Ni Alfonso T. Ruda
DIPOLOG CITY, AUG.
7(PIA)---Gipasalig
sa Malakanyang nga himoon niini ang tanan aron panalipdan ang katawhan sa
Mindanao taliwala sa nahitabong pagpamomba dinhi sa habagatang bahin sa nasod,
di pa lang dugay.
Sa
usa ka press briefing sa Malakanyang, ang tigpamaba sa Palasyo nga si Edwin
Lacierda nagkanayon nga gihingusgan karon sa puwersang pangseguridad ang ilang
pagpangalap ug impormasyon ug makuting imbestigasyon sa nahitabong pagpamomba
sa dakbayan sa Cagayan de Oro, Cotabato, ug lungsod sa Midsayap, North
Cotabato, bag-ohay pa lamang.
“Among
ipasalig sa publiko nga among gilantaw kining tanang sitwasyon,” matod pa ni
Lacierda ngadto sa mga tigbalita.
Nahibalo
ang gobyerno sa mga panghitabo ug among gisiguro sa publiko nga gihimo sa gobyerno
ang tanang pagpaningkamot aron pag-ila sa nagahimo niini.
Sa
dihang gipangutana kun gikinahanglan ba ang pagpadala ug dugang tropa sa
Mindanao, si Lacierda nagkanayon nga bahala na ang Armadong Kusog sa Pilipinas nga
magdisisyon kon kinahanglan ba ang dugang puwersa aron masanta ang unsa mang
pagpangatake.
Apan
gipahayag sa Opisyal sa Palasyo nga duna nay daghang tropa sa Mindanao ug mahimong
dili pa kinahanglanon ang pagpadala ug dugang puwersa sa Mindanao karong mga
panahona. Ang unang gitutokan sa kapulisan ug kasundalohan mao ang pagpangalap
ug impormasyon,” matod pa niya.
Sa
pagkakaron, nagpadayon ang gihimong imbestigasyon sa nahitabong pagpamomba sa
Dakbayan sa Cagayan De Oro, Cotabato ug Midsayap, North Cotabato. Naglaum ang
Malakanyang nga makakuha ra kini ug
resulta sa dili madugay, matod pa niya.
“Imbestagahan kining tanan, Nagpadayon na ang imbestigasyon sa pagboto sa
bomba sa Cagayan de Oro. Ang pagboto sa bomba sa Midsayap North Cotabato ug
Shariff Aguak, Maguindanao imbestigahan usab. Hinuon nagpaabot pa kami ug
update kon kalambuan sa gihimong imbestigasyon sa PNP ug AFP,” matod pa ni Lacierda.
Ang Presidente, matod pa ni Lacierda, nakigtagbo na
sa Security Cluster niadtong Martes aron tukion ang kabahin sa pagpamomba sa Mindanao.
Hinuon, matod pa niya, wala siya masayod sa resulta sa maong miting.
Sa laing bahin, nagpadayonusab ang gihimong
imbestigasyon sa Senado sa pagpamomba sa Mindanao.(ATR/PCOO/PIA9-Zambo
Norte)
