Malakanyang nag-awhag sa mga estudyante mohunong paghimo sa mga mapintas nga kalihokan

Ni Gideon C. Corgue

PAGADIAN CITY, August 1 (PIA) – Ang Malakanyang nanawagan sa mga estudayante nga mohunong pag-apil sa mga mapintas nga mga kalihokan sama sa pagpasipala sa uban, sanglit lain na usab nga kaso sa gikatahapan hazing nga miresulta sa kamatayon sa tinun-an sa San Beda law school ning bag-o pa lang.

Si Deputy Presidential Spokesperson Abigail Valte mipakanog atol sa maong panawagan atol sa regular press briefing ning Martes sa Malakanyang nga walay mabulahan sa maong supak sa balaod nga kalihokan.


“Kung tinuod nga kini ang biktima sa hazing, undangon nato kining naglibotlibot nga nga mapintas nga kalihokan, wala may nabulahan niini,” 
pahayag ni Valte.


Iyang gihatag ang kaseguruhan nga ang Philippine National Police magpahigayon sa makuti nga imbistigasyon sa maong kaso.


Ang mga taho nagkanayon nga usa ka tinun-an sa San Beda law school namatay human sa gituhuan nga fraternity hazing rituals sa Dasmarinas, Cavite ning Domingo.


Sa gipadayag sa Facebook page, Lsghotline Sbc, ang San Beda Law Student Government mikonpirma sa kamatayon ni Marc Andei Marcos.


Samtang gipaabot ang pagtapos sa imbestigasyon, ang kaso gikonsiderar nga usa ka insidente sa pagpamun-og.

Kung ang angulo sa hazing mapamatud-an nga tinuod, si Marcos mao ang ikaduha nga San Beda law student nga namatay sa hazing ning tuiga human kang Marvin Reglos kinsa ang namatay ning Pebrero. (GCC/PCOO/PIA9-Zambosur)