, ug way kalainanan niini ang mga katawhan sa Dinagat Island,” matod pa ni Abad.(ATR/PCOO/PIA9-Zambo Norte)

Presidente Aquino nangulo sa seremonya nga nagpasidungog sa 2012 Outstanding Young Men

By Gideon C. Corgue

PAGADIAN CITY, January 9 (PIA) –- Si Presidente Benigno S. Aquino III mihatag pasidungog sa pito ka mga tawo nga gipili nga The Outstanding Young Men (TOYM) of 2012 sa seremonya nga gipahigayon sa Malakanyang ning Miyerkoles.

Ang TOYM mao ang pinakabantugan nga inidigay sa dungog sa Pilipinas alang sa mga batan-on nga lalaki ug babaye nga may panigdaron sa 18 ngadto sa 40 kinsa ang dili hinakog nga dedikasyon sa ilang propesyon kon bokasyon miresulta sa mahinungdanon nga mga natampo sa kaayuhan sa ilang mga katagi-lungsod ingon man pagpaabante sa ilang mga trabaho.

Ang Presidente kinsa giabayan sa mga nagpasiugda sa TOYM, nga mao ang TOYM Foundation nga girepresentahan sa iyang vice chairman nga si Lorenzo Tan; ang Junior Chamber International (JCI) Philippines gipanguluhan sa ilang presidente nga si Randolf Ivan Ruste; ug ang Gerry Roxas Foundation nga girepresentahan sa iyang chairperson nga si Judy Roxas; ang nangulo sa paghatag pasidungog sa mga tropyeo ning tuiga nga TOYM awardees.

Ang 2012 TOYM awardees mao ang sila si Democratic Independent Workers’ Association (DIWA) Partylist Representive Emmeline Aglipay alang sa Public Service; Warren Baticados alang sa Veterinary Medicine; Emelio “Chieffy” Caligdong alang sa Sports; Abelardo David alang sa Community Occupational Rehabilitation; Ivan Anthony Henares alang sa Heritage Conservation; Rodrigo “Jiggy” Manicad, Jr. alang sa Broadcast Journalism; ug Allan “apl.de.ap” Pineda alang sa Contemporary Music.

Sa iyang pakigulong, ang  Presidente midayeg sa mga awardees ning tuiga pagpaabante ug pagkahawod sa ilang mga propesyon ug adbokasya” samtang siya ang mihatag kaseguruhan sa tanang mga Pilipino nga ugma damlag wala nay kakulangon sa mga maalamon ning nasud—nga adunay mga tawo nga makahimo sa ilang hiniusa nga tinguha pagpaabante aron nga makab-ot ang permanente nga kausaban sa atong nasud ug sa katawhan.”

“Sugod karon, dili na kamo pribado nga indibidwal, apan simbolo—simbolo nga tataw nga nagpakita sa atong katagi-lungsod ug sa uban sa kalibutan nga ang Pilipino usa ka world class ug bisan malampuson man siya, ang Pilipino wala nawad-an sa diwa sa bayanihan, ug kanunay nga mouli aron motabang sa iyang katagi-lungsod. Kini mao ang atong nakita sa mga tawo nga atong gipasidunggan karon,” matud pa sa Presidente.(GCC/PCOO/PIA9-Pagadian City)