Presidente Aquino mideklarar sa 2013 isip usa ka 'National Year of Rice'

Ni Gideon C. Corgue

PAGADIAN CITY, November 6 (PIA) – President Benigno S. Aquino III mideklarar sa tuig 2013 isip National Year of Rice aron paghatag gibug-aton sa panginahanglan alang sa malahutayon ug nasudnon nga kampanya aron nga makab-ot ang rice self-sufficiency sa 2013.

Ang hepe ehekutibo mipakanaog sa deklarasyon tubay sa Proclamation No. 494, serye sa tuig 2012 niadtong Oktubre 18, 2012.

Ang Presidente, mimando usab sa Department of Agriculture (DA) nga manguna sa kasaulugan sa National Year of Rice diha sa pagkab-ot sa rice self-sufficiency ug pagpalambo sa pagpahibalo sa katawhan nga mamahimo nga responsable nga konsumante sa humay.

"Kabahin sa stratehiya aron pagkab-ot sa rice self-sufficiency mao ang pagpalig-on sa information campaign ug social marketing aron pagdasig mga producers, consumers, ug policy¬makers nga makab-ot ang maong tumong," matud pa sa Presidente.

"Usa ka malahutayon ug nasudnon nga kampanya aron pagpalamabo sa mga mag-uuma ug pagdasig kanila nga mosagop sa mga teknolohiya alang sa dugang nga pagpalambo sa farm productivity ug pagdasig sa publiko nga ang responsable nga  rice consumers gikinahanglan aron pagtabang sa mga paningkamot sa kagamhanan nga makab-ot ang rice self-sufficiency," dugang sa Presidente.

Si Presidente Aquino mideklarar usab sa bulan sa Nobyembre matag-tuig isip National Rice Awareness Month pinasikad sa Proclamation No. 524, serye sa tuig 2004.

Matud pa sa Presidente, ang DA makahimo pagtawag sa uban nga ahensya sa kagamhan, non¬-governmental organizations, ug pribadong sektor alang pagtabang sa kasaulugan  sa National Year of Rice. 

"Ang DA maoy mohatag pundo alang sa kasaulugan sa  National Year of Rice gikan sa  iyang regular budget," matud pa niya.  (GCC/PCOO/PIA9-ZamboSur)

Pres. Aquino, uyon na sa P40-B nga kitaon sa Sin Tax Bill

DIPOLOG CITY, OCT. 6(PIA)_- Si Presidente Benigno Aquino III nagpahayag na ug pag-uyon nga paubsan ngadto sa 40-bilyones ka pesos ang kitaon sa Sin Tax Bill, apan gipahayag usab niining mas malipay siya kung magpabilin ang 60 bilyones ka pesos nga kitaon sa gobyerno sa nasangpit nga balaodnon.

Matod pa sa Presidente, bisan ug gipagamyan ang oriihinal nga kantidad, magamit pa gihapon sa iyang administrasyon ang bag-ong kantidad aron pondohan ang mga programang panglawas sa gobyerno.

“Maayo unta kung 60 bilyones ka pesos ang maggamit sa mga programa sa panglawas, pero, okey na ang 40,” matod pa sa Presidente.

Sa 40 nalipay na mi, pero mas malipay kami sa 60. Nagtoo ako nga sa 40,  supisyente na kini nga maabot ang gitinguhang makakuha ug dugang pondo, madumala ang alkanse, ug labaw sa tanan, matubag angmga isyo sa panglawas. Dakongh bahin sa kitaon sa sin tax bill, ang iggahin aron suportahan ang mga programa sa panglawas,” midugang pa ang Presidente.

Ang kuwartang kitaon gikan sa sin tax bill gamiton sa gobyerno pagpabarog ug mga pasilidad sa panglawas; rural health units; district hospitals; ug uban pang pasilidad, ingon man gamiton usab kini para sa premium sa gipalapdang masakop sa Philhealth, ang healthcare Insurance  Program sa gobyerno.(ATR/PCOO/PIA9-Zambo Norte)