PAGADIAN CITY, February 19 (PIA) –- Si Presidente Benigno S. Aquino III ang maipakaaog ug direktiba alang pagmugna sa Task Force on Bangsamoro Development aron pagduso sa mga paningkamot sa rehabilitasyon ug pagmugna ug usab sa rehiyon human nga ang pagtimaan sa framework agreement alang sa kalinaw tali sa kagamhanan ug Moro Islamic Liberation Front (MILF), si Executive Secretary Paquito N. Ochoa Jr. nagkanayon ning Martes.
Si Ochoa mitaho nga ang Administrative Order No. 37 diin si Presidente Aquino mipirma ning Pebrero 13 aron paghatag kaseguruhan nga ang pangkalamboang proyekto ug mga programa mapatuman sa Bangsamoro, usa ka bag-o nga autonomous region nga ipagatukod sa Mindanao alang sa MILF combatants ug ang ilang pamilya ingon man sa mga komunidad nga maapektuhan sa framework agreement nga gipirmahan sa Oktubre sa nakalabay nga tuig.
Ang task force, matud pa ni Ochoa, gimandoan pagpalambo ug pagpatuman sa mga programa nga motubag sa panginhanglan sa panglawas, edukasyon ug panginabuhian sa nanag-una nga benepesyaryo sa MILF ug sa mga kabus nga komunidad sa kapupud-an sa Mindanao.
“Ang malinawon nga kasulbaran sa kagubot sa Mindanao napatuman pagpirma sa framework agreement. Kini nga administrasyon buot nga moseguro nga ang kalinaw ug kauswagan ang magdugan,” matud pa ni Ochoa.
Ang administrasyon ni Aquino ning nakalabay nga semana mihimo ug pasiuna nga lakang pagtabang sa pwersa sa MILF ug ang ilang pamilya ug ang mga apektadong tawo ug komunidad paglusad sa social development plan nga gitawag nga Sajahatra Bangsamoro Program sa Maguindanao.
“Bisan ug ang mga pasiuna nga mga benepesyaryo sa programa mao ang mga miyembro sa MILF ug ang ilang pamilya, ang uban nga mga mulupyo sa rehiyon ang makadawat usab ug mga benepesyo sa kasabutan sa kalinaw ug kalamboan ug ang mga inisyatibo sa panginabuhian ang monunot niini,” matud pa sa Executive Secretary.
Ang task force gilangkuban sa Cabinet secretary isip chairperson ug ang mga hepe sa Department of Social Welfare and Development (DSWD), Labor and Employment (DOLE), Health (DOH), Education (DepEd), Agriculture (DA), the Interior and Local Government (DILG), ug Budget and Management, ug ang presidential adviser on the peace process (OPAPP) isip mga ginsakpan. (GCC/PCOO/PIA9-Pagadian City)
