By Gideon C. Corgue
“Kita ang magpadayon paglihok alang sa malampuson nga pagtaral ni Amalilio ug mga kauban. Alang sa inyong kasayuran pipila ka mga hugna sa reklamo kon mga kaso ang gipasaka sa korte tungod kay adunay nakita na daan nga probable cause sa panel sa mga prosecutors,” si Justice Secretary Leila de Lima nagkanayon sa press conference sa Malakanyang ning Huwebes.
Ang mga tigbalita sa palasyo nangutana kang De Lima kung aduna bay kaseguruhan nga ang kaso ni Amalilio dili mabutang backburner ilabi na ang nagpadayon nga nahitabo sa Sabah nga maka-apektar sa iyang pagbalik sa Pilipinas aron tubagon ang mga kaso nga gipasaka dinhi.
Aron pagseguro sa mga biktima si De Lima nagkanayon nga adunay mga arrest warrants nga gipakanaog sa nagkadaiyang korte sa dakbayan sa Cagayan de Oro ug Pagadian. Ang Department of Justice nagpaabot usab sa korte sa ligan City nga mopakanaog ug susama nga warrants batok ni Amalilio ug ang iyang mga co-conspirators sa Aman Futures.
“Adunay ubay-ubay ka mga reklamo nga gipasaka ug ubay-ubay usab ang gipailawom sa preliminary investigation ug ang pipila niini anaa sa korte ug aduna na usab mga warrants of arrest. Kita ang padayon nga maglihok alang sa malampuson nga pagtaral ni Amalilio ug mga kauban,” matud pa niya.
Sa kasamtangan, ang the DOJ ang nagtrabaho kung unsaon pagpabalik sa Amalilio, matud pa ni De Lima. Si Amalilio kasamtangan nga nagsilbi sa duha ka tuig nga pagkabilanggo sa prisohan sa Malaysia tungod paggamit sa peke nga Philippine passport.
Ang mga justice officials sa Pilipinas nagtuki uban sa ilang Malaysian counterparts sa mga pamaagi pagdala kang Amalilio sa Pilipinas bisan sa dili pa moabot ang iyang duha ka tuig nga sentensya sa pagkabilanggo sa Malaysia, ang justice official nagkanayon. (GCC/PCOO /PIA9-Pagadian City)
