Sugyot nga total gun ban, tun-an sa Kagamhanang-Aquino, matod pa sa Malakanyang

Ni Alfonso T. Ruda

DIPOLOG CITY, JANA. 8(PIA)--- Tun-an sa Kagamhanang-Aquino ang sugyot nga total gun ban human ang kamatayon sa sieto anyos nga batang babaye nga naigo sa saag nga bala sa Caloocan City ug nahitabong shooting rampage sa Kawit, Cavite , matod pa sa usa ka Opisyal sa Palasyo.

Si Deputy Presidential spokesperson Abigail Valte miluwat sa pahayag sa usa ka press briefing taliwala sa panawagan alang sa mas higpit nga gun control ug total gun ban.

Ang Catholic Bishops Conference nagkanayon nga angay nga konsiderahon sa gobyerno ang sugyot sa nagkalain-laing grupo alang sa kaluwasan sa publiko.

“Daghan ang nagkalain-laing sugyot, gikan sa mas higpit nga gun control hangtud sa total gun ban ug mao kana ang gituki uban sa Presidente,” matod pa ni Valte.

Si Senador Gregorio Honasan niadtong Sabado namahayag nga rerpasuhon sa Committee on Public Order and Dangerous Drugs nga iyang gipanguluhan ang kasamtangang balaod may kalabutan sa armas, pagconsolidate sa nakapending nga balaodnon, ug pagpahigayon ug pagdungog-publiko sa gun control sa pagbukas ug balik sa sisyon karong Enero 21.

Sa iyang bahin, si Senador Panfilo Lacson misugyot sa gobyerno nga isuspende ang tanang permit to carry gumikan sa gihimong shooting spree ni Ronald Bae.

“Kini magdepende lang sa mahimong unod sa balaod. Kung moingon ka nga Comprehensive Firearms Law, maglangkob kini sa tanan-gikan sa importasyon, talamdan sa importasyon, talamdan sa pagpalit, mga rekisitos ug uban pa. Busa ato unang tan-awon kon unsa ang anaa sa maong sugyot para sa Comprehensive Firearms Law,” matod pa ni Valte.

Si Bae nga giingong usa ka drug addict, nagpataka na lang ug paboto sa iyang armasl didto sa Kawit, Cavite niadtong Biyernes sa buntag, gamit ang iyang 45-kalibre nga pistola nga nagresulta sa kamatayon sa 8 ka tawo ug pagkasamad sa 9 pang uban.

Samtang sa laing bahin, si Stephanie Nicole Ella naglantaw lang sa fireworks display sa gawas sa ilang panimalay sa Malaria District, Caloocan City dihang naigo siya sa saag nga bala sa iyang ulo niadtong tungang-gabii sa bag-ong tuig. Si Ella namatay didto sa East Avenue Medical Center, Quezon City niadtong Miyerkules sa hapon.(ATR/PCOO/PIA9-Zambo Norte)

Kagamhanan mobubo P745.5-M alang sa mga tinguha sa kalinaw ug kalamboan

Ni Claro A. Lanipa

PAGADIAN CITY, 08 Jan (PIA) – Isip suporta sa administrasyon ni Presidente Aquino, ang Department of Budget and Management (DBM) mi-aprobar sa dugang P745.5 milyon nga pondo aron sa pag-abaga sa mga kalihukan sa kalinaw ug kalamboan sa tibuok nasud ubos sa Payapa at Masaganang Pamayanan Program kon PAMANA.

Matod pa ni DBM Secretary Florencio Abad, ang moang pondo mosangkap sa kauswagan nga atong nakab-ot diha sa pag-establisar sa seguridad ug mga kalamboan sa tibuok nasud. Pinaagi niining mga pondo, makatabang kita nga maseguro nga ang mga  pamilya sa mga dapit apektadong sa kagubot makadawat gayud sa mga kaayohan ug serbisyo sama sa  gidawat nila kaniadto nga wala pay kasamok.

Kining dugang pag-gahin sa pondo makapabanting sa implementasyon sa natak-op mga kasabotan sa Cordilleras ug Bisayas, mohatag suporta sa PAMANA nga komunidad apektado sa Bagyong Pablo, mga kalihukan sa information, education and communication mahitungod sa negosasyon sa kalinaw, tali sa ubang mga kalihukan. Kining alokasyon kabahin sa P32.2 bilyon nga pondo nga gi-aprobahan ni Presidente Benigno S. Aquino III ning bag-o lang.

Ang PAMANA  dinuyogay gi-implementar sa buhatan sa Presidential Adviser for the Peace Process (OPAPP), Department of National Defense-Armed Forces of the Philippines (DND-AFP), Department of Public Works and Highways (DPWH) ug ang kagamhanan rehiyonal sa Autonomous Region for Muslim Mindanao (ARMM).

Base sa 2012 Peace Index sa Institute for Economics and Peace, ang Pilipinas nag-una sa lima ka  mga laing nasud nga adunay pinaka taas nga kalamboan sa pagkamalinawon ning tuig – kauban sa Sri Lanka, Zimbabwe, Bhutan ug Guyana. (BDM/CAL/PIA9)

PNP nakigkoordinasyon sa mga Opisyales sa Kagamhanang-Lokal ug Simbahan aron masiguro ang kabalaanon ug seguridad sa Feast of Black Nazarene

Ni Alfonso T. Ruda

DIPOLOG CITY, JAN. 7(PIA)---Gipasalig sa Malakanyang nga anaa sa ibabaw ang Philippine National Police uban sa mga Opisyales sa Kagamhanang-Lokal sa Manila ug Simbahan ug siento porsento kining andam pagbantay sa minilyon ka mga devotees sa Black Nazarene nga modagsa sa Minor Basilica of Quiapo sa Manila aron pagsaulog sa Feast of Black Nazarene karong Miyerkules,Enero 9.

Si Deputy Presidential spokesperson Abigail Valte, sa usa ka pakighinabi sa sibya-anang DZRB, Radyo ng Bayan nagkanayon nga hugtanon ang pakigkoordinasyon sa PNP uban sa mga Opisyales sa Manila City Hall, mga lider sa Simbahan ug Metro Manila Development Authority(MMDA) aron masiguro ang kaluwasan sa okasyon ug mga devotees.

“Ang atong mga opisyales sa PNP sa pagpanguna ni NCRPO Chief Leonardo Espina nakigkoordinasyon sa Kagamhanang-Lokal sa Manila ug sa mga kadagkuan sa Simbahan sa Quiapo aron maskiguro nga ang prosisyon ug selebrasyon karong tuiga,luwas ug  malinawon,” matod pa ni Valte.

Nanawagan si Valte sa mga devotees nga ibilin na lang sa ilang balay ang mga bata ug mga bililhong butang sama sa cellphone, ug mga alahas.

Gihangyo usab ni Valte ang mga dili makasalmot sa prosisyon gumikan sa nagkalain-laing balatian ug pangidadron nga mohiklin na lang niining maong kalihokan.

Ang prosisyon sa Black Nazarene karong tuiga, magsaulog sa ika-406 ka tuig nga kapistahan sa “translacion” o ang pagbalhin sa imahe sa Black Nazarene  gikan sa Recollect Church sa Intramuros sa Manila ngadto sa Quiapo niadtong 1787.

Gibana-banang moabot sa 11 milyones ka mga devotees ang gilaumang mosalmot sa prosisyon karong tuiga.(ATR/PCOO/PIA9-Zambo Norte)

DCDRRMC evacuates 230 families in Dipolog City

By Alfonso T. Ruda

DIPOLOG CITY, JAN. 8 (PIA)… The Dipolog City Disaster Risk Reduction and Management Council (DCDRRMC) have saved 230 families during the onslaught of Tropical Storm Auring in this part of Mindanao.

Tropical Storm Auring is the first typhoon to hit the country in 2013, particularly in Mindanao.

Councilor Cyril Ruiz, Adviser of the DCDRRMC said the evacuation of the affected families was done as water level at Dipolog River and other water tributaries ascended due to  heavy rain brought about by Typhoon Auring.

Ruiz said the affected families are residents of the low-lying areas of Barangay San Jose, Punta and  Punta- three barangays greatly affected by the rising water level caused by typhoon Auring.

Felipe “Tata” Mangila, designated Officer-in-Charge of Dipolog City Risk Reduction and Management Council said, of the 230 evacuated families, 90 families were from San Jose; 100 families from Punta and 40 families from Turno.

Affected families from Barangay Turno were evacuated to Turno Elementary School, evacuees from Punta were brought to Punta Covered Court while affected families from San Jose were brought to an elevated areas in the said barangay.

According to DCDRRMC no casualty was reported during the onslaught of typhoon Auring while the City Agriculturist Office is still assessing Auring’s damage in agriculture.

Dipolog City Mayor Evelyn Uy lauded the CDRRMC for its immediate and timely action during the incident. “It only justified that we are worth the recognition given by Department of Interior and Local Government (DILG) to the Dipolog City CDRRMC as the best disaster council throughout the Zamboanga Peninsula region,” she said.

As 2012 Regional Kalasag Awardee, the Dipolog City DRRMC received P300,000.00 cash and a Plaque of Recognition and the right to represent the region in the national competition. (JPA/ATR/PIA9-Zambo Norte)

Malakanyang mipatin-aw sa gikataho nga wala gamita sa ensakto ang pundo sa DSWD

By Gideon C. Corgue

PAGADIAN CITY, January 8 (PIA) –- Ang Malakanyang mipahayag ning bag-o pa lang nga ang gikataho nga dili ensakto ang paggamit sa Department of Social Welfare and Development nga pundo aron pag-finance sa anti-epal (credit grabber or scene stealer) campaign sa nagsingabot nga piniliay nga mao ang budget sa Social Marketing Service (SMS) sa nasangpit nga ahensya kinsa mao ang nangulo sa mga kalamboan sa mga nagkalainlaing programa sa DSWD.

Sa briefing sa Malakanyang, si Deputy Presidential Spokesperson Abigail Valte nagkanayon nga ang nasangpit nga SMS nangulo sa adbokasya sa  DSWD pagpahibalo sa mga benepesyaryo ilabi na sa Conditional Cash Transfer (CCT) program sa ilang paglakip o pagtangtang gikan sa maong programa.

“Ang salapi nga gihisgutan sa usa ka senatorial candidate nga mihimo sa maong pamahayag mao ang budget sa kinatibuk-ang – ang Social Marketing Service ilawom sa DSWD nga nagtabang sa ahensya ug sa nagkalain-lain nga mga programa,” matud pa ni Valte.

Dugtong pa niya nga pinaagi sa information campaign, ang miyembrong-benepesyaryo sa anti-poverty program sa kagamhanan ang nakahibalo sa ilang mga katungod sa panalapi.

“Kini ang mahinungdanong adbokasya sa DSWD pagpahibalo sa mga benepesyaryo tungod kay aduna kami nakuha nga taho nga adunay mga local politicians nga nagpahayag sa ilang mga katagi-lungsod nga kung dili ka mokuyog sa amoa o kung dili ka moboto sa akoa ako kang ipatangtang sa listahan,” matud pa ni Valte.

Iyang gipapatin-aw nga ang bugtong hinungdan nga sila ang gilakip sa usa ka programa sa ahensya tungod kay sila ang kwalipikadong benepesayryo nga giila sa National Household Targeting System (NHTS) ug ang bugtong hinungdan kung ngano nga wala sila misunod sa requirements sa ahensya ug dili tungod kay ang mga opiisyal sa lokal nga pangagamhanan ang nagsulti.”

Iyang gidayeg ang information campaign isip gitawag nga “timely” ug ang atong gipanalipdan batok niini nga ang programa mamahimong hinagiban sa pagsunod sa pulitika.” (GCC/PCOO/PIA,Pagadian City)