Presidente Aquino nanawagan sa mga Filipino Overseas Workers sa Switzerland nga maghiusa

By Gideon C. Corgue

PAGADIAN CITY, January 28 (PIA) –- Si Presidente Benigno S. Aquino III nanawagan sa tanang mga ginsakpan sa Filipino community sa Switzerland nga maghiusa ug magpadayon pagpatuman sa maayong dalan sanglit siya ang naglihok pagpatuman sa mga nagkalain-aling reporma nga gikinhanglan pagpatuman sa martsa alang sa kauswagan ug kalamboan sa nasud.

Ang hepe ehekutibo kinsa nahidangat sa Switzerland aron pagsalmot sa tinuig nga panagtigum sa World Economic Forum gikan sa Enero 23 ngadto sa 27 ug nangulo sa greet-and-meet activity uban sa Filipino community sa Renaissance Hotel aron linawas nga subayon ang ilang mga kahimtang.

Sa iyang pakigpulong, ang Presidente mippambit sa positibo nga mga kausaban ug ekonomikanhon nga kalamboan sa nasud atol sa duha ug tunga ka mga katuigan sa iyang administrasyon lakip na ang pagsalig sa international community sa Pilipinas ug ang dalaygong performance sa stock market nga nakapahimo sa nasud nga nagtindog bisan pa man sa kalibutanong krisis.

Ang Presidente gisuginlan ang mga miyembro sa Filipino community nga mitambong sa maong kalihokan nga ang Gross Domestic Product (GDP) sa Pilipinas nagpadyon nga nagtubo bisan pa sa kalibutanhon nga krsis sa ekonomiya. “Nasayod kamo nga kana mao ang nanag-una nga barometro sa ekonomiya sa nasud,” matud pa niya.

Ang GDP sa nasud ang milapnag ngadto sa 7.1 porsiyento sa ikatulo nga kwarter sa 2012. Ang stock market index mitala sa pinakataas nga 70 ka pagpilo-pilo. “Atong gipildi ang kaugalingon nga projection. Nagsunod-sunod ang pagtala sa pinakataas nga rating sa Philippine Stock Exchange index,” matud pa niya.

“Sa pagkatinuod gikans a Hunyo 30, 2010, dihang kita ang nagsugod sa atong pagpangatungdanan miabot sa kapito-an ka higayon nalabawan ang record po sa atong stock exchange.”

Ang Presidente nagpadayag sa iyang paglaum nga ang stock market index mobaot sa 6,500 nga level sa sunod nga bulan ilabi na sa iyang adlaw nga nga natawhan, ug ang 7,000 nga level sa pagtapos sa tuig. (GCC/PCOO/PIA9-Pagadian City)