Pagpangandam sa kalisdanan sa nasud labaw sa kasarangan, matud pa sa opiysal sa Palasyo

By Gideon C. Corgue

Pagadian City, July 1(PIA) – Ang pagpangandaman sa nasud sa kalisdanan labaw sa kasarangan, matud pa sa opisyal sa Palasyo ning Domingo.

Si Presidential Communication Operations Office Secretary Herminio Coloma, Jr., mitubag sa taho gikan sa United Nation (UN) rating sa disaster preparedness sa Pilipinas tali sa 6 ug  7,  diin ang 10 mao ang pinakataas.

“Tingali atong mapakisama nato sobra sa kasarangan bisan ug ika-unom ug ikapito. Ang buot ipasabot dili ta ulahi sa atong pag-aksyon sa maong mga hagit,” matud pa ni Coloma sa press briefing sa radio station dzRB Radyo ng Bayan.

Margareta Wahlstom, UN Secretary General Ban Ki-Moon’s special representative for disaster risk reduction mihimo sa maong pagtantiya sa kapabilidad sa Pilipinas.

Ang Pilipinas nahimutang sa Pacific ring of fire diin kasagaran sa mga bolkano ang aktibo; diin ang Typhoon belt adunay average sa 20 ka mga bagyo nga moagi matag-tuig ug aduna siyay fault lines nga makahimo ug linog.

Si Coloma nagkanayon nga ang kagamhanan mapadayonon nga naghimo ug mga pagpangandam ug nag-edukar sa katawhan kung unsaon pagpangandam panahon sa katalagman.

“Lig-on ang baruganan sa atong Presidente nga ipalig-on nato ang disaster resilient communities. Dili kinahanglang mabalik ang vicious cycle sa destruction ug reconstruction. Kinahanglang maundang na ang aspeto sa destruction pinagi pagtukod sa lig-on nga komunidad,” dugtong pa niya. (GCC/PCOO/PIA9-Zamboanga del Sur)

Mga reporma nagpadayon sa pulis ug militar aron pagseguro sa kaluwasan sa publiko, matud pa ni Aquino

By Gideon C. Corgue

Pagadian City, June 25(PIA) – Si Presidente Benigno S. Aquino III nagkanayon nga ang mga reporma gipatuman sa law enforcement system sa nasud ingon man sa hut-ong sa militar aron pagseguro sa seguridad sa pubiko.

Sa interview uban sa mga ginsakpan sa media ning Martes, ang Presidente nagkanayon nga samtang adunay mga suliran ang mga pulis naghimo sa ilang mga trabaho ug aduna usab sila ubay-ubay nga mga kalampusan.

Usa sa mga reporma sa police force mao ang pag-uswag sa gidaghanon sa mga pulis nga nag-patrol sa mga kalye, matud pa niya.

Ang Philippine National Police (PNP) nagbansay sa 15,000 nga mga pulis kinsa kaniadto naghimo sa clerical work ilabi na sa Camp Crame. Ang trabaho sa opisina himoon na karon sa mga civilian employees, matud pa niya.

Ang kagamhanan nagtrabaho aron pagsulbad sa mga problema sa pension sa mga pulis ug militar tungod kay kini mao ang babag pag-hire ug daghan nga mga pulis ug sundalo, matud pa niya.

Usa sa mga balaod sa pension reforms ang karon anaa sa Kongreso, matud pa niya.

Ang Presidente mihatag gibug-aton nga adunay panginahanglan pagpadako sa gidaghanaon sa mga pulis ug sundado tungod kay ang figure nagpabilin nga 250,000 sugod pa sa 1986 EDSA People Power revolution.

Aron paghimo sa komunidad nga luwas, ang ideal policeman to civilian ratio mao ang 1 to 500, matud pa niya. (GCC/PCOO/PIA9-Zamboanga del Sur)

Pilipinas nagpasalamat sa Japan pagpaluyo sa arbitration case batok sa China

By Gideon C. Corgue

Pagadian City, June 23, 2014 (PIA) – Ang Pilipinas nagpasalamat sa Japan pagsuportas sa kaso nga gipasaka niini sa international arbitral tribunal alang sa malinawon nga pagsulbad sa maritime dispute uban sa China.

“Nagpasalamat kita sa Japan pagpaluyo sa mahinungdanong prinsipyo diin ang Pilipinas magsulbad sa West Philippine Sea issue," ang Charge d' Affaires  sa Philippine Embassy sa Tokyo nga si Gilberto G.B. Asuque  nagkanayon sa interview  sa Radio TV Malacanang ning bag-o pa lang.

Si Asuque, ang pangulo sa Philippine technical working group on the maritime boundary delimitation ug miyembro sa West Philippine Task Force, nagkanayon nga ang Pilipinas ug Japan nag-ambit sa susama nga panghunahuna sa malinawon nga pagsulbad sa West Philippine Sea (South China Sea) ingon man ang  East China Sea issues.

Matud pa niya ang  United Nations nagmando sa claimant countries paggamit sa malinawon nga paagi pagsulbad sa territorial disputes ug sa mga nasud nga naggamit ug kusog ug panghulga nga dili madawat sa international community.

“Hinaut pa unta nga ang pagtabang sa Japan magdasig sa uban nga mga nasud nga ang Pilipinas kauban ang Japan dili nato buot nga dili malinawon ang pagsulbad sa suliran sa Pilipinas ug China ingon man ang Japan ug China," matud pa niya.

Ang Pilipinas, Japan ug China mga nagpirma sa United Nations Convention on the Law of the Sea (UNCLOS) ug adunay obligasyon pagsunod sa polisiya nga gimando sa international law, matud pa niya.

“Mahinungdanon kaayo ang relasyon sa Pilipinas ug Japan mahitungod sa gihimo nato nga pamaagi aron nga mahatagan sa hataas nga solusyon ang issue uban ang China,” dugtong pa ni Asuque. (GCC/PCOO/PIA9-Zamboanga del Sur)

Presidente Aquino midumala sa National Economic and Development Authority Board Meeting

By Gideon C. Corgue

Pagadian City, June 20, 2014 (PIA9) – Si Presidente Benigno S. Aquino III midumala  sa National Economic and Development Authority (NEDA) Board Meeting sa Aguinaldo State Dining Room sa Malacañang Palace ning Huwebes.

Si Presidential Communications Operations Office Secretary Herminio Coloma, Jr. nagkanayon nga ang maong panagtigum gibahin sa duha ka butang.

Sa unang bahin mao ang the Investment Coordination Committee (ICC) nga gipanguluhan ni Finance Secretary Cesar Purisima ug NEDA Director-General Arsenio Balisacan nga naghisgot sa kalamboan, operations and maintenance projects nga gihimo sa Department of Transportation and Communications sa mga tugpahanan sa nasud.

Ang ICC naghisgot usab sa Light Rail Transit Line 1 project nga gitawag ug Cavite extension project kinsa mao ang kabahin sa public private partnership sa administrasyon ni Aquino. Ang kagamhanan nagtuon sa extension sa train padulong sa Dasmariñas, Cavite imbis nga ang nahauna nga plano mao ang paghimo sa dakbayan sa Bacoor nga final station.

Ang Cavite extension project gilauman nga makasilbi sa upat ka milyon nga mga commuters sa Parañaque ug lalawigan sa Cavite . Ang subli nga pagsubasta sa P65-bilyones nga LRT 1 extension project gikatakda karong Abril 28.

Si Secretary Coloma nagkanayon nga ang ikaduha nga bahin sa panagtigum mao nga ang NEDA board nagrepaso sa upat ka mga proyekto : ang infrastructure projects sa Department of Public Works and Highways sa Metro Manila ug Laguna Lake Shore; ang irrigation projects sa National Irrigation Administration; roadmap sa transport infrastructure development sa National Capital Region, Central Luzon Region ug Calabarzon Region ug integrated financial management information system sa kagamhanan nga nakahimo sa kagamhanan pagplano, pagpatuman ug paghimutad sa budget sa tukma nga pamaagi. (GCC/PCOO/PIA9-Zamboanga del Sur)

Malakanyang nag-awhag sa mga Pilipino pagpauli sa nasud

By Gideon C. Corgue

Pagadian City, June 18, 2014 (PIA9) – Ang Malakanyang miawhag ning Domingo sa mga Filipino overseas workers sa Iraq nga boluntaryo nga mopauli sanglit ang Department of Foreign Affairs (DFA) mipataas sa crisis alert ngadto sa Alert Level 3.

“Akong gi-awhag ang mga Pilipino nga anaa sa makuyaw nga lugar nga mobalik sa Pilipinas ug ang ilang pagbiyahe ang abagahon sa kagamhanan,” matud pa ni Presidential Communication Operations Office Secretary Herminio Coloma, Jr., atoll sa gipalanog nga press briefing sa dzRB Radyo ng Bayan.

Ang mga milantanteng Jihadist sa Iraq ning bag-o pa lang mibihag sa dako nga hut-ong sa northern Iraq.

Adunay gibana-bana nga 500 nga mga Pilipino ang nagtrabaho sa kasagaran niini anaa sa  American military bases sa Baghdad, ang capital.

“Magpapadala usab ang DFA ug rapid response team aron pagtabang sa boluntaryo nga pagpauli sa mga Pilipino sa Iraq,” matud pa ni Coloma.

Si Coloma nagkanayon nga sa Kurdistan, Iraq nagpabilin nga anaa sa DFA Alert Level 1 o ilawom sa precautionary phase.

“Ang Kurdistan nagpabilin sa gihapon nga malinawon,” pagpasabot ni Coloma.

Ang Communication Secretary subli nga mipaabot sa panawagan sa kagamhanan alang sa mga Pilipino nga nagtrabaho sa Libya nga mopailawom sa voluntary repatriation. Sayo niiing bulana, ang  DFA mipahimutang sa Libya sa Alert Level 3 tungod sa kagubot nga gidulot sa nagpadayon nga civil war. (GCC/PCOO/PIA9-Zamboanga del Sur)

Presidente Aquino nagpasalamat sa Chinese-Filipinos sa mga natampo sa kauswagan sa nasud

By Gideon C. Corgue

PAGADIAN CITY, June 11 (PIA) – Si Presidente Benigno S. Aquino III nagpadayag sa iyang pagpasalamat sa mga pamatigayon sa  Filipino-Chinese businesses tungod sa ilang natampo sa katukuran sa nasud ilabi na gayud human sa kadaut nga gihimo sa mga dagko nga katalagman nga miigo sa nasud sa nakalabay nga tuig .

Sa iyang mensahe atol sa Filipino-Chinese Chambers of Commerce and Industry Inc.'s (FCCCII) joint celebration sa ika-116 ka tuig nga Philippine Independence Day ug 13th Filipino-Chinese Friendship Day sa Manila Hotel ning Martes, ang Presidente nagkanayon nga ang Chinese Filipino nga mga magpapatigayon wala mihunong sa pagpakig-abag sa kagamhanan pagtabang sa mga komunidad nga naigo sa kalamidad.

"Ang diwa sa paghalad sa serbisyo ug matinud-non nga sakripisyo nga atong gisaulog dinhi – usa ka diwa nga nakuha gikan sa atong mga katigulangan samtang sila ang nakigbatok sa atong kagawasan 116 ka tuig na ang nakalabay ,"  ang Presidente nagkanayon sa iyang mensahe.

Iyang gihisgutan ang kaisog sa mga Chinese-Filipinos sama nila ni General Ignacio Paua atol sa Filipino-American War, ug General Vicente Lim atol sa Second World War.

Silang duruha ang nagpakita sa ilang dako nga pagkamatinud-anon ug kaisog alang sa katungod sa mga Pilipino nga magpakabuhi nga may dungog sa ilang kaugalingon nga yuta, matud pa niya.

Ang maong diwa nagpadayon hangtud karon uban ang mga miyembro sa kapunungan nga nahilambigit sa mga boluntaryong trabaho sama sa pagtukod sa fire brigades ug pagtukod sa mga lawak-klasehanan.

Ang  kapunungan naghatag sa sobra sa 9,200 nga mga lawak-klasehanan kinsa nagtabang pagsulbad sa mga panginahanglan sa mga tinun-an sa tibuok nasud, ang  Presidente nagkanayon.

Siya usab ang mipahayag nga ang nasud nakaani sa mga bunga sa reporma nga gihimo sa iyang administrasyon. (GCC/PCOO/PIA9-ZamboSur)

Aquino mangulo sa flag-raising rites sa dakbayan sa Naga atol sa Independence Day celebration

By Gideon C. Corgue

PAGADIAN CITY, June 9 (PIA) – Si Presidente Benigno S. Aquino III mangulo sa flag-raising rites sa dakbayan sa Naga atol sa pagahimoon nga  Independence Day celebration sa Hunyo 12.

Sa radio interview sa dzRB Radyo ng Bayan ning Sabado, si Deputy presidential spokesperson Abigail Valte nagkanayon nga ang Presidente nagpahigayon sa Independence Day celebrations sa mga nagkalain-laing dapit aron pagpadayag sa kamahinungdanon sa mga nagkalain-laing lalawigan sa kagawasan ug demokrasya sa nasud.

Ang Presidente mangulo sa Independence Day celebration sa Kawit, Cavite sa 2011 sa Malolos, Bulacan sa tuig 2012 ug sa Liwasang Bonifacio sa Manila sa nakalabay nga tuig.

Niadtong Hunyo 12, 1898, si Gen. Emilio Aguinaldo nangulo pagdeklarar sa kagawasan sa Pilipinas gikan sa  Spanish colonial rule sa Kawit, Cavite.

Human sa flag-raising event sa dakbayan sa Naga sa may alas 7:00 ang takna sa buntag, ang Presidente molupad sa kauluhan aron mangulo sa Vin D'Honneur sa Malakanyang alas 11 ang takna sa buntag.

Ang Vin D’Honneur usa ka traditional ceremony nga gihimo atol sa Independence Day sa nasud diin ang Presidente makigtagbo sa mga miyembro sa diplomatic corps.

Ang Vin D’Honneur nagagikan French term nga may kahulugan nga ‘wine of honor,' nga nagtumong pagpalig-on sa diplomatic relations uban sa mga nasud.

Pagrepaso sa Bangsamoro pagseguro nga nakasunod sa comprehensive agreement, matud pa sa Palasyo

By Gideon C. Corgue

PAGADIAN CITY, June 3 (PIA) –Ang Malakanyang nagrepaso sa Bangsamoro Basic Law (BBL) aron pagseguro nga kini ang nakasunod sa mga kalagdaan sa Comprehensive Agreement on the Bangsamoro (CAB), ang opisyal sa Palasyo nagkanayon. 

“Kita ang nagseguro nga kini ang nagsubay sa judicial scrutiny. Buot nato nga kung mapasa kini sa Kongreso, kini ang hapsay,” si Presidential Spokesperson Edwin Lacierda  atol sa press briefing ning Lunes. 

Matud pa niya nga ang BBL sa pagkakaron ang gitantiya ug gitun-an sa Office of the President ug sa Chief Presidential Legal Counsel.

Dihang gipangutana kung nganong dugay ang pagduso sa BBL ngadto sa Kongreso alang sa pag-uyon niini, si Lacierda nagkanayon nga ang maong balaodnon gitantiya pa  . Sila ang magtuon pa sa matag probisyon niini aron pagseguro nga kini ang nahitakdo kasabutan.”

Matud pa niya nga ang Malakanyang moseguro nga ang BBL makatindog sa iyang kaugalingon, kon ugaling aduna may hagit sa iyang constitutionality. 

“Makaseguro kita nga ang Bangsamoro Transition Commission Chair Mohagher Iqbal nga ang Bangsamoro Basic bill mosalamin sa Comprehensive Agreement on the Bangsamoro ug sa iyang annexes,” dugtng pa ni Lacierda.

Ang CAB gipirmahan sa Malakanyang sa nakalabay nga Marso  27 nga nagtapos sa hataas nga dekada nga kagubot nga nakakalas ug gatosan nga kinabuhi sa mga tawo sa Mindanao.

Public education libre, matud pa sa Malakanyang

By Gideon C. Corgue

PAGADIAN CITY, June 2 (PIA) Ang Malakanyang nagkanayon nga ang public education nagpabilin nga libre ug walay bayad nga ipatuman aron mapugngan ang si bisan kinsa nga dili magpa-enroll ug mobalik sa eskwelahan.

“Gihingusgan sa kalihim sa Edukasyon nga si Brother Armin Luistro ang strikto nga pagdili pagpangayo ug bayad sa bisan unsa man ang gidak-on o kontribusyon,” matud pa ni Presidential Communication Operations Office Secretary Herminio Coloma, Jr., sa press briefing nga gipalanog sa kahanginan ning Domingo sa dzRB Radyo ng Bayan

“Kini aron seguruhon nga walay babag pagdawat ug pagsulod sa tanan  nga mga kabataan nga Pilipino nga anaa sa tukma nga edad aron nga mo-eswekla,”pahayag ni  Coloma.

Ang 2014-2015 class magsugod sa Hunyo 2, nga adunay gibana-bana nga 26 bilyones nga mga tinun-an gikan sa pampubliko ug pribado nga mga tulunghaan nga mobalik sa ilang mga hingtungdan nga mga tulunghaan.

Ang Communication Secretary nagkanayon nga si Presidente Benigno S. Aqunio III  motuman sa Constitutional mandate nga ang edukasyon mao gayud ang prayoridad sa nasudnong budget.

Alang sa 2014 national budget, ang Department of Education adunay kinatibuk-an nga gahin nga P335.4 bilyones kinsa mao ang pinakataas nga pahat sa budget ning tuiga.

“Dihang misulod ang administrasyong Aquino sa tuig 2010, ang kinatibuk-ang budget sa DepEd mao ang 195.9-bilyon ka pesos.Gikan kaniadto hangtud karon mitaas ang budget dul-an sa 71 porsyento,” pagpasabot ni Coloma.

Iya usab nga gipuno nga ang Philippine National Police mipakatag na sa mga kapulisan aron pagseguro sa kaluwasan sa mga tinun-an dihang sila ang mobalik na sa tulunghaan karong adlawa. (PCOO/PIA9-ZamboSur)