Palasyo mipahayag nga ang kagamhanan himoon niya ang tanang mahimo bisan hukman nga sad-an si Amalilio sa Malaysia

By Gideon C. Corgue

PAGADIAN CITY, February 6 (PIA) –- Ang Malakanyang mihatag kaseguruhan ning Miyerkoles nga ang kagamhanan sa Pilipinas himoon niya ang tanang mahimo aron nga ang hustisya mahatag bisan pa man nga hukman nga sad-an si Manuel Amalilio sa Malaysia.

Si Amalilio ang gitumbok nga maoy utok sa P12-bilyones nga syndicated estafa nga nakabiktima sa liboan ka mga tawo sa Visayas ug Mindanao. Si Amalilio gihukman nga mabilanggo sa duha ka tuig sa Malaysia tungod paggamit sa peke nga mga pasaporte.

Bisan pa nga ang korte sa Malaysia mipahamtang kang Amalilio, si Deputy Presidential Spokesperson Abigail Valte nagkanayon nga dili nagpasabot nga ang hustisya dili ikahatag ngadto sa mga biktima.

“Wala giingon nga dili sila mahatagan ug hustisya. Ato nga ipadayon ang mga gihimo aron nga mabalik si Amalilio sa Pilipinas. Ug sama sa gipahayag ni Secretary De Lima, kita ang magpadayon sa atong mga paningkamot aron pagseguro nga adunay katapusan ning maong sugilanon,” matud pa  ni Valte sa press briefing sa Malakanyang ning Miyerkoles.

Dihang gipangutana kung ang pinakaulahi nga kalamboan sa Malaysia dawaton ba sa kagamhanan sa Pilipinas, matud pa ni Valte nga dili ang pagdawat angay nga hisgutan kung dili ang mahitungod pagtahud sa legal nga proseso sa lain nga nasud.

“Ning maong punto, dili kita mangutana sa legal nga proseso sa Malaysia. Kita ang adunay dako nga pagtahud sa legal nga proseso sa uban nga mga nasud dili lamang sa Malaysia apan sa tanang nasud nga atong gika-relasyon,” matud pa niya.

Bisan pa nga ang paghukom nga sad-an si Amalilio sa Malaysia ang malangan,  ang pagpangita sa hustisya sa justice department dili mabalda ang paningkamot sa kagamhanan pagdala pagbalik kang Amalilio balik sa nasud.

Si Justice Secretary Leila de Lima ang nagtrabaho aron pagpabalik kang Amalilio sa nasud sa labing madali nga panahon aron atubangon ang multi-million peso syndicated estafa cases nga gipasaka batok kaniya.

Niadtong Enero 25, ang hataas nga opisyal sa Sabah gikataho nga mibabag pagpabalik kang Amalilio sa Pilipinas.

Matud pa sa pipila ka mga taho, ang kagamhanan sa Malaysia ang andam nga motugyan kang Amalilio sa mga otoridad sa Pilipinas basta ang mga tukma nga pamaagi ilawom sa Asean’s Mutual Assistance in Criminal Matters Act 2002 ang pagatumanon. (GCC/PCOO/PIA9-Pagadian City)