Kagamhanan temporaryo nga motukod pag-usab sa mga imprastraktura nga giguba sa bagyong Pablo, matud pa ni Presidente Aquino

By Gideon C. Corgue

PAGADIAN CITY, December 8 (PIA) –- Ang kagamhanan nagpunting pagtukod ug usab sa mga nagusbat nga mga imprastraktura sa mga naapektuhang dapit sa bagyo sa Mindanao sa Martes sunod semana, si Presidente Benigno S. Aquino III nagkanayon ning Biyernes.

Sa media interview sa Davao International Airport, ang Presidente nagkanayon nga si Public Works and Highways Secretary Rogelio Singson mitantiya sa damyos sa imprastraktura nga mokabat sa P930 milyones. 

Ang calamity fund sa kagamhanan mokabat sa P4 bilyones, ang hepe ehekutbo nagkanayon.

“Akong sublion, accessible ang tanan sunod semana. Ang mga temporaryo nga gihimo mahimo nga permanente. Ang dako nga suluiran mao ang tulay sa  CARAGA tungod kay hapit ang katunga niini ang nawagtang,”matud pa sa Presidente.

Ang tulay sa CARAGA bridge usa ka 17-span bridge ug tungod sa pito ka mga panels nahugno panahon sa bagyo, matud pa sa Presidente. “Mao kini ang butang nga dugay nga ayuhon tungod kay ang pito sa 17 nga spans  ang naguba,” matud pa niya.

Ang Department of Public Works and Highways dili lamang mo-ilis sa mga nawala nga spans apan mo desenyo pag-usab sa tulay sa hataas aron pagpugong sa mga kahoy ug uban pang mga butang nga mo bara sa tulay, matud pa sa Presidente. 

“Atong tan-awon ang gitas-on sa tulay aron pagpugong sa pagkahitabo pag-usab,” maud pa niya.

Ang pag-ayo sa mga dalan ug tulay  ang gikinahanglan aron nga ang mga relief goods, tubig, ug tambal moabot sa mga lagyo nga komunidad human sa pagkagusbat nga gihimo sa bagyong Pablo.(GCC/PCOO/PIA,Pagadian City) 

Presidente Aquino mipahayag nga ang edukasyon mopalambo sa P292.7- bilyones nga budget

By Gideon C. Corgue

PAGADIAN CITY, December 8 (PIA) –- Si Presidente Benigno S. Aquino III nagkanayon ning Huwebes nga ang P292.7-bilyones nga budget nga gigahin sa Department of Education gikan sa 2013 General Appropriations Act pagagamiton aron pagpalambo pagtanyag ug edukasyon sa mga tinun-ang Pilipino pinaagi pagtukod ug pagpahimutang sa dugang nga mga lawak-klasehanan, pagpalit sa daghan nga mga libro, ug pagseguro nga ang mga suhulan sa mga magtutudlo mabayran sa tukma nga panahon.

Sa iyang pakigpulong sa Ten Accomplished Youth Organizations (TAYO) awarding ceremony sa Malakanyang ning Huwebes, ang Presidente nagkanayon nga human sa hataas nga panahon, ang kagamhanan karon ang anaa na sa maayong kahimtang pag-aksyon sa mga reklamo sa katawhan sa maayong nga edukasyon alang sa atong mga kabataan.

“ Sa matarong dalan, namuhunan kita sa dekalidad nga edukasyon alang sa atong mga kabataan, busa atong gibubo sa DepEd ang pinakadako nga bahin sa budget sa 2013,” matud pa sa Presidente.

“Nagahin kita sa 292.7 bilyones pesos nga pundo para sa edukasyon, aron nga ang atong gisunod nato nga 66,800 nga tiwasonon nga mga lawak klasehanan ug ang makahadlok nga kakulangon sa mga kasangkapn sa eskwelahan ang matubag na,” dugtong pa niya.

Ang Presidente mihatag kaseguruhan sa hingpit nga pagpatuman ning maong budget ngadto sa katapusang sentimo.

“Ang matag-sentimo ning maong pundo ang nakapunting pagtukod sa bag-o nga mga lawak-klasehanan, pagpaayo sa mga naguba nga mga edepesyo, pagbansaybansay sa mga magtutudlo, ingon man ang pagpalit sa daghan nga mga libro, lingkuranan ug lamesa sa mga nag-eskwelang kabataan,” matud pa sa Presidente. (GCC/PCOO/PIA,Pagadian City)