Climate Change Advocacy Forum gipahigayon sa Tambulig

By Gideon C. Corgue 

PAGADIAN CITY, Dec. 10 (PIA) –  Gipahigayon kagahapon sa buntag ang Climate Change Adaptation and Mitigation Advocacy Forum  sa Covered Court, Poblacion, Tambulig, ning lalawigan nga gipasiugdahan sa Philippine Information Agency.

Ang nasangpit nga forum giambongan sa 60 ka mga  officers sa Supreme Student Government Organization sa mga tulunghaan sa Josefina H. Cerilles State College, Tambulig National High School, San Isidro High School ug  chairmen sa Barangay Emergency Response team (BERT) sa 31 ka mga barangays sa nasangpit nga lungsod.

Sa mensahe ni Gilbert Colegado, Jr. ang Municipal Administrator nga nagrepresentar ni Mayor Caridad Balaod nagkanayon nga ang Climate Change Adaptation and Mitigation Advocacy Forum mahinungdanon kaayo alang sa mga partisipante aron nga mahibalo ang mga mulupyo sa maong barangay sa mga hinungdan ug epekto pag-usab sa klima ug kung unsa angay nga buhaton 

panahon nga ang natural disaster o kalamidad mahitabo sa ilang dapit.

Dugtong pa ni Colegado nga ang local government unit sa Tambulig  pagpangulo ni Mayor Balaod hingpit nga nagsuporta sa maong kalihokan.  Kamatuoran niini nagsunod ang LGU sa awhag sa Department of Environment and Natural Resources (DENR) ug Philippine Information Agency (PIA) nga mobutang ug ‘Nagbabago Na ang Panahon” nga tarpaulin sa strategic areas sa lungsod aron paghatag kasayuran sa publiko sa angay nga buhaton nga makunhuran ang dautang epekto  pag-usab sa klima.

Sa mensahe ni PIA9 regional director Noemi Edaga siya ang nalipay sa gipakitang kasibot sa mga partisipante sanglit sila ang iyang gipakisama nga mga stakeholders sa kagamhanan pagpalapnag sa kasayuran mahitungod sa climate change.

Matud pa ni Edaga sa maong forum gipasundayag ang video production sa Zamboanga City, Basilan, Sulu ug Tawi-Tawi (ZamBaSulTa) Information Centers ang climate change ug mga pahayag sa Climate Change experts aron makahatag ug tukma nga kasayuran sa katawhan.

Dugtong pa ni Edaga nga climate change issue dili lamang kini nasinati sa nasud nga Pilipinas kung dili sa tibuok kalibutan diin kini ang napadayag sa mga panghitabo sa extreme weather events sama sa makusog nga pag-ulan, makusog nga pagbaha, makusog nga bagyo, ug labihan ka init nga panahon nga sukad masukad wala masinati sa mga tawo. Ang extreme weather events nga maoy epekto sa climate change nakadulot ug labihan ka dako nga damyos sa mga kabatangan ug pagkakalas sa kinabuhi sa mga tawo.

Partikular nga gitumbok ni Edaga ang super typhoon Yolanda sa Eastern ug Central Visayas nga nahitabo niadtong Nobyembre 8 tuig 2013 nga mikalas sa dul-an sa 10,000 nga kinabuhi ug dul-an sa P30 bilyones ang bili sa kadaut ug ingon man sa bag-o pa lamang nahitabong bagyong Ruby dinhi sa atong nasud nga mikalas sa 27 ka kinabuhi ug mihatag kadaut sa agrikultura.(GCC/PIA-Zamboanga del Sur)

Zamboanga del Sur naghimo ug contingency measures alang sa super tyhoon nga ‘Hagupit’

By Gideon C. Corgue 

PAGADIAN CITY, Dec. 6 (PIA) –  Ang Provincial Disaster Risk Reduction and Management Council (PDRRMC) mi-alerto sa local chief executives (LCEs) ug Municipal Disaster Risk Reduction and Management Council (MDRRMC) officers aron pagpangandam sa moabot nga super typhoon ‘Hagupit’ (nga may international name nga Ruby) kinsa gitaho sa Philippine Atmospheric Geophysical and Astronomical Services Administration (Pag-asa) nga misulod sa Philippine area of responsibility ning Huwebes sa buntag.

Si PDRRM Officer Wilfredo Asoy, Jr. sa interview sa Philippine Information Agency (PIA)-IX staff nagkanayon nga iyang gitawgan ang tanang mga mayor ug  MDRRMOs sa  24 ka mga lungsod aron pagpahigayon ug preemptive measures isip pagpangandam sa umaabot nga bagyo.

Ang Zamboanga del Sur kanhi giila sa Pag-asa nga usa sa 55 ka mga lalawigan nga maapektuhan sa bagyo ug gipahimutang sa Alert Level C.

“Ang local government units (LGUs) naghimo karon sa mahinungdanon nga mga lakang aron pagseguro sa kaluwasan sa mga mulupyo,” pagtaho ni Asoy. “Ang Search and Rescue Team andam nga molihok kung si ‘Ruby’ mohatud ug kadaut sa mga kabtangan, imprastraktura, agrikultura , ug uban pa sa maong dapit,” dugtong pa niya.    

Dugang pa ni Asoy nga ang mga sakyanan andam usab nga ipadala kung gikinahanglan aron pagluwas sa kinabuhi.

Ang Pag-asa mi-classify  ni  Ruby isip bagyo nga adunay gikusgon sa hangin nga 175 kilometros matag-oras duol sa sentro ug gikusgon haduol sa sentro nga 210 kilometro matag-oras.

Samtang ang city disaster risk reduction and management council (CDRRMC) gipanguluhan ni vice mayor Divina Grace Yu kagahapon sa hapon nagtigum sa buhatan sa mayor ning dakbayan aron pagtuki sa contingency plans.

Si Haron Damada, ang CDRRM officer nagkanayon nga ang council mo-monitor sa mga barangays nga prone pagdahili sa yuta ug baha ingon man ang mga baybayong barangay nga posible nga maagian sa storm surge.    

Si Damada mipahayag nga ang mga mulupyo sa baybayong barangay gitambagan nga mangandam ug mamutos sa mga gikinahanglan nga butang sa posible nga pagbakwit , samtang ang Barangay Emergency Response Team (BERT) ug Incident Command System (ICS) ang ipalihok. 

Si City PNP Director Supt. Glenn Dulawan nagkanayon nga siya ang andam nga mopadala sa iyang ginsakpan aron pagtabang sa CDRRMC sa ilang monitoring panahon nga mahitabo ang bagyo.   

Ning Miyerkoles , si Interior Secretary Mar Roxas mipakanog ug memorandum circular sa tanan nga provincial governors, city mayors, municipal mayors, Punong Barangays ug DILG Regional Directors sa Regions IV-A, IV-B, V, VI, VII, VII, IX, X, XI ug CARAGA mga mangandam sa bagyong Ruby aron pagkunhod sa kadaut nga idulot sa nasangpit nga bagyo. (GCC/PIA-Zamboanga del Sur)

Balaod sa kagamhanan gipahimutang aron mahatagan proteksyon ang mga pinakakabus nga mga tawo, matud pa sa Palasyo

By Gideon C. Corgue 

PAGADIAN CITY, Nov. 27 (PIA) – Ang kagamhanan padayon nga motanyag sa social protection alang sa mga vulnerable segment sa popolasyon aron pagpanalipod kanila gikan sa epekto sa nag-uswag nga presyo sa igsusugnod nga lana, ang opisyal sa Palasyo nagkanayon ning Martes.

“Atong nasayran nga ang pinakadako nga pahat sa atong nasudnong budget—sobra sa 37 porsiyento ang nakagugol sa social protection aron mahatagan ug safety nets ang mga pinakakabus ug timawa sa atong katilingban,” si Presidential Communications Operations Office Secretary Herminio Coloma, Jr. nagkanayon atol sa press briefing sa Malakanyang.

Siya ang mihatag sa reaksyon sa suliran nga ang pagkunhod sa igsusugnod nga lana wala miresulta pagkunhod sa pasahe sa mga pampublikong sakyanan ug wala mipakunhod sa presyo sa mga pagkaon.

"Mao kana ang gihimo sa kagamhanan sa nagkalain-lain nga aspeto, ang atong mga pangkinabuhiang programa ug ang  pang-ekonomiya nakapunting sa mga lalawigan nga adunay pinakataas nga gidaghanon sa mga kabus, ug mahatagan sila ug tukma nga panginabuhian ug abot aron dili sila mag-antos," pagpasabot ni Secretary Coloma.

Iyang naobserbahan nga ang tipik sa mga balaod nga gipatuman sa kagamhanan mao ang ‘Diskwento Caravan’ sa Department of Trade and Industry ingon man ang Conditional Cash Transfer program sa Department of Social Welfare and Development.

“Ang gihimo sa kagamhanan mao ang pagtan-aw ang kahimtang sa mga pinakakabus ug naghatag sa gitawag nga social safety nets. Gihimo ang tanan aron sila ang adunay kakayahan nga makapalit sa ilang gikinahanglan nga pagkaon. Gihatagan sila ug dugang tabang sa aspeto sa panglawas ug edukasyon. Ug busa kita ang adunay Pantawid Pamilyang Pilipino Program,” matud pa niya.

Si Coloma nagkanayon nga dul-an sa 2.5 milyones nga mga Pilipino ang napalambo ang ilang kinabuhi isip resulta sa poverty reduction program sa kagamhanan ug social protection measures. (GCC/PIA-Zamboanga del Sur) 

Palasyo naglaum sa Kongreso nga aprobahan ang P2.6-trillion 2015 National Budget sa dili madugay

By Gideon C. Corgue 

PAGADIAN CITY, Nov. 26 (PIA) – Nagpahibalo sa commitment sa mga pangulo sa Ubos Balay-Balaoranan “ ug ang Senado, ang Malakanyang “mipasalig nga ang 2015 National Budget ang ipasa sa medaling panahon ug andam alang sa pagtimaan sa president sa sunod nga bulan, ang opisyal sa Palasyo nagkanayon ning Martes.

“Base sa atong kasinatian sa nakalabay nga mga tuig ug sa commitment sa atong mga lideres sa duha ka mga balay-balaoranan, kita ang gihatagan ug kaseguruhan nga ang plenary deliberations matapos na aron nga ang duha ka balay-balaoranan mahimo nga masulbad sa bicameral conference committee,” si Presidential Communications Operations Office Secretary Herminio Coloma, Jr. nagakanayon atol sa press briefing sa palasyo.

Ang giplano nga General Appropriations Act maaprobahan sa duha ka balay-balaoranan, ug masumiti aron nga mapirmahan sa Presidente sa Desyembre, si Secretary Coloma mipahayag sa mga tigbalita dihang gipangutana kung iyang nakita ang kalangan pagduso sa budget.

Ang mga magbabalaod mipalanog sa ilang pagduhaduha sa 2015 National Budget.  Si Senador Miriam Santiago nangutana sa legalidad sa budget ilabina sa definition sa savings ingon man ang pagka-anaa sa pork barrel.

Sa iyang reaction, si Coloma nagkanayon nga ang Executive branch miila sa mandate sa mga magbabalaod pagbukiki sa giplano nga budget.

"Naglaum kami nga masulbad ang tanan natong hilsigtuanan ug madesisyonan ang giplano nga budget aron nga kini ang mapirmahan sa Presidente sa sunod bulan ug aron epektibong mapatuman sa unang adlaw sa Enero 2015 sama pag-uyon ug pagpatuman sa tanang budget  sa nakalabay nga tuig sa administrasyon ni Aquino," matud pa ni Coloma. (GCC/PIA-Zamboanga del Sur) 

Presidente Aquino nangulo paglusad sa pinakadako nga solar project sa Pilipinas sa SM North EDSA

By Gideon C. Corgue 

PAGADIAN CITY, Nov. 25 (PIA) – Si Presidente Benigno S. Aquino III ning Lunes nangulo paglusad sa SM City North EDSA’s solar rooftop project nga mao ang pinakadako nga solar project sa nasud.

Sa iyang pakigpulong, ang Presidente midayeg sa pinakadako nga retail outlet sa nasud sa iyang inisyatibo sa environmental protection and energy conservation.

“Among nasayran nga dili kini unang higayon nga kamo nakahibalo susama niining inisyatibo. Sa pagdis-og gikan paggamit sa non-chlorofluorocarbon refrigerants aron pagkunhod sa electricity consumption sa 27  nga malls sa 30.6 million kilowatt-hours sulod sa usa ka tuig; gikan pagsalmot sa Interruptible Load Program ug pagtabang sa  libre nga paggamit sa sugang dagitab kung ang iyang abiyo ang kulang  ngadto ning maong solar rooftop project, Ang SM angay gayud nga ilhon tungod sa iyang maayo nga kahimoan sa energy ug environment,” siya ang nagkanayon.

Ang SM North EDSA solar project, adunay 5,760 solar panels nga gitaod sa rooftop sa multilevel parking building ug gilauman nga maka- generate sa 1.5 megawatts sa dagitab sa 16,000 lighting fixtures, 59 escalators, ug 20 elevators sa mga malls.

Si Energy Secretary Jericho Petilla mitawag niini nga pinakadako nga solar project sa nasud.

Ang SM Group una nga milusad solar project sa SM Xiamen sa China nga adunay 1.1 megawatts solar energy nga gimugna sa 3,740 panels.

Si Presidente Aquino nagkanayon nga sa maong proyekto, ang mall makatigum sa P2 milyones ka pesos matag bulan sa energy expenses.

Matud pa niya nga ang paglusad sa maong proyekto mahinungdanon tungod sa nagpadayon nga krisis sa sugang dagitab sunod tuig. (GCC/PIA-Zamboanga del Sur) 

PCLEC miapod-apod ug personal hygiene products sa mga binilanggo sa Tambulig Jail

By Gideon C. Corgue 

TAMBULIG, Zamboanga del Sur, Nov. 19 (PIA) –Ang Pagadian City Lady Eagles Club (PCLEC) officers nga gipanguluhan sa ilang presidente nga si Alna Joy Cedeño ning Martes miapod-apod sa personal hygiene products ug mga snacks sa 23 ka mga binilanggo sa Bureau of Jail and Management Penology sa Tambulig ning lalawigan.

Matud pa ni Cedeño ang PCLEC usa ka civic organization nga naglangkub sa mga asawa sa Fraternal Order of Eagles (ang una nga gipakatawo nga fraternal civic organization).  “Kini ang gipanamkon niadtong Septyembre 6, 2014 nga aduna lamang 23 nga mga miyembro diin ang pagpili sa mga opisyales gipahigayon sa Pinoy Grill,”pahayag ni Cedeno.

Matud pa no Cedeño ang pagpanghatag ug toiletress ug snacks sa mga binilanggo mao ang tipik ug kabahin sa community service sa ilang kapunungan.

“Nagpahigayon kami ning maong kalaihokan isip kabahin sa among community service. Buot namo nga ang mga binilanggo ilang ipadayon ang paglimyo sa ilang lawas ug ingon man ang ilang pamilya dili na mogasto pagpalit ug personal hygiene products,” pagpasabot ni Cedeño.

  

Si Vice President for External Affairs Juvy Gavenia nagkanayon nga ang PCLEC matinud-anon nga mipatuman sa iyang tinguha nga paghatag ug balik sa komunidad sa grasya nga ilang nadawat sa kahitas-an ug pagtanyag ug serbisyo sa komunidad pinaagi sa lig-on nga sisterhood.

Si Gavenia nagkanayon nga kini ang una nga higayon nga ang PCLEC nagpahigayon sa maong kalihokan human sa pagkahimugso niini sa nakalabay nga duha  ka bulan.  “Ang paghatag ug toiletress sa mga binilanggo usa ka yano nga butang nga gihimo sa PCLEC apan kini ang nakahatag ug kaipay kanila samtang anaa sulod sa mabugnaw nga rehas sa bilangguan,” matud pa ni Gavenia

Si Municipal Jail Warden SJO4 Aladin Salinding midayeg sa PCLEC paghimo sa maong kalihokan sa nasangpit nga jail station tungod kay kini ang nakahatag ug tabang sa ilang pamilya pagtigum ug kuwarta sa ilang pagpalit sa personal hygiene products.

“Ang maong kalihokan pagpakita sa among suporta sa PCLEC sa inmates welfare development program sa BJMP. Nanghinaut ako nga sila ang magpadayon pagsuporta sa mga binilanggo ug pagpalambo sa ilang morale samtang anaa sulod sa bilangguan,” matud pa ni Salinding.

Ang binilanggo nga si Singson Nhorris nagpadayag sa iyang dako nga pasalamat sa mga opisyales sa PCLEC paghatag kanila sa toiletress tungod kay kini ang nakahatag kanila sa ilang kalipay.

“Dako kaayo ang among kalipay nga gihatagan kami ug mga butang gikan mga tawo nga adunay malumo nga kasingkasing. Bisan dili namo sila kaila apan nagpakita sila ug dakong pagpakabana kanamo nga ania sulod sa bilangguan,” pagpahayag ni Nhorris kinsa nabilanggo sa pito ka tuig tungod sa giatubang nga kasong illegal possession of drugs.

Si Nhorris uban ang 22 pa ka mga binilanggo midalit sa ‘Thank You” song nga gikalipay sa opisyales sa PCLEC.

Samtang gilauman ni Cedeño nga human ang mga binilanggo motapos pagsilbi sa ilang sentensya sa bilangguan sila ang mag-usab ug mamahimo nga produktibo nga mulupyo sa atong nasud. (GCC/PIA-Zamboanga del Sur) 

Malakanyang mipakunhod sa buhis ug penalties alang sa independent power producers

By Gideon C. Corgue 

PAGADIAN CITY, Nov. 17 (PIA) – Ang Malakanyang ning Domingo mipahayag ning Domingo nga si Presidente Benigno Aquino III mitimaan sa Executive Order nga nagtanyag pagkunhod ug condonation sa kabtangang real ingon man ang interes ug penalties alang sa independent power producers (IPP).

Sa radio interview sa dzRB Radyo ng Bayan, si Presidential Communication Operations Office Secretary Herminio Coloma, Jr. nagkanayon nga ang Executive Order 173 naglakip sa mga kabtangang real ug interest ug penalties nga gitantiya sa power generation facilities sa IPPs ilawom sa build-operate-transfer contracts sa government-owned and/or -controlled corporations.

Tubay sa executive order, ang real property taxes nga gipatuman sa LGUs hangtud sa 2014 sa “property, machinery, and equipment nga kasamtangan ug direkta nga gigamit sa IPPs alang sa production sa electricity ilawom sa build-operate-transfer contract pagakunhuran sa bili nga equivalent sa tax due nga adunay computed date sa assessment level sa 15 por siyento sa  fair market value sa property, machinery, ug equipment  ang mikunhod sa rate sa dos porsiento matag tuig kuhaan sa amount nga gibayaran sa IPPs.”

Matud pa ni Coloma kini mao ang paglikay sa liabilities gikan sa kabahin sa National Power Corporation nga maoy mogiya pag-uswag sa bili sa kuryente.

Si Presidente Aquino mitimaan sa EO ning nakalabay nga Oktubre  31, 2014.

"Ang nasangpit nga executive order nagkanayon nga ang tanang “fines, penalties, ug interest sa mga kakulangon, ang real property tax liabilities gipasaylo ug ang hingtungdang IPPs gihupay sa pagbayad," dugang pa ni Coloma. (GCC/PIA-Zamboanga del Sur).

12th MindaComNet Congress gitapos kagahapon

By Gideon C. Corgue 

ZAMBOANGA CITY, Nov. 15 (PIA) – Si Regional Director Efren F. Elbanbuena sa Philippine Information Agency (PIA)-11 mipdangat sa iyang pagpasalamat kang PIA-9 Regional Director Noemi B. Edaga sa malampuson nga pag-host sa 12^th MindaComNet congress nga gipahigayon sa Grand Astoria Hotel, dakbayan sa Zambonaga gikan niadtong Nobyembre 12 ngadto sa 14 nga adunay dobra sa 200 nga government information officers gikan sa kapupud-an sa Mindanao nga mitambong.

Si Elbanbuena, ang kasamtanga nga MindaComNet president nagpahalipay sa mga opsiyales ug miymebro sa MindaComNet-Zamboanga Peninsula Chapter nga gipanguluhan ni Director Edaga paghimo sa maong katiguman nga nahitabo sa nasangpit nga dakbayan aron pagpamatuod nga ang Zamboanga usa ka matahum nga dakbayan ug luawas nga dapit sa pagduaw.

Iyang gidayeg ang maong chapter sa makanunayon nga paghimo sa tinuig nga panagtigum ug mga kalihokan.

“Bisan pa sa mga kabalaka gikan sa mga partisipante nga ang congress dili madayon tungod sa bag-o pa lang nahitabo nga pagbomba sa dakbayan , sa katapusan ang maong maklihokan malampuson nga napahigayon,” pagpadayag ni Elbanbuena.

Matud pa ni Elbanbuena nga iyang gipadayon ang pagpahgayon sa congress sa “Latin City”  tungod kay siya nakabalo nga ang nasangpit nga dakbayan makahimo sap ag-host sa nasangpit nga kalihokan.

“Sa panahaon lamang ni kanhi Mayor Carling Lobregat sa tuig 1996 nga ang maong congress gipahigayon sa Zamboanga,” dugtong pa ni Elbanbuena. 

Ang MindaComNet president mipadangat usab sa iyang pagpasalamat sa local chief executives (LCEs) pinaagi sa ilang mga representante pagpaambit sa ilang rehabilitation and reconstruction efforts human sa pagkahitabo sa natural ug man-made disasters sa ilang hingtungdan nga mga dapit.

Partikular nga iyang iyang gipasalamatan sila si Davao Oriental Governor Corazon Malanyaon pagpaambit sa typhoon Pablo experience, Cagayan de Oro City Mayor Oscar Moreno sa typhoon Sendong experience, ug Zamboanga City Mayor Maria Isabelle Climaco-Salazar sa Zamboanga siege experience.

Gidayeg ni Elbanbuena ang mga LCEs sa pagpadayag sa ilang mga best practices sa ilang hingtungdang dapit aron pagpahibalo sa mga tawo sa mga paningkamot nga gihimo sa kagamahanan (GCC/PIA-Zamboanga del Sur).

One-stop shop gitukod alang sa permanent housing sa mga dapit nga naigo sa bagyong Yolanda

By Gideon C. Corgue 

PAGADIAN CITY, November 6 (PIA) – Si Presidential Assistant for Rehabilitation and Recovery (PARR) Secretary Panfilo Lacson mitaho sa pagtukod sa one-stop shop for resettlement aron pagpasayon sa permanent housing units sa mga dapit nga naapektuhan sa bagyong Yolanda.

Sa press briefing sa Malakanyang ning Martes, si Presidential Communications Operations Office Secretary Herminio Coloma, Jr. nagkanayon nga si Secretary Lacson mihimo sa maong taho atol sa panagtigum nga gipatawag ni Executive Secretary Paquito Ochoa.

Ang panagtigum giahigayon ning Lunes gitambongan sa mga ginsakpan sa sa Cabinet clusters nga direkatng nahilambigit pagpatuman sa 'Yolanda' Comprehensive Recovery and Rehabilitation Plan (CRRP).

Ang pagtukod sa one-stop shop for resettlement tubay sa Administrative Order No. 44 kinsa nagpasayon pagproseso sa pag-isue sa mga permits, certifications, clearances ug licenses alang sa housing and resettlement projects sa mga dapit nga gigusbat sa makusog nga bagyo. Ang mando gi-aprobahan sa Presidente ning nakalabay nga Oktubre 28.

Ang Housing and Urban Development Coordinating Council (HUDCC) mao ang nangulo ning kalihokan. 

Atol sa maog panagtigum, si Lacson nakaalinggat nga ang luwas, dili luwas ug kontrolado nga mga dapit ang gi-finalized pinaagi sa hiniusa nga memorandum nga gipirmahan sa mga hingtungdang nga mga kalihim sa mga  departamento environment and natural resources, science and technology, national defense, interior and local government, ug public works and highways.

Iya usab nga gitaho ang padayon nga paghatud sa mga construction materials kinsa ang gipasayon sa departments of trade and industry, ug  public works and highways.

Si Secretary Coloma mipahibalo nga si Lacson ang mohatag sa iyang "Yolanda Report: A Story on Hope and Change" ning Biyernes, Nobyembre  7.

Kini ang mohaum usab paglusad sa music video nga giuluhan ug "We Will Rise Again," uban sa pag-abag sa Kapisanan ng mga Brodkaster ng Pilipinas.  (GCC/PIA-Zamboanga del Sur)

MATAPAT troopers nakapailawom sa disaster response operations training

By Gideon C. Corgue 

GUIPOS, Zambonga del Sur, Oct. 30 (PIA) –Dul-an sa  40 nga mga troopers nga naglangkub sa 3 ka opisyal ug 36 enlisted personnel ang malampuson nga mitapos sa disaster response operations training (DROT) nga gipahigayon niadtong Oktubre 6 ngadto sa 27 sa Camp David Sabido, Guipos, Zamboanga del Sur.

Si Col. Aminkadra Undug, ang assistant commander sa 1^st Infantry (Tabak) Division, Philippine Army mipahalipay sa kasundaluhan sa 53^rd Infantry (MATAPAT) battalion nga nakapailawom sa 20 ka adlaw nga higpit nga DROT course 01-14.

Ang pagbansaybansay naglangkub sa mga topiko sama sa first aid and basic life support, actual rescue and disaster relief operations nga gipahigayon sa beach resort sa Tukuran ning lalawigan, Pagadian City, ug sa headquarters.   

Si Undug, ang dinapit nga mamumulong atol sa  closing ceremonies nagkanayon nga ang MATAPAT troopers gibansay dili lamang sa combat operations apan lakip na sa disaster response operations and management.

“Atong giandam ang mga sundalo nga mamahimo nga first responders tungod kay ang mga katalagman nahitabo bisan asa sanglit ang kalibutan nausab tungod pag-usab sa klima.”

Matud pa ni Undug nga ang kaalam nga ilang nahibaloan gikan sa mga trainers sa Office of Civil Defense, Bureau of Fire Protection, Philippine Red Cross, ug Provincial Disaster Risk Reduction and Management Office, sila ang mamahimo nga epektibo nga disaster responders sa ilang mga hintungdang komunidad.”

Si Undug ang miawhag sa mga graduates nga kanunay ug aktibong  makiglambigit sa ilang kaugalingon sap ag-aksyon sa mga natural nga kalamidad ug motabang pagluwas sa kinabuhi sa uban tungod kay aduna silay kusog sa pagsilbi sa uban.”

“Kung kamo ang nakatabang sa uban, dili ninyo masukod ag inyong kalipay ug katagbaw,” matud pa ni Undug.

“Ang mga sundalo gihatagan ug mga pasidungog tungod sa counterinsurgency efforts gawas lamang pagresponde sa kalamidad,” dugtong pa niya.

Iya usab nga gidayeg si PFC Dave Fregidero, us aka sundalo sa Special Forces Company, isip ehemplo sa usa ka bayani kinsa ang miluwas sa liboan ka mga kinabuhi panahon pagbuto sa Mt. Pinatubo sa Pampanga niadtong 1991.

Si Col. Alvin Luzon, ang battalion commander ug program director sa maong kurso nagpasalamat sa dalaygon nga logistical support ug assistance nga gihatag sa mga partner-agencies atol sa maong training.

“Ako sila nga gidayeg sa ilang tabang nga gihimo atol sa maong training. Ako usab nga gipasalamatan sila tungod kay sila mao ang mga tawo nga nagpaluyo alang sa kalampusan pagtapos ning maong kalihokan,” matud pa ni Luzon. (GCC/PIA-Zamboanga del Sur)

DOH mipalig-on sa kampanya batok sa Ebola Virus, matud pa sa Malakanyang

By Gideon C. Corgue

PAGADIAN CITY, October 20 (PIA) – Ang Department of Health (DOH) nagpalig-on sa iyang kampanya pagpakigbatok sa makamatay nga sakit nga  Ebola Virus, ang opisyal sa Palasyo nagkanayon ning Domingo.

Sa interview sa radyo, si Presidential Communication Operations Office Secretary Herminio Coloma, Jr., nagkanayon mao kini ang mando ni Presidente Benigno Aquino III nga iyang gihatag sa DOH.

Dugtong pa niya, ang DOH gikalatid nga magpahigayon ug specialized training programs uban sa World Health Organization (WHO).

"Ang nasangpit nga pagbansaybansay tipik sa planong pagpangandam sa DOH batok sa sakit nga  Ebola virus," matud pa ni Coloma.

Kini ang naglakip sa case detection and reporting, outbreak management and response, surveillance at points of entry, case management, interagency coordination, planning, and resource allocation.

Iyang naalinggatan nga kini mao ang kabahin sa mga komprehensibong pamaagi sa DOH nga nag-integrate sa mga mosunod nga elemento: infection prevention control, contact tracing, case management, surveillance, laboratory capacity, safe burial, public awareness and community engagement, ug national legislation and regulation aron pagsuporta sa kaandaman sa nasud.

Si Coloma mihatag sa subli nga kaseguruan sa publiko nga ang kagamhanan naghimo sa iyang tanang mahimo aron pagtukod sa depensa sa nasud batok sa makatakod nga sakit.

"Mas gipalig-on sa DOH ang paghimo sa lig-on nga depensa batok sa sakit nga Ebola virus tungod kay atong nahibaloan nga taas ang mortality rate niini ug ang hulga nga gidulot sa nasangpit nga sakit," matud pa ni Coloma. (GCC/PIA-ZamboSur)

Kagamhanan mihimo sa tanang paningkamot aron pagseguro nga mabuhian ang mga German hostages, matud pa sa Palasyo

By Gideon C. Corgue

PAGADIAN CITY, October 17 (PIA) – Ang Malakanyang ning Huwebes nagkanayon nga ang kagamhanan mihimo sa tanan niya mahimo arong pagseguro nga mabuhian ang managtiayong German nga gidagit sa grupong Abu Sayyaf.

“Ang kagamhanan sa Pilipinas mihimo sa iyang tanang paningkamit aron pagseguro sa luwas nga pagbuhi sa mga German hostages. Kita ang padayon nga mohimo sa atong tumong , ” si Presidential Communications Operations Office Secretary Herminio Coloma, Jr. nagkanayon sa iyang pamahayag nga gi-email ngadto sa mga ginsakpan sa Malacañang Press Corps.

Ang managtiayong German nga si Viktor Stefan Okonek, 71, ug Henrike Dieter, 55 ang gidagit sa ASG ning bulan sa Abril.

Sila ang gidagit sa Abril sa yacht nga naguba duol sa isla sa Palawan agi sa Sabah sa eastern Malaysia ug gitagoan sukad sa ilang pagdagit.

Ang Abu Sayyaf nangayo sa P250 milyones nga ransom isip bugti sa ilang kagawasan.  (GCC/PIA-ZamboSur)

OFWs mouli gikan sa mga nasud nga naigo sa Ebola virus nagkinahanglan ug medical clearance

By Gideon C. Corgue

PAGADIAN CITY, October 15 (PIA) – Ang Department of Health (DOH) nagplano nga pagpugos nga mokuha ug medical clearance gikan sa mga Filipinos nga mouli gikan sa nasud sa Sierra Leone, Guinea ug  Liberia kinsa naigo sa makamatay nga Ebola virus, si Health Secretary Enrique Ona nagkanayon ning Lunes.

“Nagkita karon ug nakighikay atong mga trabahanteng Filipino sa laing nasud nga sa dili pa sila makauli dinhi, ato sila gipugos nga magkuha sa medical clearance,” siya nagkanayon sa sidelines sa 65th Session sa World Health Organization Regional Committee for the Western Pacific nga gipahigayon sa Philippine International Convention Center sa dakbayan sa Pasay.

Si Secretary Ona nagkanayon nga ang medical clearance mopahibalo nga ang Overseas Filipino Worker (OFW) ang na-exposed sa mga tawo nga natakboyan o namatay sa Ebola fever.

Iyang gisugyot nga sa dili pa mouli, ang OFW mag-obserbar sa iyang kaugalingon sulod sa 21 ka mga adlaw kung siya ang nagpakita ug bisan unsa nga sintoma sa maong sakit.

Iyang naalinggatan nga ang Ebola fever dili makatakod hangtud nga ang pasyente magpakita ug mga sintoma.

Kung ang OFW makauli sa nasud, siya ang mo-fill out sa porma aron ang DOH makahimutad sa iyang panglawas, si Ona nagkanayon tungod kay kung ang OFW nagpakita ug mga sintoma sa maong sakit siya ang makigkita sa DOH via phone call o bakaha text message.

“Kung aduna may mga sintoma sa flu among awhagon mo anhi siya. Sama pananglit naa ka sa Mindanao o Cagayan de Oro, among isulti kung asa ka nga opsital moadto,” iyang pagpasabot.

Matud pa niya nga ang department miila na sa mga hospitals sa tibuok nasud diin ang mga pasyente sa Ebola ipalahi ug susihon.

Matud pa niya nga ang screening magpunting sa mga tawo nga mouli gikan sa Sierra Leone, Guinea ug Liberia diin adunay 1,755 nga mga OFWs. (GCC/PIA-ZamboSur)

DOH nagpatuman sa multi-sectoral response plan batok Ebola –pahayag sa Palasyo

By Gideon C. Corgue

PAGADIAN CITY, October 13 (PIA) – Ang Department of Health nagpatuman sa multi-sectoral response plan batok sa  Ebola virus disease, ang Malakanyang nagpahayag ning Domingo bisan pa sa suliran nga basin kini mosulod sa atong nasud.

Si Health Secretary Enrique Ona nagpahibalo atol sa first National Ebola Virus Disease Summit nga gipahigayon ning bag-o pa lang sa dakbayan sa  Quezon nga ang maong plano naglakip sa kasamtangan nga mga kalagdaan alang sa disease surveillance, notification and reporting sa gidudahan nga mga kaso sa  Ebola virus disease; clinical management nga naglakip sa laboratory testing gikan sa mga gikatahapan nga mga kaso; ug infection control.

Si Communications Secretary Herminio Coloma, Jr., sa interview sa dzRB, nagkanayon nga ang Research Institute for Tropical Medicine (RITM) sa dakbayan sa Muntinlupa magsilbi isip national referral center for testing ug pag-analyze sa makatakod nga mga sakit gamit ang susama nga pamaagi nga gipatuman sa US Centers for Disease Control and Prevention.

Matud pa ni Coloma, ang  RITM nakasusi na sa 18 nga mg gikatahapang kaso sa  Ebola kinsa tanan naghatag sa negatibo nga mga resulta nga nakahimo sa nasud nga nagpailing gawasnon gikan sa maong sakit.

“Ang tanan nga dapat nga pagangaman ang gi-andam na sa atong DOH ug gipalig-on ang atong depensa sa Ebola Virus Disease ug uban pang makatakod nga mga sakit,” matud pa ni Coloma.

Adunay kasamtangan nga 8,000 nga gitaho nga mga kaso sa Ebola epidemic kinsa nagsugod sa West Africa nga adunay 3,879 nga konpirmado nga nangamatay base sa October 9 nga gidaghanon sa World Health Organization. Ang mga naapektuhan nga nasud mao ang Guinea, Liberia, Nigeria, Senegal, Sierra Leone, ug United States of America (GCC/PIA-ZamboSur)

Presidente Aquino mibiya para sa Indonesia aron mosalmot sa 7th Bali Democracy Forum

By Gideon C. Corgue

PAGADIAN CITY, October 9 (PIA) – Si Presidente Benigno S. Aquino mobiya para sa Bali, Indonesia ning Huwebes sa hapon aron pagsalmot sa 7th Bali Democracy Forum, si Presidential Communications Operations Office Secretary Herminio Coloma, Jr. nagkanayon sa iyang pamahayag.

Ang pagsalmot ni Presidente Aquino sa forum tubay sa imbitasyon ni Indonesian President Susilo Bambang Yudyohono, kinsa suod nga higala sa Presidente ug lig-on nga supporter sa mga paningkamot sa kagamhanan pagpaabante sa kalinaw sa Mindanao ug pagpalambo sa malinawon nga pagsulbad sa maritime disputes.

Ang Presidente kinsa makigduyog sa iyang mga kaubang pangulo sa Asia-Pacific region, magsilbi nga co-chair sa forum uban kang Presidente Yudyohono.

Ang Pilipinas usa ka aktibo nga partisipante sa tinuig nga intergovernmental forum sa kalamboan sa demokrasya sa Asia-Pacific sukad pa pagkahimugso sa forum niadtong 2008.

Ang forum nagtumong pagpalambo sa dialogue-based regional and international cooperation pinaagi pagpaambit sa mga kasinatian ug mga maayong kahimoan nga nagsunod sa mga prinsipyo sa pagtinahuray ug pagsinabtanay.

Kauban sa Presidente mao sila si Foreign Affairs Secretary Albert Del Rosario, Cabinet Secretary Jose Rene Almendras, Presidential Management Staff Secretary Julia Abad, ug Presidential Spokesperson Edwin Lacierda.

Ang forum nagdala sa tema, “Evolving Regional Democratic Architecture: The Challenges of Political Development, Public Participation and Socio-Economic Progress in the 21st Century.” (GCC/PIA-ZamboSur)

Presidente Aquino miabiba sa pinakadako nga commercial airplane sa NAIA

By Gideon C. Corgue

PAGADIAN CITY, October 8 (PIA) – Si Presidente Benigno S. Aquino III miabiba sa paghiabot sa pinakadako nga pampasaherong eroplano sa kalibutan nga mitugpa sa Ninoy Aquino International Airport (NAIA) Terminal 3 dakbayan sa Pasay City ning Martes sa gabii.

Ang Emirates Airbus A380 Flight EK 334 mitugpa sa NAIA runway alas  10:10 ang takna sa gabii human nga walay hunong nga milupad gikan sa Dubai International Airport sugod alas  9:20 ang takan sa buntag (oras sa kauluhan).

Human sa maong pagtugpa, ang  Airbus gihatagan ug water cannon salute.

Ang  Airbus A380 usa ka double-deck, hataas ug lawas, upat ang makina nga jet airliner. Adunay seating capacity nga 525 nga mga tawo sa typical three-class configuration o hangtud sa 853 nga mga tawo sa tanan nga economy class configuration.

Ang Flight EK 334 gimaneho ni Captain Franklyn Desiderio, ang una nga Filipino nga nagpalupad sa Airbus A380.

Ang Presidente uban ang Emirates' Divisional Senior Vice President Barry Brown mitagbo ug mi-abiba ni Desiderio ug sa sobra sa 300 nga mga pasahero sa Flight EK334 dihang sila ang miago sa NAIA immigration area.

Sa us aka sinulat nga pamahayag, si Brown nagkanayon, "Ang pagdala sa atong flagship A380 sa Manila mao ang pinakamaanindot nga pamaagi pagsaulog sa atong pagbalhin sa bag-o nga international terminal ug sa atong pagkamatinud-anon sa Pilipinas."

Atol sa maong kalihokan, ang Presidente gikuyugan ni Transportation and Communications Secretary Joseph Emilio Abaya, Manila International Airport Authority (MIAA) General Manager Jose Angel Honrado, Ret. Lt. Gen. William Hotchskiss III, ug NAIA Terminal 3 Manager Octovio Lina. (GCC/PIA-ZamboSur)

Palasyo malipayon nagdawat sa pulso sa publiko mahitungod sa Charter change

By Gideon C. Corgue

PAGADIAN CITY, October 3 (PIA) – Ang Palasyo ning Huwebes wala masurpresa sa bag-o nga Pulse Asia survey nga nagtala nga kadaghanan sa mga tawo wala nagkinahanglan nga usbon ang batakang balaod ni sila ang mosuporta sa pagdugang sa termino sa Presidente.

Sa pinaka bag-o nga Pulse Asia survey, 62 porsiyento kon mayoriya sa mga respondents gipangutanan sa research group ang misalikway sa pag-usab sa batakang balaod.

Sa press briefing sa Malacañang, si Presidential Communications Operations Office Secretary Herminio Coloma, Jr. nagkanayon nga sila ang wala masurpresa sa resulta sa survey ug sila ang malipayon nga nagdawat niini.

Sa samang higayon ang  Presidente padayon nga maminaw sa katawhan nga nagpunting sa pagpahigayon sa nagpadayon nga mga reporma sa kagamhanan.

Ang public opinion surveys, sama sa gipahigayon sa Pulse Asia mao ang pipila sa mga basehan aron pagbati sa pulso sa katawhan, matud pa ni Coloma.

Ang opisyal sa palasyo nagkanayon nga ang Presidente buot nga mahibalo sa panahum sa iyang gitawag nga “bosses” tungod kay iya kini gipakisama nga mahinungdanong elemento sa maayong pagdumala.

"Tungod kay ang kagamhanan kinasingkasing nga nag-alagad kanunay nga bukas nga maminaw sa panahum sa katawhan," matud pa ni Coloma.

"Mao kini ang mapadayonong proseso nga ang Presidente matinud-anon nga mihimo kabahin sa iyang trabaho isip hepe ehekutibo sa nasud, panapos nga pahayag ni Coloma."  (GCC/PIA-ZamboSur)

Presidente Aquino nakatigum sa U.S.$2.35 bilyones nga pamuhunan atol sa iyang mga pagbisita sa Oropa

By Gideon C. Corgue

PAGADIAN CITY, Sept. 27 (PIA) – Si Presidente Benigno S. Aquino III ning Huwebes sa gabii mitaho nga ang iyang napulo’g duha ka adlaw nga official trip sa lima ka mga nasud nakatigum kini sa US$2.35 bilyones nga bili sa pamuhunan.

"Mokabat sa 2.35 bilyones dolyares ang bili nga nakuha nato nga mga saad sa pamuhunan nga makamugna ug 33,850 nga trabaho," ang Presidente nagkanayon sa iyang mensahe human sa iyang paghidangat sa NAIA Terminal 2 sa dakbayan sa Pasay gikan sa San Francisco, California, United States.

Mao kini ang bunga sa panagtigum uban sa 22 ka mga korporasyon sa Spain, Belgium, France, Germany ug United States.

Ang Hepe Ehekutibo nakaalinggat nga ang Coca-Cola mipalapanag sa iyang mga pamuhunan sa nasud.

"Anaa ang Coca-Cola: Gisaad nila sa atoa ang pagsulod sa dugang usa ka bilyon nga dolyar sa nasud sa dili pa moabot ang 2015. Ning maong pagbiyahe, ilang gitaho nga napasulod na ang tanan nga pamuhunan ug dili pa moabot ang 2015," matud pa niya.

"Ang Volkswagen usab  atong gidasig nga magtukod sa ilang global manufacturing hub; dako ang kaayuhan alang sa mga middle class ingon man ang atong maanindot nga lokasyon ug ang kabatid sa atong mga trabahante, ug atong ipadayon ang pagdasig kanila dugtong pa sa Presidente.

Hinoon wala niya gihatag ang dugang pang mga detalye.

“Dili nato idetalye ang matag-usa kanila aron dili masuhong  apan ang akong ikasulti: Nagkahiusa sila sa atong maanindot nga ekonomiya ug sistema sa nasud. Nakabalo sila sa bunga sa atong mga reporma ug naglaum sila sa atong padayon nga paglambo ug pagseguro nga kining mga pamuhunan mamamahimong mga nindot nga kaayohan alang sa katawhang Pilipino. (GCC/PIA-ZamboSur)

DOE magpahigayon ug multi-sectoral advocacy forum sa Zamboanga del Sur

By Gideon C. Corgue

PAGADIAN CITY, Sept. 18 (PIA) – Ang Department of Energy (DOE) magpahigayon ug forum sa Multi-Sectoral Advocacy Campaign on Downstream Oil Industry sa Hotel Alindahaw ning dakbayan karong adlawa, Huwebes.

Ang maong kalihokan usa ka hinusa nga proyekto nga gipasiugdahan sa DOE ug Philippine Information Agency nga nagtumong aron paghatag kapasidad sa mass communication o media practitioners isip magsilbi nga conduit papapalanag sa mga benepesyo ug kalamboan sa Downstream Oil Industry ug sa mga stakeholders aron mapahibalo ang kamahinungdanon sa Republic Act 8479 kon gitawag nga Downstream Oil Industry Deregulation Act of 1998.

Ang maong kalihokan pagatambongan sa mga City/Municipal Treasurers, Heads of the City/Municipal Licensing sections, tag-iya sa mga gasoline stations, retailers sa Liquefied Petroleum Gas, local media, national government agencies, DOE officials ug PIA provincial information center managers ug information officers.

Pagahimoon ang briefing mahitungod sa mga kalagdaan ug reglamento sa liquefied fuel ug liquefied petroleum gas ug basic principle in calibration and sealing of mechanical pump, ug uban pa.

Sa pagkahapon, himoon usab ang calibration of dispensing pumps sa gasoline stations sa dakbayan.

Ang maong forum pagtambongan sa DOE officials pagpangulo ni Assistant Director Rodela Romero. (GCC-PIA-ZamboSur)

HRVCB nakighimamat sa mga biktima sa Martial Law victims sa Pagadian

Gideon C. Corgue

PAGADIAN CITY, Sept. 16 (PIA) – Mokabat sa kinatibuk-an nga 1,142 nga mga biktima sa tawhanong katungod panahon sa martial law ug mga paryente sa mga biktima nga gikan sa mga dakbayan sa Cagayan De Oro, Cotabato, Dapitan, Dipolog ug Zamboanga, ug mga lalawigan sa Misamis Occidental, Misamis Oriental, Zamboanga del Norte ug Zamboanga del Sur ang miduso sa ilang application for claims sa regional desks sa Human Rights Victims’ Claims Board (HRVCB) atol sa tulo ka adlaw nga intake operations sa City Commercial Center niadtong Septyembre 10-12.

Si HRVCB Board member Galuasch “Bong” Ballaho sa interview sa  Philippine Information Agency (PIA) ug nagkanayon nga ang HRVCB nagpahigayon sa field visits kon remote intake operations aron pagdawat sa mga applications gikan sa mga biktiam sa tawhanong katungod.

Matud pa ni Ballaho nga ang HRVCB Board miuyon sa pagpahiluna sa pasiuna nga lima ka mga regional desks sa mga dakbayan sa Cotabato, Davao, Iloilo, Legaspi ug Tacloban diin ang mga biktima sa tawhanong katungod ang sayon na lamang nga makaduso sa ilang mga claims.

Matud pa ni Ballaho nga ilawom sa RA 10368 kon gitawag nga Human Rights Victims Reparation and Recognition Act of 2013, ang mga biktima sa kalapasan sa tawhanong katungod ilawom sa  Marcos’ martial rule ang makaduso sa ilang mga claims sulod sa unom ka bulan gikan sa Mayo 12 ngadto sa Novembyembre 10, 2014. Ang pakyas nga makaduso sulod sa maong panahon ang ipakisama nga waiver.

Si Ballaho nagkanayon nga ang kagamhanan sa Pilipinas miduso sa balaonon aron pag-ila sa mga biktima sa martial la ug pagabayran sila sa mga pag-antos nga ilang nasinati.

“Sila ang nag-antos sa kasakit sa torture ug pagkapriso dihang ang martial law maoy naghari sa Pilipinas. Kadaganan kanila ang mga namatay na, ang ilang ilang mga pamilya ang nangaguba ug mga kabtangan ang gipangsakmit sa mga malapason,” si Ballaho nagkanayon kinsa ang iyang lolo biiktima usab sa tawhanong kalapasan.

Ang paghatag ug reparation sa mga biktima sa tawhanong katungod ug nahisubay usab sa United Nation’s Rights for Remedy for Gross Human Right Violation, matud pa ni Ballaho.

Dugtong pa ni Ballaho nga ang remote intake operations sa dabayan mao ang ikaduha nga HRVCB caravan. Ang una, gipahigayon sa mga dakbayan sa Cagayan de Oro, Cotabato, Davao, Lucena, Pampanga, Tarlac, Tuguegarao ug Quezon. (GCC/PIA9-Zamboanga del Sur)

Kagamhanan migahin ug 31.9 milyones alang sa working visit ni Presidente Aquino sa Europe

By Gideon C. Corgue

PAGADIAN CITY, Sept. 15 (PIA) – Ang kagamhanan migasto sa P31.9 milyones alang sa working visit ni Presidente Benigno S. Aquino III sa  Spain, Belgium, France, ug Germany sa tinguha nga mapalambo ang  diplomatic ug trade relations uban sa Europe ug European Union (EU), si  Executive Secretary Paquito N. Ochoa Jr. nagkanayon ning Domingo.

Si Presidente Aquino mohimo sa iyang upat ka nasud nga pagbisita sa Europe gikan niadtong Septyembre 13 ngadto sa Septyembre 20 via  chartered flight nga gikuyagan nila ni Foreign Affairs Secretary Albert Del Rosario, Finance Secretary Cesar Purisima, Agriculture Secretary Proceso Alcala Jr., Trade and Industry Secretary Gregory Domingo, Tourism Secretary Ramon Jimenez Jr., Socio-economic Planning Secretary Arsenio Balisacan, Transportation and Communication Secretary Joseph Emilio Abaya, Cabinet Secretary Jose Rene Almendras, Press Secretary Herminio Coloma, Presidential Management Staff Chief Julia Andrea Abad, Presidential Protocol Chief Celia Anna Feria, Undersecretary Manuel Quezon III and Undersecretary Rochelle Ahorro.

Ang kantidad naglakip sa mga galastuhan alang sa transportation, accommodation, food, equipment ug uban pang mga panginhanglan sa hepe ehekutibo ug sa iyang delegation alang sa upat ka adlaw nga pagbisita sa Europe, kinsa mao ang una nga pagbisita ni Presidente Aquino sa nasangpit nga rehiyon gikan sa iyang pagpangatungdanan niadtong 2010.

“Ang atong Hepe Ehekutibo gilauman nga makigtagbo sa government ug  business leaders sa Madrid, Brussels, Paris, ug Berlin ingon man sa mga miyembro sa Filipino communities ,” matud pa ni Ochoa.

“Atong gilauman ang malig-on nga panaghigalaay ug trade relations uban sa Europe ug European Union human sa maong biyahe sa Presidente” dugtong pa Ochoa. (GCC-PIA-ZamboSur)

Palasyo nag-awhag sa publiko sa pagsabot ug kooperasyon pagsulbad sa congestion sa pantalan

By Gideon C. Corgue

PAGADIAN CITY, September 8 (PIA) – Ang Palasyo ning Domingo nag-awhag sa publiko sa ilang pagsabot ug kooperasyon samtang ang suliran sa congeston sa pantalan sa dakbayan sa Manila gihatagan pa ug kasulbaran.

Sa  press briefing sa dzRB Radyo ng Bayan, si Presidential Communication Operations Office Secretary Herminio Coloma, Jr.,nagkanayon nga nga atong gipangayo ang dugang nga pagsabot ug kooperasyon sa tanang  sektor aron nga mahatagan ug kasulbaran ang suliran sa congestion sa pantalan sa kauluhan."

"Sa adlaw’ng Domingo o karong adlawa, Septyembere 7 ug 8  ug sa mosunod nga semana Septyembre14 ug 15, ang tanan nga truck  nga magpagawas sa karga sa Port of Manila hatagan ug pribilehiyo nga  24 ka oras nga katapusang milya nga truck route sulod sa mosunod nga semana o hangtud sa ika-22 sa Septyembre," dugtong pa niya.

Si Coloma midugang pagpasabot nga ang single-lane truck route nga gipatuman pagahimoon lamang atol sa truck ban hours ug limitado lamang sa Roxas Boulevard.

Dugtong pa niya nga ang Presidente mimando sa Metro Manila Development Authority (MMDA) Chairman Francis Tolentino pagmugna ug Task Force Pantalan aron mapasayon ug mapugngan ang bul-og sa trapiko padulong ug pagpabalik sa Port Area sa dakbayan sa Manila.

Kini nga Task Force pagapanguluhan ni Police Chief Superintendent Allen Bantolo sa Philippine National Police-National Capital Region Police Office (PNP-NCRPO).

Ingon man ang naglangkub sa Task Force Pantalan mao ang Philippine Ports Authority, Land Transportation Franchising and Regulatory Board, local government units ug port users.

Sugod karong adlawa , Septyembre 8, ang tanang overstaying cargo containers pagadalhon gikan sa Port of Manila ngadto Subic Port. (GCC/PIA9-Zamboanga del Sur)

Kagamhanan nagtrabaho aron pagpauswag sa serbisyo sa MRT ug LRT services

Gideon C. Corgue

PAGADIAN CITY, Aug. 28 (PIA) – Ang kagamhanan nakatutok sa mga suliran sa Metro Rail Transit (MRT) ug Light Rail Transit (LRT) aron pagseguro sa mga maayong serbisyo ngadto sa mga commuters, ang opisyal sa Palasyo nagkanayon ning Miyerkoles.

"Mao kana ang hinungdan nganong giasikaso nato kini. Ang maintenance ang gitun-an pa. Nahuman na ang maintenance sa bag-o nga maintenance provider," si Presidential Spokesperson Edwin Lacierda nagkanayon sa press briefing sa Malakanyang.

"Nahuman na ang kontrata sa maintenance provider. Busa mao kini ang mga suliran sa DOTC (Department of Transportation and Communications) ug LRT."

Mipahayag usab si Lacierda nga ang LRT administrator ug MRT3 officer-in-charge nga si Honorito Chaneco has ang mipasabot sa kasamtangan nga sitwasyon sa MRT ug LRT atol sa hearing sa House of Representatives.

Usa ka LRT train ang nadaut sa Pedro Gil Station sa  Manila ning Miyerkoles Agusto 27 sa buntag samtang ang  MRT-3 ang misuspende sa operations sa hapon ning Sabado human nga ang communications system naguba.

Duha ka semana ang nakabalay, us aka depektoso nga MRT train ang nabangga sa barrier sa Taft Station nga nakasamad sa sobra sa 30 ka mga pasahero.  (GCC/PIA9-Zamboanga del Sur)