Aquino mibisita sa haya sa mga sundalo nga namatay sa enkwentro sa Basilan ug mitanyag ug financial assistance

Ni Gideon C. Corgue

PAGADIAN CITY, August 3 (PIA) –  Ang Presidente miabot sa Pio Duran sa hapon kagahapo Biyernes aron pagpaabot sa iyang pahasubo sa pamilya ni Pfc Arwin C. Martirez ug sa samang higayon moila sa pagkabayani ug kaisog niini sa pakigbatok nga mikutlo sa iyang kinabuhi.

Ang mga namaay nga sundalo naila sa militar nga naglangkub nila ni  Pfc Segundiano G. Tamayo Jr., Pfc Mark B. Ocampo, Pfc Rey C. Evangelista, Pfc Arnold D. Coresis, Pfc Cleto A. Algayan, Pfc Kennith John D. Maribao, Pfc Jose Marvin V. Talamante Jr., Cpl Jerry N. Areglado ug d Pfc Erwin Alerta.

Ang hepe ehekutibo mitunol ngadto kang Luzviminda Martirez, ang inahan sa sundalo sa P250,000 nga tseke sa financial assistance sa nahasubo nga pamilya. Misaad usab siya pagsuporta sa tulo ka mga anak ni Martirez nga motapos sa ilang pag-eswkela  nga naghatag prayoridad sa iyang igsoon nga karon third year high school.

Si Martirez, matud pa sa iyang inahan mao ang bread winner sa pamilya ug nagdamgo nga ang iyang mga manghod makakuha sa ilang college degrees.  Mao kini ang rason ngano nga si Martirez misulod sa military service nga mao ang iyang damgo sukad pa sa iyang pagkabata.

Ang batan-on nga sundalo usa pa lamang ka tuig sa iyang military career dihang siya ang gipatay sa nakalabay nga Hulyo 26 sa  Mindanao, matud pa sa iyang inahan.

Si Martirez, 24 anyos kauban sa siyam nga mga sundalo namatay sa mainit nga panag-enkwentro uban sa grupong Abu Sayyaf sa Sumisip, Basilan.

Ang panag-enkwento nahitabo sa  Huwebes ning nakalabay nga semana sa Upper Cabenbeng, Sumisip, Basilan. Walo sa napulo ka mga sundalo ang namatay nga mga ginsakpan sa 10th ug 11th Scout Ranger Companies.  Napulo’g pito sa uban nga mga sundalo ang nasamdan.

Ang militar mitaho usab sa mga namatay sa grupo sa Abu Sayyaf. Siyam sa mga suspetsado ang nangamatay atol sa panag-enkwentro samtang ang lain nga upat ang nasamdan.

Ang unang panag-enwentro nahitabo sa may alas 7:30 ang takna sa buntag diin sobra sa 60 Abu Sayyaf ang mibanhig sa nasangpit nga tropa gikan sa 11th Scout Ranger Company, matud pa sa militar.

Atol sa pasiunan nga pagbinayloay sa mga bala sa kamatayon, lain nga grupo sa Abu Sayyaf ang gikuyugan sa uban nga grupo sa mga malapason sa balaod  ug mi-atake sa military detachment alas 3 ang takna sa hapon ug mibanhig sa nagreinforce nga mga sundalo lakip na ang mga ginsakpan sa 11th Scout Ranger Company.

Mikuyog sa Presidente atol sa iyang pagbisita sa Pio Duran naglakip nila ni Finance Secretary Cesar Purisima, Trade Secretary Gregory Domingo, kanhi partylist representative Riza Hontiveros-Baraquel, Albay second district Rep. Fernando Gonzalez, ug Albay Gov. Joey Salceda.

(GCC/PCOO/PIA9-Zambosur)

Pangulong Aquino naghangyo sa mga kabatan-onan nga mosalmot sa pagpalig-on sa nasud

ni Franklin P. Gumapon

DIPOLOG CITY, Aug. 3 (PIA) - - Giawhag karon ni Pangulong Benigno Simeon C. Aquino III ang mga kabatan-onan nga motabang sa pagpalig-on sa nasud pinaagi sa pagtunol sa ilang tabang ngadto sa ilang isig katawo aron molambo ang katilingban.

Sa gipahigayong awarding ceremonies alang sa mga Ten Outstanding Students of the Philippines (TOSP) sa Rizal Hall, sa Malakanyang kagahapon, giawhag sa Pangulo nasud ang kabatan-onan nga tabangan ang matag molupyo aron makab-ot ang maayong ugma.

Gipasidungan sa Pangulo ang 10 sa 30 ka grand finalists kinsa naila sa ilang academic and professional excellence ug leadership and social responsibility nga nagadugtong sa ilang maayong mithi. 

Ang TOSP 2012 awardees mao sila si Kenneth Isaiah Ibasco Abante sa Ateneo de Manila University, Angelita Adajar Bombarda sa De La Salle University, Jerome Ven David sa De La Salle University-Manila, John Michael Flores Dellariante sa Ateneo de Zamboanga University, Daniel Philip Villaranda Dy sa Ateneo de Naga University, Jay-R Mesa Mendoza sa University of Rizal System-Morong Campus, Ruthel Angusto Moreno sa West Visayas State University, Marian Janua Bacolod Polinar sa Central Mindanao University, Kurt Gerrard Tiu See sa De La Salle University-Manila ug Juan Carlo Pe Tejano sa University of the Philippines-Diliman.

Karong tuiga, adunay 243 ka entries nga gisumitir alang sa regional screening, ug 87 kanila ang gipili-an alang sa 30 nga grand finalists.

Gawas sa napulo, gipahalipayan usab sa Presidente ang nasulod sa 30 ka grand finalists.

Ang TOSP padayun nga nag-ila sa mga pinakamaayong  tinun-an ubos sa pagdumala sa RFM Foundation, Inc. inabagan sa Commission on Higher Education (CHED) ug National Bookstore.

Nahimugso kini sa Hunyo 19, 1961 atol sa ika 100 ka tuig nga natawhan ni Dr. Jose Rizal sa pagpanguna ni magpapatigayon Jose Concepcion ubos sa mithi sa kaligdong, kabanggiitan ug pagkahadlok sa Dios. (FPG/PCOO/PIA-Zamboanga del Norte)

Pangulong Aquino miila sa mahinugdanong papel sa electric coops sa electricification program

ni Franklin P. Gumapon

DIPOLOG CITY, Aug. 3 (PIA) - - Giila ni Pangulong Benigno Simeon C. Aquino III ang mahinungdanong papel nga gihuptan sa mga electric cooperatives isip katimbayayong sa gobyerno sa electrification program.

Sa iyang pakigpulong atol sa ika-33 nga general membership meetings sa Philippine rural Electric Cooperatives Association, Inc. (PHILRECA) didto sa Philippine Trade Training Center sa Pasay City kagahapon, mipabati sa iyang pasalamat si Presidente Aquino sa ilang suporta sa electrification program sa kagamhanan.

Matud pa ni Aquino nakatabang kaayo ang mga electric cooperatives sa pagkutay ug kuryente ngadto sa mga kabarangayan aron makabaton ug sugang dagitab ang mga  molupyo sa tanang dapit.

Gitawag kanhi ug Federation of Electric Cooperatives of the Philippines, ang PHILRECA usa ka kahugpungan sa 119 ka mga electric cooperatives sa tibook nasud.

Natukod kini niadtong Hulyo 1979 isip usa ka non-profit, non-stock ug non-political nga kahugpungan ug narehistro sa National Electrification Administration (NEA), usa ka buhatan sa kagamhanan nga gitahasan sa pagpatuman sa rural electrification program. (FPG/PCOO/PIA-Zamboanga del Norte)