Pres. Aquino mibisita sa resettlement site para sa mga biktima sa bagyong Sendong

Ni Alfonso T. Ruda

DIPOLOG CITY, FEB. 27(PIA)--- Gi-inspeksyon ni Presidente Benigno Aquino III ang Xavier University Ecoville Relocation Site sa Barangay Lumbia sa Dakbayan sa Cagayan de Oro- ang lugar nga giingon sa Presidente ngadto sa mga biktima sa Bagyong Sendong nga gitrabaho sa gobyerno aron mapabarog ug balik ang ilang kinabuhi.

“Nalipay akong nakita ko kamong tanan. Nagkita ta atong pagkahuman sa trahedya. Karon ato na gayong nakita ang inyong inanay nga pagbangon,” matod pa sa Presidente sa iyang pagpakigpulong human ang gihimong pag-inspeksyon sa lugar.

‘Karon sa inyong gipakitang pagtinabangay ug panaghiusa, siyempre, mapalambo ninyo ang inyong komunidad ug atong ipadayon ang dili nato pag-iya-iya ug nagpakabana kita sa usag-usa,” matod pa niya.

Ang paglantaw sa mga tawong nakig-away ug naglihok sa pagsugod ug normal nga kinabuhi usa ka inspirasyon sa gobyerno para tabangan ang pagpaningkamot sa komunidad nga makabangon, matod pa sa Presidente.

Misaad usab ang Presidente nga palambuon ang inprastaktura sa resettlement site, ilabi na ang kalsada, uban sa iyang paghangyo sa katawhan nga tabangan ang gobyerno.

Aron malikayan ang baha, matod pa sa Presidente, nagpadayon karon ang dredging project, sa baba sa suba aron masiguro nga hamugaway ang bul-og sa tubig. Usa ka dike ang himoon sa gobyerno ug kasamtangan karong giproseso ang bidding sa proyekto nga nakatakdang ihatag karong Marso, matod pa niya.

Naghiusa usab ang Department of Social Welfare and Development (DSWD) ug Technical Education and Skills Development Authority (TESDA) paghatag ug panginabuhian ug katakos sa trabaho ngadto sa katawhan.

Sa pagkakaron, duna nay 166 ka balay ang nahuman. Samtang gitan-aw pa ang gobyerno ang pagtukod ug 568 ka balay sa Lumbia Resettlement site. Ang matag balay nagkantidad ug 110 mil pesosm, sumala pa sa gipagawas nga briefer.

Lakip sa nanag-unang katambayayong sa gobyerno pagpabarog ug permanenteng puluy-anan para sa mga biktima sa bagyong Sendong mao ang San Miguel Corp., Union Bank, ug Habitat for Humanity Philippines .

Samtang nahimo usab nga katambayayong sa gobyerno pagpabarog ug temporaryong pinuy-anan mao ang International Organization for Migration (IOM).

Hangtud niadtong Pebrero 16 niining tuiga, 2,586 na ka mga tawo ang napabalhin sa nasangpit nga resettlement site.(ATR/PCOO/PIA9-Zamboanga del Norte)

DSWD mosuporta sa socio-economic programs alang sa Bangsamoro

Ni Claro A. Lanipa

PAGADIAN CITY, 26 Feb (PIA) – Isip suporta sa pasalig sa kagamhanan aron sa pagpadali ang socio-economic development sa Mindanao, ang DSWD mo-implementar sa cash-for-work (CFW) ug programa sa panginabuhian gitumong sa pagtuboy sa kinabuhi sa katawhang Bangsamoro.

Namugna kini human sa nahitabong makasaysayanong pagbisita ni Presidente Benigno S. Aquino III sa Sultan Kudarat, Maguindanao ning bag-o lang sa paglusad  sa ‘Sajahatra Bangsamoro’ Program.

Ang ‘Sajahatra Bangsamoro’ or ‘Peace Bangsamoro’ in Arabi-Melayu-Bahasa, usa ka socio-economic peace initiative sa kagamhanan gitumong sa pagtuboy sa panglawas, edukasyon ug panginabuhian sa mga komunidad sa Bangsamoro.

Si Social Welfare and Development Secretary Dinky Soliman kinsa mikuyog kang Presidente Aquino panahon sa paglusad sa Sajahatra Bangsamoro Program, miingon nga ang dugay na kaayo gipaabot natuman na alang sa kalamboan ug kauswagan sa Mindanao. Ang atong mga igsoong Muslim mahimong mopahimulos na karon sa mga nahaunang serbisyo ug mahimong nang mga kaabag sa kagamhanan sa pagpalambo sa nasud.

Matod pa ni Sec. Soliman, kapin sa 11,000 ka mga miyembro sa pamilya sa Moro Islamic Liberation Front (MILF) ang makabenepisyo gikan sa cash-for-work program sa DSWD. Makadawat sila sa suhol base sa kasamtangan regional wage rate isip bayad sa ipabuhat kanila nga mga proyekto sa ilang komunidad.

Ang Sajahatra Bangsamoro paga-implementar sa mga komunidad sa MILF sulod sa 18 ka mga bulan samtang nagpaabot sa pagpirma sa katapusang kasabotan sa kalinaw kon final peace agreement.

Sa susamang kalamboan, si Mohagher Iqbal, ang hepe negosyador sa MILF miingon nga mosuporta sila sa implementasyon sa mga programa ug proyekto sa kagamhanan, ilabi na sa Pantawid Pamilyang Pilipino Program nga nakatabang sa linibong mga igsoon nato sa tibuok rehiyon sa Mindanao.

Iyang giawhag ang kagamhanan aron sa hingpit mobantay sa programa aron sa pagsumpo sa mga politiko sa pagpahimulos sa mga benepisyaryo alang sa ilang politikanhong katuyoan.

Ang programa sa Pantawid Pamilya nagtanyag sa direktang edukasyon ug serbisyo sa maayong panglawas ngadto sa mga pamilya kinsa nagtuman sa kondisyones, lakip ang regular pagtungha sa mga kabataan sa tulunghaan ug regular pagbisita sa mga health center sa mga inahan ug anak. (DSWD/PIA9/CAL)

Malakanyang mibutyag sa 15-ka tawong membro sa Transition Commission

Ni Alfonso T. Ruda       

DIPOLOG CITY, FEB. 26(PIA)---Gibutyag sa Malakanyang ang natudlo ni Presidente Benigno Aquino III nga 15-ka tawong membro sa Transition Commission nga tahasang mopanday sa Bangsamoro Basic Law.

Gihimo ni Presidential spokesperson Edwin Lacierda ang pagpahibalo sa gipahigayong press briefing sa Malakanyang niadtong Lunes.

Sa bahin sa panel sa Kagamhanan sa Pilipinas, pito sa mga natudlo mao sila si Akmad A. Sakkam, Johaira C. Wahab, Talib A. Benito, Asani S. Tammang, Pedrito A. Eisma, Froilyn T. Mendoza, ug Fatmawati T. Salapuddin.       

Kadtong gipili sa Moro Islamic Liberation Front (MILF), mao sila Mohagher Iqbal, chairman of the Transition Commission; Robert M. Alonto, Abdulla U. Camlian, Ibrahim D. Ali, Raissa H. Jajurie, Melanio U. Ulama, Hussein P. Munoz ug Said M. Shiek.

Subay sa Executive Order no. 120 series sa 2013, ang Transition Commission langkuban sa 15 ka membro: pito (7) nga pilion sa Presidente ug walo (8), lakip na ang Chairman nga pillion sa MILF.

Sumala pa ni Lacierda, ang 7 ka mga appointees sa panel sa gobyerno gipailalom unsa sa makuting paghashas ug ebalwasyon sa Tansition Commission Selection  Body nga gilangkuban nila ni Justice Secretary Leila De Lima; Presidential Adviser on the Peace Process Teresita Quintos-Deles; ug Mehol Sadain, ang Kalihim sa National Commission on Muslim Filipinos.

Ang mga kwalipikasyon nga gikonsidera sa mahimong membro sa Transition Commission mao kining mosunod- usa ka Bangsamoro; track-record nga naggsuporta sa proseso sa kalinaw; establisadong pagkatawo; walay lama sa unsa mang mantas sa pagduda sa korupsyon ug pag-abuso sa gahum.

Ang pagtudlo niining mga tawhana nga magrepresentar sa Katawhang Bangsamoro ug nakamapatuod na sa ilang tinguhang ipadayon ang panagdait ug kalinaw dinhi sa Muslim Mindanao maoy yabe sa lakang padulong sa dalan sa pagkamugna sa Bangsamoro Autonomous Political Entity,” matod pa ni Lacierda.

“Kini maoy manipestasyon sa kamatinud-anon sa gobyerno ug MILF nga ipatigbabaw ang maksaysayanong Bangsamoro Framework Agreement alang sa usa ka dalan padulong sa proseso sa kalinaw,” midgang pa si Lacierda.

Matod pa ni Lacierda, ang Transition Commission dunay pasiunang pahat nga 100 ka milyon ka pesos.(ATR/PCOO/PIA9-Zambo Norte)

Malakanyang mibutyag sa 15-ka tawong membro sa Transition Commission

Ni Alfonso T. Ruda       

DIPOLOG CITY, FEB. 26(PIA)---Gibutyag sa Malakanyang ang natudlo ni Presidente Benigno Aquino III nga 15-ka tawong membro sa Transition Commission nga tahasang mopanday sa Bangsamoro Basic Law.

Gihimo ni Presidential spokesperson Edwin Lacierda ang pagpahibalo sa gipahigayong press briefing sa Malakanyang niadtong Lunes.

Sa bahin sa panel sa Kagamhanan sa Pilipinas, pito sa mga natudlo mao sila si Akmad A. Sakkam, Johaira C. Wahab, Talib A. Benito, Asani S. Tammang, Pedrito A. Eisma, Froilyn T. Mendoza, ug Fatmawati T. Salapuddin.       

Kadtong gipili sa Moro Islamic Liberation Front (MILF), mao sila Mohagher Iqbal, chairman of the Transition Commission; Robert M. Alonto, Abdulla U. Camlian, Ibrahim D. Ali, Raissa H. Jajurie, Melanio U. Ulama, Hussein P. Munoz ug Said M. Shiek.

Subay sa Executive Order no. 120 series sa 2013, ang Transition Commission langkuban sa 15 ka membro: pito (7) nga pilion sa Presidente ug walo (8), lakip na ang Chairman nga pillion sa MILF.

Sumala pa ni Lacierda, ang 7 ka mga appointees sa panel sa gobyerno gipailalom unsa sa makuting paghashas ug ebalwasyon sa Tansition Commission Selection  Body nga gilangkuban nila ni Justice Secretary Leila De Lima; Presidential Adviser on the Peace Process Teresita Quintos-Deles; ug Mehol Sadain, ang Kalihim sa National Commission on Muslim Filipinos.

Ang mga kwalipikasyon nga gikonsidera sa mahimong membro sa Transition Commission mao kining mosunod- usa ka Bangsamoro; track-record nga naggsuporta sa proseso sa kalinaw; establisadong pagkatawo; walay lama sa unsa mang mantas sa pagduda sa korupsyon ug pag-abuso sa gahum.

Ang pagtudlo niining mga tawhana nga magrepresentar sa Katawhang Bangsamoro ug nakamapatuod na sa ilang tinguhang ipadayon ang panagdait ug kalinaw dinhi sa Muslim Mindanao maoy yabe sa lakang padulong sa dalan sa pagkamugna sa Bangsamoro Autonomous Political Entity,” matod pa ni Lacierda.

“Kini maoy manipestasyon sa kamatinud-anon sa gobyerno ug MILF nga ipatigbabaw ang maksaysayanong Bangsamoro Framework Agreement alang sa usa ka dalan padulong sa proseso sa kalinaw,” midgang pa si Lacierda.

Matod pa ni Lacierda, ang Transition Commission dunay pasiunang pahat nga 100 ka milyon ka pesos.(ATR/PCOO/PIA9-Zambo Norte)

Presidente Aquino mipirma pagkabalaod sa Human Rights Victims Reparation and Recognition Act of 2013

By Gideon C. Corgue

PAGADIAN CITY, Feb. 26, 2013 -- Si Presidente Benigno S. Aquino III mipirma pagkabalaod sa Human Rights Victims Reparation and Recognition Act of 2013 sa seremonya nga nagsaulog sa ika-27nga anibersaryo sa EDSA People Power na gipahigayon sa EDSA People Power Monument sa dakbayan sa Quezon kagahapon Lunes.

Sa iyang pakigpulong, ang Presidente nagkanayon nga ang bag-ong balaod nag-ila sa kabayanihan ug sakripisyo sa mga Pilipino kinsa mga biktima sa summary execution, torture, enforced or involuntary disappearance ug uban pang dagko nga kalapasan sa tawhanong katungod nga nahimo atol sa rehimen ni kanhi Presidente Ferdinand Marcos gikan sa Septyembre 21, 1972 ngadto sa Pebrero 25, 1986.

“Busa karong adlawa, atong gipirmahan ang Human Rights Victims Reparation Act of 2013 isip pag-ila sa pag-antos nga giagian sa daghan ni balaod sa militar ug isip pag-ila sa sakrapisyo nga gi-agian sa kadaghanan  niadtong balaod sa militar, ug atong ipakita nga bisan nakalabay na ang henerasyon, wala kita nawad-an sa kusog sa pag-ensakto sa sayop sa nakalabay,” matud pa sa Presidente.

“Lakip na nga nagpaabante sa ning balaod, ilang giseguro nga mabalik ang mga gikawat sa mga biktima sa balaod sa militar, maseguro ang pag-ila sa kagamhanan sa ilang gi-agian aron nga sila ang maayo sa samad nga ilang naangkon sa nakalabay,” dugtong pa niya.

Ilawom sa bag-ong balaod, ang mga biktima sa tawhanong katungod ug ang ilang mga sumusunod makaangkon sa  bayad nga gikan sa  P10-biyones nga gibalhin sa Pilipinas ug nga gihukman sa Swiss Federal Supreme Court niadtong Desyembre 10, 1997 ug ang non-monetary compensation pagahimoon sa Department of Social Welfare and Development, Education, CHED ug TESDA ug uban pang ahensya sa kagamhanan. (GCC/PIA9/ZamboSur)

Malakanyang, mipatin-aw sa masakop sa deklarasyon sa Pista Opisyal sa pagsaulog sa ika-27 ka tuig nga anibersaryo sa EDSA People Power Revolution

Ni Alfonso T. Ruda

DIPOLOG CITY, FEB. 25(PIA)--- Gipatin-aw sa Malakanyang nga gawas sa mga estudiante, makapahimulos usab ang mga magtutudlo ug mga personahe sa Departamento sa Edukasyon nga nakabase sa mga tunghaan sa nasod ug prebilihiyo  sa dugang pista opisyal sa pagsaulog karong adlawa sa ika-27 ka tuig nga anibersaryo sa EDSA People Power Revolution.

Sa usa ka pakighinabi sa radio DZRB-Radyo ng Bayan, gipahibalo ni Deputy Presidential spokesperson Abigail Valte ang klaripikasyon isip tubag sa daghang mga pangutana kung lakip ba sa maong deklarasyon sa pista opisyal ang mga magtutudlo ug mga personahe sa DepEd.

Matod pa ni Valte, ang klaripikasyon gihimo ni kagahapon(Domingo) sa buntag.

“Tapos, ang duna lay trabaho sa mga personahe sa DepEd mao kadtong na-assign sa DepEd Central, rehiyonal ug Division Offices, tungod kay wala man sila maka-assign sa mga tunghaan.Busa kamo ang dunay trabaho, apan kadtong nagtudlo ug wa-nagtudlong personahe nga nakadestino sa mga tunghaan mismo, lakip sila sa way-trabaho. Kana ang atong klarohon,” matod pa ni Valte.

Ang pagsaulog sa ika-27 ka tuig nga Anibersaryo sa EDSA People Power Revolution nasulod sa Prooklamasyon numero 459 nga gipirmahan ni Presidente Benigno Aquino III niadtong Agosto 16, 2012 nga nagdeklarar sa mga ”regular holidays, special non-working holidays, ug special holiday para sa mga tunghaan sa tuig 2013.(ATR/PCOO/PIA9-Zamboanga del Norte)