Presidente Aquino makigtagbo sa Singaporean counterpart ning semanaha

By Gideon C. Corgue

PAGADIAN CITY, April 1 (PIA) –- Si Presidente Benigno S. Aquino III makigtagbo kang Singaporean President Tony Tan Keng Yam kinsa ang magpahigayon sa upat ka adlaw nga pagbisita sa nasud ning semanaha, ang Malakanyang nagpahibalo ning Lunes.

Si Presidential Spokesman Edwin Lacierda sa iyang pamahayag nagkanayon nga ang duha ka mga pangulo sa nasud ang maghisgot sa mga butang nga adunay kaayuhan sa Pilipinas ug Singapore lakip na ang trade ug investment ingon man ang Filipino community sa Lion City.

Susama sa uban nga mga pangulo sa nasud nga mibisita sa Pilipinas ning bag-o pa lang, ang itinerary ni President Tan maglakip sa iyang side trip sa mga dapit nga nagusbat sa makusog nga bagyo nga ‘Yolanda’ nga mao ang nanag-una sa iyang mga kalihokan.

Matud pa ni Lacierda si Presidente Tan motunol sa mga hinabang nga gihatag sa mga katawhan sa Singapore sa mga kaabag sa Singapore Red Cross nga mihimo sa rehabilitation projects sa mga apektadong komunidad sa bagyong Yolanda.

“Siya usab ang molupad sa Basey, Western Samar aron paghatag sa mga medical supplies sa Basey District Hospital, usa ka hiniusa nga rehabilitation project sa Singapore Red Cross ug International Committee of the Red Cross,” dugang pa niya.

Ang Department of Foreign Affairs (DFA) sa iyang sayo nga pagpahibalo nagkanayon nga ang unang pagbisita ni President Tan sa Pilipinas maoy bugti pagbisita ni Presidente Aquino sa Singapore niadtong Marso 2011.

Si Presidente Tan ang pagakuyugan sa iyang asawa nga si Ginang Mary Tan ug ang delegasyon nga naglangkub nila ni Minister Grace Fu, Senior Parliamentary Secretary Hawazi Daipi, ug mga miyembro sa Parliament nga sila Dr. Lam Pin Min ug Mr. Vikram Nair panahon sa iyang pagbisita dinhi sa Pilipinas. (GCC/PCOO/PIA9-Pagadian City) 

Presidente Aquino nagpasalamat sa Primero Ministro sa Malaysia sa mapadayonong suporta sa kalinaw sa Mindanao

By Gideon C. Corgue

PAGADIAN CITY, March 28 (PIA) –- Si Presidente Benigno S. Aquino III ning Huwbes nagpadalamat kang Malaysian Prime Minister Najib Razak sa mapadayonong suporta sa iyang nasud alang sa mga paningkamot sa kalinaw tali sa kagamhanan sa Pilipinas ug Moro Islamic Liberation Front (MILF).

“Imong kamahalan, ilabi na niining puno sa hagit nga panahon dihang ang managsuon nga nasud nagsuporta sa iyang isig ka nasud. Ang Pilipinas milantaw niini ilabi na nga ang Malaysia, ilawom sa imong liderato nagsuporta sa atong damgo nga makatukod sa malahutayon nga kalinaw,”ang Presidente nagkanayon sa iyang mensahe atol sa  merienda cena nga iyang gihimo alang sa Malaysian Prime Minister.

Sa pagtimaan sa Comprehensive Agreement on the Bangsamoro ning Huwebes, si Presidente Aquino nagkanayon nga ang kalinaw ang nakab-ot na.

Si Presidente Aquino midapit ni Prime Minister Najib aron pagsalmot sa gning ceremony sa Comprehensive Agreement on the Bangsamoro. Ang Primero Ministro milupad sa kauluhan bisan pa nga kini ang nagpangita sa nawala nga Malaysia Airlines Flight MH370.

Ang Malaysia nahimo nga facilitator sa peace negotiations tali sa kagamhanan sa Pilipinas ug Moro Islamic Liberation Front sugod niadtong 2001, ug siya ang nadumala sa sultihanay sa kalinaw sa Kuala Lumpur. Ang Malaysia nangulo usab sa International Monitoring Team in Mindanao.

“Kita ang nagtigum sa kalampusan ug pangindahay. Ako ang nakighianbi dili lamang sa akong kagamhanan apan sa tanan nga mga Pilipino nga nag-ila sa dako kayo nga inisyatibo, riesgo ug liderato nga gipakita sa imong kamahalan, kinsa nagtabang kanato pagkaangkon sa luwas ug malinawon nga kaugmaon alang sa atong mga katagilungsod sa Bangsamoro,” matud pa sa Presidente. (GCC/PCOO/PIA9-Pagadian City) 

Presidente Aquino nangulo sa paglusad sa ALAGA KA program

By Gideon C. Corgue

PAGADIAN CITY, March 25 (PIA) –-Si Presidente Benigno S. Aquino III nangulo sa paglusad ning Lunes sa Department of Health ug Philippine Health Insurance Corporation’s multi-sectoral advocacy campaign nga gitawag ug “Alaga ka para sa Maayos na Buhay” (ALAGA KA) nga nagtumong pagtanyag sa 14.7 milyones nga kabus nga mga pamilya sa nasud nga nagtumong sa dako nga pagkab-ot sa primary health care services.

Nakig-uban sa Presidente paglusad sa maong programa nga gipahigayon sa Quezon Memorial Circle mao sila si Quezon City mayor Herbert Bautista, DOH Secretary Enrique Ona, Philhealth president ug CEO Alexander Padilla ug Department of Education Secretary Armin Luistro.

Matud pa ni Padilla, kinsa mao usab ang chair sa ALAGA KA steering committee, ang ALAGA KA uban sa koordinasyon sa Philhealth, DOH, local government units ug uban pang mga stakeholders sa health sector nagtumong aron pagseguro nga ang mga kabus nga miyembro ug gikan sa mga kabus nga hut-ong sa popolasyon ang tukma nga pagatudloan kung unsaon pagpahiimulos niining mga serbisyo sa maayong panglawas sa rural health units ug health centers diin sila ang nadestino.

Sa iyang pakigpulong, ang Presidente midapit sa 2,000 nga mga kabus nga pamilya gikan sa mga nagkalain-laing parte sa Metro Manila nga hiniusa nga mogamit sa mga benepesyo nga gitanyag sa ALAGA KA.

“Tumong sa ALAGA KA program nga pahibaloon ang atong mga katawhan ilabi na ang 14.7 milyones nga kabus nga mga pamilya sa mga serbisyo nga gitanyang sa DOH ug PhilHealth. Giawhag nato sila nga pahimuslan ang mga benepesyo. Tipik sa ubay-ubay ka mga benepesyo sa nasangpit nga programa mao ang pagtanyag sa micronutrient supplements, maternal and neonatal care package, ug family planning gawas pa sa treatment package para sa TB, ug sa libre nga pagpatambal sa mga  pampublikong balay tambalanan. Tataw ning mga nasangpit nga serbisyo: Nagtuo kita sa panultihon nga nagkanayon “prevention is better than cure.” Imbes nga makuntento kita sa pagkaayo sa atong gibati hatagan nato ug kahigayonan ang mga Pilipino nga likayan ang sakit ug pagkuyanap niini,” ang Presidente nagkanayon.

Matud pa niya nga ang Philhealth ug uban pang government health services ang napatuman aron pagtagbo sa mga panginahanlgan tungod sa tukma nga pagdumala sa mga kahinguhaan sa nasud. (GCC/PCOO/PIA9-Pagadian City)

Presidente Aquino mihatag pasidungog sa lima ka mga organizations alang sa performance excellence

By Gideon C. Corgue

PAGADIAN CITY, March 21 (PIA) –- Si Presidente Benigno Aquino III nangulo sa conferment ceremonies sa 16th Philippine Quality Award (PQA) diin lima ka mga kapunungan nakadawat sa mga pasidungog sa performance excellence nga gipahigayon sa Rizal Hall, Malacanan, Palace ning Huwebes.

Sa iyang pakigpulong, si Presidente Aquino mihatag gibug-aton sa kamahinungdanon sa kaledad sa performance ug pagpahiluna sa hataas nga standard sa mga serbisyo sa kagamhanan ug pribado nga ahensya.

“Ang pagkamaayo ang dili lang ensakto. Sa pag-abot sa bag-o ug scientific discoveries sa matag field of expertise, adunay pipila ka mga butang nga mahimo nga substandard work, ug kini ang nagdende lamang kanato kung ang public o private sector nga mohatag agianan sa panahon sa katukmaan, hataas nga standards sa matag possible nga produkto ug serbisyo,” matud pa sa Presidente.

Samtang giila ang mga kalampusan ug competence sa matag- awardee, ang Presidente mihagit kanila pagpaningkamot ug ayo ug mohimo sa ilang dako nga kaakuhan pagpadayon sa empowerment, kalamboan ug kauswagan sa katawhang Pilipino.”

“Atong ipatuman ang kultura sa kaledad ug competence nga migamot na sa Pilipinas. Kung kita ang padayon nga hiniusang magtrabaho atong mapadayon ang kultura sa excellence. Kita ang makahimo sa mga kalampusan isip usa ka nasud ug ang kumpleto nga pagtuyok sa katilingban sa kahigayonan,” matud pa niya.

Ang lima ka mga organizations nga nakadawat ug Recognition for Commitment to Quality Management award mao ang: Philippine Information Agency nga gipanguluhan ni  Secretary Herminio Coloma; Department of Science and Technology Region XI gipanguluhan ni Dr. Anthony Sales; Lyceum of the Philippine University nga gipanguluhan ni Atty. Roberto P. Laurel; Philippine Association of Colleges and Universities Commission on Accreditation nga gipanguluhan ni Dr. Rosita L. Navarro; ug Zamboanga Polymedic Hospital (Ciudad Medical Zamboanga) nga gipanguluhan ni Mr. Erwin G. To.

Ang Philippine Quality Award usa ka pinakataas nga level sa national recognition alang sa exemplary organization performance. Kini ang counterpart sa nasud sa nabantog nga Malcolm Baldrige National Quality Award sa Estados Unidos ug uban nga  quality award system sa 88 nga mga nasud sa tibuok kalibutan. (GCC/PCOO/PIA9-Pagadian City)

Presidente Aquino misubli sa iyang commitment alang sa defense modernization ug livelihood sa mga sundalo

By Gideon C. Corgue

PAGADIAN CITY, March 18 (PIA) –- Si Presidente Benigno S. Aquino III mihatag kaseguruhan sa mga ginsakpan sa armadong kusog sa kagamhanan sa iyang suporta aron nga aduna silay mga kahimanan ug kabatid paghimo sa ilang mga katungdanan sa epektibo nga pamaagi.

Ang Presidente nagkanayon sa iyang mensahe atol sa commencement exercises sa Philippine Military Academy sa dakbayan sa Baguio ning Domingo nga ang kagamhanan nakahibalo sa mga panginahanglanon sa mga sundalo ug gihimo niini ang tanan aron nga mapalambo ang ilang kahimtang.

"Ang atong tinguha nga mahatagan ug kusog ang inyong kaugalingon ug pamilya. Padayon kita nga naghimo ug mga lakang aron nga dili kamo mabiyaan sa panahon isip sundalo ug sa kabatid nga ihatag ang maayong kaugmaon," ang Presidente nagkanayon sa iyang mensahe.

Tipik sa major thrusts sa iyang administrasyon mao ang paghatag sa mga ginsakpan sa armadong kusog sa mga pusil ug kahimanan nga ilang gikinahanglan aron paghimo kanila nga mas epektibo pag-ayo.

Sama pananglit iyang giingon nga ang pagsubasta pagpalit sa duha ka mga bag-o nga twin-engine naval anti-submarine helicopters ang nagsugod na.

Ang militar naghulip sa Vietnam War-era rifles uban ang pagkabaton sa 63,000 ka mga assault rifles alang sa mga sundalo sa sunod nga pipila ka mga bulan, matud pa niya.

Ang kagamhanan andam usab pagpalit sa 12 lead-in fighter trainer aircraft gikan sa South Korea nga gamiton alang sa territorial defense sa nasud. (GCC/PCOO/PIA9-Pagadian City)

Palasyo mihatag kaseguruhan nga ang kagamhanan gihimo ang tanan aron pagsulbad sa suliran sa mga sakyanan sa mga sumasakay’ng publiko

By Gideon C. Corgue

PAGADIAN CITY, March 4 (PIA) –- Ang Malakanyang nagkanayon ning Domingo nga ang kagamhanan mihimo sa tanan sa iyang gahum aron pagsulbad sa kagul-anan sa mga sumasakay nga Pilipino sama sa hataas nga panahon pagbiyahe ug ang pagkaanaa sa mga sakyanan sama sa mga tren para sa Metro Rail Transit System (MRT).

Sa press briefing nga gisibya sa dzRB Radyo ng Bayan, si Communications Secretary Herminio Coloma, Jr. mitaho nga ang kagamhanan nagsulbad ning mga suliran pinaagi pagpaila sa mga nagkalain-laing pang-imprastraktura nga programa.

“Ang tanan nga mga lakang gihimo sa kagamhanan pagpangulo sa Department of Transportation and Communication aron nga masulbad ang pagdayon nga panginhanglan alang sa transit o public transportation,” pahayag ni Coloma.

“Pero ang mga nasangpit nga proyekto ang kinahanglan ug panahon aron hingpit nga mapatuman apang gkinahanglan ug gamay nga pagsabot sa atong katawhan nga ang maong mga proyekto dili matuman sa usa lamang ka pagpamilok,” dugtong pa niya.

Hinoon iyang giawhag sa mga sumasakay’ng Pilipino ang ilang pagpasensya sanglit  ang mga nasangpit nga proyekto nagkinahanlgan ug igong panahon sa pagpatuiman.

“Samtang kini gihimo sa atong kagamahan aron makuhaan ang panagduot sa trapiko ug dugay nga oras sa pagbiyahe sa atong mga katawhan pinaagi sa mga nagkalain-aling pang-imprastraktura nga proyekto,” matud pa ni Coloma. (GCC/PCOO/PIA9-Pagadian City)

� Q s ��g �he sa kawad-on, trabaho, ekonomiya, edukasyon, agrikultura, imprastrakrura, turismo, kahusay ug kalinaw ug uban pa.

Samtang si Gobernador Antonio Cerilles sa iyang mensahe nagkanayon nga iyang gidayeg ang 1^st SOMA nga gihimo ni Babasa tungod kay talagsaon lamang kaayo ang mga mayor sa lungsod nga naghatag ug taho sa iyang mga katawhan.

Si Gobernador Cerilles ang nalipay tungod kay halos tanan nga hut-ong sa katilingban linawas nga mitambong sa SOMA sa nasangpit nga mayor.

Giawhag sa gobernador ang tanang katawhan nga padayon nga magsuporta sa limpyo, matinud-anon, transparent ug dynamic leadership ni Babasa aron nga ang maong lungsod padayon nga maglambo.

Lakip na nga misaksi sa maong kalihokan mao sila si DepEd 9 regional director Marcum Darma, PIA9 regional director Noemi Edaga, municipal ug barangay officials, business sector, religious sector, department heads, kawani, magtutudlo ug estudyante sa Josefina H. Cerilles State College, ug daghan pang uban.  (GCC/PCOO/PIA9-Pagadian City) 

Bayog mayor Leonardo Babasa naghatag sa iyang unang SOMA kagahapon

By Gideon C. Corgue

PAGADIAN CITY, February 28 (PIA) –-Gipahigayon ang una nga State-of- the-Municipality-Address (SOMA) ni Bayog mayor Leonardo Babasa, Jr. alas 9:00 ang takna kagahapon sa buntag sa Bayog Central Elementary School Mini Grandstand, Bayog ning lalawigan.

Matud pa ni Mayor Babasa una nga higayon nga gihimo niya ang pagtaho ngadto sa katawhan sa mga kalampusan nga nahimo ilawom sa iyang administrasyon gikan sa pagkapili niini pagka-amahan sa lungsod gikan naidtong Hulyo 2010 hangtud ning bulan sa Pebrero 2014.  

Matud pa ni Babasa una kini nga higayon nga gihimo niya ang SOMA kon taho sa lungsod aron ipaabot sa katawhan sa Bayog ang tanang butang, programa, proyekto, ug kalihokan ug ang gihimo sa mga katawhan kung unsa ang Bayog kaniadto, karon ug sa umaabot.

 

Gipuno pagpahayag ni Babasa nga ang SOMA wala gihimo aron ipanghambog ang mga proyekto apan mao kini ang angayan nga himoon sa mga pinili nga opisyales aron masabtan ang ilang mga kaakuhan ug responsbilidad isip lumulupyo sa lungsod.

Partikular nga gitaho ni mayor Babasa ang mga kauswagan ug kalampusan sa natad sa maayong panglawas, pagkunhod sa kawad-on, trabaho, ekonomiya, edukasyon, agrikultura, imprastrakrura, turismo, kahusay ug kalinaw ug uban pa.

Samtang si Gobernador Antonio Cerilles sa iyang mensahe nagkanayon nga iyang gidayeg ang 1^st SOMA nga gihimo ni Babasa tungod kay talagsaon lamang kaayo ang mga mayor sa lungsod nga naghatag ug taho sa iyang mga katawhan.

Si Gobernador Cerilles ang nalipay tungod kay halos tanan nga hut-ong sa katilingban linawas nga mitambong sa SOMA sa nasangpit nga mayor.

Giawhag sa gobernador ang tanang katawhan nga padayon nga magsuporta sa limpyo, matinud-anon, transparent ug dynamic leadership ni Babasa aron nga ang maong lungsod padayon nga maglambo.

Lakip na nga misaksi sa maong kalihokan mao sila si DepEd 9 regional director Marcum Darma, PIA9 regional director Noemi Edaga, municipal ug barangay officials, business sector, religious sector, department heads, kawani, magtutudlo ug estudyante sa Josefina H. Cerilles State College, ug daghan pang uban.  (GCC/PCOO/PIA9-Pagadian City)