Ni Claro A. Lanipa
PAGADIAN CITY, 10 April (PIA) – Ang buhatan sa Presidential Adviser on the Peace Process
(OPAPP) ug ang Commission on Higher Education (CHED) bag-ohay lang mipirma sa Memorandum
of Agreement alang sa usa ka Study Grant Program.
Kining program magtanyag sa kanhing mga miyembro sa
armadong grupo sa gitawag social safety nets o social protection interventions
nga gikinahanglan sa pagpasayon sa ilang luwas ug hapsay’ng pagbalhin gikan sa
kinabuhing puno sa panag-away ngadto sa kinabuhing nga gipatigbabaw ang
kalinaw.
Sa pakigpulong ni OPAPP Sec Teresita Quintos-Deles
iyang gidayeg ang technical staff sa OPAPP ug CHED nga naghulma sa maong
kasabutan. Iyang gipasalamatan usab ang CHED alang sa ilang bilihong suporta sa
proseso sa kalinaw ubos sa OPAPP-CHED Study Grant Program alang sa mga rebel
returnees.
Sukad 2001, dako ang papel sa CHED sa pagtanyag sa mga
oportunidad sa edukasyon ngadto sa mga kanhing rebelde ug sa ilang duol nga
kabanay.
Nagtanyag usab sila sa scholarship slots alang sa mga rebel returnees,
ug kadaghanan sa mga benepisyaryo nakabaton na karon ug maayong trabaho.
Alang sa school year 2013, ug pinaagi niining bag-ong
kasabutan, ang OPAPP nakakuha ug pondo sa PAMANA alang sa 200 dugang
scholarship slots gumikan sa mga kalampusan sa mga proseso sa kalinaw tali sa
Cordillera People’s Liberation Army (CPLA) ug sa Revolutionary Proletarian
Army.
Ang dugang scholarship slots gitumong usab sa pagtanyag
sa mga benepisyaryo sa Comprehensive Local Integration Program (CLIP) ug ang
pagtapos sa 1996 Peace Agreement uban sa Moro National Liberation Front (MILF).
Pinaagi niining bag-ong kasabutan, maglaom kita sa
pagpadayon sa pagtanom sa mga liso hangtod sa mga kabarangayan, diin malaumon
ang usa ka henerasyon sa mga maayo ug batan-on lideres mosidlak. Atong lantawon
ang usa ka epektibong implementasyon ug pag-monitor sa programa aron kining mga
liso motubo ngadto sa usa ka henerasyon nga molahutay ug mopadayon sa pagduso
sa kalinaw sa ilang komunidad, matod pa ni Deles. (OPAPP/CAL/PIA9)
