By Gideon C. Corgue
PAGADIAN CITY, September 12 (PIA) –- Ang kagamhanan mipakanaog ug katapusang tanyag sa
mga gikatuhuan nga miyembro sa Moro National Liberation Front (MNLF) nga
nagkupot sa ubay-ubay ka mga bihag sa dakbayan sa Zamboanga tungod kay ang
kagamhanan andam nga mogamit sa iyang tugob sa kusog sa balaod aron nga
maundang na ang nagpadayon nga kagubot ug ang mga armadong tawo makigbulig sa
labing madaling panahon.
Sa usa ka pamahayag ning Huwebes, si Presidential Spokesperson Edwin Lacierda nagkanayon nga ang kagamhanan nangandam pagsulbad sa kabugot pinaagi paggamit sa kusog.
“Samtang ang kagamhanan hingpit nga naghimo sa tanang mga paagi alang sa malinawon nga kasulbaran sa maong kahimtang, atong ipaklaro nga ang mosukol kanato dili magpanuko ang kagamhanan paggamit sa iyang kusog aron pagpanalipod sa atong mga katawhan,” matud pa ni Lacierda.
“Hinoon, panahon nga kamo mobulig aron pagsulbad ning maong kahimtang sa malinawon nga paagi sa labing madali nga panahon,” dugtong pa niya.
Ang kagamhanan pinaagi sa iyang security forces sa kanunay andam pagsugpo sa bisan unsa nga susamang pagpangtake sanglit adunay bag-o nga kapintas nga nahitabo sa Basilan nga napugngan sa kasundaluhan.
Si Lacierda nagkanayon nga ang 150 nga mga ginsakpan sa Bangsamoro Islamic Freedom Fighters (BIFF), ug ang Abu Sayyaf Group (ASG) nagpahimulos sa nagpadayon nga krisis sa dakbayan sa Zamboanga ug misulay pag-atake sa dakbayan sa Lamitan apan kini ang napakgang sa kasundaluhan.
Human sa duha ka oras nga panagubat, ang BIFF ug ASG misibog ug ang armadong kusog kasamtangan nga nagpahigayon ug hot pursuit operations.
Si Lacierda mihatag kaseguruhan sa katawhan sa dakbayan sa Zamboanga nga ang kagamhanan nagtrabaho aron pagpanalipod kanila ug ang ilang nanag-una nga nga panginahanglan mapadala sa gigubatan nga dapit. (GCC/PCOO/PIA,Pagadian City)
