Presidente Aquino miawhag sa mga opisyal ug kawani sa Civil Service Commission nga sundon ang mga mithi sa transparency ug accountability

Ni Gideon C. Corgue

PAGADIAN CITY, September 20 (PIA) – Si Presidente Benigno S. Aquino III nanawagan sa mga opsiyal ug kawani sa Civil Service Commission (CSC) nga sundon ang mga mithi sa transparency ug accountability aron pagpalahutay sa pagpalig-on sa mga paningkamot sa nasud.

"Ang pundasyon sa naglihok nga demokrasya mao ang burokrasya nga gihatagan ug gahum sa mga mithi sa paghigugma sa nasud, serbisyo, excellence, ug dungog. Kini ang nagdasig sa atong katawhan sa kamatinud-anon pagsalmot sa nasudnong kinabuhi," ang Hepe Ehekutibo nagkanayon sa iyang mensahe sa CSC sa okasyon sa ika- 112 nga anibersaryo sa Philippine Civil Service.

Si Presidente Aquino mipasalamat sa mga kawani sa CSC ingon man ang lingcod-bayani sa nasud tungod sa ilang mga natampo pagtukod sa nasud. 

"Kita sa kagamhanan nagkinahanglan sa atong mga kauban sa Civil Service Commission nga magpadayaon sa ilang dedikasyon ug trabaho sa atong mga pampubikong gambalay nga gigiyahan nga miresulta pagmugna sa inyong kapunungan sa nagtubo nga panahon pagmugna sa atong nasud," matud pa sa Presidente. 

Si Presidente Aquino mipahalipay usab sa lingcod-bayani ilabi na ang Outstanding Public Officials and Employees sa 2012 tungod sa maayo nga trabaho. 

"Hinaut nga kamo ang padayon nga magsilbi isip nagsilbi nga inspirasyon sa atong mga kauban sa kagamhanan, ug sa katawhang Pilipino samtang kita ang mosubay sa tul-id ug matarong nga dalan nga giiwagan sa kahayag sa  paglaum," matud pa sa Hepe Ehekutibo.

"Atong gipahiluna ang malig-on nga dalan padulong sa kausaban tungod kay atong tinguha mao ang pagpabalik sa Pilipinas ngadto sa usa ka bantugan nga nasud nga ang mga Pilipino takus nga magpuyo niini," matud pa niya. (GCC/PCOO/PIA9-Zambosur)

Palasyo malipayong midawat sa 2012 Index of Economic Freedom sa Heritage Foundation

Ni Alfonso T. Ruda

DIPOLOG CITY, SEPT. 20(PIA)---Malipayong gidawat sa Malakanyang ang 2012 Index of Economic Freedom sa Heritage Foundation nga nag-ingon nga ang pag-nindot sa ranggo sa Pilipinas maoy resulta sa nagpadayong reporma sa gobyerno.

Sa iyang 2012 Index of Economic Freedom nga gipiresentar niadtong Lunes, gibutyag sa Heritage Foundation nga pagkakaron, ang Pilipinas dunay puntos nga 57.1 gikan sa 56 puntos niadtong 2008. Ang kalibutanong average nga puntos 59.5 samtang ang ASEAN average anaa sa 57.5 puntos.

“Siyempre, nalipay kami, apan gusto namong mapadayon ang pagnindot sa atong ranking, dili lamang para sa konsumo sa mga nag-survey, kundili para usab sa atong kaugalingong konsumo. Kini ang among isaad sa katawhan nga padayon namong silbihan ang katawhang Filipinhon uban ang tumang kadasig ug kamatinud-anon,” matod pa sa tigpamaba sa Palasyo nga si Edwin Lacierda.

Gidawat ni Lacierda ang kabalaka sa Heritage Foundation sa hudikatura mao nga gitudlo ni Presidente Benigno Aquino III si Maria Lourdes Sereno nga mahimong Hepeng Mahistrado sa Korte Suprema aron mapatuman ang mga gikinahanglang reporma sa hudikatura uban ang paglaum nga makita ang padayong pagsaka sa ranking sa Pilipinas.

“Duna silay laing gibasehan paghatag ug grado sa ubang mga nasod. Apan klaro nga dunay kalambuan ang tanang survey nga gihimo sa Pilipinas. Nagpakita kini ug  makanunayong pagnindot sa pagdumala sa patigayon,” matod pa niya.

Bisan pa man sa maong kalambuan, nakita pa gihapon sa think-thank nga nakabse sa Estados Unidos ang daghang mga hagit sa institusyon nga nagkinahanglan ug mas halawom nga panginahanglan sa reporma.

Gisukod ang mga nasod subay sa 10 ka economic freedom sama sa Rule of Law, Limitadong Gobyerno, Bukas nga Merkado ug daghan pang uban.(ATR/PCOO/PIA9-Zambo Norte) .

Presidente Aquino mipahayag nga ang kagamhanan makugihon nagtrabaho aron nga makakab-ot ug sulosyon sa tanang hagit

Ni Gideon C. Corgue

PAGADIAN CITY, September 19 (PIA) – Si Presidente Benigno S . Aquino III nagkanayon ning Martes nga ang iyang administrasyon makugihon nga nagtrabaho uban ang pagtagbo sa solusyon aron nga ang tanan nga mga hagit ang mahatagan ug kasulbaran sa pinakadali nga panahon.

Sa iyang pakigpulong sa 2nd Integrity Summit nga gipahigayon sa Hotel Intercontinental sa dakbayan sa Makati ning Martes, ang Presidente nagkanayon nga siya ang mosulbad sa mga suliran ug kini ang iyang pasa sa sunod nga tawo.

“Nag-atubang ako sa kapilian: Akong sipaon ang lata padulong sa dalan, ug ang sunod nga hut-ong sa mga pangulo nga maoy mosulbad ning maong suliran. Ang mabinantayon nga butang pagahimoon mao nga dili malibog ug dili mohimo ug kasaba sa unsa man nga butang nga dili pa hingpit nga isyu,” matud pa sa Presidente.

“Apan isip akong amigo, ang akong hunahuna ug ang pamaagi sa akong paghimo sa mga butang dili kinaiyanhon sa mga pulitiko. Mas palabinhon pa nako nga mopunit sa lata kaysa sipaon kini padulong sa dalan. Ania ako aron pagsulbad sa mga problema ug ako ang nagtuo sa tawo nga nga matarong mao ang tawo nga adunay panglantaw – dili siya mopasa sa suliran sa bisan kinsa dihang siya ang makasulbad niini,” dugtong pa niya.

“Busa ang akong administrasyon  nagtuon sa creative solutions ning tanan nga mga hagit, ug naglaum kita nga makakita ug mga pamaagi ug mohimo ning mga problema nga mawagtang sa pinakamadali nga panahon,” matud pa sa Presidente. 

Ang 2nd Integrity Summit, uban ang tema nga “Driving Culture Change,” nagtigum sa mga batid ug mga otoridad nga magpadayag sa mga pamaagi kung unsaon pagpalig-on sa ethical business practices ug pagpatuman niini aron nga ang “business with ethics” mamahimo nga sumbanan sa nasud. Ang kalihokan mohaum uban sa singgit sa Presidente– “Kung walang corrupt, walang mahirap.”

Ang summit gipasiugdahan sa Makati Business Club ug ang European Chamber of Commerce of the Philippines uban sa pag-abag sa Management Association of the Philippines, American Chamber of Commerce, ug ang  Asian Institute of Management. (GCC/PCOO/PIA9-Zambosur)