PAGADIAN
CITY, April 3 (PIA) –- Ang kagamhanan andam pag-atubang sa reaksyon human nga kini ang
mipasaka ug kaso batok sa China sa international court tungod sa panagbangi sa
duha ka mga nasud sa West Philippine Sea, ang Palasyo nagkanayon ning
Miyerkoles.
“Atong protektahan ang atong nasudnong interes nga naglangkub sa
atong ekonomiya,” si Presidential Communications Operations Office Secretary
Herminio Coloma Jr. nagkanayon sa press briefing sa Malakanyang.
“Katungod sa atong kagamhanan pagpalambo sa kaayuhan sa atong mga
mulupyo ug pagseguro sa mahapsay ug lig-on nga paglambo sa atong nasudnong
ekonomiya,” matud pa niya.
Sa pamahayag ni Chinese charge d’affaires Sun Xiangyang nga
nagkanayon nga ang gihimo sa Pilipinas nakagusbat sa bilateral relations uban
sa China”, si Coloma ang mitumbok kang Presidente Aquino, kinsa mipahayag atol
sa iyang pagbisita sa China niadtong 2011 nga ang kinatibuk-an nga relasyon sa
Pilipinas ug People’s Republic of China wala nakapunting sa West Philippine
Sea.”
“Sa panahum sa atong nasud, ang atong relasyon sa People’s
Republic of China adunay kasaysayan nga nakabase sa panaghigalaay ug
pagtinabangay.
Ubay-ubay nga mga natad ang mamahimo nga ipalambo ug ipalahutay
ang kooperasyon ug pakighigala sa duha ka mga nasud.
“Busa kita ang nagpahayag nga ang West Philippine Sea dili mao ang
basehanan sa atong pakigrelasyon sa nasud sa People’s Republic of China,” matud
pa niya.
Ang Manila ug Beijing nag-away sa hut-ong sa mga isla sa West
Philippine Sea. Ang duruha pareho nga nag-claim sa Kalayaan Group of Islands,
Ayungin ug Scarborough Shoals.
Sa nakalabay nga Marso 30, ang Pilipinas mipasaka ug memorial sa International Tribunal on the Law of the Sea (ITLOS) (GCC/PCOO/PIA9-Pagadian City)
