Malakanyang mitunol sa simpatiya ug suporta sa mga Amerikano ug Filipino-American communities nga naapektuhan sa bagyo nga ‘Sandy’ sa Eastern Seaboard sa Estados Unidos

Ni Gideon C. Corgue

PAGADIAN CITY, October 31 (PIA) –Ang Malakanyang mipadangat sa iyang simpatiya ug suporta sa mga Amerikano ilabi na ang Filipino-American communities kinsa ang hilabihan nga naapektuhan sa bagyong “Sandy” tungod kay ang kagamhan naglaum nga ilang malampsan ang kalamidad pinaagi sa mga pag-ampo ug pagsalig sa Labaw’ng Makagagahum. 

Sa usa ka pamahayag atol sa regular press briefing sa Malakanyang ning Martes, si Deputy Presidential Spokesperson Abigail Valte nagkanayon nga ang mga Pilipino nagkahiusa pagtanyag ug mga pag-ampo alang sa kaluwasan sa mga kasamtangan nga nga gihampak sa natural nga kalamidad.

“Samtang bagyong Sandy nga mihampak sa Eastern Seaboard sa Estados Unidos, atong gitunol ang simpatiya ug suporta sa tanan nga naapektuhan sa kalamidad. Atong mga pag-ampo uban ang pamilya ug mga minahal sa kinabuhi kinsa ang nag-atubang sa malisod nga higayon, tipik niini mao ang Filipino-American community,” matud pa ni Valte.

“Ang kadaut nga gidulot sa bagyo nagpadayon pagkaylap apan kita ang malaumon nga masulbad sa mga Amerikano ang maong kalamidad ug magpabilin nga lig-on sa ilang pagbati,” dugtong pa niya.

Ang mga bag-ong taho nagkanayon nga ang bagyong  Sandy usa sa pinakadako nga bagyo nga miigo sa Estados Unidos. Kini ang una nga nakita nga mihampak sa gambling resort sa Atlantic City sa New Jersey uban ang makusog nga hangin ug makusog nga mga pag-ulan ning Lunes nga nagpugos pagbakwit sa maong dapit ug pagpahunong sa mga transportasyon.

Sobra sa tres milyones nga mga tawo ang nawad-an sa kuryente tungod sa pagtaas sa baha sa ubay-ubay ka mga dapit.

Ang Embahada sa Pilipinas nagkanyon nga walay mga Pilipino ang naapktuhan sa kalamidad sayo pa ning Martes. (GCC/PCOO/PIA9-ZamboSur)

DSWD magpahigayon ug Children’s Congress pagsaulog sa 20th National Children’s Month

Ni Alfonso T. Ruda

DIPOLOG CITY, OCT. 29(PIA)---Uban sa damgo sa Pantawid Pamilyang Pilipino Program nga mapadasig ang katungod sa kabataan, nakatakdang ipahigayon karong Oktubre 29 ug 30, 2012 ang National Children’s Congress (NCC) sa Bayview Hotel,Majila.

Ang duha-ka adlawng kongreso nga unang gipahigayon sukad nga gipatuman ang programa niadtong 2008, gilaumang pagatambungan sa 500 ka mga benepisyaryo sa Pantawid Pamilya.

Ang NCC mao ang dalan aron isilsil sa alimpatakan sa mga kabataan ang diwa sa nasyonalismo, pagpakatap sa pagpakabana, ug aron mapabati ang ilang tingog kabahin sa mga isyo nga direktang maka-apektar kanila. Magsilbi usab kining katapusang kalihokan sa pagsaulog sa National Children’s Month nga dunay temang “Bright Child ay Siguraduhin, Responsableng Pamamahayag ay Palaganapin.”

Isip usa ka kongreso nga gipadagan sa mga kabataan, ang NCC pagadumalaon sa sa mga children ambassadors gikan sa Non-Government Organizations ug mga partner-organizations sama sa Council for the Welfare of Children (CWC) ug United Nations Children’s Fund (UNICEF).

Uban sa tema sa Children’s Month, dunay ipahigayong question-and-answer session uban sa mga membro sa media, workshops, dula, presentasyon, ug diskusyon kabahin sa katungod ug papel sa mga kabataan sa Pantawid Pamilya nga pagadumalaon usab aron madasig ang kinatibuk-ang partisipasyon sa mga delegasyon.

Maoy magtapos sa kalihokan ang paghatag ug pasidungog sa mga mananaog sa gipahigayong Search for Exemplary Pantawid Pamilya Children. Ang pasidungog ihatag isip pag-ila sa dalaygong binuhatan sa mga benepisyaryo sa programa. Ang mga mananaog mao kadtong mga kabataang nagpangidaron ug gikan 10 ngadto sa 14 anyos nga nagpakitag maayong panag-ingnan sa ilang panimalay, tunghaan, ug komunidad.

Ang Pantawid Pamilya maoy usa ka programang tawhanong pangkalambuan ug estratehiya sa katilingbanong pagpanalipod sa nasudnong pangagamhanan nga mibubo ug puhonan alang sa panglawas ug edukasyon sa kabus nga mga kabataan hangtud sa pangidaron nga 14 anyos. Kining maong programa naila usab isip Philippine Conditional Cash Transfer Program.

Hangtud niadtong Oktubre 10, 2012, ang program aduna nay 3,086,427 ka mga benepisyaryo sa tibuok nasod.(ATR/PCOO/PIA9-Zambo Norte)

Malakanyang malipayong midawat sa “ranking” nga gihatag sa Economist Intelligence sa Pilipinas nga usa sa labing maayong lugar para sa micro-financing

Ni Alfonso T. Ruda

DIPOLOG CITY, OCT. 28(PIA)---Malipayong gidawat sa Malakanyang ang labing ulahing ranking nga gihimo sa international think tank, ang Economist Intelligence Unit (EIU) nga naghingalan sa PIlipinas nga usa sa labing maayong lugar sa kalibutan alang sa micro-financing.

“Usa kana ka maayong balita alang kanato. Ang micro-financing mahinungdanon alang kanato tungod kay maghatag kini ug kahigayonan sa mga small and medium start ups nga makasukad sa yuta ang ilang patigayon,” matod pa ni Deputy Presidential spokesperson Abigail Valte sa pakighinabi kaniya sa sibyaanang, DZRB, Radyo ng Bayan niadtong Sabado.

Ang nasod nahinganlan pag-usab nga usa sa mga nasod nga dunay maayong palibot para sa mga micro-enterprises, ika-upat sa 55 ka mga nasod nga nasurvey sa EIU. Misaka kini ug 2 ka lakang kay sa ika-unom nga puwesto nga nakuha sa Pilipinas niadtong miaging tuig.

Sa iyang report nga nag-ulohan,”Global Microscope on the Micro-finance Business Environment 2012,” ang EIU nagkanayon nga ang mga regulasyon nga gipatuman sa mga ahensiya sa gobyerno sama sa Bangko Sentral ng Pilipinas, nakatabang ug dako nga magpabilin ang Pilipinas sa nag-unang 10 ka mga nasod na dunay pinakadaghang micro-finance business nga mahigalaon sa palibot.

Ang mga regulasyon nga misuporta sa paglambo sa micro enterprises sa Pilipinas naglakip sa pagpadako sa kantidad nga gipautang sa mga bangko ngadto sa micro enterprises ug whole-sale lending sa mga bangkong gipanag-iya sa gobyerno nga nakabenepisyo sa mihulam nga mga micro enterprises.

Ang nasod nakapuntos ug 63.3 sa kinatibuk-ang micro-business environment ang nakalupig sa Pilipinas mao ang mga nasod sa Peru, (79.8); Bolivia (71.8); ug Pakistan nga dunay 67.4 puntos.(ATR/PCOO/PIA9-Zambo Norte)   

Malakanyang mipahayag nga ang mga pagpapangandam pagsaulog sa 'All Saints Day' napahimutang na ug nag-awhag sa mga Pilipino nga magmabinantayon sa pagbiyahe

Ni Gideon C. Corgue

PAGADIAN CITY, October 28 (PIA) – Ang Malakanyang nag-awhag sa katawhang Pilipino nga moadto sa mga lalawigan nga magmabinantayon samtang magbiyahe ug magkigkutay sa mga hingtungdang ahensya sa kagamhanan panahon adunay emerhensya.

Sa usa ka interview sa dzRB Radyo ng Bayan, si Deputy Presidential spokesperson Abigail Valte nagkanayon nga ang pulis ug uban nga ahensya sa kagamhanan mihimo na ug mga pagpangandam alang sa daghan nga mga tawo nga moduaw sa mga lalawigan alang sa Adlaw sa mga Santos.

Tipik sa mga ahensya nga hiniusang motrabaho naglakip sa Metropolitan Manila Development Authority (MMDA), Philippine Coast Guard, Department of Transportation and Communication, Land Transportation Office, Land Transportation Franchising Regulatory Board ug ang Philippine National Police, matud pa ni Valte.

“Ang kapulisan molihok aron nga moseguro nga ang mga pagbiyahe pagawas sa manila Manila ug pagpa-uli ang luwas,” dugtong pa niya. “Atong siguraduhon nga aduna kitay mga listahan sa mga emergency numbers kung gikinahanglan nato ug sundon nato ang mga pahimangno nga gihatag nato sa atong Philippine National Police.”

Si Valte usab mi-awhag sa publiko nga ilang bantayan ang ilang ilang panimalay sa dili pa mobiya tungod kay ang Malakanyang magpadayon pag- monitor sa kahimtang sa mga bus terminals, tugpahanan ug dunggo-anan sa atong nasud. (GCC/PCOO/PIA9-ZamboSur)

Presidente Aquino misaad pagpadayon ang ekonomikonomikanhong paglambo sa nasod

Ni Allfonso T. Ruda

DIPOLOG CITY, OCT. 26(PIA)--- Si Presidente Benigno Aquino III misaad nga ipadayon ang ekonomikanhong paglambo sa nasod pinaagi sa pagpakunhod sa politikanhong pagsugal.

Ang gobyerno nakahimo nag mahinungdanong lakang sa tinguhang kab-oton ang kausaban sa klima sa patigayon, matod pa sa Hepe Ehikutibo sa gipahigayong business forum didto sa Australia niadtong Huwebes.

Ang labing una nakong gisaad sa atong mga kaigsoonan mao ang paghatag ug trabaho. Kon kaniadto ang mga patigayon nga misulod sa nasod, ug gamitan koni kini ug analogy patuyokon pa sila sa makadaghan diin kadaghanan sa maong pagtuyok wala na unta kinahangla, matod pa sa Presidente. Aron matuman kining maong saad, matod pa niya, kinahanglang iyang atubangon Ang nagkalain-laing matang sa komersyal ug politikanhon pagsugal aron madani ang mga magpapatigayon nga moari ug mobutang ug puhonan sa Pilipinas. “Usa sa mga paagi aron ato kining matuman kon gikinahanglan mao ang pag-adto sa MIGA – nga nagkahulugan ug Multilateral Invetment Guarantee nga usa ka sanga sa World Bank,” matod pa sa Presidente. “Karon, sa makausa pa, dili kita makasaad ug balaoranan para sa particular nga pagpugong sa ilang gahum – tungod kay managsama lang silang mga sanga. Dili kami magpaabot o magduda nga ilang bag-ohon ang polisiya tungod kay kini ang pinakasentro sa atong gabayan nga mapalambo ang klima sa patigayon  dinhi sa nasod – ug kini mao ang paghatag ug malig-ong palibot para sa polisiya, - klarong regulasyon,” matod pa niya. Gipahibalo usab ni Presidente Aquino ang pipila ka mga oportunidad nga puwedeng mapahimuslan sa mga magpapatigayon, lakip ang mga proyektong pang-inprastaktura pinaagi sa Public-Private Partnership Program ug uban pang pagpanimpalad sa natad sa business process outsourcing, paghimo ug mga barko, pagmina ug uban pa.(ATR/PCOO/PIA9-Zambo Norte)     k

Kagamhanang Aquino nangita alang sa epektibo nga organic act sa 2015

Ni Gideon C. Corgue

PAGADIAN CITY, October 26 (PIA) – Ang kagamhanan nangita sa organic act sa 2015 nga momugna sa bag-o nga autonomous region in Mindanao aron pagkab-ot sa malahutayon nga kalinaw sa rehiyon, si Presidente Benigno S. Aquino III nagkanayon sa business forum sa Sydney, Australia ning Huwebes.

Atol sa forum nga gipahigayon sa Shangri-La Hotel sa Sydney, ang Presidente nagkanayon nga ang iyang administrasyon mihimo sa usa ka tagal aron pagkab-ot sa bag-o nga autonomous entity sa Mindanao.

Ang organic act ang himoon  nga balaod sa 2015, matud pa sa Presidente ug diin ang draft magagikan sa Bangsamoro. Kini ang ipasa pa sa Kongreso ug pagpa-aprobahan sa mga katawhan sa usa ka plebisito.

Ang hepe ehekutibo nagkanayon nga siya ang naglaum pagpatuman sa bag-o nga kagamhanan uban ang mando human sa 2016 nga piniliay. Iya usab nga gilantaw ang kasamtangan gahum nga magdumala gikan sa 2015 to 2016.

Aron pagkab-ot sa malahutayon nga rehiyonal nga kalinaw, ang Presidente mipahayag nga adunay panginahanglan alang sa makuti nga pulitikanhong reporma sa Mindanao ilabi na gayud sa autonomous area.

Adunay pipila ka mga plano paglakip sa bag-o nga organic act sa pagbutang sa usa ka chief minister kinsa mao ang reponsable sa komitiba nga naglangkub sa ubay-ubay ka mga  stakeholders sa rehiyon. Kini ang nagsilbi nga automatic check and balance aron pagpugong sa abuso sa gahum sa magdumala nga opisyales, matud pa sa Presidente.

Ang Presidente mipadayag usab sa iyang taas nga paglaum sa Mindanao tungod kay adunay mga plano nga motukod sa mga imprastratura aron pagkutay sa rehiyon sa Luzon ginamit ang nautical highway pinaagi sa pagkunhod sa oras sa pagbiyahe gikan sa tulo ka adlaw ngadto sa napulo’g lima ka oras.

Matud pa sa Presidente, ang nasudnong kagamhanan ang misaad paggahin sa P20 ngadto sa P21 bilyones alang sa Autonomous Region in Muslim Mindanao (ARMM) ning tuiga. 

Ang kuwarta gigahin aron paghimo sa kalamboan sa imprastraktura, pangkinabuhiang programa, ug pamuhunan sa human resource nga mohatag gibug-aton sa edukasyon ug serbisyo sa maayong panglawas, matud pa niya. (GCC/PCOO/PIA9-ZamboSur)

Aquino mideklarar sa Oktubre 2012 isip “Mechanical Engineering Month”

Ni Alfonso T. Ruda

DIPOLOG CITY, OCT. 24(PIA)--- Si Presidente Benigno Aquino mideklarar sa bulan sa Oktubre 2012 isip “Mechanical Engineering Month” aron masentro ang pagtagad sa publiko sa mahinungdanong papel sa mga Mechanical Engineers sa pagpabarog ug pagpalambo sa nasod.

Ang Hepe Ehikutibo mi-isyo sa maong kamanduan pinasikad sa Proklamasyon numero 480 nga gipirmahan ni Executive Secretary Paquito Ochoa Jr., niadtong Oktubre 1.

Matod pa ni Presidente Aquino, ang Philippine Society of Mechanical Engineers  Inc. (PSME) maoy usa ka organisasyon nga gilangkuban sa kapin sa 12 mil ka mga membrong mga rehistradong mechanical engineers sa 81 ka mga chapters ug 2,500 ka mga membro nga magtutungha sa Mechanical Engineering sa 102 ka mga unibersidad ug kolehiyo sa tibuok nasod.

Ang PSME magsaulog sa “Mechanical Engineering Month” may kalabutan sa ika-60 Diamond Anniversary ug ika-60 nga Annual National Convention gikan sa Oktubre 23 ngadto sa 26, 2012 sa SMX Convention Center sa Pasay City.

Alayon niini, nanawagan si Presidente Aquino sa mga mechanical engineers ug mga estudiante sa Mechanical Engineering nga hingpit nga suportahan ang pagsaulog sa “Mechanical Engineering Month.”(ATR/PCOO/PIA9-Zambo Norte)

Aquino gusto nga makab-ot ang balanse nga pamatigayon tali sa Pilipinas ug New Zealand aron pagpalambo sa gitawag nga maayo nga “people-to-people interaction”

Ni Gideon C. Corgue

PAGADIAN CITY, October 24 (PIA) –Si Presidente Benigno S. Aquino III nagkanayon nga buot niya nga makab-ot ang balanse nga pamatigayon tali sa Pilipinas ug New Zealand ingon man pagpalambo sa gitawag nga maayo nga “people-to-people interaction” atol sa iyang duha ka adlaw nga state visit sa Auckland, New Zealand.

Ang Presidente mihubit sa trade relations tali sa Pilipinas ug New Zealand isip dili kaayo balanse tungod sa dako nga gintang sa ilang gidaghanon sa popolasyon.

Matud pa niya nga kini nga isyu ang gipangutana sa unang higayon dihang iyang nahimamat sa Prime Minister John Key ug iyang gilauman nga subli nga matuki ning maong butang atol sa ilang panagtigum kagahapon.

“Sa unang higayon nga akong nakahimamat ang Prime Minister una ang misangpot sa akong hunahuna mao ang dili balanse nga pamatigayon. Ug siya ang nag-ingon nga ang atong merkado ikumpara sa ilang merkado ang momugna sa dili balanse nga pamatigayon,” si 
Presidente Aquino mipahayag sa interview sa radyo sa New Zealand ning Lunes.

Si Presidente Aquino nagkanayon nga ang kasagaran nga imports dinhi sa Pilipinas mao ang mga dairy products gikan sa New Zealand ug busa iyang gidapit ang mga kompanya sa New Zealand nga magpadala sa uban nga mga produkto  sama sa electronics, home furnishings, ug garments.

“Aduna kita mahinungdanon kaayo nga delegasyon sa pamatigayon nga nangita sa ubay-ubay ka mga pamahunan ug ingon man ang pinakamaayo nga salmon sa inyong uma ug daghan pang uban,” matud pa niya.

Gipuno pa ni Presidente Aquino nga ang working holiday agreement pagpairmahan tali sa Pilipinas ug New Zealand aron mapatuman ang maayo nga people-to-people interaction ug aron mapalambo ang kampanya sa turismo sa nasud.

“Kita ang motimaan sa kasabutan  aron paghatag ug maayo nga people-to-people interaction diin ang mga katawhan gikan sa duha ka mga nasud ang makaanha sa duha ka mga nasud ug motrabaho sulod sa tulo ka bulan ug pinakataas ang usa ka tuig aron pagpalambo sa interaction tali sa atong mga katawhan. Kini usab ang malaumon nga mopalambo sa atong kampanya sa turismo,” matud pa niya.

Si Presidente Aquino usab ang mihisgot nga sila ang nangita ug posibilidad nga adunay direkta nga flights gikan sa New Zealand ngadto sa Pilipinas nga himoon sa mga dagko nga  airlines sa duha ka mga nasud. (GCC/PCOO/PIA9-ZamboSur)

Mga kanhing rebeldeng mosulod sa politika, makaayo sa nasod, matod sa Malakanyang

Ni Alfonso T. Ruda

DIPOLOG CITY, OCT. 23(PIA)---Ang mga kanhing rebelde nga mosulod sa politika makaayo sa demokrasya sa nasod, matod pa sa Malakanyang dungan ang pagdawat sa pagsalmot sa mga walhong personalidad sa umaabot nga piniliay sa 2013.

“Padayon namong gibarugan nga ang malinawong partisipasyon sa politikanhong kalihokan malipayon namong dawaton bisan asa man siyang sektor naggikan, -ma-walhon man o tuohon,” matod pa ni Presidential spokesperson Edwin Lacierda.

“Tungod kay imong giila ang pagkalehitimo sa proseso, imong giila ang kasamtangang mga balaod, busa ang unsa mang partisipasyon sa mga kanhing rebelde, mawalhon man o tuohon, among dawaton,” midugang pa si Lacierda.

Gipahayag kini ni Lacierda isip reaksyon sa taho nga si Randall Echanis, usa kanhi ka politikanhong binilanggo panahon ni Marcos, Corry Aquino ug Kagamhanang-Arroyo ang modagan karong umaabot nga eleksyon nga nagrepresentar sa Anak-Pawis Party-list.

Si Echanis, 63 anyos mao ang Deputy Secretary-General sa Kilusang Magbubukid ng Pilipinas. Siya ang peasant organizer ug padayong milaban sa kalihokan sa kapin na sa 40 ka tuig.

Una siyang nadakpan apan nahatagan ug kagawasan ilalom sa Joint agreement on Security and Immunity Guarantee(JASIG). Sumala pa sa military, duna silay impormasyon nga si Echanis dakog ranggo sa New People’s Army apan ang walhong grupo miangkon nga consultant siya sa National Democratic Front.(ATR/PCOO/PIA9-Zambo Norte) Former rebels joining politics good for the country, Malacanang says Former rebels entering politics is good for the country’s democracy, the Palace said on Monday as it welcomed the participation of some leftist personalities in the 2013 election. “We have always maintained that a non-violent participation in the political mainstream would certainly be welcomed from whatever sector you come from whether from the extreme right or from the extreme left,” Presidential Spokesman Edwin Lacierda said in a press briefing in Malacanang on Monday. “Because you acknowledged the legitimacy of the process, you acknowledged the existing laws and therefore, any participation from previous rebels identify with either extreme left or extreme right would certainly be welcomed to us,” he added. Lacierda was commenting on reports saying Randall Echanis, a former political detainee during the Marcos, Cory Aquino and Arroyo governments, is running for a post representing the Anakpawis party-list. Echanis, 63, is the deputy secretary general of the national peasant group Kilusang Magbubukid ng Pilipinas (KMP). He is a peasant organizer and advocate for more than 40 years. Echanis was previously arrested but freed under the Joint Agreement on Security and Immunity Guarantee (JASIG). The military said it has information saying Echanis is a ranking New People’s Army (NPA) leader but the leftist group claims that he is a consultant to the National Democratic Front (NDF). PND (as/3:41pm) TOP

Malakanyang mipahayag nga ang DoF, DBM ug NEDA mohimo ug mga kalaagdaan ug reglamento pagbantay sa A.O No. 31 nga dili maabusahan

 Ni Gideon C. Corgue

PAGADIAN CITY, October 21 (PIA) –  Bisan pa nga ang Administrative Order No. 31 nga gipirmahan ni Presidente Benigno S. Aquino III sayo ning bulan nagtugot sa pag-uswag sa balayranan sa government fees sunod tuig, kini ang nagbantay sa mga kalagdaan ug reglamento aron pagpugong sa mga pag-uswag nga dili makatarunganon ug naghingapin, matud pa sa Malacañang ning Domingo.

Si Deputy Presidential Spokesperson Abigail Valte mipahayag sa gipanag-iya sa kagamhanan nga radyo ang dzRB Radyo ng Bayan nga ang mga Department of Finance ug  Budget and Management, ingon man ang  National Economic Development Authority mao ang ahensya nga mangulo pagmugna sa mga kalagdaan ug reglamento pagbantay sa AO 31 nga dili ma-abusahan.

“Ang Department of Finance, Department of Budget and Management ug ang National Economic Development Authority ang momugna sa mga kalagdaan ug reglamento aron nga maseguro nato ang pagpapatuman ug pagmonitor sa compliance ilawom sa nasangpit nga Administrative Order,” matud pa ni Valte.

Gidugtong pa niya nga ang susama nga AO mi-reactivate ang Task Force on Fees and Charges aron mapadali ang paghimutad sa mga programa diha pagpatuman sa nasangpit nga AO.

“Dili Hindi po ibig sabihin na dahil magtataas, napaka-taas na nito. Nakalagay sa Administrative Order na kailangan meron tayong necessary safeguards para maprotektahan ang publiko sa unreasonable at arbitrary fees and charges,” Valte said.

Ilawom sa AO 31, ang mga state agencies lakip ang government-owned and controlled corporations gitugutan nga mopataas sa kasamtangan nga mga bayronon ug mopatuman sa bag-o nga bayronon kung gikinahanglan.

Tipik sa mga state agencies nga magpataas sa ilang mga bayrana mao ang Department of Foreign Affairs, National Statistics Office, National Bureau of Investigation, Land Registration Authority, Professional Regulation Commission, Philippine Overseas Employment Administration, Department of Trade and Industry, ug ang National Telecommunication Commission. (GCC/PCOO/PIA9-ZamboSur)

Kagamhanan sa Korea mihatag ug tabang alang sa mga biktima sa ‘habagat’

ni Claro A. Lanipa

PAGADIAN CITY, Oct 23 (PIA) – Ang Department of Social Welfare and Development (DSWD) midawat ning miaging semana ug US$200,000 bili sa hinabang gikan sa kagamhanan sa Korea pinaagi sa Korea International Cooperation Agency (KOICA).

Ang maong mga hinabang gitumong alang sa mga pamilyang apektado sa ‘habagat’ dala sa bagyong ‘Gener’ nga nasinati sa Metro Manila ug ubang bahin sa Luzon sa milabay’ng bulan sa Agosto ning tuig.

Si DSWD Secretary Corazon Juliano-Soliman personal midawat sa donasyon gikan kang Ambahador Hyuk Lee sa usa ka ceremonial turn-over nga gipahigayon  sa buhatan mismo sa DSWD  sa dakbayan sa Quezon.

Ang maong donasyon gilangkoban sa 1,500 sets sa hygiene kits ug 4,000 ka mga habol. Ang donasyon miabot sa Pilipinas ning Septyembre ug sa walay paglangan gidala gilayon sa mga personahe sa DSWD sa Region III ug IV-A diin linibong pamilya sa Bulacan, Pampanga ug Laguna ang gibakwit.

Gipadayag ni Secretary Soliman ang iyang kinasingkasing pagpasalamat sa pagkamangihatagon sa kagamhanan sa Korea. Sa miaging tuig mitabang  sila sa mga biktima sa ‘Sendong’ ug karon mitunol gihapon sila sa ilang suporta alang sa mga pamilya apektado sa ‘habagat’ , dugtong ni Soliman.

“Kining mga butang makatabang gayud sa mga biktima nga mahilayo sa katugnaw ug magpabilin limpyo, ug makapahupay sa ilang mga pag-antos,” miingon si Sec. Soliman.

Sa iyang kabahin, si Ambahador Hyuk Lee mibutyag pag-usab ang pasalig sa iyang nasud aron motabang sa mga biktima sa kalamidad dinhi sa Pilipinas. (DSWD/CAL/PIA9)

“Busy schedule” nagpaabot kang Presidente Aquino sa New Zealand

Ni Alfonso T. Ruda

DIPOLOG CITY, OCT. 22(PIA)---Si Presidente Benigno Aquino III makaangkon ug busy nga schedule sa ikaduha ug katapusang adlaw sa New Zealand si dili pa kini motabok sa silingang nasod sa Australia.

Sugdan sa Presidente ang iyang adlaw pinaagi sa pakigpulong ug pagtubag sa mga pangutana gikan sa mga kadagkuan sa nagkalain-laing dagkong kompaniya sa New Zealand didto sa SkyCity Auckland Convention Center.

Gilaumang hatagan usab siya ug Vote of Thanks ni Minister Maurice Williamson, ang Ministro sa Customs ug Minister sa Building and Construction, Customs and Statistics, and Land Information, sa di pa kini mopirma ug usa ka Memorandum of Understanding.    

Human niini, magpahigayon si Presidente Aquino III ug business meeting uban sa Energy Development Corp., ug Alliance Select Foods International Inc. sa SkyCity Grand Hotel.

Pagkahuman, molarga ang Presidente padulong sa Wellington diin gilaumang hatagan siya ug arrival honors ug welcome ceremony nga kalagmitang gihatag sa mga bisitahang nasod ngadto sa mobisitang Pangulo sa estado didto sa North Lawn Government House.

Mopirma si Presidente sa guest book ug motambong sa diplomatic reception sa di pa kini magpahigayon ug bilateral meeting uban kang Governor General Jerry Mateparae ug Prime Minister John Key.

Human sa maong miting, gilaumang pirmahan nila ni Presidente Aquino ug PM Key ang bilateral agreement tali sa Pilipinas ug New Zealand, ingon man usab sa Presidente ang mga pangutana gikan sa mga membro sa media sa ipahigayong joint press conference.

Human niini, molahos si Presidente Aquino sa National War Memorial alang sa wreath-laying ceremony nga pagasundan sa courtesy call gikan kang David Shearer, usa ka lider sa oposisyon nga himoon didto sa Intercontinental Hotel sa Wellington.

Tapuson sa Presidente ang iyang adlaw pinaagi sa pagtambong sa state dinner nga itunol ni Governor General Mateparae ug Lady Janine Mateparae didto sa Ballroom of the Government House sa dili pa kini moadto sa tugpahanan aron sugdan ang unang lakang sa iyang biyahe sa Australia.(ATR/PCOO/PIA9-Zambo Norte)

Aquino midawat sa chief executive officer sa Millennium Challenge Corporation sa Malakanyang

Ni Gideon C. Corgue

PAGADIAN CITY, October 19 (PIA) –  Si Presidente Benigno S. Aquino III midawat sa pangulo sa American independent foreign aid agency aron pagtuki sa mga nagkalain-laing pamaaagi kung unsaon pagdaug sa pakigbatok sa   kawad-on ug pagpalambo sa mga programa nga magseguro pagpauswag sa kinabuhi sa katawhang Pilipino.

Sa usa ka courtesy call sa President’s Hall sa Malacanang Palace, ning Biyernes, si Millennium Challenge Corporation (MCC) chief executive officer Daniel W. Yohannes nakigtagbo kang Presidente Aquino ug pipila sa mga ginsakpan sa gabinete.

Mitambong sa maong kalihokan mao sila si United States (US) Ambassador to the Philippines Harry K. Thomas, US Embassy deputy chief of mission Brian Goldbeck, MCC resident country director Matthew Bohn, MCC resident country director John Polk, MCC assistant general counsel and deputy chief of staff Lia Hanley, MCC public affairs director Linda Herda, Millennium Challenge Account-Philippines (MCA-P) managing director ug CEO Ma. Victoria Anonuevo ug MCA-P communications and outreach specialist Andres Saracho.

Lakip na nga mitambong gikan sa Pilipinas mao sila si Foreign Affairs Secretary Albert del Rosario, Finance Secretary Cesar Purisima, Social Welfare and Development Secretary Corazon “Dinky” Soliman, Budget Secretary Florencio “Butch” Abad, Bureau of Internal Revenue Commissioner Kim Henares, National Economic and Development Authority director general Arsenio M. Balisacan, Public Works and Highways Undersecretary Rafael Yabut ug acting assistant secretary Gina Jamoralin sa Office of American Affairs, Department of Foreign Affairs.

Ang Millennium Challenge Corporation usa ka innovative ug independent US foreign aid agency nga nagtabang pagpangulo sa pagpakigbatok sa kalibutanhong kawad-on.

Gimugna sa Kongreso sa Estados Unidos sa Enero 2004 uban ang lig-on nga suporta sa duha ka mga nasud, ang MCC ang nagpahibalo kung unsaon pagtanyag sa maayo nga hinabang sa Estados Unidos pinaagi sa pagtutok sa mga maayong polisiya, country ownership, ug mga resulta.

Ang MCC naghulma sa pagpakig-abag uban sa pipila ka mga kabus nga mga nasud sa kalibutan, apan kadto lamang mga matinud-anon sa maayong pagdumala, ekonomikanhong kagawasan ug mga pamahunnan sa ilang mga katawhan.

Ang MCC nagtanyag sa mga maayo nga naglihok ngamga nasud sa large-scale grants aron nga magpundo sa mga nasud pagpakunhod sa kawad-on pinaagi sa malahutayon nga ekonomiya. Ang MCC grants naghatag sa Estados Unidos ug uban nga international development programs. (GCC/PCOO/PIA9-ZamboSur)

Palasyo naglaum nga masulbad ug sayo uban sa senado ang isyo sa sin tax

Ni Alfonso T. Ruda

DIPOLOG CITY, OCT. 19(PIA)---Naglaum ang Malakanyang nga ang Sangang Ehikutibo ug Senado makakab-ot ra ug kompromiso may kalabutan sa sin tax proposal nga makabenepisyo sa katawhan.

Sa iyang pagkutlo sa baruganan sa Department of Finance, sa gipahigayong press briefing, si Presidential spokesperson Edwin Lacierda nagkanayon nga bukas ang administrasyon nga plantsahon ang isyo sa sin tax basta matubag lang niini ang isyo sa panglawas ug patigayon nga gusto sa administrasyong Aquino.

Matod pa ni Lacierda, nga kadaugan sa katawhan kon makakuha ang gobyerno ug 60 bilyones ka pesos nga koleksyon matag tuig tungod kay matubag man niini ang health coverage sa tukmang panahon .

Gipatin-aw pa ni Lacierda nga mas gusto sa Dept. of Finance ang orihinal nga bersyon nga 60 bilyones ka pesos  apan andam usab kining manaog sa 40 bilyones ka pesos kon matubag lang niini ang uban pang katuyoan sa maong balaod-non sama sa healthcare ug isyo sa WTO.

Dihang giangutana kon duna bay tukmang kantidad nga gipasalig ang mga senador, si Lacierda miingon nga  komporme na ang mga senador sa 40 ngadto sa 60 bilyones ka pesos.

Ang Senate Ways and Means Committee mirekomendar niadtong miaging semana nga mokita ug gikan sa 15 ngadto sa 20 bilyones ka pesos isip dugang kita matag  tuig. Samtang sa laing bahin, gi-aprobahan usab sa kongreso niadtong Hunyo ang ilang kaugalingong bersyon  nga mokita ug 31.5 bilyones ka pesos sa unang tuig sa implementasyon.

Una niini gisugyot sa Palasyo nga mokita ang Sin Tax Bill ug 60 bilyones ka pesos matag tuig.(ATR/PCOO/PIA9-Zambo Norte)

Aquino mipanumpa ni Abaya ug Cacdac sa Malakanyang

Ni Gideon C. Corgue

PAGADIAN CITY, October 18 (PIA) – Si Presidente Benigno S. Aquino III mipanumpa ning Huwebes ni kanhi Kongesista Joseph Emilio Abaya isip bag-o nga kalihim sa Department of Transportation and Communication (DOTC) ug kanhi Philippine National Police (PNP) Deputy Dir. Gen. Arturo Cacdac Jr. isip bag-o nga pangulo sa Philippine Drug Enforcement Agency (PDEA).

Si Abaya ang gitudlo sa Presidente isip pangulo sa DOTC human pagkamatay ni kanhi  Interior and Local Government Secretary Jesse Robredo sa nakalabay nga Agusto.

Si kanhi senador Manuel Roxas II mibalhin ngadto sa Department of the Interior and Local Government (DILG) ug si Abaya ang misunod sa katungdanan nga gibyaan ni Roxas. Si Roxas ug Abaya gikonpirma sa Commission on Appointments sa nakalabay nga Septyembre 19.

Natawo niadtong Mayo 28, 1966, si Abaya mao ang apo sa tuhod sa una nga Presidente sa Pilipinas nga si General Emilio Aguinaldo. Siya usab ang paryente ni revolutionary hero Isabelo Abaya. Ang iyang uyuan mao si Gen. Narciso Abaya, nga nagsilbi nga chief of staff sa Armadong Kusog sa Pilipinas.

Si Abaya miadto sa University of the Philippines aron nga mo-eskwlea sa engineering. Siya usab ang misulod sa Philippine Military Academy ug gibansay sa United States Naval Academy sa Annapolis.

Si Abaya gipili isip Kongresista sa unang distrito sa Cavite sa tuig  2004 ug human sa tulo ka tuig siya ang mikuha sa kurso nga pagka-abogasya sa Ateneo de Manila University. Siya ang midaug sa duha ka dugang nga termino sa pagka-kongresista sa 2007 ug 2010. Siya ang kasamtangan nga chair sa House committee on appropriations.

Si Abaya naminyo kang Rowena Abesamis, usa ka pediatrician. Ang managtiayon adunay tulo ka mga anak.

Ang bag-o nga hepe sa DOTC dili bag-o sa Palasyo. Nagsilbi siya isip aide-de-camp ni kanhi Presidente Corazon Aquino dihang siya ang batan-on nga tenyente sa Philippine Navy.

Si Presidente Aquino mitudlo kang kanhi Philippine National Police (PNP) Deputy Director General Arturo Cacdac Jr. isip bag-o nga pangulo sa PDEA. Si Cacdac mipuli kang Undersecretary Jose S. Gutierrez Jr.

Usa ka miyembro sa Philippine Military Class 1978, si  Cacdac mao ang ikaduha nga most senior official sa Philippine National Police. Siya ang misulod sa serbisyo niadtong  Oktubre 11 nga mihimo sa top-level revamp sa pwersa sa kapulisan.

Si Cacdac mao ang deputy director general for administration sa kapulisan dihang siya ang miretiro.  (GCC/PCOO/PIA9-ZamboSur)

Pilipinas mitanyag ug strategic partnership sa Australia, matod pa ni Aquino

Ni Alfonso T. Ruda

DIPOLOG CITY, OCT. 18(PIA)---Mitanyag ang Pilipinas sa Australia  ug strategic partnsership nga susama sa partnership sa nasod ug sa Estados Unidos sa Amerika ug Japan, matod pa ni Presidente Benigno Aquino III.

Aduna lang kitay duha ka strategic partnership, usa uban sa Estados Unidos ug usa usab uban sa Japan. Atong karong gitanyag ang ikatulo sa Australia ang susamang partnership ug kasamtangan nila kining gitun-an, matod pa ni Presidente Aquino sa tinuig nga forum sa Foreign Correspondents of the Philippines (FOCAP) nga gipahigayon didto sa Manila.

Apan bisan ug wala ang strategic partnership padayon na ang Australia sa PIlipinas uban sa Coast Watch System paghatag ug pagbansay-bansay sa mga Filipinong sundalo nga gipatuman sa Australian military security forces.

Ang sistema naghatag usab ug scholarship sa mga personahe sa military sa nasod. Nakigtagbo usab ang mga eksperto sa Australia sa nagkalain-laings institusyon sa nasod, matod pa ni Presidente Aquino.

Sumala pa sa Presidente, mahinungdanon ang partnership sa Pilipinas ug Australia tungod ang duha ka nasod  nag-ambitay sa susamang values, dunay parehong matang sa pangagamhanan, ingon man rehiyonal ug kalibutanong hagit.

“Normally, pareho kaming naa sa susamang bahin sa usa ka isyo nga giatubang sa among tagsa-tagsa ka katawhan sukad pa niadtong ikaduhang gubat sa Kalibutan; gubat sa Korea ug gubat sa Vietnam. Nag-atubang kami ug susamang hagit, kalibutanong kausaban sa klima; ug relasyon uban sa mga gamhanang nasod sa kalibutan.” Matod pa niya.

“Kining tanan nagdala kanato padulong sa pag-inambitay sa values; ug gumikan niini, nagresulta kini sa hugtanong pagtinabangay tali sa katwhan sa duha ka nasod.”

Giratipikahan sa senado sa Pilipinas niadtong Hulyo ang Status of Visiting Forces Agreement tali sa PIlipinas ug Australia.

Sumala pa sa mga magbabalaod sa Pilipimas, makabenpisyo ang nasod gikan sa SVFA pinaagi sa edukasyon sa military; pagbansay-bansay ug ehersisyo  ; Kalihokang tawhanon ug uban pang susamang kalihokan uban sa Australia.(ATR/PCOO/PIA9-Zambo Norte)

Pres. Aquino mo-isyo ug EO nga magpabarog sa Transition Commission pagkahuman sa Comprehensive Framework Agreement

Ni Alfonso T. Ruda

DIPOLOG CITY, OCT. 17(PIA)---Nakatakdang sunod nang i-isyo ni Presidente Benigno Aquino III ang Orden Ehikutibo nga magpabarog sa Transition Commission kon mahuman na sa mga negosyador sa gobyerno ug Moro Islamic Liberation Front (MILF) ang mga annexes sa bag-ohay pa lamang nga gipirmahang Framework Agreement.

Ang gobyerno ug MILF mipirma niadtong Lunes sa Framework Agreement nga nagtumong nga hatagan ug kinutuban ang kapin sa 40 ka tuig nga rebelyon sa mga Muslim dinhi sa habagatang bahin sa nasod. Ang pagpirma gisaksihan nila ni Presidente Aquino, Malaysian Prime Minister Dato Sri Mohd Najib Bin Tun Abdul Razak, MILF chairman Al Haj Murad Ibrahim ug uban pang partners.

Sa regular press briefing sa Malakanyang, si Presidential spokesperson Edwin Lacierda nagkanayon nga sa pagkakaron, wala pa mag-isyo si Presidente Aquino ug nagpaabot pa kini nga mahuman sa mga negosyador ang mga annexes

Sa gipahigayong press briefing sa Malakanyang human nga napirmahan ang Framework Agreement, ang Hepe sa mga negosyador sa gobyerno nga si Marvic Leonen nagkanayon nga target nilang human ang mga annexes sa di pa matapos kining tuiga o kaha mas sayo pa niini.

Kasunod niini, miapela sa Lacierda sa mga nagduda nga suportahan ang Framework Agreement human nga nakita ang hugtanong suporta sa Katilingbang Muslim sa nasod sa napalig-ong kasabutan.

Samtang inyong nakita ang halapad nga suporta gikan sa Bangsamoro community ug samtang nagsaulog kita dinhi sa Manila sa pagpirma sa Framework Agreement, duna usay nagsaulog sa Camp Darapanan ug sa uban pang bahin sa Mindanao,” matod pa ni Lacierda.

Gipatin-aw usab ni Lacierda ang suportang pinansyal nga gihatag sa Administrasyong Aquino sa Mindanao, partikularmente sa bag-ong Bangsamoro entity.  

Ang gobyerno naggahin ug 21 bilyones ka pesos sa Autonomous Region in Muslim Mindanao (ARMM) para sa 2012, matod pa ni Lacierda. Gihisgutan usab sa Presidente ang 8.5 bilyones ka pesos nga ponding gitawag ug Transition Investment Support Plan sa pagpirma sa kasabutan niadtong Lunes.

Matod pa ni Lacierda, ang kwarta gamiton sa pagpondo sa mga broad-based nga mga proyekto sama sa elektripikasyon, pagtukod ug mga seaports ug fishing ports, day-care centers ug uban pang programa.(ATR/PCOO/PIA9-Zambo Norte)

Kagamhanang Aquino mihatag kaseguruhan nga ang mekanismo ug programa napahimutang na aron pagkunhod sa kagutom sa nasud

Ni Gideon C. Corgue

PAGADIAN CITY, October 16 (PIA) – Ang kagamhanang Aquino mihatag kaseguruhan nga ang mga mekanismo ug programa karon napahimutang na aron pagkunhod sa kagutom sa Pilipinas, ang opisyal sa Palasyo nagkanayon ning Martes.

Si Presidential Spokesperson Edwin Lacierda mipagula ug pamahayag sa press briefing sa  Malakanyang human ang pagpagula sa usa ka pagtuon sa International Food Policy Research Institute (IFPRI) nga naglatid nga ang kagutom nagpabilin nga seryoso nga suliran sa nasud.

Ang Washington-based institute nagkanayon nga sa 120 nga mga nasud nga natala, 41 ang adunay Global Hunger Index (GHI) scores ubos sa lima ug ang 79 nakatala sa scores sa lima ug labaw pa niini. Ang wala malakip sa listahan mao ang mga mauswagon nga mga nasud sa Oropa ug North America, Australia, New Zealand ug Japan.

Sa grupo nga 79, ang Pilipinas mao ang ika-31 nga pwesto nga adunay GHI sa 12.2.

"Kung kita ang mohimo sa pamaagi nga gitanyag sa Global Hunger Index, kini ang nagtuki sa mga datus nga natala gikan sa tuig 2005 ngadto sa 2010. Kini ang wala nagtuki sa figures sa 2011 o 2012," matud pa ni Lacierda.

"Sa kasamtangan ang  DSWD (Department of Social Welfare and Development) mihimo sa ubay-ubay ka mga program aron pagkunhod sa kagutom. Sama pananglit, ang DSWD mipahigayon ug supplemental feeding ---nga direkta nga gihatag ngadto sa 49,000 daycare centers sa tibuok nasud ug kini ang gipangandaman sa ilang mga ginikanan," matud pa niya.

Naalinggatan ni Lacierda nga daghan ang mga kabus nga mga pamilya nakapahimulos gikan sa Conditional Cash Transfer (CCT) program ilawom sa kagamhanang Aquino.

"Adunay impact evaluation sa CCT or the conditional cash transfer sa Social Weather Station ug nagpakita nga ang 30 porsiyento sa CCT ang gigamit pagpalit sa pagkaon ilabi na ang humay," matud pa niya.

Ang kagamhanan mihimo sa proseso pagpalambo sa malahutayon nga pangkauswagang programa aron nga direkta nga makasulbad sa kahimtang sa kagutom sa nasud, matud pa ni Lacierda.

"Naa usab kitay NEDA (National Economic Development Authority) Social Development Committee ug ang Human Development and Poverty Reduction Cluster ang hiniusa nga nagtigum aron pagpalambo sa kagamitan alang sa sayo nga pagpasidaan sa mga dapit nga ang kagutom nahitabo. "Mao kana nga kita ang nagmonitor sa dili pa kini mahimutang sa kahimtang sa malnutrition, kita ang nagpalambo sa early warning signals alang niana," matud pa niya. (GCC/PCOO/PIA9-ZamboSur)

Pilipinas ug Malaysia nagkauyon pagpalig-on sa ilang relasyon

Ni Alfonso T. Ruda

DIPOLOG CITY, OCT. 16(PIA)---Ang Pilipinas ug Malaysia nagkauyon nga labi pang lig-onon ang ilang relasyon sa natad sa turismo, edukasyon, kultura, panglawas, teknolohiya sa impormasyon, labor ug anti-trafficking.

Ang kasabutan nakab-ot dihang gipahigayon ang bilateral meeting sa Malakanyang niadtong Lunes nila ni Presidente Benigno S. Aquino III ug Malaysian Prime Minister Dato Sri Mohd Najib Bin Tun Abdul Razak, kinsa ania sa nasod sa usa ka opisyal nga pagbisita.

Sa pahayag nga giluwatan human sa ilang miting, ang duha ka lider nagkauyon nga labi pang lig-onon ang dynamic ug protective partnership sa duha ka nasod pinaagi sa (1) Pagpahimulos sa Philippines-Malaysia Joint Commission Meeting aron molahutay ang momentum sa ilang partnership; (2) pagpahigayon ug regular nga investment forum; (3) pagbinayloay ug trade ug investment missions; (4) pagpadali sa negosasyon sa gisugyot nga kasabutan sa pagtinabangay.

Si Primero Ministro Najib nahidangat sa Manila niadtong Dominggo para sa iyang Opisyal nga pagbisita sa nasod gikan sa Oktubre 14 hangtud sa Oktubre 16. Kauban niya sa iyang delegasyon ang iyang asawa nga si Madam Datin Paduka Sri Rosmah Mansor.

Si Primero Ministro Najib ania sa nasod aron saksihan ang makasaysayanong pagpirma sa Framework Agreement tali sa Pilipinas ug Moro Islamic Liberation Front isip third-country facilitator.

Gipahalipayan ni Najib si Presidente Benigno Aquino III uban ang pagpasalig nga padayong suportahan sa  Malaysia ang nagpadayong negosasyon sa kalinaw ug ang implementasyon sa Framework Agreement.

Sa iyang bahin, gipasalamatan usab ni Presidente Aquino si Primero Ministro Najib sa suportang gilugway niini isip facilitator sa nagpadayong negosasyon sa kalinaw tali sa gobyerno ug MILF sukad niadtong 2001 ug sa ilang pagpangulo sa International Monitoring Team sukad niadtong 2004. (ATR/PCOO/PIA9-Zambo Norte)

Aquino nag-awhag sa mga opisyal ug kawani sa kagamhanan , GOCCs ug LGUs nga aktibo mosuporta pagsaulog sa Climate Change Consciousness Week sa Nobyembre

Ni Gideon C. Corgue

PAGADIAN CITY, October 15 (PIA) – Si Presidente Benigno S. Aquino III nag-awhag sa tanang mga opisyal ug kawani sa kagamahanan lakip na ang Government-Owned and Controlled Corporations (GOCCs), ug local government units (LGUs) nga aktibo nga mosuporta sa Climate Change Consciousness Week gikan sa Nobyembre 19-25, ning tuiga.

Ang Hepe ehekutibo mipakanaog sa dikretiba tubay sa Memorandum Circular No. 35 serye sa tuig 2012 nga gipirmahan Executive Secretary Paquito N. Ochoa Jr. ning nakalabay nga Agusto 14.

Ang Proclamation No. 1667  serye sa tuig  2008 nagdeklarar sa Nobyembre  19-25, 2008 ug matag tuig isip Global Warming and Climate Change Consciousness Week.

Ang proklamasyon nagtumong aron pagmugna ug kasayuran mahitungod sa global warming ug climate change pinaagi sa halapad nga impormasyon ug educational campaigns. 

Ang nasangpit nga proklamasyon nagtinguha sa hiniusa nga kooperasyon sa tanang mga katawhan ingon man ang hiniusa nga aksyon sa mga pribado ug publiko nga sektor aron pagpangita ug solusyon sa mga hulga sa pagkausab sa klima" 

Ang Climate Change Commission (CCC) mangulo pagsaulog sa Climate Change Consciousness Week uban pag-abag sa Cabinet Cluster sa Climate Change Adaptation and Mitigation (CCAM).

"Ang tanang mga opisyal ug mga kawani sa government agencies and instrumentalities, lakip na ang GOCCs ug LGUs, ang gimandoan nga aktibo nga mosalmot ug mosuporta sa awareness campaign," matud pa sa Presidente. 

Ang hepe ehetubibo mimando sa Presidential Communications Operations Office (PCOO) ug Philippine Information Agency (PIA) nga motanyag ug mga mahinungdanon nga pagbulig sa  media sa maong kalihokan. 

Ang mga buhatan sa kagamhanan gi-awhag nga magpahigayon ug susama nga mga kalihokan atol sa among semana. 

Sa nakalabay nga Agusto, si Presidente Aquino mitimaan sa pagkabalaod sa People's Survival Fund Bill aron pagahimo sa kagamhanan nga epektibo nga mosulbad sa suliran sa Climate Change.

Ang People's Survival Fund Law giusab ngadto sa Climate Change Act of 2009 pinaagi pagtukod sa People's Survival Fund nga adunay pasiuna nga P1 bilyon matag tuig. (GCC/PCOO/PIA9-ZamboSur)

Kadaugan ni Donaire nagpalig-on sa luna sa mga Filipino sa kalibutan sa boksing, matod sa Malakanyang

Ni Alfonso T. Ruda

DIPOLOG CITY, OCT. 15(PIA)--- Gipahalipayan sa Malakanyang si Nonito “The Filipino Flash” Donaire sa malampuson niyang pagdepensa sa iyang duha ka bakos batok sa iyang kontrang hapones nga si Toshioki Nishioka sa ilang panagsangka didto sa Home Depot Center, Carson City, California sa Estados kagahapon, Oktubre 14.

Ang kalipay sa Malakanyang gipabati ni Deputy Presidential spokesperson Abigail Valte sa regular press briefing sa Malaknyang nga buhi usab napaminawan sa Radyo ng Bayan-DZRB.

Si Nishioka, 36 anyos, gipalukapa ni Donaire sa ikaduhang higayon pinaagi sa right cross sa tunga-tunga bahin sa ikasiyam nga hugna ilang away aron magmadaugon pinaagi sa Technical knockout (TKO) ug mapabilin sa iyang mga kamot ang International Boxing Federation (IBF) ug World Boxing Organization (WBO)super bantamweight division title.

Sayo niini, gipahagba usab ni Donaire si Nishioka sa ikaunom nga hugna pinaagi sa left upper cut.

Matod pa ni Valte, ang kadaugan ni Donaire nagpalig-on sa makausa pa sa talagsaong abilidad sa mga Filipino sa natad sa boksing nga magdala ug kabantog ug dungog sa mga Filipinhon

“Busa dili lamang si Manny Paquiao, duna usab kitay Nonito Donaire ug uban pang nagakasikat nga mga Filipinong boksidor nga magdala ug kadungganan sa nasod,” matod pa ni Valte nga nagtumbok kang Saranggani Congressman Emmanuel Paquiao nga naghupot ug walo ka nagkalalain-laing kalibutanong kampeyonatong bakus sa walo ka managlahing division sa boksing.(ATR/PCOO/PIA9-Zambo Norte)  

Langyaw ug civic leaders gilauman nga mosalmot sa Lunes pagpirma sa Framework Agreement tali sa peace panel sa kagamhanan ug MILF

Ni Gideon C. Corgue

PAGADIAN CITY, October 13 (PIA) – Ang mga langyaw ug pangulo sa civil society gilauman nga mosalmot sa makasaysaynanon nga pagpirma tali sa peace panel sa kagamhanan sa Pilipinas ug Moro Islamic Liberation Front (MILF) sa framework sa kasabutan alang pagtukod sa Bangsamoro sa Lunes sa hapon, ang opisyal sa Palasyo nagkanayon.

Tipik sa gilauman nga mosalmot pagpirma naglakip nila ni Malaysian Prime Minister Datuk Seri Najib Tun Razak, MILF chairman Al Hadj Murad ug ang MILF contingent.

"Ang mga gidapit mao ang mga ginsakpan sa International Contact Group, ang International Monitoring Team, pipila sa aid organizations nga gitumbok ni Secretary (Edwin) Lacierda, ug pipila sa mga CSOs or civil society organizations nga nalambigit sa proseso sa kalinaw," si Deputy Presidential Spokesperson Abigail Valte nagkanayon atol sa regular press briefing sa Malakanyang ning Biyernes.

Mitubag sa mga taho nga ang Moro National Liberation Front (MNLF) gibati nga gibudhian sa Framework Agreement, si Valte ang miawhag sa MNLF nga mohatag ug kalinaw aron paghunong sa sobra sa 40 ka dekada nga armadong panag-away sa Mindanao.

" Subli natong awhagon ug awhagon ang mga ginsakpan sa atong peace panel: Mohatag kita ug kalinaw isip kahigayonan. Ato na nga napagawas ang Framework Agreement. Magpagawas sila ug mga annexes alang sa public discussion kung unsa ang available, dinha nato sugdan. Atong tan-awon ang gikasabutan; tan-awon nato ang mosunod nga annex ug hatagan nato ug kahigayonan. Dili kini ang makadaut kanatong tanan," matud pa niya.

Ang Framework Agreement gihimo aron pagkab-ot sa katapusan ug malahutayon nga kalinaw sa Mindanao" pinaagi pagdasig sa tanang mga stakeholders pagsuporta pagpatuman sa mga gikinahanglan nga reporma," ang Presidente nagkanayon ning katapusang semana.

Ilawom sa Framework Agreement, ang bag-o nga political entity mopuli sa Autonomous Region in Muslim Mindanao (ARMM) ug tawgon nini “Bangsamoro.”

Human sa pagtimaan sa Framework Agreement, ang Presidente mopakanaog sa Executive Order (EO) nga nagtukod sa Transition Commission nga morekomendar sa usa ka gihimo nga balaodnon sa Kongreso nga nagmugna sa  Bangsamoro. Ang Kongreso maoy motuki sa Bangsamoro Basic law, ang chief negotiator sa kagamhanan nga si Dean Marvic Leonen nagkanayon ning semana.

Ang commission magpahigayon ug inclusive consultations sa mga apektado nga mga dapit aron pagkahibalo sa pulso sa katawhan sa giplano nga Bangsamoro, matud pa niya.

Matud pa ni Leonen nga ang Autonomous Region in the Muslim Mindanao magpadayon nga hantud nga ang bag-o nga balaod ang mamugna sa Kongreso .(GCC/PCOO/PIA9-ZamboSur)

“Oplan Brodkastreeing” sa KBP magdasig sa National Greening Program

Ni Alfonso T. Ruda

DIPOLOG CITY, OCT. 12(PIA)---Nakatakdang mahatagan pa ug kadasig ang National Greening Program sa Administrasyong Aquino pinaagi sa nasudnong pagpananom ug kahoy karong nga pagahimoon sa Kapisanan ng mga Broadkaster ng Pilipinas karong Sabado (Oktubre 13).

Ang 39 ka Chapters sa KBP sa tibuok nasod nakatakdang dungang magtanom ug liboan ka mga kahoy karong Sabado isip pagsuporta sa National Greening Program sa Department of Environment and Natural Resources (DENR).

Ang tree-planting activity nga gitawag ug “Oplan Brodkastreeing” nalinya sa panagtambayayong uban sa DENR aron mapalihok ug maorganisa ang ilang mga membro para sa nasudnong pagpananom ug kahoy.

Sumala pa sa KBP, ang pagpananom ug kahoy sa National Capital Region (NCR) pagahimoon karong Sabado sa Barangay Pintong Bukawe, San Mateo, Rizal.

Ang National Greening Program nga gilusad niadtong miaging tuig, nagtarget pagtanom ug 1.5 ka bilyon ka semilyang kahoy sa 1.5 ka milyon ka hektaryang yuta sa tibuok nasod gikan sa 2011 ngadto sa 2016.

Ang mga prayoridad nga lugar nga pagatamnan  mao ang mga bakhawan ug mga protected areas, CBFM areas, ancestral domain areas, civil ug military reservation areas, urban areas ilalom sa greening plan sa mga Local Government Units, dili aktibo ug abandonadong lugar sa mina, ug uban pang pampublikong lugar nga angayng pagatamnan.(ATR/PCOO/PIA9-Zambo Norte)