Ni Alfonso T. Ruda
DIPOLOG CITY, JAN. 24(PIA)--- Gipirmahan na ni Presidente
Benigno Aquino III niadtong Enero 18, 2013 ang Akta Republika 10361 kon ‘An Act
Instituting Policies for the Protection and Welfare of the Domestic Workers.
Ang
bag-ong balaod nga nailhan usab isip Kasambahay Bill gilaumang maghatag ug
benepisyo sa kapin sa 2 ka milyon ka mga katabang sa panimalay sa tibuok nasod
“Malipayon
namong ipahibalo nga gipirmahan na ni Presidente Aquino ang Akta Republika 10361
kon ‘An Act Instituting Polices for the Protection and Welfare of the Domestic
Workers’ niadtong Enero 18, 2013,” matod pa ni Deputy Presidential Spokesperson
Abigail Valte sa iyang mensahe sa media.
Ang
kopya sa maong balaod ikarga na sa website sa Palasyo ug mo-epekto 15 ka adlaw
human kini mapublikar on-line ug mapamantala sa mga pamantalaan nga dunay
kinatibuk-ang sirkulasyon.
Uban
sa pagka-aprobar sa bag-ong balaod, ang mga katabang sa panimalay sa National
Capital Region, magdawat na ug tag 2,500 pesos matag bulan; tag 2 mil pesos sa
mga nagtrabaho sa Chartered cities ug mga first class municipalities ug tagsa
ka libo ka pesos alang niadtong nagtrabaho sa uban pang mga munisipyo.
Ang
Regional Tripartite Wages and Productivity Board nakatakdang magrepaso ug
mag-adjust sa suweldo sa mga katabang, usa ka tuig human ang implementasyon
niini.
Ang
mga katabang sa panimalay makadawat usab ug mga katilingbanong benepisyo sama
sa Social Security System, PhilHealth ug Pag-ibig Fund.(ATR/PCOO/PIA9-Zamboanga del Norte)
