Aquino mohatag pasidungog sa Legion of Honor sa pagka Chief Commander kang Dellosa

By Gideon C. Corgue

PAGADIAN CITY, January 17 (PIA) –- Si Presidente Benigno S. Aquino III ang mohatag pasidungog sa Presidential Legion of Honor nga adunay susama nga ranggo sa pagka Chief Commander ug laing pasidungog sa pagka outgoing Chief of Staff sa Armed Forces of the Philippines (AFP) nga si  General Jessie D. Dellosa sa seremonya nga pagahimoon sa AFP General Headquarters sa Camp General Emilio Aguinaldo, dakbayan sa Quezon karong adlawa, Huwebes.

Ang conferment rites dungan sa retirement ug turnover of command ni Dellosa sa AFP ngadto sa iyang sumusunod nga si Lieutenant General Emmanuel T. Bautista.

Sa iyang paghidangat, ang Hepe Ehekutibo ang pagahatagan sa full military honors uban ang 21 gun salute.

Atol sa conferment ceremonies, ang Presidente pagaabagan nila ni Defense Secretary Voltaire T. Gazmin ug Mary Rose, asawa ni Dellosa. Human sa pagpaila sa pasidungog kang Dellosa, ang change of command ceremony ang musunod gilayon.

Ang Presidente mohatag sa iyang keynote speech sa gibanabana nga 600 ka mga guests nga langkuban sa mga kanhi Presidente, miyembro sa Diplomatic Corps, Cabinet Secretaries, mga Senador, mga kongresista, Supreme Court Justices, Foreign Armed Forces Attaches, kanhi mga kalihim sa Department of National Defense, kanhi mga Chief of Staff sa AFP, mga opsiyal sa Philippine Army, Philippine Navy, Philippine Air Force, Philippine National Police, Quezon City local government officials, veterans, ug mga miyembro sa AFP Affiliated Organizations ug Philippine Military Academy Class of 1979.

Si Dellosa nagsilbi isip ika-43 nga Chief of Staff sa AFP human pagreitro ni General Eduardo Oban, Jr. niadtong Desyembre 13, 2011. Si Dellosa, usa ka kanhi aide-de-camp sa mitaliwan nga Presidente Corazon Aquino, usa ka miyembro sa Philippine Military Academy “Matapat” Class of 1979.

Sa wala pa matudlo, siya ang commander sa Northern Luzon Command. Usa ka decorated Army Scout Ranger officer, siya usab ang nakadawat sa Distinguished Service Star, two Wounded Personnel Medals, two Gold Cross Medals, 39 Military Merit Medals, six Bronze Cross Medals, Long Service Medal, Marksmanship Badge Expert, ug Outstanding Achievement Medal.

Natawo sa Bacon, Sorsogon sa 1957, si Dellosa naminyo ngadto kang Mary Rose Fernandez diin siya adunay tulo ka mga anak. (GCC/PCOO/PIA9-Pagadian City)