Presidente Aquino mimando sa mga law enforcement agencies ug government instrumentalities pagseguro sa gawasnon, malinawon, matinud-anon ug katuhuan nga piniliay sa Mayo

By Gideon C. Corgue

PAGADIAN CITY, January 23 (PIA) –- Si Presidente Benigno S. Aquino III mimando pagdeputize sa mga law enforcement agencies ug instrumentalities sa kagamhanan lakip na ang Armed Forces of the Philippines (AFP) pagseguro sa gawasnon, han-ay, matinud-anon, malinawon ug katuhuan nga pagpahigayon sa May 13, 2013 automated national ug local elections.

Ang maong mando gipapakanaog pinatubay sa Memorandum Order (MO) No. 52 nga gipirmahan  ni Executive Secretary Paquito N. Ochoa Jr. ning Enero 9, 2013. 

Ang Commission on Elections (COMELEC) pinaagi sa iyang Resolution No. 9589 (s. 2012) naghangyo pag-uyon sa Presidente pag-deputize sa law enforcement agencies ug uban pang mga instrumentalities sa kagamhanan lakip na ang AFP alang pagpahigayon sa Mayo nga piniliay.

Tubay sa Section 2 (4), Article IX-C sa batakang balaod, ang COMELEC gihatagan ug gahum pag-deputize uban ang pagtugot sa Presidente, law enforcement agencies ug sa kagamhanan lakip na ang AFP alang sa ekslusibo nga tumong paghatag sa gawasnon, malinawon, matinud-anon, , ug katuhuan nga piniliay.

Ang hepe ehekutibo mimando sa law enforcement agencies ug uban pang mga hingtundang ahensya nga makig-alayon ug motabang sa COMELEC paghimo sa ilang mga katungdanan.

Ang MO No. 52 ipatuman gilayon. (GCC/PCOO/PIA9-Pagadian City)