Presidente Aquino subli nga mipadayag sa commitment sa iyang adminsitrasyon pagpanalipod sa 10 milyones nga Pilipino nga nagtrabaho ug nagpuyo gawas sa nasud

By Gideon C. Corgue

PAGADIAN CITY, May 25 (PIA) –- Si Presidente Benigno S. Aquino III ning Biyernes subli nga nagpadayag sa commitment sa iyang administrasyon pagpanalipod sa 10 milyones nga mga Pilipino nga nagpuyo o nagtrabaho sa gawas sa nasud.

Sa iyang mensahe atol sa "2013 Care for Philippines Prayer Assembly sa Global Discipleship Congress" nga gipahigayon sa Christ Commission Fellowship Auditorium, Frontera Verde Drive, Ortigas Avenue corner C-5, dakbayan sa Pasig ning Biyernes, ang hepe ehekutibo nagkanayon nga ang kaayuhan sa mga Pilipino sa abroad nagpabalin nga usa sa iyang nanag-una nga prayoridad.

"Isip Presidente ning maong nasud dili mao ang pinakasayon nga trabaho sa kalbutan. Adunay kitay 10 milyones nga mga Pilipino bisan asa sa kalibutan. Kung adunay insidente nga mahitabo bisan asa sa kalibutan, adunay Pilipino nga direktang mahilambigit," matud pa sa Presidente.

"Hatagan ko ug pipila ka mga ehemplo sa problema, sayo ning maong administrasyon, adunay suliran sa Korean Peninsula kinsa sa walay palad nahimo siya nga regular nga panghitabo," matud pa niya.

Ang kagamhanan gimandoan nga mohatag kaseguruhan sa kaluwasan ug proteksyon sa 50,000 nga mga Pilipino sa South Korea ug 9 ka mga nationals sa North Korea, na-obserbahan sa Presidente.

"Ako nangutana ngano man nga aduna kitay mga tawo sa North Korea?” ug ako gitubag nga sila ang kabahin sa ubay-ubay nga buhatan ug misyon sa United Nation. Karon ang problema mao nga kita ang adunay embahada sa 23 ka mga tawo sa South Korea. Sa mga Pilipino sa North Korea, kita ang makig-alayon kanila pinaagi sa atong embahada sa Beijing," matud pa niya.

Human nga ang warship sa  South Korea ang nalunod niadtong Abril 2010, ang Presidente nagkanayon nga ang iyang administrasyon mosulbad sa suliran sa 50,000 nga mga Pilipino didto bisan pa sa limitado nga kahinguhaan sa kagamhanan. 

Si Presidente Aquino nagkanayon nga ang administrasyon padayon nga makigharong sa mga hagit aron nga mapalambo ang kinabuhi sa mga Pilipino dinhi ug sa gawas sa nasud. (GCC/PCOO/PIA,Pagadian City)