Davao Oriental nagpasalamat sa nasudnong kagamhanan sa iyang pagbangon sa bagyong ‘Pablo’

By Gideon C. Corgue

PAGADIAN CITY, February 20 (PIA) –- Sa pagpalihok sa kinatubuk-an nga makinarya sa nasudnong kagamhanan aron pagsulbad sa dinaliang suliran human sa pag-igo sa makusog nga bagyong ‘Pablo’ (Bopha), ang katawhan sa Davao Oriental nagpasalamat kang Presidente Benigno S. Aquino III atol sa ‘Pulong Bayan sa Cateel’ program nga gipahigayon ning Lunes sa buntag sa municipal plaza sa Cateel, Davao Oriental.

Nakighinabi sa mga katawhan, si Davao Oriental Governor Corazon Malanyaon nagkanayon nga ilang gipakisama nga dakong dungog ug pribelihiyo nga ang Cateel gipili nga usa sa mga dapit kapahigayonan niining tuiga nga commemorative celebration sa EDSA nga tambongan ni Presidente Aquino ug pipla nga mga ginsakpan sa iyang gabinete.

“Ang makasaysayanong panghitabo sa EDSA nahimo tungod sa pultikanhon nga mga suliran hinoon kini ang adunay susama sa climate-related ‘Pablo’ incident sa atong lalawigan nga iyang natagamtaman. Ang EDSA Revolution mao ang estroya sa  resiliency, pagtuo ug paglaum, ug pagbangon gikan sa pagkagusbat niini; ang atong pagtukod sa mauswagon nga Davao Oriental’ usa usab ka estoyra sa resilience, pagtuo ug paglaum nga atong nalagpsasan, ug ang pagbangon gikan sa pagkagusbat niini sa bagyong ‘Pablo’,” matud pa ni Malanyaon.

Si Malanyaon mitaho sa Presidente sa mga nagkalain-lain nga matang sa tabang nga natagamtaman sa atong lalawigan gikan sa ubay-ubay nga nasudnong ahensya sa kagamhanan nga nagtabang kanila nga makabangon pagkaigo niini sa dako nga bagyo niadtong Desyembre 2012.

Ang makusog nga bagyong ‘Pablo’ nga mikalas sa gatosan ka mga kinabuhi, migusbat sa liboan ka mga pamilya, nakaguba sa bilyones nga bili sa mga imprastraktura, prbadong imprastraktura, ug mga kabtangan sa Davao Oriental nga miaghat kang Presidente Aquino pagmugna ug special task force nga gipanguluhan ni Secretary Rene Almendras aron pagpasayon sa mahapsay nga  disaster response mechanism alang sa mga naapektuhan nga mga dapit. (GCC/PCOO/PIA9-Pagadian City) 

Presidente Aquino mipahayag nga ang Anti-Cybercrime Law wala nagpasabot pagsugpo sa kagawasan pagpahayag

By Gideon C. Corgue

PAGADIAN CITY, February 20 (PIA) –- Bisan pa sa kontrobersiya sa pipila niini nga mga kalagdaan lakip na ang Anti-Cybercrime Law wala nagsanta sa kagawasan sa pagpahayag, si Presidente Benigno S. Aquino III nagkanayon ning Miyerkoles.

Sa interview uban sa mga tigbalita sa Sampaloc, Manila, ang Presidente nagkanayon nga ang mga katawhan walay angay nga kabalak-an kung sila ang mopadayag sa kamatuoran.

"Undangon ba ang kagawasan sa pagpahayag? Dili kana mao ang atong katuyuan. Apan kamo isip responsable nga tigbalita aduna usab kamo nga katungod ug aduna usab kinutuban ang katungod sa tanan?"matud pa niya.

Dugtong pa niya dili matarong kung ang dili tukma kon sayop nga pamahayag ang balikbalikon sa mga nagkalalain-lain nga media.

Sa pikas nga bahin, iyang gipahayag nga ang mga tawo nga mosulti sa tinuod ang walay angay nga kahadlokan.

"Kung ensakto ang imong gisulti nganong makulbaan man ka sa isyu nga libel?" matud pa niya. (GCC/PCOO/PIA9-Pagadian City) 

Presidente Aquino mihatag kaseguruhan sa urban poor alang sa safe long-term housing solutions

By Gideon C. Corgue

PAGADIAN CITY, February 18 (PIA) –- Si Presidente Benigno Aquino III ning Miyerkoles mihatag kaseguruhan sa urban poor communities sa mapadayonong paningkamot sa kagamhanan aron pagseguro sa luwas ug limpyo nga katuluganan sa umaabot.

Ang Presidente mihimo sa maong kaseguruhan human pagsusi sa micro medium-rise building model units sa Sampaloc district sa kauluhan.

"Karon ang gitutukan nato ang mas luwas nga puy-anan sa mga mulupyo , malimpyo ug haluag nga agianan sa tubig, ug malahutayong kasulbaran sa dako nga pagbaha sa kauluhan," matud pa niya.

Dugtong pa niya nga ang kasulbaran sa administrasyon lahi sa nakalabay diin ang mga pamilya ang gipahawa ug wala nay kapaingnan.

Iya usab nga naalinggatan ang kasamtangan nga kasulbaran nga naglakip sa paghatag seguro sa panglawas sa mga mulupyo sa komunidad.

Ang Presidente sayo pa niini angsusi sa micro medium-rise building model units kinsa gitukod sugod sa Nobyembre 2013 ug nahuman sa nakalabay nga Enero.

Ang Micro-MRBs gitukod aron pagpadako paggamit sa urban land ug sayon pagmentenar niini.

Si Presidente Aquino nagkanayon nga ang kagamhanan nagpunting sa 167 nga informal settler families sa Estero de San Miguel isip mga benepesyaryo sa housing program.

Ang Presidente ang mitaho usab nga ang kagamhanan naggahin sa P10 bilyones aron pagpalayo sa urban poor families gikan sa danger zones.

Sa pagkakaron adunay3,400 nga mga pamilya ang nabalhin sa luwas nga mga komunidad uban ang dugan pa nga 11,000 nga mga pamilya sulod sa tulo ka metros nga waterways nga gipunting nga mahuman sa Agusto. (GCC/PCOO/PIA9-Pagadian City) 

DSWD, IBP mipirma’g kasabotan alang sa libreng tabang legal sa mga biktima sa pang-abuso

Ni Claro A. Lanipa

PAGADIAN CITY, Feb 17 (PIA) --- Mga kababaehan biktima sa pang-abuso mahimo na karon mopahimulos sa libreng legal nga tabang sa diha ang Department of Social Walfare and Development (DSWD) ug ang Integrated Bar of the Philippines (IBP) mipirma sa usa ka Memorandum of Agreement (MOA) nga nagtanyag sa maong tabang.

Si DSWD Secretary Corazon Juliano-Soliman ug IBP President Vicente Joyas mipirma sa maong MOA alang sa panagsangga niadtong Desyembre 2013.

Ubos sa kasabotan, ang DSWD maoy motasal sa mga kaso sa mga kababaehan ug kabataan kinsa takus modawat sa libreng tabang legal.

Sa pikas nga bahin, ang IBP pinaagi sa National Center for Legal Aid (NCLA) maoy mohatag sa libreng legal counseling ug tambag sa mga kliyente sa DSWD, mokuha sa mga hitabo ug ebidensya, mag-andam ug mopasaka sa reklamo ug uban mga dokumento nga gikinahanglan sa korte.

Mga abogado sa IBP maoy moapil sa korte alang sa sumbong ug mopahigayon ug legal aid clinics aron mopahibalo sa mga benepisyaryo sa ilang mga katungod ug sa pagtubag sa ilang nagkalain-laing mga legal nga kinahanglanon.

Ang kasabotan gilangkoban usab sa pagtanyag sa libreng legal counseling ug tambag sa gitawag children in conflict with the law (CICL) ug sa gilaoman ginikanan nga mo-amuma kanila.

Ang panagkumbaya molungtad hangtod sa Desyembre 2014.

Nagpasalamat si Sec Soliman sa IBP nga matod pa ang legal nga tabang gikinahanglan alang sa madali nga kasulbaran sa mga sumbong nga gihawiran sa DSWD. (CAL/PCOO/PIA9)  

Presidente Barack Obama sa Estados Unidos moduaw sa Pilipinas karong Abril, matud sa Palasyo

By Gideon C. Corgue

PAGADIAN CITY, February 15 (PIA) –-Si Presidente Barack Obama sa Estados Unidos nakalatid nga mohimo sa makasaysayanong pagduaw sa Pilipinas sa Abril kini sa imbitasyon ni Presidente Benigno S. Aquino III, ang opisyal sa Palasyo nagkanayon ning Huwebes.

Si Presidential Communications Operations Office Secretary Herminio Coloma Jr. mibalita atol sa regular briefing sa Malakanyang ang pagbisita sa Head of State sa Estados Unidos.

"Matud pa sa Department of Foreign Affairs, si Presidente Obama makigtagbo uban kang Presidente Aquino aron paghisgot sa mga pamaagi pagpalig-on sa naglahutay nga Philippines-US alliance lakip na ang pagpalapnag sa seguridad, ekonomikanhon ug  gitawag nga people-to-people ties," matud pa sa Communications Secretary.

Ang pagbisita ni Presidente Obama makatanyag sa bag-o nga kusog sa relasyon sa Pilipinas ug Estados Unidos nga mopalig-on sa partnership sa duha ka mga nasud, matud pa ni Coloma.

Ang Pilipinas ug Estados Unidos adunay malahutayon nga panaghigala nga nakabase sa iyang halawom nga makasaysayanon nga cultural ties. Ang Pilipinas nakakuha sa iyang kagawasan gikan sa Estados Unidos sa Hulyo 4, 1946 sa diplomatic relations ug ang pormal nga natukod sa samang adlaw.

Ang relasyon sa Pilipinas ug Estados Unidos ang dako ug lig-on. Kini nga relasyon ang gi-amuma sa gipaambit nga kasaysayan ug pagsunod sa hiniusa nga gawi ilabi na ang commitment ngadto sa kagawasan, demokrasya ug market economy. Gikan sa pagpakigbatok sa gubat batok sa terorismo ngadto sa kawad-on, ang panaghigala tali sa Pilipinas ug Estados Unidos ang halapad ug nagbukas sa presko nga dalan alang sa dako nga kooperasyon.

Ang opisyal nga pagduaw ni Presidente Benigno S. Aquino III ngadto sa Washington, D.C., naglakip sa iyang panagkita uban kang Presidente Barack Obama sa White House sa Hunyo 8, 2012 aron pagpalig-on sa relasyon sa Pilipinas ug Estados Unidos. (GCC/PCOO/PIA9-Pagadian City) 

Kagamhanan mopalig-on sa iyang paningkamot pagpanalipod sa mga tigbalita ug kagawasan sa pagpadayag

By Gideon C. Corgue

PAGADIAN CITY, February 14 (PIA) –- Ang kagamhanan mopalig-on sa ilang mga paningkamot pagpanalipod sa kagawasan sa pagpadayag, ang Malakanyang nagkanayon ning Huwebes.

Si Presidential Communications Operations Office Secretary Herminio “Sonny” Coloma Jr. nagkanayon human sa gitaho nga pagkaubos sa Pilipinas sa international watchdog nga grupo sa mga tigbalita sa freedom index.

"Atong gi- acknowledge ang pagkaubos sa talaan ug atong ipalig-on ang pagpanalipod sa atong mga tigbalita ug atong ipatuman ang kagawasan sa pagpadayag. Magpabilin kita nga magmatinud-anon sa kagawasan sa pagbalita ug kagawasan pagpadayag ug walay mga pagbabag ug censorship," si Coloma nagkanayon sa media briefing.

Matud pa niya nga ang kagamhanan magpadayon sa iyang mga paningkamot pagsulbad sa mga pagpatay sa mga tigbalita.

Ang Pilipinas miubos niining tuiga sa World Press Freedom Index sa international media watchdog group Reporters Without Borders nga nagtala sa ika- 149 gikan sa 147 sa 2013 ug 140 sa 2011-2012.

Si Coloma mipahayag nga ang kagawasan pagpadayag mao ang usa sa mga commitment sa kagamhanan sa Pilipinas sukad pa sa EDSA-1 People Power revolt nga nakahimo sa mitaliwan nga inahan ni Presidente Benigno Aquino III nga si Corazon Aquino ngadto sa pagka-Presidente.

"Mitaas ang atong commitment sa pag-amuma sa kagawasan sa pagbalita. Ning maong bulan atong isaulog ang ika-28 nga anibersaryo sa EDSA People Power revolution. Usa kini ka mahinungdanon nga kagawasan nga naangkon sa EDSA People Power revolution sa 1986," matud pa niya. (GCC/PCOO/PIA9-Pagadian City) 

Presidente Aquino magpatawag ug panagtigum sa mga mahinungdanong ahensya aron nga mapugngan ang dugang mga aksidente sa bus

By Gideon C. Corgue

PAGADIAN CITY, February 11 (PIA) –- Ang nagpakabana nga si Presidente Benigno S. Aquino III nagtawag sa panagtigum sa mga mahinungdanong ahensya sa kagamhanan aron pagplano sa mga lakang aron pagseguro sa kaluwasan sa sumasakayng publiko lakip na ang public utility buses.

Si Presidential spokesman Edwin Lacierda nagkanayon ning Lunes nga ang Presidente nagpakabana pag-ayo kung giunsa ang mga aksidente nga padayon nga nanghitabo bisan pa pagpatuman sa kagamhanan  sa mga reglamento.

"Siya ang nagpakabana pag-ayo kalabot sa kahimtang sa mga buses, kung naunsa ang maong panghitabo . Siya ang magpatawag ug panagtigum sa mga mahinugdanong ahensya," si Lacierda nagkanayon sa media briefing.

Ang pinakaulahi nga aksidente sa bus nahitabo niadtong Biyernes dihang ang bus nahulog sa pangpang sa Mountain Province nga miresulta pagkamatay sa 14 ka mga tawo.

Si Lacierda nagkanayon nga ang Presidente magpatawag ug panagtigum sa mga mahinungdanong ahensya sa kagamhanan kalabot sa kaluwasan sa dalan ug pagtahud sa mga pamapublikong sakyanan."

Hinoon siya ang subli nga nagpahibalo nga ang palasyo walay problema sa Land Transportation Franchising and Regulatory Board head Winston Ginez.

Si Ginez, kinsa ang misuspenso sa prankisa sa kompanya sa mga bus nga nahilambigit sa trahendya ning nakalabay nga Biyernes, ang proactive sa iyang trabaho aron pagseguro sa kaluwasan sa dalan, matud pa ni Lacierda.

Samtang , ang Department of Labor and Employment ang nagpahimutang sa mga kalamboan diha pagpatuman sa two-tier wage system sa mga  bus drivers ug conductors aron nga malikayan ang subli nga pakahitabo sa mga aksidnete sa bus.

Si Labor Secretary Rosalinda Baldoz nagkanayon nga kini ang naglakip sa online tracking sa validity sa certificates of compliance nga gihatag ngadto sa mga kompanya sa bus. (GCC/PCOO/PIA9-Pagadian City) 

Kongresista Yu nagtinguha nga mapauswag ang panginabuhi sa mga mangingisda sa unang distrito ning lalawigan

By Gideon C. Corgue

PAGADIAN CITY, February 10 (PIA) –-Gitinguha sa kongresista sa unang distrito ning lalawigan nga mapalambo ug mapauswag ang panginabuhi sa mga mangingisda sa dakbayan sa Pagadian ug mga baybayong lungsod sa Labangan ug Tukuran ning lalawigan.

Sa consultative meeting nga gipatawag ni Kongresista Victor Yu sa kalim-an nga mga mangingisda uban nila Maria Ravilla Luhan ug Evelyn Grace Ayson, researchers sa SouthEast Asian Fisheries Development Center (SEAFDEC), Tigbauan, Iloilo City  nga gipahigayon sa Dynasty Beach Resort, Lower Bayao, Tukuran ning lalawigan ning nakalabay nga Sabado gipahayag ni Yu nga ang iyang pagdapit sa duha ka mga experts nagtumong aron nga kahatagan ug kaalam ang mga mangingisda pagpalambo ug pagpauswag sa ilang abot sa pagpanagat ug pagpaila sa dugang nga panginabuhiang proyekto sama paghimo sa seaweed farming, ug uban pa.

Nauna niini gireklamo sa mga mangingisda ang pagkunhod sa abot sa ilang pagpanagat tungod pag-usab-usab sa klima ug kakulang sa kaalam pagpadaghan sa mga seaweeds kon ambalang.

Matud pa ni Kongresista Yu nga ang SEAFDEC researchers nga si Luhan ug Ayson nag-obserbar sa kadagatan sa atong dapit ug naminaw sa mga reklamo sa mga mangingisda tungod pagkanihit sa ilang abot pagpapanagat.

Dugtong pa ni Yu nga human pag-imbistigar sa duha ka mga experts mohimo sila ug pagtuon aron nga makahatag rekomendasyon sa kasulbaran sa ilang mga gihambin nga suliran ug makapangayo ug hinabang sa kagamhanan.

Giplano usab sa nasangpit nga kongresista nga magpadala ug mga tawo sa SEAFDEC dakbayan sa Ilo-ilo aron makabaton sa dugang kaalam ug mapauswag ang abot sa mga isda ug seaweeds dinhi sa atong dapit.

     

Samtang gikalipay sa mga mangingisda nga gihatagan ug pagtagad ni Yu ang ilang suliran pinaagi pagdapit sa mga nasangpit nga researchers diin nakatampo ug dako ang kaalam nga ilang gipaambit sa pagbuhi sa mga isda ug seaweeds sa atong kadagatan.   (GCC/PCOO/PIA9-Pagadian City) 

Presidente Aquino midayeg sa Philippine Army sa ilang kamatinud-anon pagsibili sa katawhan panahon sa krisis

By Gideon C. Corgue

PAGADIAN CITY, February 8 (PIA) –- Si Presidente Benigno S. Aquino III midayeg ning Biyernes sa Philippine Army (PA) sa iyang masaligan ug napamatud-an nga kamatinud-anon pagsilbi sa katawhan panahon sa krisis ug katalagaman.

Sa iyang pakigpulong sa Philippine Army Change of Command Ceremony ug Testimonial Review nga naghatag pasidungog ni Lieutenant General Noel A. Coballes sa Philippine Army Grandstand, Fort Bonifacio, dakbayan sa Taguig ning Biyernes, ang hepe ehekutibo nakaalinggat sa kapabilidad sa Philippine Army pagprotektar sa katawhang Pilipino panahon sa mga  malisod nga kahimtang .

"Nakamata ang atong kagamhanan sa bug-at nga katungdanan nga gipas-an sa atong mga kasundaluhan. Kauban ang atong kapulisan, kamo ang tigpanalipod sa atong mga katawhan panahon sa kagubot ug maoy dangpan panahon sa kalamidad," ang hepe ehekutibo nagkanayon.

"Wala kamo nagkulang. Sa Zamboanga, puno sa kaisog ninyo nga gipakigbatokan ang mga dautang tawo ug maampingon nga inyong giluwas ang tanan nga mga hostages," matud pa sa Presidente.

Si Presidente Aquino midayeg usab sa Philippine Army sa iyang papel sa disaster relief operations.

"Sa Sugbu ug Bohol, wala nininyo giigsapayan ang peligro nga gidulot sa makusog nga linog. Panahon sa bagyong Yolanda hangtud sa pagbalik sa normal ang nagusbat nga lalawigan anaa pa sa gihapon kamo nagtabang sa mga nanginahanglan," matud pa niya.

Si Presidente Aquino miawhag sa mga opisyal ug ginsakpan sa Philippine Army nga magpadayon pagtrabaho ug ayo aron pagtabang sa nasud nga Pilipinas pagmugna sa kalikupan sa mapadayonong kalinaw.

"Mas gipabug-at ang mga hagit nga gisunod nato nga problema sa atong kasundaluhan. Gikan sa 1986 hangtud sa pagkakaron, midoble ang populasyon sa nasud, apan wala nag-usab ang gidaghanon sa atong mga sundalo ug pulis," matud pa sa Presidente.  (GCC/PCOO/PIA9-Pagadian City) 

Kagamhanan subli nga nagpadayag sa matinud-anon nga commitment pakigbatok sa graft and corruption

By Gideon C. Corgue

PAGADIAN CITY, February 5 (PIA) –- Ang kagamhanan magpadayon pagpatuman sa mga reporma sa borokrasya aron pagpalahutay sa bag-o nga mga ekonomikanhong kaayuhan alang sa tanang mga Pilipino, ang opisyal sa Palasyo nagkanayon ning Martes.

“Ang adminsitrasyong Aquino magpadayon pagpatuman ning maong mga reportma nga nakaangla sa mga prinsipyo sa maayong pagdumala ug pagtukod sa mga pampublikong gambalay,”si Presidential Communications Operations Office Secretary Herminio “Sonny” Coloma Jr. nagkanayon sa iyang tubag sa taho nga nakaalinggat sa dako nga pagka-alkansi isp resulta sa naghitak nga corruption sa kagamhanan.

Sa taho, ang Global Financial Integrity, usa ka DC-based research and advocacy organization sa Washington nagkanayon nga ang Pilipinas  nag-antos sa $132.9 bilyones nga pagkansi gikan sa krimen, corruption, ug wala pagbayad sa buhis samtang ang $277.6 bilyones ang illegal nga gibalhin sa nasud sulod sa 52 ka tuig nga panahon.

Naobserbahan ni Coloma nga samtang ang taho naglakip lamang sa unang tuig sa administrasyon ni Aquino, ang kagamhanan matinud-anon nga magpadayon sa pagwagtang sa corruption sa borokrasya.

Ang maong pagtuon nga gihimo sa Global Financial Integrity naglakip sa administrasyon sa pito ka mga presidente gikan ni  Carlos P. Garcia ngadto ni Gloria Macapagal-Arroyo, tungod kay mahinungdanon ang pagsulbad sa mga suliran nga gipadayag sa taho tungod kay kini ang nakaapekto sa dungog sa nasud sa kalibutanhong panan-aw.

Aron paghatag kasulbaran ning mga suliran, si Coloma nagkanayon nga gikan sa 2010, ang kagamhanan nagpatuman sa mga reporma aron paghunong sa corruption. Sa nakalabay nga tuig, ang Financial Action Task Force wala naglakip sa Pilipinas sa blacklist nga nagtumbok sa mga mahinungdanon nga paglambo sa anti-money laundering” measures.

Dugtong pa niya nga ang ubay-ubay ka mga international agencies mihisgot sa mga mahinungdanong kalamboan sa nasud ilabi na sa natad sa pagdumala, transparency, government and business efficiency ug economic performance. (GCC/PCOO/PIA9-Pagadian City) 

Presidente Aquino mipahayag nga ang diwa sa pagtinabangay gibatonan sa mga Pilipino sa tibuok kalibutan

By Gideon C. Corgue

PAGADIAN CITY, February 5 (PIA) –- Si Presidente Benigno Aquino III ning Martes midayeg sa diwa sa panaghiusa sa mga Pilipino sa tibuok kalibutan, samtang siya ang mi-abiba sa Malacañan Palace sa grupo sa US-based Filipino professionals nga nagpahigayon ug medical missions sa mga dapit nga naigo sa makusog nga bagyong Yolanda.

Sa iyang mensahe sa courtesy call sa Philippine Medical Association of Chicago, ang Presidente nagkanayon nga ang diwa sa panaghiusa nga nakatabang sa mga  Pilipino nga nalagpasan ang mga hagit sa kasaysayan sa nasud.

"Kini nga mensahe gipadala diin ang diwa sa bayanihan nagpadayon nga gihuptan kanatong tanan, bisan asa kita sa kalibutan. Pinaagi ning maong diwa maoy nakatabang kanato nga malagpasan ang daghan nga mga hagit sa atong kasaysayan," matud pa niya.

Gidugtong pa nya nga susamang diwa motabang sa kagamhanan pagpadayon sa ilang trabaho sa pagbangon sa maayong kahimtang."

Gilakbitan sa Presidente ang PMA of Chicago kinsa sobra sa usa usa ka henerasyon ang mobalik matag-tuig aron pagpalambo sa maayong kahimtang sa mga Pilipino pinaagi sa medical missions.

"Usa kini nga pagpahinumdum kanatong tanan ilabi na panahon sa Martial Law ug panahon pagbiya sa pamilya niini, ang Filipino professionals abroad nagpabilin nga magmatinud-anon pagpa-abante sa atong katawhan ug nasud," matud pa sa Presidente.

Apan iyang gipahayag nga ang pagduaw niining tuiga  sa nasangpit nga kapunungan ang haum sanglit ang nasud miabiba sa tanang mga tabang iyang madawat aron matabangan ang mga kumonidad nga apektado sa Yolanda.

"Taliwala sa atong nasud nga mapait kasinatian, adunay panaghiusa, adunay pagpaningkamot, ug adunay kalooy," matud pa niya. (GCC/PCOO/PIA9-Pagadian City) 

Presidente Aquino mipahayag nga ang kagamhanan nag-hire ug professionals alang sa 4,000 nga teaching positions

By Gideon C. Corgue

PAGADIAN CITY, February 4 (PIA) –- Si Presidente Benigno S. Aquino III nagkanayon ning Lunes nga ang Department of Education (DepEd) ang kasamtangan nga nanginahanglan ug professionals alang sa 4,000 nga teaching positions aron nga masulbad ang mga backlogs sa mga magtutudlo sa pampublikong tulunghaan.

Sa iyang pakigpulong atol sa ceremonial turn-over sa 66,813 nga mga lawak-klaseahanan sa Carmona National High School sa Carmova, Cavite, ang Hepe Ehekutibo nagkanayon nga ang DepEd mopuno sa 103,000 nga bag-o nga teaching positions  nga gitukod ilawom sa iyang administrasyon.

"Gikan sa 2010 hangtud sa 2013, nagpuno kita sa dul-an sa 103 ka libo nga posisyon alang sa mga magtutudlo. May kulang nga upat ka libong position nga gikinahanglan," matud pa sa President.

"Kanhi kita ang nag-e-export sa magtutudlo karon nangita kita ug mga magtutudlo—upat ka libo, mga specialized kini, basin aduna kamo mga kaila nga nangita ug trabaho, kulang kita ug upat ka libo," matud pa niya.

Ang  DepEd nagpadali sa recruitment ug hiring process  aron nga mapuno ang positions.

Ang kagamhanan sa katapusan nakab-ot niini ang  zero backlog sa mga lawak-klaseahan diha pagtukod sa  66,813 nga mga lawas klaseshanan, matud pa sa Presidente.

"Gikan pa saw ala nato mahuman ang atong misyon, ug adunay pa kitay mga pagsulay nga atong maagian. Daghan ang mga naguba nga eskwelahan sa nakalabay nga kalamidad ug kada tuig adunay madugang nga mga tinun-an," matud pa niya.

"Taman sa atong makab-ot, atong iseguro nga matubag ang mga panginahanglan sa sektor sa edukasyon ug seguruhon nga apil na ang mga kulang sa sunod nga mga tuig tungod sa K to 12 program nga atong mapangandamam, mahuman ug dili masunod sa mosunod nga administrasyon," matud pa niya  . (GCC/PCOO/PIA9-Pagadian City) 

Bisan pa sa nahitabong gubat uban sa BIFF, ang kagamhanan subli nagpadayag sa iyang kamatinud-anon sa kalinaw sa Mindanao

By Gideon C. Corgue

PAGADIAN CITY, February 3 (PIA) –- Bisan pa sa mga adlaw nga panaggubagat tali sa tropa sa kagamhanan ug Bangsamoro Islamic Freedom Fighters, ang Malakanyang ning Domingo subli nga nagpahibalo sa kamatinud-anon sa administrasyon ni Aquino sa kalinaw sa Southern Philippines.

Si Deputy presidential spokesperson Abigail Valte nagkanayon nga samtang daghan ang nag-antos tungod sa panaggubat, ang kagamhanan buot nga makab-ot ang kalinaw sa Mindanao.

"Gipangandoy sa atong kagamhanan nga makaangkon sa kalinaw sa Mindanao. Adunay mga dapit nga nag-antos tungod ning maong panghitabo. Buot nato nga makaangkon sa kahusay ug kalinaw," matud pa niya sa interview sa Radyo ng Bayan.

Ang BIFF nalambigit sa bag-o nga pagpangatake sa Mindanao. Kini usa ka splinter group sa Moro Islamic Liberation Front kinsa naapil sa peace efforts sa kagamhanan.

Sa nakalabay nga Enero 25, ang kagamahan ug MILF mitimaan sa annex nga mohatag agianan alang sa komprehensibo nga kasabutan sa kalinaw.

Samtang si Valte mipahayag nga ang kagamhanan subli nga miawhag sa mga tigsaway paghatag sa peace efforts lakip na ang mga annexes ug ang nagsingabot nga komprehensibo nga kasabutan sa kalinaw sa kahigayonan nga molampos.

"Atong tan-awon ang mga annexes. Atong tan-awon kung unsaon makahatag ug benepesyo ang kasauban sa kalinaw sa atong mga kaigsoanan sa Mindanao," matud pa niya. (GCC/PCOO/PIA9-Pagadian City)