Malakanyang, mipatin-aw sa masakop sa deklarasyon sa Pista Opisyal sa pagsaulog sa ika-27 ka tuig nga anibersaryo sa EDSA People Power Revolution

Ni Alfonso T. Ruda

DIPOLOG CITY, FEB. 25(PIA)--- Gipatin-aw sa Malakanyang nga gawas sa mga estudiante, makapahimulos usab ang mga magtutudlo ug mga personahe sa Departamento sa Edukasyon nga nakabase sa mga tunghaan sa nasod ug prebilihiyo  sa dugang pista opisyal sa pagsaulog karong adlawa sa ika-27 ka tuig nga anibersaryo sa EDSA People Power Revolution.

Sa usa ka pakighinabi sa radio DZRB-Radyo ng Bayan, gipahibalo ni Deputy Presidential spokesperson Abigail Valte ang klaripikasyon isip tubag sa daghang mga pangutana kung lakip ba sa maong deklarasyon sa pista opisyal ang mga magtutudlo ug mga personahe sa DepEd.

Matod pa ni Valte, ang klaripikasyon gihimo ni kagahapon(Domingo) sa buntag.

“Tapos, ang duna lay trabaho sa mga personahe sa DepEd mao kadtong na-assign sa DepEd Central, rehiyonal ug Division Offices, tungod kay wala man sila maka-assign sa mga tunghaan.Busa kamo ang dunay trabaho, apan kadtong nagtudlo ug wa-nagtudlong personahe nga nakadestino sa mga tunghaan mismo, lakip sila sa way-trabaho. Kana ang atong klarohon,” matod pa ni Valte.

Ang pagsaulog sa ika-27 ka tuig nga Anibersaryo sa EDSA People Power Revolution nasulod sa Prooklamasyon numero 459 nga gipirmahan ni Presidente Benigno Aquino III niadtong Agosto 16, 2012 nga nagdeklarar sa mga ”regular holidays, special non-working holidays, ug special holiday para sa mga tunghaan sa tuig 2013.(ATR/PCOO/PIA9-Zamboanga del Norte)

Ochoa mipadayag sa mga reporma sa kagamhanan pagpreserba sa mga kaayuhan sa EDSA People Power

By Gideon C. Corgue

PAGADIAN CITY, February 24 (PIA) –- Si Executive Secretary Paquito N. Ochoa Jr. ning Domingo mihatag ug kaseguruhan sa katawhang Pilipino nga ang kagamhanan ilawom sa liderato ni Presidente Benigno S. Aquino III magpadayon pagpatuman sa mga kausaban aron pagpreserba sa mga kaayuhan sa 1986 EDSA People Power Revolution.

Si Ochoa kinsa mao ang nangulo sa EDSA People Power Commission (EPPC) nagkanayon nga ning tuiga nga tema “Pilipinas Natin: Abot-Tanaw Na!” alang sa ika-27 ka tuig nga anibersaryo sa malinawon nga rebolusyon nga nakadasig sa mga damgo sa nasud kinsa ang Presidente nagtrabaho aron nga makab-ot.

“Ilawom ni Presidente Benigno S. Aquino III, kita ang naghimo sa haligi aron nga makab-ot kining mga damgo,” si Executive Secretary nagkanayon samtang iyang naalingatan nga ang administrasyon mihimo sa mga mahinungdanon nga mga lakang aron pagpasumbalik sa pagsalig sa ekonomiya, paghatag kaseguruhan sa seguridad sa pagkaon ug magtukod sa malahutayon nga kalinaw.

Si Ochoa nagkanayon nga ang mga Pilipino gikinahanglan nga magpadayon sa ilang hiniusang pagbarog tungod kay ang pagpakigbisog wala pa nahuman.

“Samtang ang atong mga katawhan karon nakatagamtam sa mga katungod ug kagawasan nga gihatag sa batakang balaod, adunay pipila ka mga kagawasan nga gikinahanglan nga atong pakigbisogan: ang kagawasan sa kawad-on ug kagawasan sa kagutom,” matud pa ni Ochoa.

“Mao kini ang mga kagawasan nga atong ipdayon sa pagtrabaho,” dugtong pa niya. Ug kita ang nag-awhag sa atong katawhan nga maghiusa sa pagtrabaho aron nga makab-ot nato ang mga pangindahay ug damgo sa mga nakaadto sa EDSA 27 ka tuig na ang nakalabay.”

Matud pa ni Ochoa nga siya ang naglaum nga ang kasaulugan karong tuiga sa 1986 nga malinawon nga rebolusyon kinsa nakadasig sa malinawon nga demokratikanhon nga rebolusyon sa ubang parte sa kalibutan ang mag-usab sa tinguha sa katawhang Piliino alang sa kausaban ug pagpalig-on sa ilang tinguha pagpasayon sa ilang dalan padulong sa tukma nga reporma. (GCC/PCOO/PIA9-Pagadian City)