Malakanyang mihatag ug dakong kamahinungdanon pagtuon pag-isyu sa mining permits

Ni Gideon C. Corgue

PAGADIAN CITY, July 31 (PIA) – Ang Malakanyang mihatag gibug-aton sa pagdukiduki sa tanang mining permit applications sa dili itugot sa bisan unsa nga kompanya magsugod sa ilang pagmina aron paghatag seguro nga sila ang mosunod sa mga kalagdaan nga gipatuman ni Presidente Benigno S. Aquino III sa iyang bag-o nga mining policy.

Sa usa ka press briefing nga gipahigayon sa Malakanyang ning Lunes, si Presidential Spokesperson Edwin Lacierda nagkanayon nga ang bag-o nga mining policy gipatuman sa Orden Ehekutibo Numero 79 nga nagtugot sa daghan nga pamuhunan sa pagmina ang mahidangat apan mokontrolar sa asa ug pila sa atong mga kahinguhaan ang pagagamiton.


“Ang administrasyon miila sa bisan unsa nga pamuhunan ug busa kini ang miaghat sa administrasyon nga tukmang magtuon ning maong isyu  ilabi na sa bag-o nga EO ug sa mga pamuhunan sa mina,” matud pa ni Lacierda.


Si Executive Secretary Paquito N. Ochoa Jr. nagkanayon nga ang bag-o nga presidential directive diin ang Hepe Ehekutibo mitimaan ning Hulyo 6 ang nagtumong aron pagpahiuyon sa mga polisiya pagmina ug mga kalagdaan niini sa nasud ug mohimo sa mga players sa industriya sa pagmina nga mahimong transparent ug accountable.


Ang mando ni Presidente Aquino nga nag-ila sa mga dapit nga duol sa aplikasyon sa pagmina makontrata man, concessions kon  agreements lakip na ang mga dapit sa National Tourism Development Plan, critical areas ug island eco-systems, nag-una nga mga agricultural lands nga nahilakip sa RA 6657, strategic agriculture and fisheries development zones ug fish refuge ug sanctuaries nga gideklarar sa  Department of Agriculture.


Ang pagmina wala gitugot sa mga dapit nga gilia na ilawom sa kasamtangan nga mga balaod sa pagmina, agrarian ug protected areas, ingon man ang mga dapit nga gidetermenar sa Department of Environment and natural Resources (DENR).

Ang mga kontrata sa pagmina, concessions ug agreements nga giaprubahan sa dili pa i-siyu ang bag-o nga mando hinoon ang mga kompanya mosunod sa mga kasamtangan nga balaod, kalagdaan ug reglamento, ug terms and conditions niini. (GCC/PCOO/PIA9-Zambosur)

Aquino mikonpirmar sa pagdeklarar ni anhing Pernando Poe Jr., isip National Artist for Films(Posthumous) niadtong 2006

Ni Alfonso T. Ruda

DIPOLOG CITY, JULY 28(PIA)--- Gikonpirmar ni Presidente Benigno Aquino III ang pagkadeklarar ni Ronald Allan Kelly Poe, nga mas naila isip Fernando Poe, Jr., sa takilya  isip National Artist(Pothumous) niadtong 2006.

Niadtong Hulyo 20, 2012, gipirmahan ni Presidente Aquino ang Proklamasyon numero 435 nga mikonpirmar sa pagdeklarar ni Poe isip National Artist for Films(Posthumous) nga sipasidungog kaniya  sa Proklamasyon Numero 1069 nga dunay petsang Mayo 23, 2006.

“Subay sa otoridad nga gihatag kanako sa balaod, Ako, si Presidente Benigno Aquino III, Presidente sa Republika sa Pilipinas, mikonpirmar sa pagdeklarar ni Ronald Allan K. Poe, a.k.a. Fernando Poe Jr., (Posthumous) isip National Artist for Films, pasidungog nga gihatag kaniya sa Proklamasyon numero 1069 nga pinitsahan ug Mayo 23, 2006,” nagkanayon ang Proklamasyon

Si kanhi Presidente Gloria Macapagal Arroyo mipirma kanhi ug Prrsidential Proclamation No. 1069 nga miila kang Poe ug lima pang uban isip mga national artists. Ang lima pang national artists mao sila si Bienvenido Lumbera para sa Literature; Ramon Obusan para sa sayaw; Benedicto Cabrera para sa Visual Arts; Ildefonso Santos para sa Arkitektura; ug anhing Ramon Valera para sa Fashion  Design.

Niadtong Nobyembre 2010, ang pamilya ni FPJ nagpahayag ug kagustuhan nga modawat sa pasidungog nga National Artist ilalom sa administrasyong Aquino human nila gibalibaran panahon ni kanhi Presidentre Arroyo ug karon Representante sa ikaduhang Distrito sa Pampanga nga si Gloria Macapagal-Arroyo.

Nahimong inila sa tawag nga “FPJ” ug “Da King,” si Poe natawo niadtong Agosto 20, 1939 sa Manila. Naminyo sa laing artista nga si Susan Roces (Jesusa Sonora sa tinuod nga kinabuhi) ug gikasal sa sibil nga kaminyoon niadtong Disyembre 1968. Sa ulahi nagpakasal gihapon sila sa simbahan. Ang magtiayon misagop sa ilang bugtong anak nga babaye ug kasamtangang Chairperson sa Movie and Television Review and Classification Board nga si Mary Grace Poe-LllamanzaresAng Hari sa Pelikulang Pilipino namatay niadtong Disyembre 2004 gumikan sa massive stroke.(ATR/PCOO/PIA9-Zambo Norte)

Palasyo mipahalipay sa Iglesia ni Cristo sa ilang ika-98 nga anibersaryo

Ni Alfonso T. Ruda

DIPOLOG CITY, JULY 28(PIA)---Ang Malakanyang mitunol sa iyang pahalipay sa Iglesia ni Cristo nga nagsaulog sa ilang ika-98 nga anibersaryo kagahapon, Hulyo 27, 2012.

Ang pahalipay gitunol ni Deputy Presidential Spokesperson Abigail Valte atol sa regular press briefing sa Malakanyang niadtong Biyernes, nga usa ka Special National Working Holiday subay sa Proklamasyon numero 9645 nga giisyo niadtong Hunyo 12,2009.

Ang balaod miila sa talagsaong nahimo sa INC sa paggiya sa iyang mga membro padulong sa esperituhanong kalamdagan ug maayong pagka-maayong membro sa katilingban. Ang mga kalihokan sa INC sa ilang ika-98 nga anibersaryo gidisenyo aron pag-andam sa minilyon nilang sumusunod para sa centennial celebration sa 2014.

Ang INC nga gi-establisar ni “Ka” Brother Felix Y. Manalo sa Sta. Ana, Manila niadtong Hulyo 14, 1914 mitubo ug nahimo nang usa sa pinakadakong relihiyosong grupo sa nasod.

Ang simbahan dunay minilyon ka mga membro sa ilang kapin sa 5,400 ka mga congregations sa Pilipinas ug sa 90 ka mga nasod sa nagkalain-laing bahin sa kalibutan.

Gawas sa pag-organisa sa lokal ug langyaw nga congregations, nga nagsugod niadtong 1916, gipabarog usab sa INC ang Ministerial Institute of Development(karon, New Era Univeristy) niadtong 1974.

Dihang mipanaw na si Ka Felix Manalo niadtong Abril 12, 1963, gipulihan ang puwesto sa iyang anak nga si Ka Eraño G. Manalo. Dihang namatay si Ka Eraño niadtong Agosto 31, 2009, mipuli usab kaniya ang iyang kamagulangan anak nga si”Brother Eduardo “Ka Ed” V. Manalo ug nahimong kasamtangang Executive Minister sa INC.(ATR/PCOO/PIA9-Zambo Norte)  

Malakanyang namahayag seguro-on sa Department of Energy adunay igong supply sa LPG sa merkado

ni Franklin P. Gumapon

DIPOLOG CITY, July 30 (PIA) - - Gipahayag sa Malakanyang kaniadtong Sabado nga seguro-on sa Department of Energy (DOE) nga adunay igong supply sa liquefied petroleum gas (LPG) sa tibook kapupud-an ug sulbaron ang kakuwangon niini.

Gikonpirmar sa Liquefied Petroleum Gas Marketers Association (LPGMA) karong bag-o nga adunay kakuwangon sa supply LPG tungod sa pag-pugong sa ubang suppliers hangtud adunay mahitabong kausaban sa presyo.

Gipahayag ni Deputy Presidential Spokesperson Abigail Valte nga giatiman na karon ang maong suliran sa DOE tali sa mmga marketers association ug sa ubang stakeholders.

Sumala usab sa pamahayag ni Energy Secretary Jose Almendras nga adunay ensaktong supply sa LPG ug iyang gipanghimakak nga adunay kakuwangon sa supply niini sigun sa gipasibaw sa ubang grupo.

Dugang pa ni Almendras nga ang giingong kakuwangon sa LPG nagumikan lamang sa “overdrawing” sa mga gagmay’ng mamaligyaay ug LPG.

Subay niini, gimugna karon sa DOE ang usa ka team nga mosubay ning nasampit nga butang.

Gibutyag usab ni Almendras nga ang problema dili ang supply kon dili anaa sa mga refilling station nga gustong mopalit ug daghan tungod sa gihugon-hugon nga pagta-as sa presyo sa LPG sa sunod bulan.

Nakita ni Almendras nga bisan ug adunay pagkalangay sa shipment sastocks ngadtu sa mga gamay’ng negosyante, apan adunay igong stocksang mga dagkung suppliers. (FPG/PCOO/PIA-Zambonga del Norte)

Kagamhanang Aquino mipasalig trabaho alang sa katawhan

ni Franklin P. Gumapon

DIPOLOG CITY, July 30 (PIA) - - Gitinguha karon sa pamunu-an ni Pangulong Benigno Simeon C. Aquino III nga makabaton ug trabaho ang mga Pilipino pinaagi sa tabang sa mga ahensya sa kagamhanan.

Matud pa ni Deputy Presidential Spokesperson Abigail Valte nga gimandu-an ni Pangulong Aquino and Department of Labor and Employment (DOLE), Technical Education and Skills Development Authority (TESDA), National Statistics Office (NSO) ug ang Commission on Higher Education (CHED) nga magtinabangay aron matan-aw kon unsa ang gipangita karon nga mga trabahante ug aron magiyahan ang mga bag-ong tinun-an sa ilang kuha-on nga kurso.

Sa ingon nga paagi, maseguro sa kagamhanan nga dili mag-oversupplysa mga technical practitioner sa umaabot nga katuigan.

Subay sa mando sa Pangulo nasud, gihimo na karon sa maong mga buhatan ang pagbinaylo-ay ug impormasyon aron Makita ang ensaktong kahimtang sa pamu-o dinhi sa nasud. (FPG/PCOO/PIA-Zamboanga del Norte)

Disaster agencies sa kagamhanan andam pag-asdang sa bagyong 'Gener'

Ni Gideon C. Corgue

PAGADIAN CITY, July 30 (PIA) – Ang Malakanyang mihatag kaseguruhan sa publiko nga ang kagamhanan ug ang iyang mga ahensya sa pagpangandam sa alarma ug andam pag-askyon sa bisan unsa man nga kahasol nga mahitabo samtang ang bagyong “Gener” nga adunay international code name nga Saola makusog nga magpadulong sa Amihanang Luzon.

Si Deputy Presidential Spokesperson Abigail Valte mihatag kaseguruhan sa press briefing nga gisibya sa dzRB Radyo ng Bayan ning nakalabay nga Domingo.

Matud pa niya nga ang mga hingtungdang ahensya sama sa National Disaster and Risk Reduction Management Council, Department of Public Works and Highways, Interior and Local Government, Social Welfare and Development, ug Health ang andam nga motabang sa bisan kins anga maapektuhan nga local government units sa epeketo sa "Gener."

“Sa naandan, mao ang ang atong protokol nga nakaandam na ang atong mga rehiyonal nga buhatan ug mga nasudnon nga buhatan sa kagamhanan kung ugaling gikinahanglan nila,” matud pa ni Valte.

“Ang atong quick response teams sa DPWH alang sa paglimpyo sa dalan, ang DSWD sa evacuation centers ug pag-andam sa mga pagkaon, DOH mag-andam usab sa mga medisina nga gikinahanglan , unta dili namo kinahanglanon pero amo gilayong mahatag tanan sa mga local government units,” dugtong pa niya.

Si Valte nanawagan sa mga katawhang Pilipino nga magbantay ug mosunod sa mga pahimangno nga ipagula sa Philippine Atmospheric Geophysical and Astronomical Seces Administration (PAGASA) ug uban nga mga hingtungdang buhatan sa kagamhanan aron pagpakgang sa mga dili maayong panghitabo nga gidulot sa bagyo.

“Kung moingon ang mga otoridad nga gikinahanglan nga kita mobakwit, unta kita ang maminaw aron nga malikayan ang kadaut ug usik sa kinabuhi sa tawo ug uban nga mga kabtangan nato. Mas mahinungdanon ang kaluwasan kay sa mahibilin o mabantayan ang balay nato ug uban pa. Mas mahinungdanon kung makig-alayon sa otoridad ug  kanunay nga andam. Magpaabot kita sa pahimangno gikan sa PAGASA,” matud pa ni Valte.

Matud pa sa PAGASA, ang bagyong "Gener" nasiplatan 310 kilometers east sa Casiguran, Aurora ug naglihok padulong sa west northwest sa 15 kilometros ang matag oras. Aduna kini gikusgon nga hangin nga 85 kilometros matag-oras handuol sa sentro ug ang paghuros sa 100 kilometros matag oras. (GCC/PCOO/PIA9-Zambosur)