Ang nasud nakaani ug mga bunga sa reporma sa kagamhanan, matud pa ni Aquino

By Gideon C. Corgue

PAGADIAN CITY, Abril 1(PIA) –- Ang nasud milambo pag-ayo dihang ang tinuod nga gahum sa kagamhanan gihatag pagbalik sa katawhan, si Presidente Benigno S. Aquino III nagkanayon sa iyang Easter message ning Sabado.

Sa iyang mensahe, ang Presidente nagkanayon nga ang pagkayab ni Hesukristo nagsalamin sa paglaum sa katawhang Pilipino nga mouswag gikan sa mga dautang epekto sa korrupsyon.

“Dihang nabalik ngadto sa mga Pilipino ang tinuod nga kusog sa kagamhanan, nagwagtang kultura sa pagkamakinaugalingnon ug pagkamapahimuslanon, nahimo natong himoon ang dalan sa kauswagan sa atong nasud,” matud pa sa Presidente.

Sa nakalabay nga mga tuig daghang mga Pilipino ang mibiya sa nasud aron mangita ug trabaho apan karon adunay gibag-o nga interes alang kanila nga mobalik sa Pilipinas tungod sa nag-uswag nga ekonomiya, matud pa sa Presidente.

Ingon man, milyones sa mga kabus ug timawa nga katawhan ang gihatagan ug prayoridad sa kagamhanan pinaagi pagpalambo sa ilang pamuyo pinaagi sa Pantawid Pamilyang Pilipino Program. Sobra sa tulo ka milyones nga mga panimalay ang nahatagan ug tabang sa kagamhanan ilawom sa nasangpit nga programa.

Ang kagamhanan milambo usab aron paghatag ug kasulbaran ang kakulangon sa mga lawak-klaseahanan sa nasud, matud pa sa Presiddente. Ang kagamhanan naglaum pagwagtang sa 66,800 nga kakulangon sa lawak-klasehanan sa dili pa matapos ang tuig.

Aduna usab tukma nga abiyo sa pagkaon karon. Sa nakalabay, ang nasud nag-import ug milyones nga metrikong tonelada sa humay nga hinay-hinay nga nagkalata sa mga bodega sa kagamhanan, matud pa niya.

“Kung kaniadto, pila ka milyones nga metrikong tonelada nga bugas ang atong giangkat  gikan sa laing nasud nga nangalata sa bodega karon atong nakita nga dili lang self-sufficient sa bugas kung dili ang iyang pagka- exporter niini,” dugtong pa niya. (GCC/PCOO /PIA9-Pagadian City) 

Presidente Aquino mimando sa Social Cabinet Cluster nga mohimo ug balaod alang sa Magna Carta para sa mga kabus

By Gideon C. Corgue

PAGADIAN CITY, March 25 (PIA) –- Si Presidente Benigno S. Aquino III mimando sa Social Cabinet Cluster (Human Development and Poverty Alleviation) nga mohimo ug hulip nga balaod nga iduso sa Kongreso nga mahimong tamdan paghimo ug Magna Carta alang sa mga kabus.

Sa interview human nakigpulong sa 5th Anniversary sa Civil Aviation Authority of the Philippines sa dakbayan sa Pasay ning Lunes, ang Presidente nagkanayon nga buot niya nga adunay ihulip nga balaod nga naporma na daan human nga iyang gisupak ang kanhi gihimo nga balaod alang sa kabus tungod sa kalisod sa kagamhan pagtagbo sa iyang mga panginahanglan.

Ilawom sa International Covenant on Economic, Social and Cultural Rights (ICESCR), usa ka multilateral treaty ang gisagop sa United Nations General Assembly niadtong Desyembre 16, 1966, diin ang Pilipinas usa ka signatory ang mikuyog sa 160 nga uban nga mga nasud nga matinud-anon nga motrabaho pinaagi pagtanyag sa  economic, social, and cultural rights (ESCR) sa matagtawo lakip na ang  labor rights ug ang katungod sa maayong panglawas, katungod sa edukasyon, ug ang katungod sa tukma nga standard sa pagpuyo.

Ang Presidente mitumbok sa Section 4 sa ICESCR kinsa mihatag sa kabus sa katungod aron gilayon nga mangayo sa kalipay kinsa mao ang mahinungdanon nga lakang ngadto sa pagkunhod sa kawad-on: ang katungod sa pagkaon; katungod sa pagpanarbaho ug panginabuhian, ug ang katungod sa dekaledad nga edukasyon , katungod sa pagpuyo; ug ang katungod sa serbisuyo sa maayong panglawas ug tambal.”

Iyang naobserbahan nga isip ehemplo pagtanayg sa panimaay kinsa iyang giiingon nga lima ka milyones nga social housing units nga nagbili sa P2.320 trilyones kinsa ang kinatibuk-an nga budget ning tuiga mao ang P2 trilyones.

“Sa usa pa lang nga katungod dili na kaya nga pun-on sa budget. Karon, ang atong budget  ang mahimo lamang nga iprograma sa P2-trilyones mao ang P600 bilyones. Wala pa  ang katungod sa pagkaon, wala pa ang katungod sa pagtrabaho, wala pa ang katungod sa panglawas, wala pa ang katungod sa edukasyon,” ang Presidente nagkanayon.

“Busa ang atong aksyon gidretso nato sa social cluster aron mohimo ug hulip nga balaod nga atong ihatag sa sunod nga Kongreso, ug malaumon nga kita ang motrabaho ug paspas,” dugtong pa niya. (GCC/PCOO /PIA9-Pagadian City) 

Palasyo nagpabilin pagpatuman sa 'no ransom' policy sa mga biktima sa kidnapping

By Gideon C. Corgue

PAGADIAN CITY, March 24 (PIA) –- Ang Malakanyang mipahayag nga ang kagamhanan nagpabilin nga lig-on sa iyang polisiya nga dili mobayad sa bisan unsa nga ransom sa mga biktima sa kidnapping ug kini wala mausab.”

Si Deputy Presidential Spokesperson Abigail Valte mipakanaog ning maong pamahayag tungod sa mga taho nga ang kagamhanan nagbayag ug P7 miyones sa pagbuhi sa Australian nga si Warren Richard Rodwell human nga kini ang gidagit sa mga rebeldeng Abu Sayaf sa nakalabay nga napulo’g lima ka bulan.

Matud pa niya nga ang samtang ang kagamhanan nag-imbistigar sa pagbuhi kang Rodwell, kining mga taho sa ransom nga gibayaran ang nagpabilin nga mga alegasyon lamang.

“Ang polisiya sa kagamhanan nagpabilin nga kita ang dili magbayad sa ransom. Wala kitay kasayuran o konpirmasyon mahitungod sa maong ransom nga gikataho nga gibayaran,” matud ni Valte.

“Ang polisiya sa kagamhanan ang wala nausab,” dugtong pa niya.

Si Rodwell, 54, ang gibuhian dinhi sa dakbayan sa Pagadian, lalawigan sa Zamboanga del Sur ning nakalabay nga Sabado. (GCC/PCOO /PIA9-Pagadian City)

Gobyerno magpatuman ug “stopgap measure” aron masulbad ang problema sa enerhiya sa Mindanao

Ni Alfonso T. Ruda

DIPOLOG CITY, MAR. 22(PIA)---Ang Department of Energy nakatakdang mopresentar ug hinanaling solusyon sa problema sa krisis sa enerhiya sa  Mindanao aron matabangan ang mga patigayon batok sa kanunayng pagkawala sa kuryente, matod pa ni Presidente Benigno Aquino III.

Una niini, gikataho nga nanawagan ang mga negosyante sa Mindanao kang Presidente Aquino nga mogamit sa iyang emergency power aron masulbad ang krisis sa enerhiya sa rehiyon nga posibling maka-apektar sa dagan sa patigayon ug sa umaabot nga eleksyon sa Mayo.

Sumala pa sa Hepe Ehikutibo, mipasalig ang DOE nga dunay supisyenteng supply sa tubig ang mga dagkong dam nga magsiguro nga dunay kuryente ilabi na panahon sa eleksyon.

Ang nag-unang problema sa hydroelectric system mao ang siltation tungod kay ang mga basura sa suba, pun-an pa sa illegal logging nga nakadaot sa mga watershed areas maka-apektar ug dako sa kapasidad pagsupply ug elektrisidad,

Sumala pa sa Presidente, ang posibling hinanaling solusyon mao ang diesel-powered generators, tungod kay sayon raman himoon ang diesel-powered plants sa mga barges.

“Dunay nagkinahanglan ug aksyon sa kongreso- ang hiniusang resolusyon, akong nasabtan nga maghatag kanamo ug gahum sa pagpalit niini. Ilalom sa EPIRA LAW,(Electric Power Industry Reform Act) dili na mahimong mopalit ug usab ang gobyerno ug generating capacity,” patin-aw pa sa Presidente.

Duha ka paagi ang gitumbok sa Presidente- Una mao ang pagpalit. Ikaduha mao ang pag-abang gikan niadtong dunay generating capacity aron masolusyonan ang kakulangan sa kuryente sa Mindanao, matod pa niya.

Ang gobyerno puwede usab nga mohunong na ug gamit ug elektrisidad gikan sa diesel-powered plants tungod sa kamahal niini. Ang mga pribadong kompaniya magsugod na ug prodyus ug baratong kuryente sa 2014 ngadto sa 2015 ug ang mga diesel-powered generators guyuron na ngadto sa mga misyonaryong lugar o kadtong gitawag nga Small Power Utilities Group areas, matod pa sa Presidente.  

Matod pa sa Presidente nga ang gobyerno magpahamtang ug penalidad ug multa ang gobyerno niadtong mokuha ug sobra kay sa gitugot alang kanila, matod pa sa Presidente.

Pananglitan, ang dakbayan sa Zamboanga nga tua sa tumoy sa tap-anan makakuha lang ug gamayng kuryente tungod kay ang mga lugar nga duol sa tap-anan dako man kaayog nakuha nga enerhiya.

Luoy kaayo ang dakbayan sa Zamboanga, tungok halos mahurot na sa dili pa makaabot kanila ang kuryente, matod pa ni Presidente Aquino.(ATR/PCOO/PIA9-Zamboanga del Norte)

Presidente Aquino mitumbok sa kaakuhan sa mga doctor isip kaabag pagtanyag serbisyo sa maayong panglawas ngadto sa mga Pilipino

By Gideon C. Corgue

PAGADIAN CITY, March 21 (PIA) –- Si Presidente Benigno S. Aquino III mitumbok sa kaakukuhan sa mga doctor isip mga mahinungdanong kaabag sa kagamhanan sa paghimo sa mando pagtanyag sa katawhan sa maayo nga serbisyo sa maayong panglawas ug pagpanalipod kanila gikan sa hulga sa cancer.

"Ang atong katawhan mao ang pinakabililhon nga butang: Gipahulam nila ang atong nasud sa kahimsog ug gipalagsik ang maong industriya ug sa kinatibuk-an ang ilang tagsa-tagsa ka mga paningkamot ug kalampusan," ang hepe ehekutibo nagkanayon sa iyang mensahe sa Philippine Society of Otolaryngology – Head and Neck Surgery and the Asian Society of Head and Neck Oncology (ASHNO) sa kasaulugan sa ikatulo ka tuig nga  ASHNO Congress. 

Ang ASHNO mibukas sa 3rd congress nga adunay tema "The Challenges of Head and Neck Oncology in the 21st Century" ning Miyerkoles sa Radisson Blue Hotel sa Sugbu. Ang maong kalihokan motapos karong Biyernes.

"Katungdanan sa kagamhanan nga mopanalipod ning maong mahinungdanon nga kahinguhaan, ug isip mga doctors, kamo mao ang mahinungdanon nga kaabag sa maong misyon. Kamo mao ang nagmaneho sa among panglawas, nagpanalipod sa atong katawhan gikan sa hulga sa cancer," matud pa sa Presidente.

Ang Presidente nagpadayag sa iyang paglaum nga ang 3rd ASHNO Congress motabang sa mga doctor sa ilang paningkamot nga mapakigbatokan ang maong makamatay nga sakit. 

"Ang maong kalihokan haum tungod kay kini ang misibo sa pagduso Sin Tax Reform Law of 2012. Pinaagi niini, kita ang nagtinguha magmaneho sa atong hiniusa nga tahas pagtukod sa maayo ug malamboon nga Pilipinas pinaagi pagpadagan sa mga kaauyuhan sa atong ekonomiya ngadto sa mahinungdanon nga social services sama sa healthcare," matud pa niya.

"Kini mao ang kabahin sa dugukan sa atong kauswagan ug ang inyong aktibo nga pagsalmot sa epektibo nga pagpatuman niini ang mahinungdanon kaayo sa iyang kalampusan," matud pa sa Presidente. (GCC/PCOO /PIA9-Pagadian City)

Malakanyang mipahayag nga ang kagamhanan naglaum alang sa kaigonan sa humay sa 2014

By Gideon C. Corgue

PAGADIAN CITY, March 19 (PIA) –- Ang kagamhanang Aquino nagpadayag sa iyang paglaum nga makab-ot niya ang iyang tumong nga dili mo-import ug humay sa 2014, ang opisyal sa Palasyo nagkanayon ning Martes. 

Si Presidential Spokesperson Edwin Lacierda mipahayag nga atol sa regular press briefing sa Malakanyang nga ang Department of Agriculture ilawom pagdumala ni Agriculture Secretary Proceso Alcala nagpabilin nga lig-on sa iyang paningkamot nga makab-ot ang 100% rice self sufficiency sa sunod tuig.

Matud pa ni Lacierda nga si Alcala mitaho nga ang Pilipinas nakakab-ot sa kaigoan sa humay dihang si Presidente Benigno S. Aquino III nagsugod sa iyang pagpangatungdanan sa 2010.

Dugtong pa ni Lacierda nga si Alcala ang mitumbok sa rice self-sufficiency program ug ang kinatibuk-ang pagtubo sa crops subsector isip mao ang bugtong growth drivers pagkab-ot sa pag-uswag sa agrikultura.

"Sa 2010, kita ang mi-import sa 2.4 milyones metrikong tonelada; sa 2011, kini ang mikunhod sa 860,000 metrikong tonelada; sa 2012, kini ang dugang pa nga mikunhod sa 500,000 metrikong tonelada; ug sa 2013, kita ang nag-import lamang sa 187,000 metrikong tonelada. Sa 2014, kita ang dili na mo-import ug metrikong tonelada nga humay," matud pa ni Lacierda.

Si Lacierda nakaalingat nga ang Pilipinas nakapunting pag-ayo sa pagpalambo sa gidaghanon sa rice sector aron matagbo ang iyang rice self-sufficiency targets.

"Karon, kita ang nag-import lamang sa 8 porsiyeto sa 2.4 milyones nga metrikong tonelada sa 2010, busa kamo ang nakakita pag-uswag sa atong kaugalingon nga produksyon, ug ang hinayhinay nga pagkunhod sa importasyon ug sa 2014, dili na kita ang mo-import ug bugas humay. Kini matud pa ni Secretary Proceso Alcala," si Lacierda nagkanayon.

Presidente Aquino mi-asoy lokal nga kagamhanan makasalig ug maligdong, kakugi sa nasyonal nga gobyerno

By: Mary May A. Abellon

DIPOLOG CITY, MARCH 18 (PIA)--- (BAGUIO CITY) Si Presidente Benigno S. Aquino III mi-asoy nga ang lokal nga kagamhanan makasalig nga ang ilang nasyonal na kagamhaan kaabag sa kalambuan sa ilang tagsang damgo ug ambisyon para sa ilang lokalidad samtang mi saad nga siya muhatag ug ligdong ug kakugi.

Sa pakigpulong kauban ang mga lokal nga lideres dini sa adlaw nga Domingo, ang Presidente mi-asoy nga ang iyang administrasyon kay dobleng nagtrabaho aron sa paglambo sa mga dalan naga konekta sa probinsya, maghatag ug kuryente sa mga lagyong panimuyo, solusyonan ang classroom gap ug paigtingon ang social spending pinaagi sa Pantawid Pamilyang Pilipino Program (4Ps).

Sa pag lambo sa road infrastructure, ang Presidente mipabati nga ang rehabilitation work kay nasugdan na para sa 65-kilometer Gurel-Bokod-Kabayan-Buguias Road nga mapadali ang oras sa pagbiyahe gikan sa duah ka oras ngadto sa usa ka oras lamang.

“Direkta kining magpagaan sa biyahe sa halos dos mil ug  siyamnalibo ka motorista kada adlaw, asta ang mga turistang muadto sa Mt. Pulag ug Kabayan Caves sa Benguet,” hisgot sa Presidente.

Aron sa pagwagtang sa classroom gap ug paglugway ug kuryente sa mga lagyong pamuyo, ang Presidente misugilon nga 66,800 ka classroom shortage sa tibuok Pilipinas ang mapun-an sa kinatapusan sa 2013 samtang 7,200 na ka mga sityo ang naay kahigayonan sa pagkonekta ug kuryente.

“Naay sobra pito ka gatus ug duha ka sityo na ang natauran ug kuryente sa mas barato nga presyo ug patas ngapaagi. Sa probinsya sa Benguet, naabot na sa 118 ka sityo ang atong naluwas sa ngitngit, ug padayon gihapon ang pagpaningkamot nato aron tagaan ug mahayag nga pamuyo ang kada Pilipino,” subling asoy sa Presidente.

Iya usab gi-asoy nga 2,881 ka household beneficiaries dini ang participante sa programa sa gobyerno nga pro-poor program 4Ps ug karon anaa na sa direksyon padung sa pagputol sa cycle sa kapobrehon.

“…ang salig nga inyong gihatag ka namo kay adlaw-adlaw namo nga gisuklian ug kakugi ug kaunongan,” subli sa Presidente. (MAA/PCOO/PIA9-Zambo Norte)

Aquino mitambag sa PMA Pudang Kalis Class 2013 sa makiangayong pagsulbad sa panagbingkil

Ni Alfonso T. Ruda

DIPOLOG CITY, MAR 18(PIA)---“Kung nag-atubang ka ug problema, ibutang lang ang imong kaugalingon sa mga tawong labing apektado, mga dinaug-daog ug kadtong mga uyamot o pinakapobre nga mas labawng nanginahanglan ug proteksyon ug akong ipasalig kaninyo nga mas inyong masabtan kon unsay ensakto ug  dili kon sayop.”

Mao kini ang tambag ni Presidente Benigno Aquino III sa mga migradwar sa Philippine Military Academy karong tuiga nga mitawag sa ilang kaugalingon nga “Pudang Kalis” of 2013 sa iyang pagpakigpulong sa gipahigayong Commencement Exercise niadtong Domingo.

Matod pa ni Presidente Aquino ngadto sa 124 ka mga migradwar sa PMA karong tuiga nga ipakita sa buhat ang ilang mga nakat-onan ug ibutang sa ilang pangisipan ang kahimtang niadtong gitawag nga anaa sa utlanan sa atong katilingban, tungod kay sa katapusan, sila ang magtakda sa direksyon nga atong subayon.

“Isip sunod nga mga lider sa unipormadong puwersa, inyong gibutang sa inyong abaga ang usa ka dakong responsibilidad. Ug alang sa usa ka tawo nga magulang lang nimo ug gamay, tingali kini ang akong ika-paambit kaninyo --- sa higayong mag-atubang mo ug problema, ibutang lang ang inyong kaugalingon sa sapatos niadtong labing apektado, mga dinaug-daog ug pinakapobre nga labawng nagkinahanglan ug proteksyon, ug akong isaad kaninyo nga mas labi ninyong masabtan kung unsay ensakto ug dili kon sayop,” matod pa ni Presidente Aquino.

“Sila nga naa sa utlanan sa atong katilingban, sila ang atong mga BOSS, ang katawhang Filipino – sila ang magtakda sa direksyon nga atong subayon. Busa, samtang sila ang naa sa atong hunahuna, dili kita mahisalaag,” dason pa sa Presidente.

“Akong isulti kaninyo ang akong gipahayag sa klase nga inyong gisundan, humana ang panahon sa pgbansay-bansay, humana ang panahon sa theoriya, humana ang upat ka tuig ninyong bakasyon sa Fort del Pilar ug ipakita sa atong nasod, nga dili sayop ang pagpili kaninyo nga mahimong tipik sa PMA “Pudang Kalis” Class of 2013 sa Philippine Military Academy.” Panapos pa sa Presidente.(ATR/PCOO/PIA-Zamboanga del Norte)

Palasyo miabiba sa desisyon sa Germany nga mo-hire ug Filipino nurses

By Gideon C. Corgue

PAGADIAN CITY, March 17 (PIA) –- Ang Malakanyang miabiba sa plano sa Germany nga mobukas sa iyang pultahan alang sa mga Filipino nurses tungod kay kini ang makamugna ug dugang kapilian nga mga trabaho sa gawas sa nasud.

“Sa pagbukas sa Germany sa possible nga employer alang sa atong mga nurses, usa kana ka maayong balita sa uban tungod kay daghan na  ang ilang mapilian,” si Deputy Presidential Spokesperson Abigail Valte nagkanayon sa interview sa radyo ning Sabado.

Ang Germany mao ang dugang nga merkado nga mobukas sa iyang pultahan alang sa mga Filipino nurses dugang sa traditional destinations sama sa US, Britain, Australia ug Middle East.

Sa mga nasud sama sa Germany nagsugod ug hatag sa mga bag-ong kahigayonan sa mga Filipino nurses, si Valte nagkanayon nga ang administrasyong Aquino magpadayon pagsulbad sa naghinobra nga mga nurses sa nasud pinaagi sa mga nagkalain-laing programa.

“Daghan kita ug motapos pagka- nurse, ang gihimo sa lokal nga pangagamhanan mao nga ang aduna kita’y gitawag nga RN Heals Program ug kini ang naghatag training ground ug kasinati-an alang sa atong mga nurses kung sila ang motrabaho sa gawas sa nasud ug aron makapangita ug abot,” matud pa ni Valte.

Sa pagpahibalo sa Germany sa iyang plano nga mo-hire ug  Filipino nurses, ang Pilipinas ug Germany ang gikalatid nga mopirma ug kasabutan nga mohatag agianan alang pagpadala sa mga Filipino health workers nga mogarantiya ug professional training ug mohatag kaseguruhan sa maayo nga matang sa trabaho.

Ang kasabutan naghatag kaseguruhan nga ang mga Filipino nurses ang adunay tukma nga linguistic ug professional preparation nga motrabaho sa Germany isip kabahin sa “triple win formula” nga gikasabutan sa duha ka mga nasud.

Ang deployment agreement mao ang kabahin sa gipadako nga labor cooperation tali sa Pilipinas ug Germany human sa panaghisgot sa Manila sa nakalabay nga bulan. (GCC/PCOO /PIA9-Pagadian City)

Media practicioners makabotar na’g sayo pinaagi sa RA 10380

Ni Alfonso T. Ruda

DIPOLOG CITY, MAR. 16(PIA)--- Duna na karoy kahigayonan ang mga sakop sa media nga makabotar ug sayo karong umaabot nga eleksyon.

Kini human nga gipirmahan ni Presidente Benigno Aquino III ang Akta Repuhlika 10380 nga mas naila isip Local Absentee Voting for Media Law, matod pa sa Malakanyang niadtong Biyernes.

Sa gipahigayong press briefing sa Malakanyang, gipahibalo ni Deputy Presidential spokesperson Abigail Valte, nga ang bag-ong balaod mosakop sa tanang membro sa media, lakip na ang ilang support ug technical staff nga kalagmitang magcover sa eleksyon.

Hinuon, sila tugutan lamang nga makabotar para sa nasudnong posisyon sama sa Presidente, Bise-Presidente, Senador ug Party-list Representatives, sumala pa sa RA 10380.

“Ang Commission on Election maglugway sa katungod sa pagboto ilalom sa Absentee Voting System subay sa gitakda sa kasamtangang balaod ug  orden ehikutibo sa mga membro sa media, media practicioners, lakip na ang mga support ug tehnical staff nga mga rehistrado, kinsa sa adlaw sa eleksyon dili makabotar gumikan sa ilang trabaho nga pagcover ug pagreport sa dagan sa eleksyon--- hatagan ug kahigayon nga makabotar para sa Presidente, Bise-Presidente, Senador ug Party-list Representatiuves.

Dugang pa sa Comelec, ang RA 10380, sulod sa 30 ka adlaw human nga mapirmahan ang bag-ong balaod, mohan-ay sa implementing rules and regulations nga maglakip sa sistema sa akreditasyon ug beripikasyon sa tanang membro sa media, media practitioners, support ug technical staff nga kwalipikadong makapahimulos sa local absentee voting.

Uban sa implementasyon sa bag-ong balaod, giawhag sa Malakanyang ang tanang nagtrabaho sa industriya sa media nga pahimuslan ang kahigayonan nga makabotar ug sayo kay sa regular nga gitakdang panahon sa pagboto.

“Daghan sa atong mga kauban sa media ang nagmulo nga dili sila makabotar tungod kay magcover tungod kay magcover man sila sa dagan sa eleksyon, busa amo silang gidasig nga moboto. Sa katapusan, duna na kamoy higayon. Atong pahimuslan kining bag-ong balaod aron atong magamit ang atong katungod sa pagboto,” matod pa ni Valte.

Ang pasiunang pondo para sa Local Absentee Voting sa Media adto ihapak sa kasamtangang pondo o savings sa COMELEC ug umaabot pang galastuhan sa susamang kalihokan nga ilakip na sa General Appropriations Act.

Si Presidente Aquino mipirma sa RA 10380 niadtong Huwebes, Marso 14 ug mipadala dayon niini sa Ubos balay-Balaoranan pinaagi ni House Speaker Feliciano Belmonte Jr. ug senado pinaagi usab ni Senate President Juan Ponce Enrile. (ATR/PCOO/PIA9-Zamboanga del Norte)