Balaod gikinahanglan nga hingpit ipatuman aron pagpanalipod sa mga tinun-an sa hazing, matud pa sa Malakanyang

Ni Gideon C. Corgue

PAGADIAN CITY, August 2 (PIA) – Ang balaod gikinahanglan nga hingpit nga mapatuman aron pagpanalipod sa mga tinun-an gikan sa fraternity hazing ug ang mga nakalapas niini silotan, ang opisyal sa Palasyo mipahayag kagahapon Miyerkoles.

“Ang balaod gikinahanglan nga striktong mapatuman. Ang balaod gikinahanglan nga sundon sa tanang higayon. Ang mga tawo nga mihimo sa mga mapintas nga kahimoan ang silotan. Kung sila ang dakpon, kinahanglan nga sila ang itaral sa hukmanan,” si Presidential Spokesman Edwin Lacierda nagkanayon sa press briefing sa Malakanyang.

Si Lacierda mitubag sa mga pangutana nga gilabay kaniya sa  Malacanang reporters mahitungod sa kamatayon sa freshman law student sa San Beda College sa uma sa dakbayan sa Dasmariñas nga tataw nga resulta sa fraternity hazing incident.

Si Lacierda mipahayag nga ang responsibilidad sa mga unibersidad ug mga kolehiyo nga mohatag sa kaluwasan sa ilang mga tinun-an ilabi ang pagbatok sa mapintas nga mga kalihokan sa hazing.

“Aduna kitay doktrina nga 'parens patriae' — ang tawag niini nga Civil Law. Responsibilidad sa mga eskwelahan nga asikasuhon ang ilang mga estudyante. Mao kana ang kinatibuk-an nga prinsipyo,” matud pa ni Lacierda.

Si Mark Andrei Marcos mao ang pinakaulahi nga namatay nga gitawag sa mga otoridad nga tataw nga usa ka kaso sa fraternity hazing. Lima ka bulan ang nakalabay lain nga San Beda law student nga si  Marvin Reglos, ang nahiagum sa mga bun-og ug samad sa fraternity hazing incident.

Ang kapulisan mipahayag nga si Marcos, 21 anyos  gidala sa De La Salle University Medical Center, dakbayan sa Dasmariñas alas 10:30 ang takna sa gabii ning Domingo. Siya ang gideklarar nga patay ning Lunes.
Ubay-ubay ka mga grupo ang mikondenar sa pagpatay ni Marcos ug nanawagan sa mga otoridad nga madaliong mo-aksyon ug silotan ang mga mihimo sa maong mapintas nga krimen. (GCC/PCOO/PIA9-Zambosur)