By Gideon C. Corgue
Pipila ka mga Pilipino nga nagtrabaho sa Taiwan nagpadayag sa ilang
pagpakabana sa pagpanghasi sa pipila ka mga Taiwanese bisan pa man sa awhag nga
gihimo sa Pilipinas aron paglikay kanila sa kasamtangan nga diplomatikanhon nga
panagdutong.
“Nagtuo kami nga kining gibalita nga gihimo sa pipila ka mga
Taiwanese usa
lamang ka pinasahi nga mga insidente. Dili kini hinimo sa katawhan sa Taiwan ,”
si Presidential spokesman Edwin Lacierda nagkanayon sa press conference sa Malakanyang
ning Huwebes.
“Nagtuo kami ug among gitahud ang atong mga kahigalaan nga
anaa sa Taiwan .
Apan ako nga giawhag pag-usab kanila, sa katawhang Taiwanese nga likayan ang
pagpasakit o bakaha paghimo sa atong mga kaigsoonang Pilipino didto nga mao ang
ilang gipunting sa ilang kasuko,” dugtong pa niya.
Isip mao ang host sa mga Pilipinos sa Taiwan , si Lacierda mipahayag nga
ang Palasyo naglaum nga sila ang tagdon sa desente nga paagi susama sa maayo
nga pagtratar sa Pilipino sa mga Taiwanese nga nagpuyo dinhi sa Pilipinas.
Adunay 42,000 nga Filipino migrant workers sa Taiwan ,
matud pa sa Philippine Overseas Employment Administration.
Ang labor department mipahayag nga kini ang wala nakadawat ug mga taho sa
mga Pilipino nga nawad-an sa ilang trabaho sa Taiwan tungod kay ang mga kaso
pagadumalahon una sa Manila Economic and Cultural Office.
Ang justice department mipahaayg nga ang National Bureau of
Investigation maoy modeterminar kung unsa ang nahitabo sa Philippine-Taiwan
border ug sutaon kung kinsa ang manubag sa kamatayon sa mangingisda nga Taiwanese.
(GCC/PCOO /PIA,Pagadian City )