Aquino nangulo pag-apod-apod sa giputos nga pagkaon sa mga biktima sa baha sa Muntinlupa

Ni Gideon C. Corgue

PAGADIAN CITY, August 9 (PIA) – Usa ka adlaw nga makusog nga mga pag-ulan nga gidulot sa Southwest monsoon ang milanap sa dako nga dapit sa Metro Manila, si Presidente Benigno S. Aquino III ang midala ug kalipay ug paglaum sa mga nabiktima sa baha pinaagi  pagpangulo sa pag-apod-apod sa mga giputos nga pagkaon sa Tunasan, dakbayan sa Muntinlupa ning Miyerkoles.

Ang Presidente mitunol sa mga giputos nga pagkaon nga naglangkub sa noodles, delata nga sardinas ug corned beef, bugas, ug kape ngadto sa 784 nga pamilya kon 3,920 nga inbidwal gikan sa mga nagkalainlaing barangays palibot sa Laguna Lake kinsa ang nawad-an ug panimalay tungod sa mga baha.

Sa usa ka hamubo nga briefing sa nagpadayon nga rescue ug relief operations ang gihatag ni  Social Welfare and development Assistant Secretary Milo Gudmalin.

Sa iyang hamubo nga mensahe, ang Presidente mihatag kaseguruhan sa katawhan nga ang kagamhanan pinaagi sa local government units mihimo sa iyang dako nga paningkamot aron pagtanyag sa nanag-unang serbisyo nga ilang gikinahanglan panahon sa kalamidad.

Siya ang nalipay nga bisan sa maong kahimtang, ang katawhan sa Tunasan mipahiyom ug adunay paglaum.

Kauban sa Presidente sila si Transportation and Communication Secretary Mar Roxas II, Public Works and Highways Secretary Rogelio Singson ug Energy Secretary Jose Rene Almendras. (GCC/PIA9-Zambosur)