Malamboong ekonomiya sa Pilipinas nakadani sa mga negosyante sa Japan

By Alma L. Tingcang

MANILA, January 11 - - Interesado ang nasod sa Japan nga mobubo ug pondo sa Pilipinas tungod sa nagkalig-on nga ekonomikanhong kalikopan, kini sumala pa sa usa kaa opisyal sa Department of Foreign Affairs.

Sa usa ka media briefing didto sa Malacanang, si DFA Secretary Albert del Rosario miingon nga adunay panaghisgot sa oportunidad sa negosyo tali sa Japan ug sa atong nasod tungod sa nagmalamboong ekonomiya ug positibong macro-economic results nga natala sa Pilipinas.

Si Japanese Prime Minister Fumio Kishida nakigtagbo kang Presidente Benigno C. Aquino III human sa iyang courtesy call ngadto sa presidente kagahapong adlawa, Huwebes didto sa Malacanang Ramos Room.

“Usa ka bag-ong Pilipinas ang gipresentar ug ang mga Hapones interesado kayo nga dugangan ang ilang pamuhunan sa Pilipinas, usa niini mao ang mga small and medium enterprises (SMEs),” si Del Rosario nagkanayon, kinsa kauban sa presidente sa pakigtagbo kang Kishida.

Ang kagamhanan sa Japan motabang usab pagtukod sa LRT-1 South nga modugtong sa Cavite ug LRT-2 East padulong sa Antipolo, matod ni Del Rosario. Ang mga Hapon usab ang nagtukod sa Bohol airport, dugang pa.

Nagpabilin usab ang ilang commitment alang sa dugang kalamboan sa Mindanao labi na gayud tapos napirmamahan ang Framework Agreement sa nakalabay nga tuig, dugtong ni Del Rosario.

“Ang nasod sa Japan maoy bugtong nasod nga miapil sa International Monitoring Team (IMT) ug sa International Contact Group (ICG),” matod pa ni Del Rosario.

Matod pa nga si Kishida mi-imbitar kang Presidente Aquino nga motambong sa ika-40 nga Commemorative ASEAN Summit sa Japan ning tuiga.

Isip balos, ang presidente mitunol usab sa iyang personal nga imbitasyon pinaagi ni Kishida, ngadto kang Prime Minister Shinzo Abe  alang sa usa ka state visit dinhi  sa Pilipinas. (ALT/PCOO/PIA9-Zambo Sur)   

Japan nanginahanglan ug dugang mga Filipino nurses ug caregivers

By Gideon C. Corgue

PAGADIAN CITY, January 10 (PIA) –- Si  Japanese Foreign Minister Fumio Kishida ning Huwebes mipahibalo nga ang Japan modawat ug dugang mga Filipino nurses ug caregivers isip kabahin sa Manila ug Tokyo nga paningkamot pagpalapnag sa bilateral economic cooperation.

“Kita ang nagkauyon nga pagpaabante sa kooperasyon pagdawat sa Filipino nurses ug caregivers sa Japan,” si Fishida nagkanayon sa iyang pamahayag sa Department of Foreign Affairs (DFA) human sa iyang bilateral meeting uban sa iyang counterpart sa Pilipinas nga si Albert del Rosario.

Si Fishida ang wala mihatag sa dugang mga detalye apan ang tigpamaba sa Foreign Affairs nga si Raul Hernandez sa nilahi nga interview, nagkanayon nga ang bag-o nga inisyatibo gilauman nga pagpadali sa trabaho sa mga nurses ug caregivers sa Japan.”

“Ang mga detlaye niini ang pagatukion pa,” si Hernandez nagkanayon sa mga tigblaita.

Dihang ang Pilipinas nagsugod pagpadala sa health workers sa Japan sa tuig 2009 ilawom sa sa Japan-Philippine Economic Partnership Agreement, 15 ka mga nurses ug usa nga caregiver ang nakapasar sa higpit nga Japanese licensure exams gikan sa 237 ka mga Filipino nurses ug 396 nga caregivers kinsa nagpailawom sa pagbansaybansay sa Japan.

Ang Japan misaad nga mohimo ug mga lakang pagpalambo sa employment scheme alang sa foreign health workers aron pagdani sa dugang mga Filipinos pagpangita ug kahigayonan sa panarbaho sa Japan.

Ang kagamhanan sa Japan nagkanayon nga  kini ang naghisgot sa mga kalamboan sa licensure exams pinaagi sa paghiusa sa English medical terms ug mogamit sa yano nga Japanese words aron paghimo nga mapasaran sa mga langyaw nga mga aplikante. Ang Japan miusab sa unod sa pasulit sa nakalabay nga 2010.

Ang mga dili makapasar sa licensure tests sa Japan ang makahimo pagkuha sa pasulit pag-usab sulod sa gikalatid nga panahon sa pagpuyo sa Japan.

Kung human sa makadaghan nga pagsulay ug sila ang mahagbong pag-usab sa apsulit  sila ang mobalik sa Pilipinas ug mo-aplly pag-usab alang sa pagbansaybansay hangtud nga sila ang mamahimo nga kwalipikado ug licensed health workers sa Japan. (GCC/PNA/PIA9-Pagadian City)