Ni Alfonso T. Ruda
DIPOLOG CITY, FEB. 10,
(PIA)--- Gipasalig
sa Malakanyang nga andam ang gobyerno paghatag ug proteksyon sa mga testigo
alang sa kasulbaran sa mga krimen.
Kini
ang gipahayag sa Malakanyang human gipatay ang usa ka mahinungdanong saksi sa
pagpatay sa environmentalist ug journalist sa Palawan nga si Dr. Gerry Ortega.
Si
Dennis Aranas, nga giingong nagsilbing “look-out” sa pagmurder ni Ortega, nakit-ang
patay sa iyang mga kaubang binilanggo sulod sa Quezon Provincial Jail sa Lucena
City.
Gumikan
niini, mibati ug kabalaka ang mga tigpaluyo ni Ortega sa posibling dangatan sa
uban pang mga saksi sa iyang kaso.
Sa
pakighinabi sa radio DZRB-Radyo ng Bayan niadtong Sabado, gipahayag ni Deputy
Presidential spokesperson Abigail Valte nga nagpabilin ang tinguha sa
administrasyong Aquino nga panalipdan ang mga testigo alang sa kasulbaran sa mga
krimen sa nasod, sama sa kaso ni Ortega.
“Oo,
tinguha namo nga panalipdan ang mga testigo nga nagkinahanglan ug proteksyon
Naa lang kini sa pagduol sa kalihim sa Hustisya ug paghangyo kaniya nga
nagkinahanglan kamo sa iyang tabang. Giingon na ni Sec. Leila De Lima nga ang
kamatayon sa saksi dili maka-apektar sa kaso,” matod pa ni Valte.
“Busa
hingpit namong hatagan ug seguridad kadtong mangayo ug proteksyon sa DOJ,”
dugang pa ni Valte.
Sumala
pa sa opisyales sa bilangguan sa Lucena City, naghikog kono si Aranas tungod
kay dili na niini maantus ang kinabuhi sulod sa bilangguan. Gipahayag sa
kapulisan nga magpahigayon sila ug post-mortem ivestigation aron pagpapas sa
pagduda nga dunay foul play nga nagpaluyo sa kamatayon ni Aranas.
Si
Aranas, nga tipik sa three-man hit team nga mipatay kang Ortega nagsilbing
look-out sumala pa sa imbestigasyon sa kapulisan. Si Ortega gikatahong gipatay
niadtong Enero 24, 2010.
Sa
pagkakaron, kasamtangan pang gipangita sa kapulisan ang kanhing gobernador sa
Palawan nga si Joel Reyes gumikan sa giingong iyang kalambigitan sa pagpatay
kang Ortega.(ATR/PCOO/PIA9-Zambo Norte)
